تيانشان تورى   ›   ۇيرەنۋ   ›   شولۋ

جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتىپ، ”ءبىر بەلدەۋ، ءبىر جولدى“ بىرگە قۇرايىق

− باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  ”ءبىر بەلدەۋ، ءبىر جولدى“ بىرگە قۇرۋدىڭ ۇمتىلىسى − دامۋ، ۇستانعانى − بىرگە يگىلىككە كەنەلۋ، جەتكىزگەنى − ءۇمىت. 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە باس شۋجي شي جينپيڭ ”ءبىر بەلدەۋ، ءبىر جولدى“ بىرگە قۇرۋدا ءدوپ كەلىپ وتىرعان جاڭا جاعدايدى ىشكەرىلەي ءتۇسىندىرىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتىپ، ۇلاستىرۋ - تۇتاستىرۋ سەلبەستىگىنىڭ نەگىزىن نىعايتىپ، حالىقارالىق سەلبەستىكتىڭ جاڭا ءورىسىن كەڭەيتىپ، حاۋىپ - قاتەردەن ساقتانۋ جانە ونى تىزگىندەۋ تورىن بەرىك توقىپ، اناعۇرلىم جوعارى سەلبەستىك دەڭگەيىن، اناعۇرلىم جوعارى ۇسىنىلىم ونىمدىلىگىن، اناعۇرلىم جوعارى قامداۋ ساپاسىن، اناعۇرلىم جوعارى دامۋ سەرپىمدىلىگىن جۇزەگە اسىرۋعا قۇلشىنىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە ۇزدىكسىز تىڭ تابىستارعا قول جەتكىزۋدى باسا دارىپتەدى.

  زەردەلىلەر زامانعا قاراي ءادىس - امال قولدانادى، بىلىكتىلەر جاعدايعا قاراي ءىس ىستەيدى. ”ءبىر بەلدەۋ، ءبىر جولدى“ جوعارى ساپالى بىرگە قۇرۋدى ىلگەرىلەتۋدە، ءسوز جوق، ”ءبىر بەلدەۋ، ءبىر جولدى“ بىرگە قۇرۋدا ءدوپ كەلگەن جاڭا جاعدايدى دۇرىس تانۋ جانە يگەرۋ كەرەك. جالپى تۇلعالىق جاقتان العاندا، بەيبىتشىلىك پەن دامۋ سىندى ءداۋىر تاقىرىبى وزگەرگەن جوق، ەكونوميكانىڭ جاھاندانۋ ۇلكەن بەتالىسى وزگەرگەن جوق، حالىقارالىق ارنانىڭ دامۋ ستراتەگيالىق جاعدايى بىزگە ءتيىمدى، ”ءبىر بەلدەۋ، ءبىر جولدى“ بىرگە قۇرۋ ءالى دە ماڭىزدى ورايعا ءدوپ كەلىپ وتىر. سونىمەن بىرگە، دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى اكەلگەن قيان - كەسكى باسەكە بۇرىن بولماعان دەڭگەيگە جەتتى، كليمات وزگەرىسى، ىندەتتەن ساقتانۋ - تىزگىندەۋ سياقتى الەمدىك ماسەلەلەردىڭ ادامزات قوعامىنا اكەلگەن ىقپالى بۇرىن بولماعان دەڭگەيگە جەتتى، ”ءبىر بەلدەۋ، ءبىر جولدى“ بىرگە قۇرۋدىڭ حالىقارالىق ورتاسى كۇن سايىن كۇردەلىلەسىپ كەلەدى. وسىنداي جاڭا جاعدايعا ءدوپ كەلگەن سايىن، سولعۇرلىم جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن باتىلدىقپەن مىزعىماستان ىلگەرىلەتۋ كەرەك. ”ءبىز ستراتەگيالىق تاباندىلىقتى ساقتاپ، ستراتەگيالىق ورايدى مىقتى يگەرىپ، دامۋ مەن حاۋىپسىزدىكتى ءبىر تۇتاس جوسپارلاپ، ەل ءىشى مەن حالىقارانى ءبىر تۇتاس جوسپارلاپ، سەلبەستىك پەن كۇرەستى ءبىر تۇتاس جوسپارلاپ، ساقتالعان شاما مەن ارتقان شامانى ءبىر تۇتاس جوسپارلاپ، تۇتاس تۇلعا مەن ماڭىزدى ءتۇيىندى ءبىر تۇتاس جوسپارلاپ، سىن - سايىستارعا بەلسەنە توتەپ بەرىپ، پايدالىسىنا ۇمتىلىپ، زالالدىسىنان ساقتانىپ، ەرلىكپەن العا باسۋىمىز كەرەك“. باس شۋجي شي جينپيڭنىڭ ماڭىزدى ءسوزى ءبىزدىڭ جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتۋگە تاباندى بولىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە جاڭا ونىمدىلىككە ۇزدىكسىز قول جەتكىزۋىمىزگە ايقىن العا باسۋ بەتالىسىن كورسەتتى.

