انار بۇلت / شينجياڭ گازەتىنىڭ ءتىلشىسى لي ياڭ 11 - ايدىڭ 19 - كۇنى ۇرىمجىدەن حابارلايدى. 11 - ايدىڭ 18 - كۇنى تۇستەن كەيىن اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 143 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىس اۋىل - قىستاقتى سۋمەن قامداۋدى قامتاماسىز ەتۋدى ويداعىداي ىستەۋ، 5G حابارلاسۋ نەگىزدىك قۇرىلعى قۇرىلىسىن جەدەلدەتۋ، ”14 - بەسجىلدىقتاعى“ ساناق رەفورماسىن، دامۋىن ىلگەرىلەتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: اۋىل - قىستاقتى سۋمەن قامداۋ ينجەنەرياسى حالىق تۇرمىسىن قامتاماسىز ەتەتىن، حالىق قالاۋىنان شىعاتىن، ارتۋدى ورنىقتىراتىن حالىققا تيىمدىلىك جاسايتىن ينجەنەريا، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ماڭىزدى مازمۇنى. حالىقتى وزەك ەتكەن دامۋ يدەياسىنا تاباندى بولىپ، اۋىل - قىستاق اۋىز سۋ حاۋىپسىزدىگىن اۋىل - قىستاقتى سۋمەن قامداۋدى قامتاماسىز ەتۋگە قاراي ويىستىرۋدى نىق قاداممەن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ كەرەك. ماسەلەنى باعدار ەتۋ مەن نىسانانى باعدار ەتۋدىڭ بىرلىگىنە تاباندى بولىپ، ورنىقتى سۋ قاينارىن قۇرۋدى نەگىز ەتىپ، كولەمدەنگەن سۋمەن قامداۋ ينجەنەريالىق قۇرىلىسى مەن شاعىن ينجەنەريالاردى ولشەمدەندىرىپ جاڭالاۋدى جۇرگىزىپ، اۋىل - قىستاقتى سۋمەن قامداۋدى قامتاماسىز ەتۋ قۋاتىن ۇزدىكسىز جوعارىلاتىپ، اۋىل - قىستاق تۇرعىندارىنىڭ دارەتحانا وزگەرتۋ، جۋىنۋ - شايىنۋ، ورتا تازالىعى، مال باعىمشىلىعى سياقتىلارداعى سۋدان پايدالانۋ قاجەتىن ونان ارى ويداعىداي قاناعاتتاندىرۋ كەرەك. قۇرۋ مەن باسقارۋعا بىردەي ءمان بەرۋگە تاباندى بولىپ، سۋ ساپاسىن قامتاماسىز ەتۋ مەن سۋ اقىسىن جيناۋدى كۇشەيتىپ، جۇمىستى باسقارۋ مەن قىزمەت وتەۋ دەڭگەيىن جوعارىلاتىپ، اۋىل - قىستاقتى سۋمەن قامداۋ ساياساتىن ءتۇسىندىرۋ مەن اۋىز سۋ حاۋىپسىزدىگى بىلىمدەرىن ۇگىتتەۋدى كۇشەيتىپ، سۋدان پايدالاناتىنداردىڭ سۋدان حاۋىپسىز پايدالانۋ، سۋدى ۇنەمدەپ پايدالانۋ جانە سۋدان اقىلى پايدالانۋ تانىمىن جوعارىلاتۋ كەرەك.
ءماجىلىس مىنالاردى اتاپ كورسەتتى: حاۋىپسىزدىكتى الدىمەن ويلاسۋعا، دامۋدى نەگىز ەتۋگە تاباندى بولۋ، ۇكىمەت جەتەكشىلىك ەتۋ، بازار باستاماشى بولۋ، الەۋمەتتىك قىزمەت وتەۋ، سايكەستى دامۋ، جوبانى ءبىر تۇتاس جوسپارلاۋ، لايىقتى الدىعا ءوتۋ، بايلىقتان ورتاق پايدالانۋ، قۇرىلىستى ساپالىلاندىرىپ، 5G حابارلاسۋ تورىمەن قامتۋ كولەمىن جاپپاي جوعارىلاتۋ كەرەك. 5Gدان پايدالانۋ جاعدايى مەن پايدالانۋ سالاسىن كەڭەيتۋ ارقىلى سيفرلى ەكونوميكانىڭ جاڭا كۇيىن بەلسەنە جەتىلدىرۋ كەرەك. 5G ماكرو ستانسياسى قۇرىلىسىن جەدەلدەتىپ، 5G ميكرو ستانسياسى بايلىق قورىن ويداعىداي دايىنداپ، 5Gدىڭ بولمەدە ورنالاسۋ جۇيەسى قۇرىلىسىن ءبىر تۇتاس جوسپارلاپ، 5G ءتۇيىندى اسپاپ ءۇيى قۇرىلىسىن كۇشەيتىپ، جەتكىزۋ قۇبىر تورى قۋاتىن جوعارىلاتىپ، ەلەكتر سايكەستى قامتاماسىزدىعىن كۇشەيتىپ، الەۋمەتتىك بايلىقتان، قوعامدىق مۇنارا (باعانا) بايلىعىنان بىرگە پايدالانۋدى ىلگەرىلەتىپ، حابارلاسۋ نەگىزدىك قۇرىلعىلارىن شوعىرلاندىرىپ قۇرۋ مەن دامىتۋدى ءبىر تۇتاس جوسپارلاپ ىلگەرىلەتۋ كەرەك.
