جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
«مەملەكەت حاۋىپسىزدىگى ستراتەگياسىن (2021 −2025 - جىل)»، «ارميانىڭ ەڭبەك سىڭىرگەندەردى، داڭق اپەرگەندەردى سيلاۋ ەرەجەسىن» جانە «مەملەكەتتىك عىلىم - تەحنيكالىق كەڭەس بەرۋ كوميتەتىنىڭ 2021 - جىلعى كەڭەس بەرۋ بايانداماسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 11 - ايدىڭ 18 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 11 - ايدىڭ 18 - كۇنى ءماجىلىس اشىپ، «مەملەكەت حاۋىپسىزدىگى ستراتەگياسىن (2021 − 2025 - جىل)»، «ارميانىڭ ەڭبەك سىڭىرگەندەردى، داڭق اپەرگەندەردى سيلاۋ ەرەجەسىن» جانە «مەملەكەتتىك عىلىم - تەحنيكالىق كەڭەس بەرۋ كوميتەتىنىڭ 2021 - جىلعى كەڭەس بەرۋ بايانداماسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: جاڭا جاعدايدا مەملەكەت حاۋىپسىزدىگىن قورعاۋدا، ءسوز جوق، جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتىپ، جاڭا حاۋىپسىزدىك ارناسىن جەدەل ورناتۋ كەرەك. ءسوز جوق، پارتيانىڭ شارتسىز باسشىلىعىنا تاباندى بولىپ، ورتالىقتانعان ءبىر تۇتاس، جوعارى ءونىمدى، قۇزىرلى مەملەكەت حاۋىپسىزدىگى قىزمەت باسشىلىق ءتۇزىلىسىن كەمەلدەندىرىپ، ساياسي حاۋىپسىزدىكتى، حالىقتىڭ حاۋىپسىزدىگىن، مەملەكەتتىڭ مۇددەسىن بارىنەن جوعارى قويۋدىڭ بىرلىگىن جۇزەگە اسىرۋ؛ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋعا تاباندى بولىپ، شەكارا ءوڭىردىڭ، شەكارانىڭ، توڭىرەكتىڭ تىنىش، ءتارتىپتى بولۋىن قورعاۋ؛ حاۋىپسىز دامۋعا تاباندى بولىپ، جوعارى ساپالى دامۋ مەن جوعارى دەڭگەيلى حاۋىپسىزدىكتىڭ اۋقىمدىق تەپە - تەڭدىگىن ىلگەرىلەتۋ؛ جالپى تۇلعالىق شايقاسقا تاباندى بولىپ، ءداستۇرلى حاۋىپسىزدىك پەن ءداستۇرلى ەمەس حاۋىپسىزدىكتى ءبىر تۇتاس جوسپارلاۋ؛ بەيبىت دامۋ جولىمەن جۇرۋگە تاباندى بولىپ، ءوز حاۋىپسىزدىگى مەن ورتاق حاۋىپسىزدىكتىڭ سايكەسۋىن جەبەۋ كەرەك.
ءماجىلىس مىنالاردى باسا دارىپتەدى: ءسوز جوق، ساياسي حاۋىپسىزدىكتى ماڭداي الدى ورىنعا قويۋعا تاباندى بولىپ، ساياسي حاۋىپسىزدىك، ەكونوميكالىق حاۋىپسىزدىك، قوعامدىق حاۋىپسىزدىك، عىلىم - تەحنيكالىق حاۋىپسىزدىك، جاڭاشا سالالارداعى حاۋىپسىزدىك سياقتى ءتۇيىندى سالالارداعى، ءتۇيىندى وڭىرلەردەگى، ءتۇيىندى بەتالىستاعى مەملەكەت حاۋىپسىزدىگى قىزمەتىن ءبىر تۇتاس جوسپارلاپ ويداعىداي ىستەۋ كەرەك. مەملەكەتتىڭ بيلىك حاۋىپسىزدىگىن، ءتۇزىم حاۋىپسىزدىگىن، يدەولوگيا حاۋىپسىزدىگىن باتىل قورعاپ، ءتۇرلى سىنالاپ كىرۋ، اۋدارۋ، ءبۇلدىرۋ ارەكەتتەرىنەن قاتاڭ ساقتانۋ جانە ولارعا باتىل سوققى بەرۋ كەرەك. كاسىپ سالاسىنىڭ سەرپىمدىلىگى مەن سوققىعا توتەپ بەرۋ قابىلەتىن كۇشەيتىپ، جۇيەلىك فينانس حاۋىپ - قاتەرىنەن ساقتانۋدىڭ حاۋىپسىزدىك تومەنگى شەگىن بەرىك ورناتىپ، استىق حاۋىپسىزدىگىنە، ەنەرگيا، كەن ونىمدەرى حاۋىپسىزدىگىنە، ماڭىزدى نەگىزدىك قۇرىلعى حاۋىپسىزدىگىنە شىنايى