رايونىمىز قازاقستانداعى شينجياڭدىق چياۋمين باۋىرلاستارمەن جانە قازاقستاندا وقىپ جاتقان وقۋشىلار ۋاكىلدەرىمەن بەينە ەكراندا اۋىس - كۇيىس جاساۋ ءماجىلىسىن وتكىزدى
وتانىمىزبەن جانە مەكەنىمىزدىڭ دامۋىنا كۇش - قۋات قوسامىز
انار بۇلت / شينجياڭ گازەتىنىڭ ءتىلشىسى جاڭ يانفاڭ 11 - ايدىڭ 20 - كۇنى ۇرىمجىدەن حابارلايدى. 11 - ايدىڭ 19 - كۇنى جۇڭگونىڭ شينجياڭى مەن قازاقستانداعى شينجياڭدىق چياۋمين باۋىرلاستار جانە قازاقستاندا وقىپ جاتقان وقۋشىلار ۋاكىلدەرىنىڭ بەينە ەكراندا اۋىس - كۇيىس جاساۋ ءماجىلىسى ۇرىمجىدە اشىلدى.
وسى رەتكى بەينە ەكراندا اۋىس - كۇيىس جاساۋ ءماجىلىسىن شينجياڭ سىرتپەن بىرلەسكەن دوستىق قوعامى جانە جۇڭگونىڭ قازاقستاندا تۇراتىن ەلشىلىگى بىرگە وتكىزدى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن جانە جۇڭگونىڭ قازاقستاندا تۇراتىن باس ەلشىسى جاڭ شياۋ ماجىلىسكە قاتىناستى ءارى ءسوز سويلەدى. قازاقستانداعى شينجياڭدىق چياۋمين باۋىرلاستار جانە قازاقستاندا وقىپ جاتقان وقۋشىلار ۋاكىلدەرى شينجياڭداعى تۋىستارىمەن بەينە ەكراندا دايدارلاسىپ، ساعىنىشتارىن اڭگىمەلەپ، شينجياڭنىڭ دامۋىن، وزگەرىسىن تىلگە تيەك ەتتى.
نۇرلان ءابىلماجىن مىنالاردى ءبىلدىردى: شينجياڭ ەجەلدەن بەرى جۇڭگونىڭ ايىرىلماس ءبىر بولىگى. پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت بىرگە ىنتىماقتاسا كۇرەس جاساپ، بىرگە كوركەيىپ - گۇلدەنىپ، دامىدى، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتتى. جۋىق جىلداردان بەرى امەريكاداعى، باتىستاعى جۇڭگوعا قارسى كۇشتەر شينجياڭداعى ءار ۇلت حالقىنىڭ تاماشا تۇرمىس كەشىرگەن شىندىعىن ەلەپ - ەسكەرمەي، شينجياڭعا ساياتىن ءتۇرلى وسەك - اياڭ تاراتتى. قازاقستانداعى شينجياڭدىق چياۋمين باۋىرلاستار مەن قازاقستاندا وقىپ جاتقان وقۋشىلاردىڭ كوپىرلىك، دانەكەرلىك رولىن تولىق ساۋلەلەندىرىپ، جۇڭگو حيكاياسىن، شينجياڭ حيكاياسىن ويداعىداي بايانداپ، جىبەك جولى ەكونوميكالىق بەلدەۋ وزەكتى رايون قۇرىلىسىنا بەلسەنە ات سالىسىپ، وتاننىڭ جانە اتا مەكەنىنىڭ دامۋىنا اقىل - پاراساتىن جانە كۇش - قۋاتىن ارناۋلارىن ءۇمىت ەتەمىن.