  100 جىلدىق وزگەرىس پەن عاسىرلىق ىندەتتىڭ قاباتتاسۋى دۇنيە ءجۇزى ەكونوميكاسىنىڭ دامۋى مەن حالىق تۇرمىسىنىڭ جاقسارۋىنا اۋىر سىن - سايىس الا كەلدى، ءارقايسى مەملەكەت تەك دۇنيە ءجۇزىنىڭ دامۋ اۋقىمىنا ءساتتى سايكەسىپ، ەسىك اشىپ، سيىسىمدى بولىپ، ۇلاسىپ - تۇتاسقاندا عانا، ءوزارا دەم بەرىپ، ءوزارا تيىمدىلىك جەتكىزىپ تەڭ يگىلىككە كەنەلە الادى. ”ءبىر بەلدەۋ، ءبىر جولدى“ بىرگە قۇرۋ باستاماسى نازاردى ۇلاستىرۋ - تۇتاستىرۋعا شوعىرلاندىرىپ، ناقتى سەلبەستىكتى تەرەڭدەتىپ، ادامزات ءدوپ كەلىپ وتىرعان حاۋىپ - قاتەرلەر مەن سىن - سايىستارعا قول ۇستاسا توتەپ بەرىپ، ءوزارا تيىمدىلىك جەتكىزىپ تەڭ يگىلىككە كەنەلۋدى، بىرگە دامۋدى جۇزەگە اسىرۋدى ماقسات ەتەدى. 8 جىلدان بەرى ءبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، اشىق، جاسىل، كىرشىكسىز بولۋ ۇستانىمىن امالياتتا ايگىلەپ، جوعارى ولشەمدى، باياندى، حالىق تۇرمىسىنا ءتيىمدى بولۋ نىساناسىن جۇزەگە اسىرۋعا كۇش سالىپ، نەگىزدىك قۇرىلعىلاردىڭ ۇلاسۋىن ماڭىزدى بەتالىس، ەرەجە - ولشەمدەردىڭ ۇلاسۋىن ماڭىزدى تىرەك، بىرگە قۇرۋشى مەملەكەتتەر حالقىمەن تىلەك توعىستىرۋدى ماڭىزدى نەگىز ەتەمىز، اقىرعى ماقسات − جان - جاقتى ۇلاستىرۋ - تۇتاستىرۋ ارقىلى الەمدىك قامداۋ تىزبەگىنە، كاسىپ سالاسى تىزبەگىنە، قۇن تىزبەگىنە اناعۇرلىم جاقسى توعىسىپ، بىرلەسە قيمىلداپ دامۋدى جۇزەگە اسىرامىز. ازيا - ەۆروپا قۇرلىعىنان افريكاعا، امەريكاعا، وكەانياعا دەيىن، ”ءبىر بەلدەۋ، ءبىر جولدى“ بىرگە قۇرۋ دۇنيە ءجۇزى ەكونوميكاسىنىڭ ارتۋىنا جاڭا ءورىس اشىپ، حالىقارالىق ساۋداعا جانە قارجى قوسۋعا جاڭا تۇعىر ازىرلەپ، الەمدىك ەكونوميكانى جونگە سالۋدى كەمەلدەندىرۋ ءۇشىن جاڭا امالياتتىق ءورىس اشىپ، ءار ەل حالقىنىڭ ىرىس - قۇتىن ارتتىرۋعا تىڭ ۇلەس قوستى. جاڭا ساپاردا ءبىز جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتۋگە تاباندى بولىپ، ءار جاقپەن بىرگە اناعۇرلىم تىعىز ”ءبىر بەلدەۋ، ءبىر جول“ سەرىكتەر قارىم - قاتىناسىن ورناتىپ، ىنتىماقتاسا سەلبەسۋ، ءوزارا ۇلاسۋ - تۇتاسۋ، بىرگە دامۋ جولىمەن جۇرۋگە تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋىمىز كەرەك.

