تيانشان تورى   ›   جاڭالىقتار   ›   شينجياڭ حابارلارى

وركەندەۋ، ەسىك اشۋ سىندى قوس بيىك بەلەستىڭ الدىمەن اتقارۋدان ۇلگى كورسەتۋ ءوڭىرىن تۇلعالادى

الاتاۋ ساعاسى:

وركەندەۋ، ەسىك اشۋ سىندى قوس بيىك بەلەستىڭ الدىمەن اتقارۋدان ۇلگى كورسەتۋ ءوڭىرىن تۇلعالادى

□ انار بۇلت / شينجياڭ گازەتىنىڭ تىلشىلەرى كاڭ حاۋيان، جاڭ جىلي

  11 - ايدىڭ 18 - كۇنى الاتاۋ ساعاسى بەكەتىندە ارلى - بەرلى قاتىناعان جۇڭگو - ەۆروپا كەزەكشى پويەزدارى (ۇشقىش اپپاراتپەن تۇسىرىلگەن).

□ سۋرەتتى انار بۇلت / شينجياڭ گازەتىنىڭ ءتىلشىسى لي رۇي تۇسىرگەن

  11 - ايدىڭ 18 - كۇنى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى الاتاۋ ساعاسى پۋنكتى بولمەسىنىڭ ىشىندەگى جۇك قورابىن اۋىستىرۋ - تيەۋ قامباسىندا ءتىلشى كرانمەن قۇراستىرۋ ماشينالارىنىڭ قاۋىرت جۇمىس اتقارىپ جاتقانىن، تولتىرا زات تيەلگەن جۇڭگو - ەۆروپا كەزەكشى پويەزدارىنىڭ وسى ارادا جىلدام اۋىستىرۋ - تيەۋ جۇمىسىن جۇرگىزىپ جاتقاندىعىن كوردى.

  ”قازىر يمپورت ەتىلەتىن زاتتار بۇرىنعى ءبىرىڭعاي اۆتوكولىك بولشەكتەرىنەن كەڭەيىپ، 200 تۇرگە تايادى؛ ەكسپورت ەتىلەتىن زاتتار ەل ىشىندە وندىرىلگەن ەلەكتروندى ءونىم، ءۇي جابدىقتارى، جەمىس - جيدەك سياقتى ءتۇرلى ونىمدەردى قامتىدى“. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى الاتاۋ ساعاسى پۋنكتى زات تيەۋ سەحىنىڭ مەڭگەرۋشىسى گو سان رەليستىڭ جانىنداعى جۇك قوراپتارىن نۇسقاي كورسەتىپ تىلشىگە: كەزەكتە شەكارا وتكەلىنەن ورتا ەسەپپەن ءار كۇنى يمپورت، ەكسپورت زاتتارىن تاسيتىن جۇڭگو - ەۆروپا كەزەكشى پويەزىنان 12سى قاتىنايدى، - دەدى.

  ”11 - ايدىڭ 12 - كۇنى بيىل الاتاۋ ساعاسى شەكاراسىنان كىرىپ - شىققان جۇڭگو - ەۆروپا كەزەكشى پويەزى 5000نان اسىپ، بىلتىرعىمەن سالىستىرعاندا وسى سانعا 50 كۇن بۇرىن جەتتى“. الاتاۋ ساعاسى كەدەنىن باقىلاۋ - باسقارۋ 2 - ءبولىمىنىڭ ورىنباسار باستىعى شۇي يۋەحىڭ بىلايشا تانىستىردى: ”ءبىر بەلدەۋ، ءبىر جول“ قۇرىلىسى اياق الىسىنىڭ جەدەلدەۋىنە ىلەسە، تاياۋ جىلداردان بەرى وسى شەكارا وتكەلىنەن قاتىناعان جۇڭگو - ەۆروپا كەزەكشى پويەزى سانىنىڭ ارتۋ قارقىنى كورنەكتى بولدى. بيىل جۇڭگو - ەۆروپا كەزەكشى پويەزى جەلىسىنەن 23ى تىڭنان ارتىپ، جالپى قاتىناۋ جەلىسى 60قا جەتتى، جەلى ەل ىشىندەگى 24 ولكە، رايون، قالانى جانە شەكارا سىرتىنداعى 13 مەملەكەتتى قامتىدى.

