تيانشان تورى   ›   ۇيرەنۋ   ›   شولۋ

”ءبىر بەلدەۋ، ءبىر جولدى“ بىرگە قۇرۋدا ناقتى دا ماۋەلى جەتىستىكتەرگە قول جەتكىزدىك

− باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”ءبىر بەلدەۋ، ءبىر جول“ − جۇڭگونىڭ دۇنيە جۇزىمەن ورايدى ورتاقتاسىپ، دامۋعا بىرگە ۇمتىلۋداعى شۇعىلالى داڭعىل جولى. ”ءبىر بەلدەۋ، ءبىر جول“ دۇنيە جۇزىندەگى ەلدەردىڭ دامۋىنا جاڭا وراي ازىرلەپ قالماستان، جۇڭگونىڭ ەسىك اشىپ دامۋىنا دا جاڭا ءورىس اشتى.

  11 - ايدىڭ 19 - كۇنى اشىلعان 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ دەڭگەيىندە تۇرىپ، ”ءبىر بەلدەۋ، ءبىر جولدى“ بىرگە قۇرۋدا قول جەتكەن كورنەكتى تابىستاردى جان - جاقتى قورىتىندىلاپ، ”ءبىر بەلدەۋ، ءبىر جولدى“ بىرگە قۇرۋ ءدوپ كەلىپ وتىرعان جاڭا جاعدايعا عىلمي تالداۋ جاساپ،”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ۇزدىكسىز ىلگەرىلەتۋگە كەلەلى ورنالاستىرۋ جاساپ، ايقىن تالاپ قويىپ، جاڭا داۋىردە ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋ قىزمەتىنە ءتۇبىرلى بويسۇنۋ ولشەمىن ازىرلەدى، بۇل اناعۇرلىم جوعارى سەلبەستىك دەڭگەيىن، اناعۇرلىم جوعارى ۇسىنىلىم ونىمدىلىگىن، اناعۇرلىم جوعارى قامداۋ ساپاسىن، اناعۇرلىم جوعارى دامۋ سەرپىمدىلىگىن جۇزەگە اسىرىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە ونىمدىلىككە ۇزدىكسىز قول جەتكىزۋ جونىنەن كەلەلى جەتەكشىلىك رولعا يە.

