شينجياڭ ۇيعۇر اۆتونوميالى رايونى ءدامدى تاعام مادەنيەتى جونىندە ارناۋلى اقپار جاريالاۋ ءماجىلىسىن اشتى
تاماشا تۇرمىسىمىزعا تالاس جۇرمەيدى
انار بۇلت / شينجياڭ گازەتىنىڭ ءتىلشىسى فان چيۇڭيان 11 - ايدىڭ 18 - كۇنى ۇرىمجىدەن حابارلايدى. ءبىر مەزگىلدەن بەرى امەريكاداعى، باتىستاعى جۇڭگوعا قارسى كۇشتەر ”شينجياڭ از ۇلتتاردىڭ مادەنيەتىن جويدى“ دەپ جالا جاۋىپ كەلدى. 11 - ايدىڭ 18 - كۇنى شينجياڭ ۇيعۇر اۆتونوميالى رايونى ۇرىمجىدە ءدامدى تاعام مادەنيەتى جونىندە ارناۋلى اقپار جاريالاۋ ءماجىلىسىن اشىپ، مۇنداي جالاعا تويتارىس بەردى.
اقپار جاريالاۋ ماجىلىسىندە شينجياڭدا اس - سۋ كاسىبىمەن اينالىساتىن 8 كاسىپكەر اڭگىمەلەرىن ايتىپ، وزدەرىنىڭ ۇلتتىق ەرەكشەلىكتەگى ءدامدى تاعامدارعا مۇراگەرلىك ەتۋ، ءدامدى تاعام مادەنيەتىندە جاڭالىق اشۋ جاعىنداعى تابىستارىمەن ورتاقتاستى، سونداي - اق بەينە ەكران ارقىلى شينجياڭداعى ءار ۇلتتىڭ وزىندىك ەرەكشەلىكتەگى ءدامدى تاعامدارىن ايگىلەدى.
”شينجياڭنىڭ ءبۇتىن قاقتالعان قوي ەتىن ءتىپتى دە كوپ ادامعا اۋىز تيگىزسەم دەپ ويلايمىن“. تۇرپان قالاسى گاۋچاڭ رايونى جينناڭكىڭ ءبۇتىن قاقتالعان قوي ەتى دۇكەنىنىڭ قوجايىنى ءسۇبينۇر اكرام اكەسىنىڭ ۇيعۇر ۇلتىنىڭ قويدى ءبۇتىن كۇيىندە قاقتاۋ ءداستۇرلى ونەرىنە مۇراگەرلىك ەتتى، ول ينتەرنەتتەن پايدالانىپ ونىمدەرىن بۇكىل ەلدىڭ جەر - جەرىندە ساتتى. ول: شينجياڭ ەرەكشەلىگىندەگى كوپتەگەن ءدامدى تاعامدار بازارلاندىرۋ، ماركالاندىرۋ جولىمەن ساتىلا باستادى، كاسىپتەستەرىمنىڭ ساۋداسى دا بارعان سايىن كولەمدەنىپ كەلەدى، - دەدى.
”قويدىڭ باس - سيراق، ىشەك - قارىن سياقتىلارىنان جاسالعان تاعامدار توتەنشە ءوتىمدى“. باعراش اۋدانىنداعى موڭعۇل ۇلتىنىڭ ءداستۇرلى تاعامدارى اسحاناسىنىڭ باسقارۋشىسى دورجارا بۇكىل شينجياڭنىڭ جەر - جەرىندە وتكىزىلگەن ءدامدى تاعامدار فەستيۆالىنا ۇسىنىس بويىنشا قاتىناسىپ كەلەدى، ول ءار ۇلت كاسىپتەستەرىمەن بىرگە تاعام تۇرلەرىن زەرتتەۋ، اشۋ، دۇكەن شارۋاشىلىعى سياقتى جاقتارداعى تاجىريبەلەر جونىندە كەڭەس قۇرۋدى ايرىقشا قالايدى. دورجارا: ”مەن ءوز ەڭبەگىمە سۇيەنىپ جاقسى تۇرمىس كەشىرىپ وتىرمىن“، - دەدى.
