قۇمدى ءشول جيەگىندە كۇرىش اتتى ءبىر قىستاق بار
□ انار بۇلت / شينجياڭ گازەتىنىڭ ءتىلشىسى ءپاريزات ابدۇل، ءرايدا
11 - ايدىڭ 18 - كۇنى حوتان اۋدانى حانايرىق قالاشىعى كۇرىش قىستاعىنداعى مۋزيكا اسپاپتارى ۇيىندە قىستاق تۇرعىندارى ءبىر اراعا باس قوسىپ ءان شىرقاپ، بيگە باستى. □سۋرەتتى انار بۇلت / شينجياڭ گازەتىنىڭ ءتىلشىسى وتكىر نيجات تۇسىرگەن
11 - ايدىڭ 18 - كۇنى ءتىلشى حوتان اۋدانى حانايرىق قالاشىعى كۇرىش قىستاعىنا بارعاندا، 1800 نەشە مۋ جەردەگى شوعىرلانا تۇتاستىرىلعان كۇرىش اتىزى جاڭا تۋعان اي فورماسىندا كەڭ كوسىلىپ، بۇكىل قىستاقتاعى 219 وتباسىنداعى تۇرعىندى ”قۇشاعىنا الىپ جاتقاندىعىن“ كوردى. مۋزيكا اسپاپتارى ءۇيى، رۋ - ي كەستەحاناسى، كۇرىش قىستاعى پالاۋى، قۇمدى ءشول تۇرعىندارى كاۋاپحاناسى... ءتۇرلى ەرەكشەلىككە يە شارۋالار ءۇيى شاعىن اۋلاسى كۇرىش قىستاعىن وزگەشە تۇسكە بولەپ تۇر.
كۇرىش قىستاعىنىڭ كۇرىش ەگۋ تاريحى ۇزاق، بۇل ارادا وندىرىلگەن ءدانى كىشكەنە ءارى تولىق، قىزعىلتىم كۇرىش بازاردىڭ ايرىقشا قارسى الۋىنا يە بولعان. الايدا بۇرىندارى ەگىمشىلىك ءبىرشاما بىتىراندى بولعاندىقتان، ءونىم مولشەرى جوعارى بولماعان.
بۇل كۇندەرى كۇرىش اتىزدارى تۇتاسىپ، ەرەكشە ءشول كۇرىش اتىزى كورىنىسىن قالىپتاستىرعان ءشول جيەگىندەگى كۇرىش قىستاعى تىڭ تىرشىلىك تىنىسىن قاۋلاتتى.
كەشەگى ”قۋاڭ دالا“ بۇگىنگى ”كۇرىشتى القاپقا“ اينالدى
تاكلاماكان ءشولىنىڭ وڭتۇستىك جيەگىنە ورنالاسقان حوتان ايماعى كوبىندە جۇرتشىلىققا قۋاڭ، سۋ تاپشى جەر دەيتىن اسەر قالدىرىپ، بۇل اراداعى جاسىل القاپتان ساپالى كۇرىش وندىرىلەتىندىگى ەشكىمنىڭ ويىنا دا كىرمەگەن.
ابليميت احمەتتوحتىنىڭ بالا كەزىنەن ەسىندە قالۋىنشا، قىستاقتاعى بارلىق وتباسى كۇرىش ەگۋمەن كۇن كورەتىن، كۇرىش پىسقان مەزگىلدە ول دوستارىمەن بىرگە كۇرىش اتىزىنا كەلىپ، اكە - شەشەلەرىنە كومەكتەسىپ كۇرىش ورىساتىن.
كۇرىش قىستاعى تۇرعان حانايرىق قالاشىعى سولتۇستىك 37 گرادۋستىق ەندىككە ورنالاسقان بولىپ، دۇنيە جۇزىندەگى كۇرىش ەگىمشىلىگىنە ەڭ ۇيلەسىمدى ەندىك بولىپ تابىلادى.