  ”تىرشىلىك اتاۋلىنىڭ ءتۇپ توركىنى بولادى، بارلىق ءىس جونىمەن ىستەلسە ءساتتى بولادى“. 2013 - جىلى كۇزدە باس شۋجي شي جينپيڭ باتىستا قازاقستانعا، وڭتۇستىكتە يندونەزياعا ساپارلاي بارىپ، ىلگەرىندى - كەيىندى جىبەك جولى ەكونوميكالىق بەلدەۋىن جانە 21 - عاسىرداعى تەڭىز جىبەك جولىن قۇرۋ كەلەلى باستامالارىن العا قويىپ، جىبەك جولى رۋحىن جالعاستىرىپ، اشىق سەلبەستىك تۇعىرىن قول ۇستاسا تۇلعالاۋدى ماقسات ەتىپ، ءار ەلدىڭ سەلبەستىك جاساپ دامۋىنا جاڭا قوزعاۋشى كۇش ازىرلەدى. 8 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جوعارى ساپالى دامۋدى ىلگەرىلەتۋدى، جاڭا دامۋ ارناسىن قالىپتاستىرۋدى جانە ”ءبىر بەلدەۋ، ءبىر جولدى“ بىرگە قۇرۋدى ءبىر تۇتاس جوسپارلاپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، نەگىزدىك قۇرىلعىلاردىڭ ”قاتتى ۇلاسۋىن“ ماڭىزدى باعىت، ەرەجە - ولشەمدەردىڭ ”جۇمساق ۇلاسۋىن“ ماڭىزدى تىرەك، بىرگە قۇرۋشى مەملەكەتتەر حالقىمەن ”جۇرەك توعىستىرۋدى“ ماڭىزدى نەگىز ەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، ناقتى دا ماۋەلى جەتىستىكتەرگە قول جەتكىزدىك. بەيبىت بولۋ، سەلبەسۋ، اشىق ۇستاۋ، سيىسىمدى بولۋ، ءوزارا ۇيرەنۋ، ءوزارا ونەگە الۋ، ءوزارا پايدا جەتكىزۋ، بىرگە يگىلىككە كەنەلۋدەي جىبەك جولى رۋحىن جەتەكشى ەتىپ، نەگىزىن بەكەمدەۋدەن، تۇلعاسىن تۇرعىزۋدان تياناقتاندىرىپ تامىر تارتتىرۋعا، باياندى دامىتۋعا دەيىن، دابىرالى دا ايبىندى ”ۇلكەن جوبادان“ كەمەلدى، بايسالدى ”نازىك جوباعا“ دەيىن، ”ءبىر بەلدەۋ، ءبىر جولدى“ بىرگە قۇرۋ ەكونوميكانىڭ جاھاندانۋى سىندى تاريحي اۋقىمعا ۇيلەسىپ، الەمدىك جونگە سالۋ جۇيەسى وزگەرىسىنىڭ داۋىرلىك تالابىنا ۇيلەسىپ، ءار ەل حالقىنىڭ اناعۇرلىم تاماشا تۇرمىس كەشىرۋ كۇشتى تىلەگىنە ۇيلەسىپ، بارعان سايىن كوپ ەلدى قىزۋ ءۇن قوسۋعا باۋراپ، ەلىمىزدىڭ الەمدىك اشىق سەلبەستىككە ات سالىسۋداعى، الەمدىك ەكونوميكالىق جونگە سالۋ جۇيەسىن جاقسارتۋداعى، الەمدىك بىرگە دامىپ گۇلدەنۋدى جەبەۋدەگى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدەگى جۇڭگو جوباسىنا اينالدى، بۇگىنگى دۇنيە جۇزىندەگى ەرەكشە قارسى الۋعا بولەنگەن حالىقارالىق الەۋمەتتىك ونىمگە جانە حالىقارالىق سەلبەستىك تۇعىرىنا اينالدى.