”ساۋدانىڭ وسىنداي جاقسى بولۋى شارۋاشىلىق - ساۋدا ورتاسىنىڭ بارعان سايىن جاقسارۋىمەن قاتىستى“، - دەدى سانجى قالاسىنىڭ ۇساق تاعامدار كوشەسىنەن حۇيزۋ ۇلتىنىڭ ءداستۇرلى تاعامدارى اسحاناسىن اشقان ”جيۋۋان سانحاڭزى“ اسحاناسىنىڭ قوجايىنى ما شۋەساي، ول: ”’مادەنيەتتى جويدى‘ دەگەندى قايدان شىعارىپ وتىر“، - دەدى.
”مەن دايىنداعان كوفەدەن اۋىز تيىڭىزدەر“. ابدىميجيت ابدىرىشيت قاشقار كونە قالاسىن جاڭالاۋدان يگىلىكتەنۋشىلەردىڭ ءبىرى، ول اشقان ۇلتتىق ەرەكشەلىكتەگى كوفەحانا ينتەرنەتتە تانىمالى جەرگە اينالدى.
شينجياڭدا ءار ۇلتتىڭ تاڭداۋلى ءداستۇرلى مادەنيەتى قارىشتاپ دامىدى، ءار ۇلت مادەنيەتى ءبىر - بىرىنەن ءلاززات الىپ، اۋىس - كۇيىس جاساپ، ءوزارا ۇلگى الىپ، جۇڭحۋا مادەنيەتى قۇشاعىندا تولىسىپ، شىت جاڭا ءداۋىر شۇعىلاسىن شاشتى. ءار ۇلتتىڭ اس - سۋ، مەرەكەنى تويلاۋ، توي - تومالاق، ءولىم - ءجىتىم سياقتى جاقتارداعى سالت - ساناسى، عۇرىپ - ادەتى تولىق قامتاماسىز ەتىلدى. ”بىرەۋلەر جالا جاۋىپ، وسەك - اياڭ تاراتقان سايىن، تۇرمىسىمىزدى ونان ارى جاقسى وتكىزۋىمىز كەرەك“. ارشىن قايرات بۋىرشىن اۋدانىنىڭ ويماقى قالاشىعىنان شارۋالار شاتتىعى ساياجايىن اشقان بولاتىن، كەلگەن قوناقتاردىڭ ساياجايدا قازاق ۇلتىنىڭ ءداستۇرلى تاعامى نارىندى سۇيسىنە جەگەنىن كورگەندە تابىسىنا ەرەكشە سۇيىنەدى.
”شىندىققا تالاس جۇرمەيدى“. اقپار جاريالاۋ ءماجىلىسىنىڭ باسقارۋشىسى قايرات بىلاي دەدى: امەريكاداعى، باتىستاعى جۇڭگوعا قارسى كۇشتەردىڭ كورمەسكە سالىنىپ، شينجياڭ «از ۇلت مادەنيەتىن جويدى» دەپ جالا جابۋى شىندىققا، زاڭ قاعيداسىنا، ادامگەرشىلىككە اۋىر دارەجەدە قايشى كەلىپ، ادامزات قوعامىنىڭ وركەنيەت تومەنگى شەگىنە اۋىر دارەجەدە سوقتىققاندىق. كەزەكتە شينجياڭدا ەكونوميكا دامىعان، قوعام ورنىقتى، حالىق تۇرمىسى جاقسارعان، مادەنيەت كوركەيگەن، ۇلتتار ىنتىماقتى، ءدىن جاراسىمدى، بارلىق جەردەن تىنىش، بەرەكەلى، كوركەيىپ - گۇلدەنگەن تاماشا جاعداي جارىققا شىقتى. شينجياڭداعى ءار ۇلت حالقى جۇڭگونىڭ باسقا وڭىرلەرىندەگى حالىقپەن بىرگە تەڭ ورىنعا جانە دامۋ ورايىنا يە، رەفورما، دامۋ جەتىستىكتەرىنەن بىرگە يگىلىكتەنەدى، باقىتتى، تىنىش تىرشىلىكتەن بىرگە يگىلىكتەنەدى، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيۋدە.