”بۇرىنعى كەزدەرى قىستاق تۇرعىندارىنىڭ كۇرىش ەگۋى ءبىرشاما بىتىراندى، باسقارۋ دەڭگەيى تومەن، مۋ باسىندىق ءونىمى تومەن بولاتىن“، - دەدى كۇرىش قىستاعى پارتيا ياچەيكاسىنىڭ شۋجيى جاۋ شياۋفىڭ.
كۇرىش قىستاعىنىڭ وزگەرىسى 2021 - جىلى 1800 مۋدان استام كۇرىش اتىزىن شوعىرلاندىرا تۇتاستىرۋدان باستالدى.
”ءبىز جەردى اينالىمعا بەرىپ، مامان ۇجىمدارىن ۇلگى كورسەتۋگە ۇسىنىس ەتىپ، كۇرىش ءونىم مولشەرىن جوعارىلاتۋ ارقىلى شارۋالاردىڭ كۇرىش ەگۋ بەلسەندىلىگىن ارتتىردىق“، - دەدى جاۋ شياۋفىڭ. بيىل كۇرىش قىستاعى كۇرىشىنىڭ ءوسۋ جاعدايى ءبىرشاما جاقسى بولىپ، مۋ باسىندىق ءونىمى 520 كيلوگرامعا جەتتى.
ابليميت قۇرعان سەلبەستىك كووپەراتيۆى كۇرىش مانەرلەۋمەن، ساتۋمەن شۇعىلدانعانىنا 10 جىل بولدى. بيىل قىستاق ”ەكى كوميتەتىنىڭ“ كومەگىندە ابليميت جاڭادان زاۆود ءۇيىن سالدى. ”ءوندىرۋ، مانەرلەۋ، قوراپتاۋ اۋماعى دەرلىك دەربەس بولدى، سونداي - اق سىناق ەتۋ اۋماعى مەن ءونىمدى كورمەلەۋ اۋماعىن دا قۇردىم، ساۋدا ماركاسىن تىزىمگە الدىردىم، قوراپ جوبالاتتىم“. ابليميت نىق سەنىممەن بىلاي دەپ ءسوزىن ساباقتادى: ”قىستاعىمىز كۇرىشىنىڭ ءتىپتى دە كەڭ بازارعا ويىساتىندىعىنا سەنەمىن“.
كەشە لاس، رەتسىز، ناشار ەدى، ال بۇگىن كوركەم كورىنىسكە ەندى
”بۇرىن بۇل ارانىڭ جولى توپىراق جول بولاتىن، قىستاق تۇرعىندارىنىڭ ەسىگىنىڭ الدىندا وتىندىق اعاش پەن ءشوپ - شالاڭدار رەتسىز ءۇيىلىپ جاتاتىن، مال قوراسى مەن دارەتحاناسى دا رەتسىز سالىنعان...“. كەزىندەگى كۇرىش قىستاعىن تىلگە تيەك ەتكەندە 62 جاستاعى ءماتقۋان يمىنتوحتى باسىن شايقاي جونەلدى.
كۇرىش قىستاعى مەملەكەت تاس جولى 315 - جەلىسىنىڭ سولتۇستىك جاعالاۋىنا ورنالاسقان، حوتان اۋدانى ەكونوميكالىق جاڭا رايونىمەن ىرگەلەس جاتادى، جان - جاعىن قۇمدى ءشول قىمتاعان، تاۋدى، سۋدى، ورماندى، ەگىنجايدى، كولدى، جايلىمدى، ءشولدى جۇيەلى جونگە سالۋداعى ۇلگى كورسەتۋ ءتۇيىنى. بيىل 7 - ايدا حوتان اۋدانى 70 نەشە ميلليون يۋان قارجى قوسىپ، كۇرىش قىستاعىن جاڭالاپ، حوتان اۋدانىنىڭ اتىز - باقشا جالپىلىق تۇلعاسى . عۇرىپ - ادەت، مادەنيەت قىستاعى ەتىپ جاڭالاۋ نىسانىن جاپپاي جوبالاعاندىقتان، اتقارعاندىقتان، كۇرىش قىستاعى ”ءىشىپ - جەۋ، جاتىن ورىن، ساياحات، شاتتىققا شومۋ، ساۋىق - سايران“ ءبىر تۇلعالانعان عۇرىپ - ادەت ەرەكشەلىگىنە يە قىستاق بولىپ، تيپ جاڭالاۋ جولىنا قادام تاستادى.