  8 جىلدان بەرى ”ءبىر بەلدەۋ، ءبىر جولدى“ بىرگە قۇرۋ ارقىلى ەل ىشىندەگى ءارقايسى وڭىرلەردىڭ ەسىك اشۋ دەڭگەيىن جوعارىلاتىپ، سىرتقا ەسىك اشۋ سالالارىن كەڭەيتىپ، تۇزىمدىك تيپتەگى ەسىك اشۋدى ىلگەرىلەتىپ، كەڭ دوستار شەڭبەرىن قالىپتاستىردىق. ءبىز ەسىكتى اشىق ۇستاۋ، سەلبەسۋ ۇلى تۋىن بيىك ۇستاپ، ءار ەلدىڭ، ءارقايسى وڭىرلەردىڭ دامۋ ستراتەگياسىمەن جانە ۇلاستىرۋ، تۇتاستىرۋ جوباسىمەن ءتۇيىلىستىرۋدى ىلگەرىلەتىپ، ساياسات، ەرەجە، ولشەم جاعىنان توعىستىرۋدى كۇشەيتىپ، ءار ەلمەن نەگىزدىك قۇرىلعى قۇرىلىسى، كاسىپ سالاسى، ەكونوميكا - ساۋدا، عىلىم - تەحنيكادا جاڭالىق اشۋ، الەۋمەتتىك دەنساۋلىق ساقتاۋ، گۋمانيتارلىق ىستەر سياقتى سالالارداعى ناقتى سەلبەستىكتى ۇزدىكسىز تەرەڭدەتتىك. ءارقايسى جاقتاردىڭ بىرگە قۇلشىنۋىندا، ”التى ءدالىز، التى جول، كوپ ەل، كوپ پورت“ سىندى ۇلاستىرۋ، تۇتاستىرۋ جۇلگەسى نەگىزىنەن قالىپتاسىپ، ءبىر توپ سەلبەستىك نىساندارى تياناقتانىپ، تامىر تارتىپ، ەلىمىز 140 ەلمەن، 32 حالىقارالىق ۇيىممەن 200دەن استام ”ءبىر بەلدەۋ، ءبىر جولدى“ بىرگە قۇرۋ سەلبەستىك حۇجاتىنا قول قويىسىپ، جەلى بويىنداعى ەلدەرمەن زات ساۋدا سوماسى جيىنى 10 تريلليون 400 ميلليارد دوللارعا جەتىپ، جەلى بويىنداعى ەلدەرگە فينانستىق ەمەس تۇردەگى تىكەلەي قوسىلعان قارجى 130 ميلليارد دوللاردان استى. ءبىز ”ءبىر بەلدەۋ، ءبىر جولدى“ بىرگە قۇرۋ ماڭىزدى ورايىن يگەرىپ، ىشكە - سىرتقا ەسىك اشۋدىڭ ءبىرىن - ءبىرى جەبەۋىنە، ”سىرتتان ەنگىزۋ “ مەن ”سىرتقا شىعارۋدى“ اناعۇرلىم ويداعىداي ۇشتاستىرۋعا تاباندى بولىپ، اشىق ەكونوميكالىق تۇلعا جەتىلدىرىپ، ۇزدىكسىز بازارلانعان، زاڭ - تۇزىمدەنگەن، حالىقارالانعان شارۋاشىلىق - ساۋدا ورتاسىن ۇزدىكسىز تۇلعالاپ، ساۋدا جانە قارجى قوسۋ سالاسىنداعى كوپ جاقتى سەلبەستىككە بەلسەنە ات سالىسىپ، ەرەجە، زاڭ - ءتارتىپ، باسقارۋ، ولشەم سياقتى تۇزىمدىك ەسىك اشۋدى ىلگەرىلەتىپ، اناعۇرلىم كەڭ كولەمدى، اناعۇرلىم كەڭ سالالى، اناعۇرلىم تەرەڭ ساتىلى سىرتقا ەسىك اشۋ ارناسىن قالىپتاستىرىپ، ءوزارا تيىمدىلىك جاساپ، تەڭ يگىلىكتەنەتىن، كوپ نەگىزدى، تەپە - تەڭ، حاۋىپسىز، جوعارى ءونىمدى اشىق ەكونوميكالىق جۇيە قالىپتاستىرىپ، ەلىمىزدىڭ حالىقارالىق ەكونوميكالىق سەلبەستىك پەن باسەكەدەگى تىڭ ارتىقشىلىعىن ۇزدىكسىز كۇشەيتتىك.