باس ەلشى جاڭ شياۋ بىلاي دەدى: پارتيا 18 - قۇرىلتايىنان بەرى شينجياڭنىڭ ءتۇرلى ىستەرى جاپپاي العا ىلگەرىلەدى، 5 جىلعا تاياۋ ۋاقىتتان بەرى زورلىقتى كۇش لاڭكەستىك دەلوسى تۋىلمادى، جۇڭگو مەن قازاقستان قارىم - قاتىناسىنىڭ تەز قارقىنمەن دامۋى شينجياڭنىڭ كوركەيىپ - گۇلدەنۋىنەن، ورنىقتىلىعىنان ايرىلا المايدى، جۇڭگو مەن قازاقستان ەكى ەلدىڭ كوپتەگەن كەلەلى سەلبەستىگى تۇگەلدەي شينجياڭنان باستاۋ العان، شينجياڭنىڭ ات سالىسۋىنان دا ايرىلا المايدى. قازاقستانداعى حۋاچياۋ، حۋارىنداردىڭ قاي - قاشان دا وڭ ەنەرگيا تاراتىپ، جۇڭگو مەن قازاقستاننىڭ ءارقايسىسىنىڭ دامۋىن بۇلدىرەتىن، جۇڭگو مەن قازاقستان قارىم - قاتىناسىنىڭ دامۋىن بۇلدىرەتىن سۇرقيا كۇشتەرمەن باتىلدىقپەن كۇرەس جاساپ، جۇڭگو مەن قازاقستان قارىم - قاتىناسىن دامىتۋعا، شينجياڭنىڭ دامۋىنا ۇلەس قوسۋلارىن ءۇمىت ەتەمىن.
”وسى بىرنەشە جىلدا ءۇرىمجىنىڭ نەگىزدىك قۇرىلىعىلارى ءتىپتى دە كەمەلدەنىپ، ساياحات كاسىبى دۋماندادى، بارلىق جەردەن كوركەيىپ - گۇلدەنگەن، جاراسىمدى بەينە جارىققا شىقتى“... بەينە ەكران اۋىس - كۇيىس ماجىلىسىندە، قازاقستان جيمەيىر داشۋەسىندە وقىپ جاتقان سۇڭقار ازات ۇرىمجىدەگى شەشەسىمەن ”بۇلتتا جۇزدەستى“، شەشەسىنەن اتا مەكەنىندەگى وزگەرىستەردى ەستىپ، قاتتى اسەرلەندى. ول بىلاي دەدى: مەن، ءسوز جوق، جاقسى ۇيرەنىپ، جۇڭگو حيكاياسىن، شينجياڭ حيكاياسىن ويداعىداي بايانداپ، ساباقتاستارىمنىڭ ناقتى، كورىكتى شينجياڭدى تۇسىنۋىنە مۇمكىندىك جاسايمىن، وقۋ تاۋىسقان سوڭ اتا مەكەنىمە ۇلەس قوسامىن.
قازاقستان ”جەبەۋ“ حۋاچياۋ، حۋارىن بىرلەستىگىنىڭ ءتوراعاسى ءومارالى ادىلبەك شينجياڭداعى تۋىستارىمەن بەينە ەكران ارقىلى جۇزدەسكەندە تەبىرەنە بىلاي دەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ اشىلۋى قازاقستانداعى حۋاچياۋ، حۋارىنداردى ايرىقشا جىگەرلەندىردى. وتانىمىز قۇدىرەتتەندى، شينجياڭ كوركەيىپ - گۇلدەندى، كوپشىلىك پارتيا ورتالىق كوميتەتىنىڭ پارمەندى باسشىلىعىندا، ءار ۇلت حالقى ىنتىماقتاسا كۇرەس جاساپ، شينجياڭنىڭ ەرتەڭى ءتىپتى دە كوركەم بولاتىندىعىنا كامىل سەندى.
بەينە ەكران اۋىس - كۇيىس ءماجىلىسى بايلانىس ءتاسىلى ارقىلى كوكتوعاي اۋدانىنداعى قىستاق كادرىن مالشىلاردىڭ كوشكەننەن كەيىنگى ءوندىرىس، تۇرمىس جاعدايىن تانىستىرۋعا ۇسىنىس ەتتى، ايتىس مۇراگەرى از ۇلتتىڭ ءداستۇرلى مادەنيەتىن قورعاۋ، جالعاستىرۋ جاعدايىن تانىستىردى، ءدىني وقىتۋشى − قىزمەتكەرلەر ءدىني سەنىم ەركىندىگى ۇقىق - مۇددەسىنە قۇرمەت ەتۋ جانە قورعاۋ جاعدايىن تانىستىردى، قاتىستى ماماندار مەملەكەتتىڭ از ۇلت دارىندىلارىن باۋلۋ جاعدايىن تانىستىردى، فاكت ارقىلى شينجياڭعا ساياتىن وسەك - اياڭعا تويتارىس بەردى.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلقان، ت. ب اۋىس - كۇيىس ماجىلىسىنە قاتىناستى.
