تيانشان تورى
تيانشان تورى   ›   جاڭالىقتار   ›   شينجياڭ حابارلارى

ازىق - تۇلىك حاۋىپسىزدىگىن جونگە سالۋدى تاعى دا جاڭا دەڭگەيگە كوتەرۋدى بار كۇشپەن ىلگەرىلەتۋ كەرەك

  اۆتونوميالى رايوندىق ازىق - تۇلىك حاۋىپسىزدىگى كوميتەتىنىڭ 2021 - جىلعى ەكىنشى جالپى جيىنى وتكىزىلدى

  ازىق - تۇلىك حاۋىپسىزدىگىن جونگە سالۋدى تاعى دا جاڭا دەڭگەيگە كوتەرۋدى بار كۇشپەن ىلگەرىلەتۋ كەرەك

  انار بۇلت / شينجياڭ گازەتىنىڭ ءتىلشىسى لي ياڭ 11 - ايدىڭ 18 - كۇنى ۇرىمجىدەن حابارلايدى. 11 - ايدىڭ 18 - كۇنى تۇستەن بۇرىن اۆتونوميالى رايوندىق ازىق - تۇلىك حاۋىپسىزدىگى كوميتەتى 2021 - جىلعى ەكىنشى جالپى جيىنىن اشتى. جيىن پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ازىق - تۇلىك حاۋىپسىزدىگى قىزمەتى جونىندەگى ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، كەلەسى قادامداعى ءتۇيىندى قىزمەتتەردى ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى، اۆتونوميالى رايوندىق ازىق - تۇلىك حاۋىپسىزدىگى كوميتەتىنىڭ مەڭگەرۋشىسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: بيىل جىل باسىنان بەرى بۇكىل رايونداعى ءار دارەجەلى ازىق - تۇلىك حاۋىپسىزدىگى كوميتەتتەرى مەن مۇشە ورىندار ازىق - تۇلىك حاۋىپسىزدىگىن باقىلاۋ - باسقارۋ ءتۇزىلىسىن ۇزدىكسىز كەمەلدەندىرىپ، ءتۇزىم جانە ولشەم جۇيەسىن اقاۋسىزداندىرىپ، بۇكىل رايوندا وڭىرلىك، جۇيەلىك اۋىر ازىق - تۇلىك حاۋىپسىزدىگى شىرعالاڭى تۋىلمادى، ازىق - تۇلىك حاۋىپسىزدىگىنىڭ تومەنگى شەگىن، قىزىل سىزىعىن، جان تامىرىن ساقتاپ، بۇكىل رايوننىڭ ازىق - تۇلىك حاۋىپسىزدىگى دەڭگەيى نىق قاداممەن جوعارىلاپ، جاعدايى ورنىقتى جاقساردى.ءماجىلىس مىنالاردى باسا دارىپتەدى: ازىق - تۇلىك حاۋىپسىزدىگى حالىق بۇقاراسىنىڭ ەڭ تىكە، ەڭ رەال، ەڭ ءتۇبىرلى مۇددەسىنە سايادى، كەلەلى حالىق تۇرمىسى ماسەلەسى، ونان دا ماڭىزدىسى، كەلەلى ساياسي ماسەلە. ساياسي دەڭگەيدى اناعۇرلىم جوعارىلاتىپ، ازىق - تۇلىك حاۋىپسىزدىگى قىزمەتىن ويداعىداي ىستەۋدىڭ جاۋاپكەرشىلىك سەزىمىن، بورىشتىلىق سەزىمىن جانە كوكەي تەستىلىك سەزىمىن كۇشەيتىپ، ءوندىرىس، اينالىم، تۇتىنۋ سىندى ءاربىر وتكەلدى قاتاڭ يگەرىپ، ەگىس اتىزىنان داستارقانعا دەيىنگى جالپى بارىستى باقىلاۋ - باسقارۋدىڭ ءاربىر قورعانىس جەلىسىن بەكەمدەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىن مانىندە كۇشەيتۋ كەرەك.

  ءماجىلىس مىنالاردى اتاپ كورسەتتى: ”تورتتە ەڭ قاتاڭ بولۋ“ تالابىن باتىل تياناقتاندىرىپ، ازىق - تۇلىك حاۋىپسىزدىگى بويىنشا جونگە سالۋدى تاعى دا جاڭا دەڭگەيگە كوتەرۋدى بار كۇشپەن ىلگەرىلەتىپ، حالىق بۇقاراسىنىڭ ”داستارقانداعى حاۋىپسىزدىگىنە“ شىنايى كەپىلدىك ەتۋ كەرەك.

