تيانشان تورى
تيانشان تورى   ›   جاڭالىقتار   ›   شينجياڭ حابارلارى

ۇيرەنۋ مەن قولدانۋدى بىرلەستىرىپ، قىزمەتتەردى تىڭ بەلەسكە كوتەرۋدى ىلگەرىلەتتى

□ انار بۇلت / شينجياڭ گازەتىنىڭ تىلشىلەرى

  ءۇرتىس بىرنەشە كۇننەن بەرى رايونىمىزدىڭ جەر - جەرى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، پارتيانىڭ 100 جىلدىق كۇرەس تاريحىنان جاڭا ساپاردا ەكپىندەي ىلگەرىلەۋدىڭ اقىل - پاراساتىن جانە كۇش - قۋاتىن قابىلداپ، ءىس جۇزىندىكپەن تىعىز ۇشتاستىرىپ، تياناقتاندىرۋدى ويداعىداي مىقتاپ يگەرىپ، قىزمەتتەردى تاعى دا تىڭ بەلەسكە كوتەرۋدى ىلگەرىلەتتى.

  11 - ايدىڭ 19 - كۇنى شينجياڭ شىڭشى حۋاچياڭ اۋىل شارۋاشىلىق عىلىم - تەحنيكا شەكتى سەرىكتەستىگى جەمىس - جيدەك، كوكونىس ەگىمشىلىك بازاسىنداعى جىلىجايدا، سەرىكتەستىكتىڭ تەحنيكالىق باسقارۋشىسى وبۇلقاسىم باكىر جاڭادان كەلگەن قىزمەتكەرلەرگە جەمىس - جيدەك، كوكونىس ەگۋ، باسقارۋ تەحنيكاسىن ۇيرەتتى.

  حوتان اۋدانى جەرگىلىكتى جاعدايعا قاراي، قۇمدى شولدەن ونىمدىلىك جاراتۋعا تالپىنىپ، ”باستاماشى كاسىپورىن + بازا + ەگىنشى وتباسى“ ۇلگىسىن قولدانىپ، شينجياڭ شىڭشى حۋاچياڭ اۋىل شارۋاشىلىق عىلىم - تەحنيكا شەكتى سەرىكتەستىگىن قۇرىلعىلى اۋىل شارۋاشىلىعىن دامىتۋعا جەتەكشىلىك ىستەۋگە باۋرادى. كەزەكتە وسى سەرىكتەستىك جىلىجايدان 396سىن سالىپ، جەرگىلىكتى ورىنداعى 600دەن استام ەگىنشى - مالشىنى جۇمىستاندىردى.

  ”ءبىز جۇمىستاندىرۋدى ەڭ ۇلكەن حالىق تۇرمىسى رەتىندە قاراپ، ەگىمشىلىكتى اماناتتاپ باسقارۋعا بەرۋ جاڭا ۇلگىسىن قاراستىرۋ ارقىلى ەگىنشى وتباسىلارىنا تەحنيكالىق جەتەكشىلىك ىستەۋدى كۇشەيتىپ، جىلىجايدى ەگىنشى وتباسىلارىنىڭ باسقارۋىنا اماناتتاپ، جىلىجايدىڭ تازا كىرىسىنىڭ %80ىن ەگىنشى وتباسىلارىنا بەردىك. شىڭشى حۋاچياڭ سەرىكتەستىگى ءوندىرىس ءبولىمىنىڭ باستىعى سۇڭ زۇڭكى 3 - مەرزىمدىك قۇرىلىس اياقتاعان سوڭ، مەجەمەن كەلەر جىلدىڭ سوڭىندا 4000 ادامدى جۇمىستانۋعا قابىلدايتىندىعىن ايتتى.

  تاياۋ بىرنەشە كۇندە بۇراتالا كاسىپتىك - تەحنيكالىق شۋەيۋانى ارناۋلى تاقىرىپتىق ۇگىت لەكسيا، نەگىزگى تاقىرىپتىق كلاس جيىنى، يدەيا - ساياسي ساباق وقىتۋشىسىنىڭ ۇگىت لەكسيا جاساۋى سياقتى تاسىلدەر ارقىلى بارلىق وقۋشىلارعا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەتىپ، وقۋشىلاردىڭ پارتيانى ءسۇيۋ، وتاندى ءسۇيۋ سۇيىسپەنشىلىگىن اناعۇرلىم تاسقىنداتتى.

  بۇراتالا كاسىپتىك - تەحنيكالىق شۋەيۋانىنىڭ گۇلدەنۋ جولى ”ءتورت تاريح“ وقىتۋ سارايى تۇتاس كۇندە وقۋشىلارعا اشىق ۇستالدى. 11 - ايدىڭ 20 - كۇنى تۇستەن بۇرىن وسى شۋەيۋاننىڭ يدەيا - ساياسي ساباق وقىتۋشىسى جاڭ دۇڭلي ءبىر ءبولىم جاڭا وقۋشىلاردى وسىندا ەكسكۋرسيالاۋعا، ۇيرەنۋگە ەرتىپ كەلدى، سونداي - اق وقىتۋ سارايىنداعى سۋرەت، ناقتى زاتتارمەن بىرلەستىرىپ ۇگىت لەكسيا جاسادى.

