تيانشان تورى
تيانشان تورى   ›   بىلگەنگە مارجان   ›   وتباسى جانە تۇرمىس

قىستا بالالارعا جەمىس بەرگەندە شيكىدەي بەرۋ كەرەك پە، الدە ىسىتىپ بەرۋ كەرەك پە؟

  قىس سۋىق، ال جەمىس تە مۇزداي سۋىق. كەيبىرەۋلەر قىس كەلىسىمەن جەمىس – جيدەك جەمەيدى. ال كوكباۋىر – اسقازان قىزمەتى ٴبىرشاما ٴالسىز بالالار جونىنەن العاندا، سۋىق جەمىستى وتە كوپ جەسە، اسقازان - ىشەكتى جايسىز كۇيگە ءتۇسىرۋى مۇمكىن.

  ءىس جۇزىندە جەمىستى بۋدا پىسىرىپ نەمەسە قايناتىپ جەسە، ٴدامى وزگەشە بولىپ قانا قويماي، ازىقتىقپەن ەمدەۋ ونىمدىلىگىنە جەتۋگە دە بولادى.

  بۋعا پىسىرىلعان الما: ٴىش ٴوتۋدى تيادى

  المانىڭ قۇرامىندا ۆيتامين مەن مينەرال زاتتار مول، بالانىڭ دەنەسى السىرەگەن كەزدە ازىراق بۋعا پىسىرىلعان الما جەسە ۆيتامين مەن مينەرالدىق زاتتاردى تولىقتاپ، دەنە قۋاتىن ارتتىرۋعا پايدالى. بالانىڭ ٴىشى وتكەندە دە بۋعا پىسىرىلعان المانى جەسە، ىشەك جولىنىڭ قىزمەتىن قالپىنا كەلتىرۋ رولىن اتقارىپ، ٴىش ٴوتۋدى تيادى.

  دايىنداعان كەزدە المانى قابىعىمەن بىرگە جاپىراقتاپ تۋراپ، كىشكەنە شىنىعا سالىپ، 5 مينۋت بۋعا پىسىرسا بولعانى، ازىراق سۋىتقاننان كەيىن جەۋگە بولادى.

  بۋعا پىسىرىلعان المانى ەڭ جاقسىسى تاماقتىڭ الدىندا نەمەسە تاماقتان كەيىن جارىم ساعات اينالاسىندا جەۋ كەرەك، تاماقتىڭ الدىندا جەسە تابەتتى ارتتىرادى، تاماقتان كەيىن جەسە اس قورىتۋعا كومەكتەسەدى.

  تۇزداپ بۋلاپ پىسىرىلعان اپەلسين: جوتەلدى تيادى

  اپەلسين قابىعىنىڭ جوتەلدى تيىپ، قاقىرىقتى تۇسىرەتىن ەكى رولى بار، ٴبىرى، ناركوتين، ەندى ٴبىرى، اپەلسىن مايى. بۇل ەكى ٴتۇرلى قۇرام بۋلاعاندا عانا اپەلسين قابىعىنان ءبولىنىپ شىعادى، سوندىقتان بۋعا پىسىرىلعان اپەلسيندى جەۋدىڭ جوتەلدى تيۋدا بەلگىلى رولى بار.

  اپەلسيندى جۋىپ، توبەسىن ويىپ الىپ، بەتىنە ازىراق تۇز سەبەمىز، ساقپىمەن بەتىنەن بىرنەشە جەردەن تەسىك تەسىپ، تۇزدى جەمىس ەتىنە سىڭىرەمىز. اپەلسيننىڭ بەتىن قايتادان جاۋىپ، شىنىعا سالىپ بۋلاپ، سۋ قايناعاننان كەيىن تاعى 15 مينۋت پىسىرامىز.

  الدىمەن اپەلسين قابىعىن الىپ، بالاعا جەمىس ەتىن جەگىزىپ، ەڭ سوڭىندا شىنىنىڭ تۇبىندەگى شىرىن سۋدى قوسىپ ىشكىزەمىز.

  بۋعا پىسىرىلعان المۇرت: تاماقتى قورعايدى

  بالا تۇماۋراتىپ جوتەلگەندە، اتا - انالار قاتتى مازاسىزدانادى، وسى كەزدە بالاعا بۋدا پسىرىلعان المۇرتتى بەرسەك بولادى. المۇرتتىڭ تابيعاتى سۋىق بولاتىندىقتان، شيكى جەسە اسقازان - ىشەكتى جايسىزداندىرۋى مۇمكىن. پىسىرعان سوڭ، ىستىقتى قايتارىپ، وكپەنى ٴجىبىتۋ، جوتەلدى تيىپ، قاقىرىقتى ٴتۇسىرۋ رولى ەسەلەپ ارتادى.

  المۇرتتى بۋعا پىسىرعان كەزدە ەڭ جاقسىسى قابىعىن ارشىماۋ كەرەك، باسقا ازىقتاردى قوسىپ، ٴونىمىن ارتتىرۋعا دا بولادى.