كەپىلدىك ەتىپ، شەتەلدەردەگى مۇددەنىڭ حاۋىپسىزدىگىن قورعاۋدى كۇشەيتۋ كەرەك. عىلىم - تەحنيكادا ءوز كۇشىنە سۇيەنۋدىڭ، ءوزىن الۋەتتەندىرۋدىڭ مەملەكەت حاۋىپسىزدىگى مەن دامۋ ستراتەگياسىنداعى تىرەكتىك رولىن كۇشەيتۋ كەرەك. قوعامدىق حاۋىپسىزدىكتى، ورنىقتىلىقتى بەلسەندىلىكپەن قورعاپ، قوعامدىق قايشىلىقتان تۋ باستان ساقتانىپ جانە ازايتىپ، اۋىر، ەرەكشە اۋىر ءوندىرىس حاۋىپسىزدىگى وقيعاسىنىڭ تۋىلۋىنان ساقتانىپ جانە ونى تەجەپ، ازىق - تۇلىك، ءدارى - دارمەك سياقتى حالىقتىڭ سالاماتتىعىنا ساياتىن ونىمدەر مەن قىزمەت وتەۋدىڭ حاۋىپسىزدىكتى قامتاماسىز ەتۋ دەڭگەيىن جوعارىلاتۋ كەرەك. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى ۇزدىكسىز جاقسى ىستەپ، بيولوگيالىق حاۋىپسىزدىك، ينتەرنەت حاۋىپسىزدىگى، ساندى مالىمەت حاۋىپسىزدىگى، جاساندى زەردە حاۋىپسىزدىگى سياقتى سالالارداعى جونگە سالۋ قابىلەتىن جەدەل جوعارىلاتۋ كەرەك. تاماشا سىرتقى ورتانى بەلسەندىلىكپەن جاراتىپ، دەربەس، ءوز كۇشىنە سۇيەنۋگە تاباندى بولىپ، مەملەكەتتىڭ وزەكتى مۇددەسى، ۇلتتىڭ ار - نامىسى ماسەلەلەرىندە استە ىرىق بەرمەي، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ؛ ورتاق، جالپىلىق، سەلبەسەتىن، باياندى الەمدىك حاۋىپسىزدىك كوزقاراسىن ورناتىپ، حاۋىپسىزدىك سالاسىنداعى سەلبەستىكتى كۇشەيتىپ، الەمنىڭ ستراتەگيالىق ورنىقتىلىعىن قورعاپ، الەمدىك سيپاتتى سىن - سايىستارعا قول ۇستاسا توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. مەملەكەت حاۋىپسىزدىگى قابىلەتىن جالپى بەتتىك جوعارىلاتىپ، سايكەستى، جوعارى ءونىمدى بولۋعا اناعۇرلىم ءمان بەرۋ، زاڭمەن جونگە سالۋ ويىنا اناعۇرلىم ءمان بەرۋ، عىلىم - تەحنيكالىق قۋات ۇستەۋگە اناعۇرلىم ءمان بەرۋ، نەگىزگى ساتىنىڭ نەگىزىنە اناعۇرلىم ءمان بەرۋ كەرەك. ساياسي قۇرىلىستى ءبىر تۇتاس باسشىلىققا الۋعا تاباندى بولىپ، قۋاتتى مەملەكەت حاۋىپسىزدىگى كادرلار قوسىنىن تۇلعالاۋ كەرەك. مەملەكەت حاۋىپسىزدىگى تانىمى تاربيەسىن كۇشەيتىپ، دامۋ مەن حاۋىپسىزدىكتىڭ تەرەڭدەي توعىسۋىن سانالى تۇردە ىلگەرىلەتۋ كەرەك.
ءماجىلىس مىنالاردى اتاپ كورسەتتى: «ارميانىڭ ەڭبەك سىڭىرگەندەردى، داڭق اپەرگەندەردى سيلاۋ ەرەجەسىن» جاساۋ پارتيانىڭ ارميانىڭ ەڭبەك سىڭىرگەندەردى، داڭق اپەرگەندەردى سيلاۋ قىزمەتىنە باسشىلىعىن كۇشەيتۋ، پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى سيلاۋ ءتۇزىم جۇيەسىن كەمەلدەندىرۋ، اسكەري ىستەر كاسىبىنىڭ باۋراۋ قۋاتى مەن اسكەريلەردىڭ بورىش سەزىمىن، داڭق سەزىمىن كۇشەيتۋ، كوماندير - جاۋىنگەرلەردى ارميامىزدىڭ ەشتەڭەدەن تايسالمايتىن قاھارماندىق جىگەرى مەن قاھارمان دا قايسار شايقاس ستيلىن اسقاقتاتۋعا تاربيەلەۋ، جەتەكتەۋ، بۇكىل ارمياداعى كوماندير - جاۋىنگەرلەردى ارميا قۇرىلعاندىعىنىڭ 100 جىلدىعى كۇرەس نىساناسىن قۇلشىنا جۇزەگە اسىرۋعا ىنتالاندىرۋ جونىنەن كەلەلى ماڭىز الادى.