جاۋ شياۋفىڭ تانىستىرىپ بىلاي دەدى: تۇتاس قىستاقتاعى 219 وتباسىنىڭ تۇرارجايى جاڭالاندى، ءداستۇرلى قۇرىلىس جەلىسىن نەگىز ەتە وتىرىپ، اۋەلدە بار تونار، قۇس كۇركەسى، اۋلا سياقتى شارۋالار ءۇيى ەلەمەنتىن ساقتاپ، اۋەلگى بەينەسىن ەڭ جوعارى شەكتە ساقتاپ قالدىق. كوپشىلىك ءار وتباسىنىڭ ءۇيىن جاڭالاۋ جوباسىن كوللەكتيۆ كەڭەسىپ، ەڭبەككۇشتەردى شوعىرلاندىرىپ، وتباسى، اۋلا سايىن بولمە ءىشىن قاراپايىم اشەكەيلەۋ، اۋلانى قاتتىلاندىرۋ، كورىكتەندىرۋ، دارەتحانا توڭكەرىسى سياقتى اۋلا ءىشىن، ءۇي ءىشىن فۋنكتسيالىق جاڭالاۋدى ىلگەرىلەتتى.
قىستاق تۇرعىنى پاتيما ءماتقاسىمنىڭ ۇيىنە بارساڭىز، قوناق بولمەسىندە، جاتىن ۇيىندە ءتۇرلى كەستەلى بۇيىمدار قويىلىپ، اق ءتۇستى قىش كەرپىش جاپسىرىلعان بەت جۋۋ سۇپىسى مونتازداي تاپ - تازا بولىپ تۇر. پاتيمانىڭ كەستەشىلىك ونەرى ۇستەم بولىپ، كۇرىش قىستاعى جاڭارتىلعاننان كەيىن، ونىڭ ءۇيى بەينە كەستەحانا تۇسىنە ەنىپ، ءار كۇنى ساياحاتشىلاردىڭ اياعى ۇزىلمەيتىن بولدى. ”بۇگىن تۇستەن بۇرىن 3 توپ ساياحاتشىنى جولعا سالدىم“، - دەدى پاتيما.
”ءارقايسى وتباسىنىڭ اۋلا قورعانىنا قاراڭىزشى، بيىكتىگى 1.2 مەتر اينالاسىندا، ۇيدەن شىقپاي - اق كورشىلەر ارا ءوزارا سالەمدەسۋگە بولادى، قارىم - قاتىناسىمىز ءتىپتى دە جاقىنداستى“، بۇگىنگى كۇرىش قىستاعىنا كوز جىبەرگەن ءماتقۋان قىستاققا قاراعان سايىن كوڭىلى تولدى.
كەشەگى ”قاعىلعان قالتا“ بۇگىن قايتا قامپايدى
”ساعات 10نان باستاپ قاربالاستىققا تۇسەمىز، قازىرگە دەيىن ءالى اياقتاعان جوق“، - دەدى سول كۇنى ساعات 20دا لاۋناڭكىڭ حالىقتىق تۇسەلحاناسىنىڭ قوجايىنى ءماتتۇرسۇن الاۋدىننىڭ ايەلى باقىتتى بەينەدە.
