تيانشان تورى
تيانشان تورى   ›   ۇيرەنۋ   ›   شولۋ

پارتيانىڭ ساياسي قۇرىلىسىن كۇشەيتۋ سىندى ايقىن ەرەكشەلىك پەن ساياسي ابزالدىلىقتى تەرەڭ ۇعىنايىق

  پارتيانىڭ ساياسي قۇرىلىسىن كۇشەيتۋ سىندى ايقىن ەرەكشەلىك پەن ساياسي ابزالدىلىقتى تەرەڭ ۇعىنايىق

  − پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  تۋى ايقىن تۇردە ساياسيدى دارىپتەۋ، پارتيانىڭ ىنتىماعى مەن ورتالىقتانعان ءبىر تۇتاستىعىنا كەپىلدىك ەتۋ − پارتيانىڭ جانى، سونداي - اق پارتيامىزدىڭ عاسىرلىق ءىرى پارتياعا اينالۋىنىڭ، عاسىرلىق ۇلى ءىستى جاراتۋىنىڭ شەشۋشى تياناعى. پارتيا 19 - كەزەكتى ورتالىق كوميتەتى التىنشى جالپى ءماجىلىسى پارتيانىڭ ىنتىماعى مەن ورتالىقتانعان ءبىر تۇتاستىعىن ونان ارى كۇشەيتۋدى كوزدە ۇستاپ، بۇكىل پارتيانىڭ بىركەلكى قاداممەن العا باسۋىنا شىنايى كەپىلدىك ەتىپ، پارتيانىڭ پارتيانىڭ ىنتىماعىن ۇزدىكسىز قورعاۋىنىڭ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن ۇزدىكسىز قورعاۋىنىڭ 100 جىلدىق بارىسىن ىشكەرىلەي زەرتتەپ، پارتيانىڭ 100 جىلدىق كۇرەسىنىڭ ءداۋىردىڭ الدىڭعى لەگىندە جۇرگەن جۇڭگو كوممۋنيستىك پارتياسىن شىڭداعاندىعىن اتاپ كورسەتىپ، ءبىزدىڭ دۇنيە جۇزىندەگى ەڭ ءىرى ساياسي پارتيامىز بەن جان سانى ەڭ كوپ مەملەكەتىمىزدى ويداعىداي باسقارۋدا، ءسوز جوق، پارتيانىڭ جالپى بەتتىك باسشىلىعىنا، وتە - موتە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، دەموكراتيالىق ورتالىقتاندىرۋ تۇزىمىنە تاباندى بولىپ، پارتيانىڭ باستان - اياق جالپى جاعدايدى تۇتاس مەڭگەرۋىنە، ءارقايسى جاقتاردى سايكەستىرۋىنە شىنايى كەپىلدىك ەتۋ كەرەكتىگىن باسا دارىپتەدى.

  پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى، ول پارتيا قۇرىلىسىنىڭ بەتالىسى مەن ونىمدىلىگىن بەلگىلەيدى. پارتيا ساياسي قۇرىلىسىنىڭ ماڭداي الدى مىندەتى − بۇكىل پارتيانىڭ ورتالىق كوميتەتكە بويسۇنۋىنا كەپىلدىك ەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ − كەمەلىنە كەلگەن ماركسيزمدىك بيلىك باسىنداعى پارتيانىڭ كەلەلى پارتيا قۇرۋ پرينسيبى. پارتيانىڭ تاريحي تاجىريبەسى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا ويداعىداي تاباندى بولعاندا، پارتيا ىستەرى كوركەيىپ، داميتىندىعىن؛ كەرىسىنشە بولسا، پارتيا ىستەرى ساتسىزدىككە ۇشىرايتىندىعىن كورسەتتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ساياسي قۇرىلىسىن ماڭداي الدى ورىنعا قويىپ، پارتيانىڭ ساياسي قۇرىلىسىن بار كۇشپەن ىلگەرىلەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارمەندى كەپىلدىككە يە بولدى، پارتيانىڭ باسشىلىق ءتۇزىمى جۇيەسى ۇزدىكسىز كەمەلدەندى، پارتيانىڭ باسشىلىق ءتاسىلى اناعۇرلىم عىلميلانا ءتۇستى، بۇكىل پارتيا يدەيادا اناعۇرلىم بىرلىككە كەلىپ، ساياسيدا اناعۇرلىم ىنتىماقتاسىپ، ارەكەتتە اناعۇرلىم بىركەلكى بولىپ، پارتيانىڭ ساياسي باسشىلىق قۋاتى، يدەيالىق جەتەكشىلىك قۋاتى، بۇقارانى ۇيىمداستىرۋ قۋاتى، قوعامدىق ۇندەۋ قۋاتى كورنەكتى كۇشەيدى. پارتيا مەن مەملەكەت ىستەرىندە تاريحي سيپاتتى تابىسقا قول جەتۋى، تاريحي وزگەرىستىڭ تۋىلۋى، سايىپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى.

     پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدا پارمەندى دە قۋاتتى باسشىلىق ۇيتقىسىنىڭ بولۋى بارىنەن دە ماڭىزدى، بارىنەن دە كەلەلى. تاريح پەن رەالدىق بۇكىل پارتيادا ۇيتقى بولعاندا عانا پارتيا ورتالىق كوميتەتىندە بەدەل، پارتيادا كۇش - قۋات بولاتىندىعىن تولىق كورسەتتى. جاڭا داۋىردە جۇڭگوشا سوتسياليزم ىستەرىنىڭ ەكپىندەي ىلگەرىلەۋىندە، باس شۋجي شي جينپيڭ ماركسيزمدىك ساياساتكەردىڭ ايبىندى جىگەرىمەن، كورەگەندىگىمەن، كەمەڭگەرلىگىمەن تار جول، تايعاق كەشۋدە قۇرىشتاي بەرىك بولىپ، حاۋىپ - قاتەر، سىن - سايىستاردا ءجون سىلتەپ، ءىرى پارتيا، ءىرى ەل كوسەمىنىڭ ساياسي اقىل - پاراساتىن، ستراتەگيالىق تاباندىلىعىن، بورىش جاۋاپكەرشىلىگىن، حالىققا دەگەن ىنتا - ىقىلاسىن، باسشىلىق ونەرىن تولىق ايگىلەپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىنايى قۇرمەتىنە جانە ايرىقشا سەنىمىنە يە بولدى. پارتيا 18 - قۇرىلتايىنان بەرى شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، تۇتاس پارتياداعى ۇيتقىلىق ورنى تۇراقتاندىرىلعاندىقتان دا پارتيانىڭ بەت - بەينەسىندە، مەملەكەتتىڭ بەت - بەينەسىندە، حالىقتىڭ بەت - بەينەسىندە، ارميانىڭ بەت - بەينەسىندە، جۇڭحۋا ۇلتىنىڭ بەت - بەينەسىندە بۇرىن بولىپ كورمەگەن وزگەرىستەر تۋىلدى. شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرۋ − ءداۋىردىڭ ۇندەۋى، تاريحتىڭ تاڭداۋى، حالىقتىڭ تىلەگى. شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن باتىل قورعاعاندا عانا بۇكىل پارتيادا تارازى نۇكتەسى بولادى، بۇكىل ەل حالقىندا سۇيەنىش بولادى، جۇڭحۋانىڭ ”فۋشيڭ“ اتتى الىپ كەمەسىندە رول ۇستاۋشى بولادى. جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىندا» تەرەڭ اتاپ كورسەتىلگەندەي: ”پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋ جونىنەن شەشۋشى ماڭىزعا يە“. اماليات مىنانى تولىق دالەلدەدى: شي جينپيڭ جولداس پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە، جول باستاپ، رول ۇستاعاندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندا، بۇكىل پارتيا، بۇكىل ارميا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، مويىماس قايسارلىقپەن كۇرەس جۇرگىزگەندە، العا باسۋ جولىندا جارىققا شىققان ءتۇرلى جاپا - ماشاقات، قيىنشىلىق، حاۋىپ - قاتەر، كەدەرگىلەردى، ءسوز جوق، جەڭە الامىز، جاڭا داۋىردە جۇڭگوشا سوتسياليزمدى، ءسوز جوق، ءتىپتى دە پارمەندى العا باستىرا الامىز.

  قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، پارتيامىز حالىقتى باستاپ كوپتەگەن تىڭ تاريحي ەرەكشەلىككە يە ۇلى كۇرەستى جۇرگىزۋدە. نىساناعا نەعۇرلىم جاقىنداعان سايىن، جاعداي نەعۇرلىم كۇردەلىلەنگەن سايىن، مىندەت نەعۇرلىم اۋىرلاعان سايىن، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ باعداردى تۇراقتاندىرىپ، جاعدايدى ورنىقتىرۋ رولىن سولعۇرلىم ساۋلەلەندىرۋىمىز كەرەك. تەك بۇكىل پارتيادا وسكەلەڭ ساياسي سانالىلىقتى قاۋلاتىپ، ”ەكىنى قورعاۋدى“ باتىلدىقپەن ورىنداپ، ءبىر تۇتاس ەرىك - جىگەرمەن، ءبىر تۇتاس ارەكەتپەن، بىركەلكى قاداممەن العا باسۋعا شىنايى كەپىلدىك ەتكەندە عانا پارتيامىز جاڭا بەينەمەن، جاڭا ىسكەرلىكپەن ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس جوسپارلاپ ىلگەرىلەتە الادى. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدە، دايەكتىلەندىرۋدە، ءسوز جوق، وسى ماركسيزمدىك ساياسي پارتيانىڭ پارتيانىڭ ساياسي قۇرىلىسىن كۇشەيتۋ سىندى ايقىن ەرەكشەلىگى مەن ساياسي ابزالدىلىعىن تەرەڭ ۇعىنىپ، بۇلجىماستان پارتيا ورتالىق كوميتەتىنە قاراپ قاتار تۇزەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ، شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ ەستە بەرىك ساقتاپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ساياسيدى دارىپتەۋ ناقتى ءىس، ”ەكىنى قورعاۋ“ پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ ارەكەتىندە ايگىلەنۋى، مىندەت اتقارىپ، بورىشتى ادا ەتۋدىڭ، ءوز قىزمەتىن ويداعىداي ىستەۋدىڭ ناقتى ناتيجەسىندە ايگىلەنۋى، پارتيا مۇشەلەرىنىڭ، كادرلاردىڭ كۇندەلىكتى ءسوز - ارەكەتىندە ايگىلەنۋى كەرەك. قالىڭ پارتيا مۇشەلەرى، كادرلار ساياسيدى دارىپتەۋ تالابىن ىشكى سانالىلىققا، ىشكى ىرىقتىلىققا اينالدىرىپ، ۇنەمى پارتيا ورتالىق كوميتەتى رۋحىنىڭ ولشەمىنە، ۇلگىسىنە تۋرالانىپ، پارتيا ورتالىق كوميتەتى دارىپتەگەن باتىل ۇندەۋىنە شىنايى ءۇن قوسىپ، پارتيا ورتالىق كوميتەتى ۇيعارعان ىستەردى باتىل اتقارىپ، پارتيا ورتالىق كوميتەتى تيىم سالعان ىستەردى استە ىستەمەي، بۇكىل پارتيانىڭ جوعارىدان تومەنگە دەيىن جۇدىرىقتاي جۇمىلۋىنا، ءبىر نيەت، ءبىر تىلەكتە بولۋىنا، تىزە قوسا ورتاق كۇش شىعارۋىنا شىنايى كەپىلدىك ەتۋ كەرەك.

  وتكەن 100 جىلدا پارتيا حالىققا، تاريحقا ۇزدىك جاۋاپ بەردى. قازىر پارتيا جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋ جاڭا ەمتيحانىن تاپسىرۋ جولىنا تاعى دا قادام تاستادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مۇرات - سەنىمدى بەكەمدەپ، اۋەلگى ماقساتتى، بورىشتى ەستە بەرىك ساقتاپ، ءبىر نيەتپەن كۇش قوسىپ، قامال الىپ، قيىندىقتاردى جەڭىپ، ەرلىكپەن العا تارتىپ، العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، ءجۇز شاقىرىم جولدىڭ توقسان شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتەيىك!

  (شينحۋا اگەنتتىگىنىڭ 11 - ايدىڭ 16 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.