ءماجىلىس مىنالاردى باسا دارىپتەدى: ”14 - بەسجىلدىق“ مەزگىلىندە مەملەكەت ساناعىن وسىزامانداندىرۋ رەفورماسى، دامۋ اياق الىسىمەن تىعىز ۇشتاستىرا وتىرىپ تۇتىنۋ، قارجى قوسۋ، قىزمەت وتەۋ كاسىبى، اۋىل شارۋاشىلىعى، اۋىل - قىستاق، ەنەرگيا، قوعام، عىلىم - تەحنيكا سياقتى سالالاردا ساناق ءتۇزىمى، ءادىسى رەفورماسىن تىڭعىلىقتى ىلگەرىلەتۋ؛ اۆتونوميالى رايوندىق پارتكومنىڭ ءتۇيىندى قىزمەتتەرىن تىعىز ارقاۋ ەتىپ، ساناق تەكسەرۋ سالاسىن ۇزدىكسىز كەڭەيتىپ، ساناق تەكسەرۋ مازمۇنىن بايىتىپ، سالالاردى جان - جاقتى قامتىعان، ولشەمى بىرلىككە كەلگەن، كەمەلدى، كورسەتكىشى اقاۋسىز، ارناعا تۇسكەن، ءادىسى، جوباسى عىلمي ساناق تەكسەرۋ جۇيەسىن جەدەل ورناتۋ؛ جوعارى دەڭگەيلى دارىندىلار مەن كاسىپتىك تەحنيكالىق دارىندىلار قوسىنى قۇرىلىسىن كۇشەيتىپ، ساناق قوسىنىنىڭ ساپاسىن، قابىلەتىن جوعارىلاتۋ؛ ساناق ساندى مالىمەت ساپاسىن باسقارۋدى كۇشەيتىپ، شينجياڭ ساناق نەگىزدىك ساندى مالىمەت قويماسى قۇرىلىسىن ىلگەرىلەتىپ، ساناقتىڭ اشىق، جاريا بولۋىن جەبەپ، جۇرتتىڭ الۋان ءتۇرلى ساناق ينفورماتسياسى قاجەتىن ونان ارى ويداعىداي قاناعاتتاندىرۋ؛ ەكونوميكانىڭ اينالىم جاعدايىنا تالداۋ جاساۋدى، تۇجىرىم جاساۋدى كۇشەيتىپ، ەرەكشە، باسىمدىققا يە كاسىپ سالالارىن دامىتۋ، ”ءبىر پورت، ەكى رايون، بەس ءىرى ورتالىق، وتكەل ەكونوميكالىق بەلدەۋى“ قۇرىلىسى سياقتىلاردا ساناق باقىلاۋىن تىڭعىلىقتى ورىستەتىپ، جاساۋ كاسىبىنىڭ تيبىن جاڭالاپ، دارەجەسىن ءوسىرۋ، حالىقتىق شارۋاشىلىقتىڭ دامۋى سياقتى شينجياڭنىڭ ەكونوميكالىق، قوعامدىق دامۋىنداعى ىستىق تۇيىندەردى ارقاۋ ەتىپ، ەكونوميكانى بولجاۋ ۇلگىسىن ورناتىپ جانە ساپالىلاندىرىپ، مەجەنى باسقارۋدى كۇشەيتۋگە، رەتتەۋ - مەڭگەرۋدىڭ عىلميلىعىن جوعارىلاتۋعا اناعۇرلىم بولجامدىق نەگىز ازىرلەۋ كەرەك.
