تيانشان تورى
تيانشان تورى   ›   جاڭالىقتار   ›   شينجياڭ حابارلارى

”حالىق ىستەرى حالىق ءۇشىن بولۋ“ ءاربىر ناقتى ىستەردە ايگىلەندى

− اۆتونوميالى رايوندىق حالىق ىستەرى مەڭگەرمەسىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ىلگەرىلەتكەندىگى جونىندە

□ انار بۇلت / شينجياڭ گازەتىنىڭ ءتىلشىسى لي لين

  پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى رايوندىق حالىق ىستەرى مەڭگەرمەسى ساياساتتىق جەتەكشىلىك ەتۋدى ۇزدىكسىز ويداعىداي يگەرىپ، جوعارى - تومەن بىرگە ارەكەتتەنۋگە تاباندى بولىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ نەگىزگى ساتىعا قاراي كەڭەيۋىن، ناقتى تياناقتانىپ ونىمدىلىك كورسەتۋىن ىلگەرىلەتىپ، ”حالىق ىستەرى حالىق ءۇشىن بولۋ، حالىق ىستەرى حالىقتى ءسۇيۋ“ ۇستانىمىن حالىق ءۇشىن ىستەلگەن ءاربىر ناقتى ىستەردە ايگىلەدى.

  ءتىزىمدى يكەمدى رەتكە سالىپ، حالىققا ۇزدىكسىز پايدا جەتكىزىپ، تيىمدىلىك جاسادى

  ”قازىر ءبىز قارتتاردىڭ قامىن بارعان سايىن جان - جاقتى ويلايتىن بولدى، قىزمەت وتەۋ دە بارعان سايىن ەتەنە بولىپ بارادى“، - دەدى 11 - ايدىڭ 11 - كۇنى ءۇرىمجى جوعارى، جاڭا تەحنيكا كاسىپ سالاسىن اشۋ رايونى (جاڭا قالا رايونى) حاڭجوۋ جولى اۋماعى حىبەي باتىس جولى الەۋمەتتىك اۋماعىنىڭ تۇرعىنى لەي ميڭجىڭ قارت حالىق ىستەرى كادرلارىنىڭ قول تەلەفونىندا كورسەتكەن ءوتىنىش ەتىپ الۋ بارىسىن كورىپ تەبىرەنە.

  6 جىلدىڭ الدىندا لەي ميڭجىڭ الەۋمەتتىك اۋماققا بارىپ جاسى ۇلعايعاندارعا بەرىلەتىن جاردەم اقىنى ءوتىنىش ەتكەندە، قاعاز نۇسقاداعى كەستەنى تولتىرادى. قازىر ۇيدەن شىقپاي - اق قول تەلەفوندا ءوتىنىش بەرۋگە بولاتىن بولدى، ءوتىنىش ماتەريالدارى دا ۇنەمدەلدى. لەي ميڭجىڭ: ”بۇل ءىس ءبىز قارتتاردىڭ كوڭىلىنەن شىقتى“، - دەدى.

  رايونىمىز 80 جاستان اسقان قارتتاردىڭ نەگىزگى تۇرمىس جاردەم اقىسى ءتۇزىمىن 2011 - جىلى ورناتىپ، حالىققا تيىمدىلىك جەتكىزەتىن وسى ساياساتتاردىڭ حالىققا ءتىپتى دە قولايلى، حالىققا ءتىپتى دە پايدالى بولۋىنا مۇمكىندىك جاساۋ ءۇشىن، ءۇرىمجى جوعارى، جاڭا تەحنيكا اشۋ رايونى (جاڭا قالا رايونى) حالىق ىستەرى مەكەمەسى جاسى ۇلعايعاندارعا بەرىلەتىن جاردەم اقىنى ينتەرنەت جەلىسىندە ءوتىنىش ەتۋدى ناقتى ىستەر تىزىمدىگىنە ەنگىزىپ، جاسى ۇلعايعاندارعا بەرىلەتىن جاردەم اقى ينفورماتسياسىن باسقارۋ جۇيەسىن تۇيىندە سىناق ەتۋ قىزمەتىن ورىستەتىپ، ينتەرنەت جەلىسىندە جۇمىس ءبىتىرۋدى كۇشەيتىپ، ينفورماتسيانى كوبىرەك جالعاپ، جاسى ۇلعايعان قارتتاردىڭ ”اۋرە − سارساڭ بولماۋىنا“ مۇمكىندىك جاسادى.

  پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى رايوندىق حالىق ىستەرى مەڭگەرمەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن كەڭ كولەمدە ورىستەتىپ، اۋىر قيىنشىلىعى بار قاۋىمنان باستاپ كىرىسىپ، ەڭ ناقتى قىزمەتكە كۇش سالىپ، حالىق ىستەرى جونىندەگى ءتۇرلى ساياساتتاردىڭ تياناقتانۋىن، كەمەلدەنۋىن ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتتى.

  ”قازىر حالىققا تيىمدىلىك جەتكىزۋدەگى بيىلعى 10 شارا مەن حالىق ىستەرى حالىق ءۇشىن بويىنشا ىستەلگەن 36 ناقتى ءىس تۇگەلدەي اتقارىلدى، اياقتادى“. اۆتونوميالى رايوندىق حالىق ىستەرى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بۇقارانىڭ تالاپ - تىلەگىنە ساي نىسان ءتىزىمىن بەلگىلەپ، ەسەپ داپتەر ۇلگىسىندەگى تىزىمدىك جاساپ، يكەمدى باسقارىپ، ەسەپ داپتەرىنىڭ ىلگەرىلەۋ جاعدايىن ءار اپتادا ءبىر رەت جيناقتاپ، نىسانداردىڭ ۋاعىندا ىلگەرىلەتىلۋىنە، ءونىمدى تياناقتانۋىنا شىنايى كەپىلدىك ەتتىك. سونىمەن بىرگە، باياندى مەحانيزم ورناتىپ، قايتا - قايتا اتقارۋعا بولاتىن ءونىمدى نىسانداردى اينالمالى تىزىمدىككە ەنگىزىپ، نىسانداردى ۇزاق ۋاقىت تاباندى بولاتىن، يكەمدى رەتتەيتىن، حالىق ىستەرى سۇيىسپەنشىلىگىن ايگىلەيتىن حالىققا پايدا جەتكىزۋ، حالىققا تيىمدىلىك جەتكىزۋ ينجەنەرياسىنا اينالدىردىق.

  كەڭ كولەمدە ارالاپ ءبىر − بىرلەپ تەكسەرۋ جۇرگىزىپ، قيىنشىلىق قىسپاعىنان ارىلتۋعا بەلسەنە كومەكتەستى

  11 - ايدىڭ 13 - كۇنى ۋىنجوۋدا جۇمىس ىستەيتىن توقتىمامەت ابباس قاراقاش اۋدانى زاۋا قالاشىعى تۇيەتوعىراق قىستاعى حالىق ىستەرى كومەكشىسى ءاديلا ابدۇللانىڭ تەلەفونىن قابىلدادى، ءاديلا وعان قاتىستى ساياسات بويىنشا ونىڭ ايەلىنە ۋاقىتتىق كومەكتەسۋ - قۇتقارۋدى ءوتىنىش ەتكەندىگىن ايتتى. ”سىرتتا جۇمىس ىستەپ تاعى دا اۋىلىمنىڭ قىزمەت وتەۋىنەن دەر كەزىندە يگىلىكتەنەتىنىمدى ويلاماپپىن، قاتتى اسەرلەندىم“، - دەدى توقتىمامەت ابباس. ءاديلا بىرنەشە كۇننىڭ الدىندا ونىڭ ايەلى بوسانعانىن، ءبىراق، اي - كۇنى تولماي بوسانعاندىقتان، جاڭا تۋعان نارەستەنى شيپاحاناعا جاتقىزىپ ەمدەتۋگە تۋرا كەلگەندىگىن، جۇمسالاتىن قارجى كۇرت كوبەيىپ، وتباسىنىڭ تۇرمىسىندا قيىنشىلىق تۋىلعاندىعىن، الايدا كومەك قاجەت ەتەتىن ينفورماتسيالاردى قىستاققا تاراتقاننان كەيىن، كومەكتەسۋ - سۇيەمەلدەۋشىلەردىڭ ۇيىنە كەلىپ كومەكتەسكەندىگىن ايتتى.

  بۇقارا ءۇشىن ناقتى ءىس ىستەۋدىڭ، قيىن ماسەلەلەردى شەشۋدىڭ تەتىگى − ”ناقتىلىقتا“. قوعامدىق قۇتقارۋ - كومەكتەسۋ فۋنكتسياسىن شىنايى ساۋلەلەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى تىڭعىلىقتى ىلگەرىلەتۋ ءۇشىن، اۆتونوميالى رايوندىق حالىق ىستەرى مەڭگەرمەسى وڭاي قايتا كەدەيلەسەتىن، كەدەيلەسەتىن جانە توسىننان اۋىر قيىنشىلىققا ۇشىراعان وتباسىلارىن قاداعالاۋ، ساقتاندىرۋ مەحانيزمىن ورناتىپ، بايقالعان حاۋىپ - قاتەر ينفورماتسيالارىن جەرگىلىكتى حالىق ىستەرى تاراۋلارىنىڭ تەكسەرىپ سۇيەمەلدەۋىنە دەر كەزىندە جەتكىزىپ وتىردى.