  سۋىق تىزبەكتى ازىق - تۇلىكتەردىڭ قاراستى جەرىن باسقارۋدى جانە تاراۋلاردىڭ باقىلاۋ - باسقارۋ جاۋاپكەرشىلىگىن اناعۇرلىم قاتايتىپ، سۋىق تىزبەكتى ازىق - تۇلىكتەردە ىندەتتەن ساقتانۋ - تىزگىندەۋ شارالارىن ۇزدىكسىز كۇشەيتىپ، باقىلاۋ - باسقارۋ قىزمەتىندە اقتاڭداق قالدىرماۋعا، قالتارىس قالدىرماۋعا شىنايى كەپىلدىك ەتۋ كەرەك. مەكتەپ اۋلاسى، ساياحات كورىنىس وڭىرلەرى، قۇرىلىس ورىندارى، قارتتاردى كۇتىمدەۋ جانە قۇتقارۋ - كومەكتەسۋ قۇرىلىمدارى سياقتى ادام شوعىرلانعان ورىنداردىڭ ازىق - تۇلىك حاۋىپسىزدىگى قىزمەتىن كورنەكتى ورىنعا قويىپ ويداعىداي مىقتى يگەرىپ، باقىلاۋ - باسقارۋ تاسىلىندە جاڭالىق اشىپ، قاتاڭ بولۋدى باستى ورىنعا قويۋدان جازباي، ازىق - تۇلىك حاۋىپسىزدىگى دەلولارىن دەر كەزىندە تەگەۋرىندى تۇردە تەكسەرىپ ءبىر جايلى ەتۋ كەرەك. بيىلعى جىلدىڭ سوڭى مەن كەلەر جىلدىڭ باسىنداعى ازىق - تۇلىك حاۋىپسىزدىگى قامتاماسىزدىعىن كورنەكتى تۇردە ويداعىداي مىقتى يگەرىپ، حاۋىپسىزدىك كومەسكى قاتەرىنەن ساقتانىپ، الاستاپ، ”استىقپەن“، ”كوجە - قاتىقپەن“ قامداۋ ساپاسى مەن حاۋىپسىزدىگىنە شىنايى كەپىلدىك ەتۋ كەرەك. نازاردى ”10 ءىرى كاسىپ سالاسىنىڭ“ىشىندەگى ازىق - تۇلىككە قاتىستى كاسىپ سالالارىنا مىقتاپ شوعىرلاندىرىپ، ۇزدىكتەرگە تۋرالانىپ، قاتاڭ باقىلاپ - باسقارىپ، كولەمنەن جوعارى ءوندىرۋ، ساتۋ كاسىپورىندارىن ساپا حاۋىپسىزدىگىندە ۇلگىلىك رولىن ساۋلەلەندىرۋگە شابىتتاندىرىپ، ساپاسى سەنىمدى، باسەكەلىك قۋاتى كۇشتى شينجياڭنىڭ ءبىر توپ ساپالى ونىمدەرىن جانە ايگىلى ماركالارىن قالىپتاستىرىپ، ازىق - تۇلىك كاسىپ سالاسىنىڭ جوعارى ساپالى دامۋىن ىلگەرىلەتۋ كەرەك. ازىق - تۇلىك حاۋىپسىزدىگى ۇگىتى جەتەكشىلىگىن كۇشەيتىپ، بۇكىل قوعامدى ازىق - تۇلىك حاۋىپسىزدىگى قىزمەتىنە كوڭىل بولۋگە، قولداپ - قۋاتتاۋعا جانە ات سالىسۋعا جۇمىلدىرىپ، تاماشا راي قالىپتاستىرۋ كەرەك. ازىق - تۇلىك حاۋىپسىزدىگىن كەڭەسىپ باعالاۋ، تەكسەرۋ قىزمەتىن تىڭعىلىقتى ورىستەتىپ، تەكسەرۋ، جەتەكشىلىك ەتۋ رولىن تولىق ساۋلەلەندىرىپ، جەتىستىكتەن پايدالانۋدى كۇشەيتىپ، باعىتتامالى تۇردە ولقىلىقتاردى تولىقتاپ، ءالسىز تۇستاردى كۇشەيتىپ، كەلەر جىلعى ازىق - تۇلىك حاۋىپسىزدىگى ءتۇيىندى قىزمەتىن ويداعىداي مىقتى يگەرۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ءماجىلىستى باسقاردى، اۆتونوميالى رايوننىڭ ورىنباسار ءتوراعالارى، اۆتونوميالى رايوندىق ازىق - تۇلىك حاۋىپسىزدىگى كوميتەتىنىڭ ورىنباسار مەڭگەرۋشىلەرى جاروللا يسامدين، شۋە بين قاتارلىلار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.