ءماتتۇرسۇن كەزىندە حانايرىق قالاشىعىنىڭ قوما قىستاعىنداعى ”حوچىتوۋ اسحاناسىندا“ جۇمىس ىستەگەن بولاتىن، ول كۇرىش قىستاعى جاڭالانعان سوڭ قىستاققا قايتىپ كەلىپ، ءۇيىنىڭ ەسىگىنىڭ الدىنان ءبىر تونار سالىپ، سامسا ساتۋمەن اينالىسادى. ”ساياحاتتىڭ قاۋىرت كەزىندە ءار كۇنى 1200دەن استام سامسا ساتامىن، 3600 يۋاننان استام كىرىس كىرەدى“. ءماتتۇرسۇن: ”قىستاعىمىزعا ساياحاتتاي كەلەتىندەر بارعان سايىن كوبەيىپ كەلەدى، مەن كوجە، تونارعا قاقتاعان ەت، پالاۋ سياقتىلاردى قوسىپ شىعارماقشىمىن، ساۋدامنىڭ بارعان سايىن كۇسەتتەنە تۇسەتىنىنە سەنەمىن“، - دەدى.
جاۋ شياۋفىڭ بىلاي دەپ تانىستىردى: كۇرىش قىستاعى ”ءبىر وتباسىندا ءبىر ارحيۆ، ءبىر جوبا بولۋ، ءبىر ۇيدە ءبىر اۋلا، ءبىر ەرەكشەلىك بولۋ، ءبىر وتباسىندا ءبىر شارا، ءبىر كاسىپ بولۋ“ وي جەلىسىنە ساي، قىستاق تۇرعىندارىنىڭ يگەرگەن ونەرى مەن تىلەگىنە قاراي كاسىپ سالاسىن جوبالاپ دامىتتى.
قىستاق تۇرعىنى اجىگۇلدىڭ ءۇيى قىستاقتىڭ كىرەر اۋزىندا، ەسىگىنىڭ الدى كۇرىش اتىزى. ول ءۇيىنىڭ 2 بولمەسىن حالىقتىق تۇسەلحاناعا، ءبىر بولمەسىن ماگازينگە اينالدىردى. ”قازىر كۇيەۋىم ەكەۋىمىزدىڭ ايلىق كىرىسىمىز 7000 يۋان شاماسىندا“، - دەدى اجىگۇل.
”كۇرىش قىستاعى ’ءبىر تۇتاس شارۋاشىلىق جۇرگىزۋ، تۇرلەر بويىنشا شارۋاشىلىق جۇرگىزۋ، ايگىلى ماركانى نەگىز ەتۋ، شارۋالار ات سالىسۋ، كىرىستەن بىرگە يگىلىكتەنۋ‘ سىندى سەلبەسىپ شارۋاشىلىق جۇرگىزۋ ۇلگىسى بويىنشا ىستەپ، قىستاق تۇرعىندارىنىڭ اۋىل - قىستاقتىڭ گۇلدەنۋ جەتىستىگىنەن بىرگە يگىلىكتەنۋىنە مۇمكىندىك جاسادى“، - دەدى جاۋ شياۋفىڭ.
”پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە بىلاي دەپ العا قويىلدى: بۇكىل پارتيا حالىق بۇقاراسىمەن ەتەنە بايلانىسىن ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ كوپ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاماشا تۇرمىس جولىندا ۇزدىكسىز كۇرەس جۇرگىزۋ كەرەك“. جاۋ شياۋفىڭ: ”الداعى جەردە مەن جالپى ءماجىلىستىڭ رۋحىن ويداعىداي دايەكتىلەندىرىپ، تياناقتاندىرىپ، اۋەلگى ماقساتتان، بورىشتان باستان - اياق بۇلجىماي، بۇقاراعا بار كۇشپەن كومەكتەسىپ، ناقتى ءىستى ويداعىداي ىستەپ، قىستاق تۇرعىندارىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتامىن“، - دەدى.