  8 جىلدان بەرى ”ءبىر بەلدەۋ، ءبىر جولدى“ بىرگە قۇرۋ ارقىلى بىرگە دامۋدى جەبەۋدىڭ جاڭا جولدارىن قاراستىرىپ، بىرگە قۇرۋشى مەملەكەتتەرمەن ءوزارا پايدا جەتكىزۋدى، تەڭ يگىلىككە كەنەلۋدى جۇزەگە اسىردىق. ءارقايسى جاقتار ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، جۇرت تىلەگىن توعىستىرۋدى بەلسەنە ىلگەرىلەتىپ، ءبىر توپ ناقتى سەلبەسۋ، جۇرتتى باقىتقا كەنەلتۋ نىساندارىن ىسكە قوسىپ، جان - جاقتى، امبەباپ ۇلاستىرۋ، تۇتاستىرۋ سەرىكتەستىك قاتىناسىن ورناتىپ، بىرگە دامۋدىڭ جاڭا بولاشاعىن اشتىق. تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، ءبىز ءبىر - بىرىمىزگە قارايلاسىپ، ۋاقىتتىق قيىندىقتى بىرگە جەڭىپ، ”ءبىر بەلدەۋ، ءبىر جولدى“ بىرگە قۇرۋدىڭ ۇزدىكسىز العا باسۋىن ىلگەرىلەتىپ، حالىقارالىق قوعامعا سەنىم مەن كۇش - قۋات جەتكىزىپ، الەمدىك ىندەتكە قارسى اتتانۋ سەلبەستىگى مەن ەكونوميكانىڭ قالپىنا كەلۋى ءۇشىن ماڭىزدى ۇلەس قوستىق. دۇنيە جۇزىلىك بانكەنىڭ زەرتتەۋ بايانداماسىنا قاراعاندا، ”ءبىر بەلدەۋ، ءبىر جولدى“ بىرگە قۇرۋ باستاماسى قاتىستى ەلدەردەگى 7 ميلليون 600 مىڭ ادامدى مۇلدەم كەدەيلىكتەن، 32 ميلليون ادامدى ورتاشا كەدەيلىكتەن ارىلتقان، قاتىناسقان ەلدەردىڭ ساۋداسىن %2.8تەن %9.7كە دەيىن، الەمدىك ساۋدانى %1.7تەن%6.2كە دەيىن، الەمدىك كىرىستى %0.7تەن %2.9كە دەيىن ارتتىرعان. فاكت مىنانى تولىق دالەلدەدى: ”ءبىر بەلدەۋ، ءبىر جول“ باستاماسى جۇڭگودان باستالعانىمەن، وراي مەن جەتىستىك دۇنيە جۇزىنە ءتان. ”ءبىر بەلدەۋ، ءبىر جولدى“ بىرگە قۇرۋدىڭ ۇمتىلعانى دامۋ، ۇستانعانى بىرگە يگىلىككە كەنەلۋ، جەتكىزگەنى ءۇمىت.

  قازىر دۇنيە ءجۇزىنىڭ 100 جىلدا بولماعان زور وزگەرىسى جەدەل قۇبىلۋدا، جاڭا ءبىر كەزەك عىلىم - تەحنيكا توڭكەرىسى مەن كاسىپ سالاسى وزگەرىسى اكەلگەن قيان − كەسكى باسەكە بۇرىن بولىپ كورىلمەدى، كليمات وزگەرىسى، ىندەتتەن ساقتانۋ - تىزگىندەۋ سياقتى الەمدىك ماسەلەلەردىڭ ادامزات قوعامىنا اكەلگەن ىقپالى بۇرىن بولىپ كورىلمەدى. ”ءبىر بەلدەۋ، ءبىر جولدى“ بىرگە قۇرۋ ماڭىزدى ورايعا ءدوپ كەلىپ وتىر، سونىمەن بىرگە كۇن سايىن كۇردەلىلەنگەن حالىقارالىق ورتاعا تاپ بولىپ وتىر. جاڭا باستامادا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ستراتەگيالىق تاباندىلىقتى ساقتاپ، ستراتەگيالىق ورايدى يگەرىپ، ”ءبىر بەلدەۋ، ءبىر جولدى“ بىرگە قۇرۋدى جوعارى ساپالى دامىتۋدى مىزعىماس تاباندىلىقپەن ىلگەرىلەتىپ، ”ءبىر بەلدەۋ، ءبىر جولدى“ بەيبىتشىلىك جولى، گۇلدەنۋ جولى، ەسىك اشۋ جولى، جاسىل جول، جاڭالىق اشۋ جولى، وركەنيەت جولى ەتىپ قۇرىپ شىقساق، ءبىز، ءسوزسىز، دۇنيە ءجۇزىنىڭ بىرگە دامۋىن ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن اناعۇرلىم زور كۇش - قۋات قوسا الامىز.

  (شينحۋا اگەنتتىگىنىڭ 11 - ايدىڭ 20 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.