  ءۇشتۇرپان اۋدانىنان كەلگەن بالاباقشا تاربيەسى كاسىبىنىڭ وقۋشىسى الميرا ءمامتىمىن بىلاي دەدى: ”ۇگىت لەكسيانى مۇقيات تىڭداعان سوڭ، مەن تەرەڭ تاربيە جانە شابىت الدىم. بۇدان كەيىن ءتىپتى دە قۇلشىنا ۇيرەنىپ، اۋىلىما قايتىپ بارعان سوڭ بالاباقشا تاربيەسى ىستەرىنە كۇش - قۋاتىمدى ارنايمىن“.

  ”ءار ۇلت كادر، جۇرتشىلىعى ءبىر ءۇيلى جان، ءسوز جوق، ۇلتتار ىنتىماعىن كوكەيدە بەرىك ساقتاۋ كەرەك“. 11 - ايدىڭ 19 - كۇنى تۇستەن كەيىن قۇمىل قالاسى يجوۋ رايونى ىرباۋ قالاشىعى جاڭا ءداۋىر وركەنيەتىن امالياتتا ايگىلەۋ ورنىندا، وسى قالاشىقتىڭ گۇڭشاڭ قىستاعىنداعى ساقا پارتيا مۇشەسى ۋ شيانميڭ ”انار ءدانى“ تۋىستار اترەتى مۇشەلەرىنە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى.

  ۋ شيانميڭ 2016 - جىلدىڭ سوڭىندا ”انار ءدانى“ تۋىستار اترەتىن باس بولىپ قۇرعان بولاتىن، اترەت مۇشەلەرى ىرباۋ قالاشىعىنداعى ءارقايسى قىستاقتارداعى ساقا پارتيا مۇشەلەرىنەن، ساقا كادرلاردان قۇرام تاپقان. وسى اترەتتە قازىر 30دان استام مۇشە بار، بيىل 40تان استام مايدان - رەت ءتۇرلى قيمىل وتكىزۋگە ۇيىمداستىرىپ، باي مازمۇندى ادەبيەت - كوركەمونەر قيمىلدارىن، اۋىس - كۇيىس اڭگىمە ءماجىلىسىن وتكىزۋ ارقىلى ىرباۋ قالاشىعىنداعى ءار ۇلت كادر، بۇقاراسىنىڭ جۇرەگىن ونان ارى توعىستىردى.

  ”ىنتىماق − كۇش. بۇدان كەيىن ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ويدى ءبىر اراعا شوعىرلاندىرىپ، كۇشتى ءبىر ارناعا جۇمساپ، جۇدىرىقتاي جۇمىلساق، تۇرمىسىمىزدىڭ بارعان سايىن جاقسى بولاتىنىنا كامىل سەنەمىز“، - دەدى ۋ شيانميڭ.

  11 - ايدىڭ 19 - كۇنى تاڭەرتەڭ ەرتە قۇتىبي اۋدانى التىنحان ەرىكتىلەر قىزمەت وتەۋ تاريح سارايىندا، ۋاڭ گۇيجىن ۇيرەنۋ اسەرىن قايتالاي وقىدى، سول كۇنى تۇستەن بۇرىن ول تۇرعىندارعا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى.

  ۋاڭ گۇيجىن قۇتىبي اۋدانى ”التىنحان“ ەرىكتىلەر قىزمەت وتەۋ قوعامىنىڭ باستىعى. تاياۋ بىرنەشە كۇننەن بەرى ول قوعامنىڭ تىرەكتى مۇشەلەرىمەن بىرگە كۇندە ءتۇپ نۇسقانى وقۋ، اۋىس - كۇيىس ءماجىلىسى سياقتى تاسىلدەر ارقىلى التىنشى جالپى ءماجىلىستىڭ رۋحىن ىشكەرىلەي ۇيرەندى. ۋاڭ گۇيجىن تاعى الەۋمەتتىك اۋماق كادرلارىمەن ۇگىت لەكسيا شاعىن اترەتىن ۇيىمداستىرىپ، وتباسىلاردى ارالاۋ، حال سۇراۋ سياقتى قيمىلدارمەن بىرلەستىرىپ، تۇرعىندارعا جالپى ءماجىلىس رۋحى جونىندە ۇگىت لەكسيا جاسادى.

  ”ءار رەت ۇگىت لەكسيانى تىڭداعان سايىن ماعان كوپ وي تۇسەدى. بۇدان كەيىن ۋاڭ گۇيجىن اپاي سياقتى ەرىكتى قىزمەت وتەۋ قيمىلىنا كوبىرەك قاتىناسىپ، اۋىلىمىزدىڭ دامۋىنا كۇش - قۋاتىمدى ارنايمىن“، - دەدى قۇتىبي اۋدانىنىڭ تۇرعىنى مىڭ لين.

  (ءتىلشى شيا چيڭ، قاتىناسقان تىلشىلەر ليۋ يميڭ، جاڭ جىلي، ۋاڭ يۇڭفي، ءپاريزات ابدۇل)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.