اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ كەڭەيتىلگەن ءماجىلىسى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزدى، ۇيرەندى
جاڭا جورىققا قادام تاستاپ، جاڭا داۋىردە ۇلەس قوسۋعا ورتاق تانىم، كۇش - قۋات ۇيىستىرايىق
انار بۇلت / شينجياڭ گازەتىنىڭ ءتىلشىسى جاڭ يۇنمەي 11 - ايدىڭ 17 - كۇنى ۇرىمجىدەن حابارلايدى. 11 - ايدىڭ 15 - كۇنى اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ كەڭەيتىلگەن ءماجىلىسى اشىلدى، ءماجىلىس پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزىپ، ۇيرەنىپ، ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى. اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ءماجىلىستى باسقاردى ءارى ءسوز سويلەدى.
ماجىلىستە مىنالار اتاپ كورسەتىلدى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلاعان، ءبىر رەتكى بەلەستىك مانگە يە ماڭىزدى ءماجىلىس بولدى. جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» شۇعىلالى ماركسيزمدىك تۇعىرنامالىق حۇجات، ءسوز جوق، بۇكىل پارتيانىڭ ونان ارى يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا دا ۇلى جەڭىسىنە جەتۋىن ىلگەرىلەتەدى. ساياسي دەڭگەيدى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيا مەن ارەكەتتى جالپى ءماجىلىس رۋحىمەن، اسىرەسە باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، «قاراردىڭ» ورنالاستىرۋىمەن بىرلىككە كەلتىرىپ، اناعۇرلىم اسقاق بەينەمەن جاڭا جورىققا قادام تاستاپ، جاڭا داۋىردە ۇلەس قوسۋ كەرەك.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتۋگە تاباندى بولىپ، ۇيرەنۋدى، يگەرۋدى تەرەڭدەتىپ، ۇگىتتەۋدى، ۇگىت لەكسيا جاساۋدى كۇشەيتىپ، ساتى - ساتى بويىنشا ءجىتى قاداعالاپ ىلگەرىلەتىپ، بۇكىل رايوننىڭ ساياسي كەڭەس جۇيەسىندە ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن جەدەل كوتەرۋ كەرەك. جالپى ءماجىلىس رۋحىنىڭ باي مازمۇنى مەن وزەكتى ءمانىن جالپى بەتتىك جۇيەلى ۇيرەنىپ، يگەرىپ، شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرۋدىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋدىڭ شەشۋشى ماڭىزىن تەرەڭ يگەرىپ، پارتيانىڭ 100 جىلدىق كۇرەسىنىڭ كەلەلى تابىستارىن، تاريحي ماڭىزىن، تاريحي تاجىريبەلەرىن جانە تاريحتى اينا ەتىپ، بولاشاققا جول اشۋدىڭ ماڭىزدى تالاپتارىن تەرەڭ يگەرىپ، جالپى ءماجىلىس رۋحىن ۇيرەنۋدىڭ، دايەكتىلەندىرۋدىڭ تەرەڭدەۋىن، كوكەيگە ۇيالاۋىن، ناقتىلانۋىن ىلگەرىلەتىپ، شينجياڭنىڭ ورنىقتىلىعىن، دامۋىن ىلگەرىلەتۋدەگى قۇدىرەتتى قوزعاۋشى كۇشكە جانە ءىس جۇزىندىك ارەكەتكە شىنايى اينالدىرۋ كەرەك.
ءماجىلىس مىنالاردى تالاپ ەتتى: مىندەت جاۋاپكەرشىلىگىن اتقارۋ سىندى تاريحي بورىشتى ارقالاپ، جالپى ءماجىلىس رۋحىن ساياسي كەڭەستىڭ مىندەت جاۋاپكەرشىلىگىن اتقارۋ قىزمەتى بارىسىندا قاز - قالپىندا تياناقتاندىرىپ، پارتيانىڭ ساياسي كەڭەس قىزمەتىنە جالپى بەتتىك باسشىلىعىنا تاباندى بولىپ، ساياسي كەڭەستىڭ بىرلىكساپ قىزمەتىندەگى مىندەت جاۋاپكەرشىلىگىن، مىندەتىن دالمە - ءدال يگەرىپ، ”ماڭىزدى شەپ“، ”ماڭىزدى تۇعىر“، ”ماڭىزدى ارنا“ رولىن ويداعىداي ساۋلەلەندىرىپ، پارتيانىڭ دارىپتەمەسىن قوعامدىق ورتاق تانىمعا شەبەرلىكپەن اينالدىرىپ، كۇللى حالىق جۇدىرىقتاي جۇمىلىپ پارتياعا ىلەسەتىن قۇدىرەتتى بىرىككەن كۇش قالىپتاستىرۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ۇكىمەت ىسىنە اقىل - كەڭەس بەرۋ جانە ورتاق تانىم ۇيىستىرۋ سىندى قوس باعىتتا كۇش سالۋدىڭ ساپاسى مەن دەڭگەيىن ۇزدىكسىز جوعارىلاتىپ، پارتيا 20 - قۇرىلتايىنىڭ اشىلۋىن ۇزدىك ناتيجەلەرمەن قارسى الۋ كەرەك.