  بيىل رايونىمىز قالا مەن اۋىلدىڭ ەڭ تومەنگى تۇرمىستى قامتاماسىزداندىرۋ ولشەمىن 2 - رەت جوعارىلاتتى. 9 - ايدىڭ سوڭىنا دەيىن، رايونىمىز بويىنشا ءبىر ميلليون 909 مىڭ ادامعا (رەت) ۋاقىتشا كومەك بەرىلىپ، جالپى سوماسى ءبىر ميلليارد 70 ميلليون يۋان بولدى. حالىق ىستەرى مەڭگەرمەسى جەر - جەرگە ەڭ تومەنگى تۇرمىسى قامتاماسىزداندىرىلاتىن وبيەكتىلەر، ەرەكشە قيىنشىلىعى بار ادامدار سياقتى ەرەكشە قيىنشىلىعى بار قاۋىمدى كەڭىنەن ارالاپ، ولاردان حال سۇراپ، ولاردىڭ ءىس جۇزىندىك قيىنشىلىقتارىن شەشۋىنە كومەكتەسۋگە جەتەكشىلىك ەتتى. قازىر جالپى 584 مىڭنان استام ادامىنان (رەت) حال سۇرادى.

  كاسىپورىنداردىڭ اۋىرتپالىعىن جەڭىلدەتىپ، قىزمەت وتەۋدى جاپپاي ساپالىلاندىردى

  پارتيا تاريحىن ۇيرەنۋ تاربيەسى ورىستەتىلگەننەن بەرى ءۇرىمجى ءاير - ءاديا كوز اۋرۋلار شيپاحاناسى (شەكتى جاۋاپكەرشىلىك سەرىكتەستىگى) اكىمشىلىك مەكەمەسىنىڭ باستىعى گۇلشان پارحات شينجياڭ ءدارى - دارمەك كاسىبى ساۋدا قوعامىنىڭ قىزمەت وتەۋىنىڭ ۇزدىكسىز جاقسارعاندىعىن سەزىندى. ”ولار كاسىپورىننىڭ دامۋىنداعى قيىن ماسەلەلەردى كوپ رەت تەكسەرىپ - زەرتتەپ، جيناپ، مۇشەلەردىڭ (كاسىپورىنداردىڭ) مۇشەلىك اقىسىن ازايتۋ، كەشىرىم ەتۋ سياقتى تاسىلدەر ارقىلى كاسىپورىنداردىڭ اۋىرتپالىعىن جەڭىلدەتتى“، - دەدى گۇلشان پارحات.

  بيىل اۆتونوميالى رايوندىق حالىق ىستەرى مەڭگەرمەسى جەر - جەردەگى كاسىپتىك قوعامداردىڭ، ساۋدا قوعامدارىنىڭ ”مەن كاسىپورىننىڭ اۋىرتپالىعىن جەڭىلدەتەمىن“ ارناۋلى ارەكەتىن ورىستەتۋىنە بەلسەنە جەتەكشىلىك ەتىپ جانە شابىتتاندىرىپ، مۇشە كاسىپورىنداردىڭ، اسىرەسە، حالىقتىق ورتا، شاعىن، ۇساق كاسىپورىنداردىڭ مۇشەلىك اقىسىن جانە باسقا دا اقى الۋ نىساندارىن ىرىقتىلىقپەن ازايتىپ، كاسىپورىنداردىڭ اۋىرتپالىعىن ونان ارى جەڭىلدەتىپ، بازار تۇلعالارىنىڭ ومىرشەڭدىك كۇشىن تاسقىنداتتى. قازىر 171 تۇتاس رايوندىق كاسىپتىك قوعام، ساۋدا قوعامى كاسىپورىنداردىڭ مۇشەلىك اقىسى، كاسىپورىندارعا ساياتىن اقى بويىنشا جالپى 62 ميلليون 100 مىڭ يۋان اقشا ازايتىپ، كەشىرىم ەتىپ، 19 مىڭ 428 كاسىپورىنعا تيىمدىلىك جەتكىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.