  شۇي يۋەحىڭ كومپيۋتەرىندەگى ءبىر ساندى مالىمەت تۇعىرىن اشىپ كورسەتىپ بىلاي دەپ تانىستىردى: بيىل كەدەن باس مەكەمەسى تەمىر جولدا شەكارادان كىرىپ - شىعۋ بويىنشا كەدەننەن جىلدام ءوتۋ كاسىپ ۇلگىسىن جولعا قويدى، كاسىپورىن باستابىندا زات تيەگەن كەزدە جىلدام ءوتۋ ءوتىنىشىن تاپسىرادى، تەمىر جول تاراۋى كەدەن تاراۋلارىمەن ەلەكترلەنگەن ينفورماتسيا تۇعىرىنداعى ساندى مالىمەتتەردى ۇشتاستىرادى، شەكارا وتكەلىنە جەتكەننەن كەيىن كاسىپورىنداردىڭ قاتىستى تاراۋلارعا بۇرىنعىداي ءوتىنىش بەرۋىنىڭ قاجەتى جوق، جۇيە اۆتوماتتى تۇردە سالىستىرعاندا اعاتتىق بولماسا عانا، كەدەن تەمىر جولعا وتكىزىپ جىبەرۋ بۇيرىعىن جولدايدى، مۇنداي بولعاندا كاسىپورىنداردىڭ كەدەننەن ءوتۋ ۋاقىتى مەن تيجارات وزىندىك قۇنى بارىنشا ۇنەمدەلەتىن بولادى.

  ”بيىل ءبىز تەمىر جول بويىنشا كەدەننەن ءوتۋ قۋاتىن جوعارىلاتاتىن ءبىر توپ نىساندى جوسپارلادىق جانە اتقاردىق، بۇعان جالپى 10 ميلليارد يۋاننان استام قارجى قوسىلدى. وسى نىساندار اتقارىلعاننان كەيىن، مەجەمەن ’14 − بەسجىلدىقتىڭ‘ سوڭىنا جەتكەندە، الاتاۋ ساعاسى شەكارا وتكەلىندە تەمىر جول بويىنشا كەدەننەن ءوتۋ قۋاتى قازىرگى 20 ميلليون توننادان 60 ميلليون تونناعا كوتەرىلەتىن بولادى؛ جۇك قورابىن اۋىستىرىپ تيەۋ قۋاتى جىلىنا 200 مىڭ ولشەم قورابىنان ءبىر ميلليون ولشەم قورابىنا كوتەرىلەتىن بولادى“، الاتاۋ ساعاسى كەشەندى باجىسىز اۋماعىن باسقارۋ كوميتەتىنىڭ ورىنباسار مەڭگەرۋشىسى ساي حۋ بىلاي دەپ تانىستىردى: مۇنىڭ ىشىندە تەمىر جول ايالداماسىندا ۇساق كەن رۋدالارىن ۆاگون اۋدارعىشپەن ماتەريال ءتۇسىرۋ جۇيەسى نىسانى، جالپىلىق باجىسىز اۋماق تەمىر جول ولشەمدى رەليستى توپتاستىرۋ پۋنكتى نىسانى، كەشەندى باجىسىز اۋماق مۇناي - گاز جەلى كۇبى اۋماعىن جاڭالاۋ نىسانى سياقتىلار بيىل جالپى بەتتىك قۇرىلىس جۇمىسىن باستادى.

  تاياۋ جىلداردان بەرى الاتاۋ ساعاسى ىركىلىسسىز، اشىق بولۋعا، ساۋدانى الدىمەن ويلاسۋعا، ساۋدا ارقىلى ونەركاسىپتى جەبەۋگە باستان - اياق تاباندى بولىپ، ”جول ەكونوميكاسىنان“ ”وتىرىقتى ەكونوميكاعا“ قاراي بۇرىلىس جاساۋدى جۇزەگە اسىردى. كەزەكتە الاتاۋ ساعاسى كەشەندى باجىسىز اۋماعى 600 نەشە كاسىپورىندى ىرگە تەبۋگە باۋرادى، شەكارا اتتاعان ەلەكتروندى ساۋدانى ۋاكىلدىك ەتكەن 100 ميلليارد دارەجەلى كاسىپ سالاسى شوعىرى، يمپورتتىق استىقتى مانەرلەۋ، اعاش ماتەريالدارىن مانەرلەۋ، ەكسپورت جابدىقتارىن جاساۋ، مەديتسينالىق ماتەريال سىندى 10 ميلليارد دارەجەلى 4 كاسىپ سالاسى شوعىرى جەرگىلىكتى ورىن ەكونوميكاسىنىڭ جىلدام دامۋىنا دەم بەرۋدە.

  ”كەلەسى قادامدا ءبىز پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدى قوزعالتقىش، شەكارا وتكەلى ارقىلى وبىلىستى كۇشەيتۋ ستراتەگياسىن قامال الۋ ءتۇيىنى ەتىپ، الاتاۋ ساعاسىن ەل ءىشى، حالىقارا سىندى ەكى اينالىم قاقپاسى، تورابى ەتىپ قۇرىپ شىعىپ، ىشكى قۇرلىقتىق، شەكارالىق دامىتۋ، ەسىك اشۋ سىندى ەكى بيىك بەلەستە الدىمەن ۇلگى كورسەتەتىن رايون ەتىپ قۇرىپ شىعامىز“، - دەدى ساي حۋ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.