  جوعارى ولشەمدى، باياندى، حالىق تۇرمىسىنا ءتيىمدى بولۋ نىساناسىن قالاي جۇزەگە اسىرۋعا بولادى؟ جالپى بەتتىك قابىلداۋعا بولاتىن حالىقارالىق ەرەجە - ولشەممەن بەلسەنە ءتۇيىلىسىپ، كاسىپورىنداردىڭ نىسان قۇرىلىسى، تيجارات جۇرگىزۋ، ساتىپ الۋ، ساۋداگەر شاقىرۋ، قارجى قوسۋ سياقتى بۋىنداردا جالپى بەتتىك قابىلداۋعا بولاتىن حالىقارالىق ەرەجە - ولشەم بويىنشا جۇرگىزۋ، سونىمەن بىرگە ءارقايسى مەملەكەتتىڭ زاڭدارىنا، زاڭ ەرەجەلەرىنە بويسۇنۋ كەرەك. ەكونوميكا، قوعام، قورشاعان ورتانى سايكەستى دامىتۋ جولىمەن ءجۇرىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىبىنە قولداۋ كورسەتۋدى ”ءبىر بەلدەۋ، ءبىر جولدى“ بىرگە قۇرۋمەن توعىستىرىپ، ەكونوميكانىڭ ارتۋىن، قوعامنىڭ دامۋىن، قورشاعان ورتانى قورعاۋدى ءبىر تۇتاس جوسپارلاپ ىلگەرىلەتىپ، ءارقايسى ەلدىڭ وسىنىڭ يگىلىگىن كورۋىنە مۇمكىندىك جاساپ، بىرگە دامۋدى جۇزەگە اسىرۋىمىز، سونىمەن بىرگە ساۋدا جانە قازىنا جاعىنداعى باياندىلىققا شىنايى كەپىلدىك ەتىپ، جاقسى باستاپ، جاقسى اياقتاتىپ، تىڭعىلىقتى ىستەپ، تياناقتى ناتيجەگە جەتۋىمىز كەرەك. حالىقتى وزەك ەتكەن دامۋ يدەياسىنا تاباندى بولىپ، نازاردى كەدەيلىكتى جويۋعا، جۇمىستانۋدى ارتتىرۋعا، حالىق تۇرمىسىن جاقسارتۋعا شوعىرلاندىرىپ، ”ءبىر بەلدەۋ، ءبىر جولدى“ بىرگە قۇرۋ جەتىستىكتەرىنەن بارشا حالىقتى اناعۇرلىم جاقسى يگىلىكتەندىرىپ، جەرگىلىكتى ورىننىڭ ەكونوميكاسىنىڭ، قوعامىنىڭ دامۋىنا ناقتى ۇلەس قوسۋ كەرەك. حالىق تۇرمىسى ينجەنەرياسى − بىرگە قۇرۋشى مەملەكەتتەردەگى حالىق بۇقاراسىنىڭ تابىس سەزىمىن جەدەل جوعارىلاتۋدىڭ ماڭىزدى جولى، ءبىر تۇتاس جوسپارلاۋدى، جوبالاۋدى كۇشەيتىپ، حالىققا جاناسىمدى، جۇرت تىلەگىن توعىستىراتىن اناعۇرلىم كوپ سەلبەستىك جەتىستىكتەرىن قالىپتاستىرۋ كەرەك.

  قيىندىقتى بىلەك بىرىكتىرە جەڭەتىن جەلكەن كوتەرىپ، تولقىن جارا ىلگەرىلەپ، الىس ساپارعا اتتانايىق. بولاشاققا بەت العاندا بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، اشىق، جاسىل، كىرشىكسىز بولۋ ۇستانىمىن امالياتتا ايگىلەپ، جوعارى ولشەمدى، باياندى، حالىق تۇرمىسىنا ءتيىمدى بولۋ نىساناسىن جۇزەگە اسىرۋعا قۇلشىنساق، ءبىز، ءسوز جوق، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ بەتالىسىمەن ۇزدىكسىز العا باسىپ، ءار ەلدىڭ ۇلاسۋىنىڭ، تۇتاسۋىنىڭ اناعۇرلىم ءونىمدى بولۋىنا، ەكونوميكالىق ارتۋىنىڭ اناعۇرلىم پارمەندى بولۋىنا، حالىقارالىق سەلبەستىگىنىڭ اناعۇرلىم سەرپىمدى بولۋىنا، حالىق تۇرمىسىنىڭ اناعۇرلىم تاماشا بولۋىنا مۇمكىندىك جاساي الامىز.

  (شينحۋا اگەنتتىگىنىڭ 11 - ايدىڭ 21 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.