  سىچۋان اق جۇرەگىن جانە ٴتاتتى المۇرتتى پايدالانۋدى ۇسىنىس ەتەمىز، المۇرتتىڭ ۇرىعىن الىپ كەسەكتەپ تۋراپ، سىچۋان اق جۇرەگى مەن ٴتاتتى المۇرتتى لايىقتى مولشەردە سۋ قۇيىلعان شىنىعا بىرگە سالىپ، 15 مينۋت مولشەرىندە قايناتىپ، سورپاسىن ٴىشىپ، المۇرتتى جەۋگە بولادى.

  بۋدا پىسىرىلعان شىلان: كوكباۋىر مەن اسقازاندى قۋاتتاندىرادى

  كەپتىرىلگەن شىلاننىڭ قابىعى توتەنشە قاتتى، كوكباۋىر - اسقازان قىزمەتى ٴالسىز بالالاردىڭ جەۋىنە ۇيلەسپەيدى، جاس شىلاندى كوپ جەۋگە ٴتىپتى دە بولمايدى. سوندىقتان، ەڭ ٴونىمدى ٴادىس — كەپتىرىلگەن شىلاندى بۋدا پىسىرىپ جەۋ، بۇلاي جەگەندە وڭاي قورىتىلىپ، قان ازدىقتى تولىقتايدى.

  شىلان مەن جاپون كارتوبىن قوسىپ بۋدا پىسىرىپ جەۋگە بولادى، شىلاندى ورتاسىنان ٴبولىپ، جاپون كارتوبىن جاپىراقتاپ تۋراپ، ەكەۋىنە سۋىق سۋ قۇيىپ بولەك بۋلاپ پىسرامىز، سۋ قايناعاننان كەيىن، باياۋ وتپەن 20 مينۋت قايناتساق بولعانى.

  بۋدا پىسىرىلعان تسيترۋس: ىستىقتى قايتارادى

  تسيترۋستىڭ ”تابيعي جەمىس كونسەرۆاسى“ دەگەن اتى بار. ىستىعى وڭاي اساتىن بالالار جونىنەن العاندا تسيترۋس جەسە، ىستىعى قايتىپ، اۋىز قۋىسى جاراسىن تيادى.

  تسيترۋس ەتىن عانا جەۋ تسيترۋس قابىعىنداعى حەسپەردين مەن اۋرانتيىن سياقتى اكتيۆ زاتتاردى ىسىراپ ەتەدى، بۇلار قاننىڭ جابىسقاقتىعىن تومەندەتىپ، قان ۇيۋدى ازايتادى.

  سوندىقتان جاس تسيترۋستىڭ قابىعىن ارشىپ، ۇرىعىن الىپ، بولەك بۋدا پىسىرىپ جەۋ ەڭ جاقسى جەۋ ٴادىسى ەسەپتەلەدى.

  بۋدا پىسىرىلعان بانان: ىشەكتى جۇمسارتادى

  باناننىڭ تابيعاتى سۋىق، بۋدا پىسىرىلعاننان كەيىن سۋىعى قايتىپ، ٴدامى ٴتىپتى دە ٴتاتتى، جۇمساق بولىپ، ىشەكتى جۇمسارتىپ، دارەتتى ايداۋ ٴونىمى ٴتىپتى دە جاقسى بولادى.

  الايدا باناندى وتە ۇزاق ۋاقىت بۋدا پىسىرۋعا بولمايدى، ويتپەگەندە وڭاي ەزىلىپ، ٴتۇسى وزگەرەدى.

  جەمىستى بۋدا پىسىرسا، قورەكتىگى جويىلا ما؟

  كەيبىرەۋلەر: توتە جەگەنگە قاراعاندا بۋدا پىسىرعاننان كەيىن جەمىستىڭ قورەكتىك قۇرامىنىڭ زايا كەتۋىن تۋدىرا ما، جوق پا؟ - دەپ سۇراۋى مۇمكىن.

  جەمىستىڭ قۇرامىندا ۆيتامين، مينەرال زاتتار، ورگانيكالىق قىشقىل، فەرمەنت سياقتى قورەكتىك زاتتار مول بولادى، ادەتتەگى جاعدايدا، جەمىستى توتە جەگەندە ونىڭ قورەكتىك زاتتارى ٴتىپتى دە تولىق سىمىرىلەدى.

  جەمىستى بۋدا پىسىرۋ شىنىندا ٴبىر ٴبولىم ۆيتاميندەردى زايا كەتىرەدى، ٴبىراق شەكتەن تىس الاڭداۋدىڭ قاجەتى جوق. ۆيتامين قۇرامى ٴبىرشاما تومەن جەمىس جونىنەن العاندا، بۋدا پىسىرىپ جەسە دە قورەكتىگى مول بولادى. بۇدان سىرت، جەمىس پىسقاننان كەيىن تالشىق جۇمسارادى دا، اسقازان - ىشەكتى تىم اۋىر تىتىركەندىرمەيدى.

  ارينە، جەمىستى بۋدا پىسىرعاندا ۋاقىتتى مۇمكىندىگىنشە قىسقارتىپ، دامىنە ىقپال جەتۋدەن ساقتانۋ كەرەك.

  قىستا بالالار ىستىق جەمىستى جەسىن، دەرەۋ سىناپ كورىڭىز!

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.