ءماجىلىس مىنالاردى باسا دارىپتەدى: پارتيانىڭ ارمياعا شارتسىز باسشىلىعى سىندى ءتۇبىرلى پرينسيپكە جانە تۇزىمگە ەش مىزعىماستان تاباندى بولىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، ۇجداندى، قابىلەتتى، جىگەرلى، احىلاقتى جاڭا ءداۋىر توڭكەرىستىك اسكەريلەرىن تاربيەلەۋدى ارقاۋ ەتىپ، سەنىمى قۇرىشتاي بەرىك، نانىمى قۇرىشتاي بەرىك، ءتارتىبى قۇرىشتاي بەرىك، جاۋاپكەرشىلىك ارقالاۋى قۇرىشتاي بەرىك قوسىن سومداپ، شارتسىز ادال، شارتسىز كىرشىكسىز، شارتسىز سەنىمدى بولاتىن يدەيا نەگىزىن بەكەمدەپ، كوماندير - جاۋىنگەرلەردى بۇلجىماستان پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ، جىگەرلەندىرۋ كەرەك. تيپتەردىڭ ۇلگى كورسەتۋىن كۇشەيتىپ، ناتيجەنى باعدار ەتۋگە تاباندى بولىپ، ءمورالدى الدىڭعى ورىنعا قويۋعا ءمان بەرىپ، ولشەمدى قاتاڭ يگەرىپ، كوماندير - جاۋىنگەرلەردىڭ توڭىرەگىندەگى ۇيرەنۋگە، ىستەۋگە تاتيتىن، تالپىنۋعا، قول جەتكىزۋگە تاتيتىن تيپتەردى بايقاۋعا نازار اۋدارىپ، جاڭا داۋىردە ەڭبەك ءسىڭىرىپ، ونەگە ورناتۋ قيمىلىن كەڭىنەن ورىستەتۋ كەرەك. ارميامىزدىڭ ەڭبەك سىڭىرگەندەردى، داڭق اپەرگەندەردى سيلاۋ قىزمەتىنىڭ تاماشا داستۇرىنە مۇراگەرلىك ەتىپ، اسقاقتاتىپ، ەڭبەك سىڭىرگەندەردى، داڭق اپەرگەندەردى سيلاۋ مامىلە جۇيەسىن ءبىر تۇتاس جوبالاۋ كەرەك.
ءماجىلىس مىنالاردى اتاپ كورسەتتى: مەملەكەتتىك عىلىم - تەحنيكالىق كەڭەس بەرۋ كوميتەتى قۇرىلعان 2 جىلدان بەرى مەملەكەتتىڭ عىلىم - تەحنيكا جوباسىن جاساۋ، جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، عىلىم - تەحنيكا دارىندىلارىن جەتىلدىرۋ، كومىر قىشقىل گازىنىڭ شىعارىلۋىن ەڭ جوعارعى ماننەن اسىرماۋعا، كومىر قىشقىل گازىن بەيتاراپتاندىرۋعا عىلىم - تەحنيكالىق تىرەك ازىرلەۋ سياقتى جاقتاردا پارتيا ورتالىق كوميتەتىنە بەلسەندىلىكپەن كەڭەس بەرىپ، ءادىس - امال كورسەتىپ، مەملەكەتتىڭ كەلەلى عىلىم - تەحنيكادا شەشىم جاساۋىنا ماڭىزدى دايەك ازىرلەدى. حالىقاراداعى، ەل ىشىندەگى عىلىم - تەحنيكانىڭ دامۋ اۋقىمىنا دالمە - ءدال تۇجىرىم جاساپ، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الىپ، ەكونوميكانىڭ نەگىزگى شايقاس مايدانىن بەتكە الىپ، مەملەكەتتىڭ ەلەۋلى قاجەتىن بەتكە الىپ، حالىقتىڭ ءومىرىن، سالاماتتىعىن بەتكە الىپ، مەملەكەتتىڭ عىلىم - تەحنيكا ستراتەگياسىنا ىشكەرىلەي زەرتتەۋ جۇرگىزۋ، مەملەكەت جاعدايىنا ۇيلەسەتىن عىلىم - تەحنيكادا جاڭالىق اشۋ جولىن ورناتۋعا ىشكەرىلەي زەرتتەۋ جۇرگىزۋ، عىلىم - تەحنيكا كۇشتەرىن جايعاستىرۋدى جاقسارتۋعا، كەمەلدەندىرۋگە ىشكەرىلەي زەرتتەۋ جۇرگىزۋ، ىندەتتەن ساقتانۋ - تىزگىندەۋ جانە جاسىل، تومەن كومىر قىشقىل گازدى دامۋ سياقتى ەلەۋلى، كوكەي تەستى ماسەلەلەرگە عىلىم - تەحنيكالىق تىرەك ازىرلەۋگە ىشكەرىلەي زەرتتەۋ جۇرگىزۋ كەرەك.
ءماجىلىس باسقا دا ىستەردى اقىلداستى.
