ما جياڭتاۋ:
نەگىزگى ساتىعا تامىر تارتىپ، اۋەلگى ماقساتتى امالياتتا ايگىلەدى
انار بۇلت / شينجياڭ گازەتىنىڭ تىلشىلەرى ءپاريزات ابدۇل، ءرايدا
قىستاقتا تۇرعان كەزىندە ول قيىنشىلىققا قارسى اتتانىپ، بۇقارانى كوكەيىندە ساقتاپ، قىستاق تۇرعىندارىن كىرىستەرىن ارتتىرىپ بايۋعا باستادى، اۋىر كەدەي قىستاقتى بۇكىل ەلدىڭ اۋىل - قىستاق ساياحاتىنداعى ءتۇيىندى قىستاق جانە اۆتونوميالى رايوننىڭ كەدەيلىكتەن ارىلتۋدان قامال الۋداعى ۇلگى كورسەتەتىن قىستاق ەتىپ سومدادى؛ وقىتۋدى باسقارۋ قىزمەت ورنىنا بارعاننان كەيىن، ول الدىمەن ونەگە كورسەتىپ، باتىلدىقپەن جاڭالىق اشىپ، بورىش جانە جاۋاپكەرشىلىك ارقالاۋ ارقىلى توپ - توپ وقۋشىنى تاربيەلەدى جانە تولعاندىردى.
ول حوتان قالالىق پارتكومنىڭ تۇراقتى مۇشەسى، حوتان قالالىق جوعارى دارەجەلى تەحنيك جۇمىسشىلار مەكتەبى پارتكومىنىڭ شۋجيى، مەكتەپ باستىعى، شينجياڭ ينجەنەريا شۋەيۋانىنىڭ حوتان قالاسى جييا اۋىلى كوشە قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى ما جياڭتاۋ ەدى.
”كەدەيلىكتەن ارىلىپ قانا قويماي، تاعى بايۋ كەرەك“
2018 - جىلى ما جياڭتاۋ كوشە قىستاعىنا بارىپ، ءبىرىنشى شۋجي مىندەتىن اتقارۋعا جىبەرىلدى.
تاكلاماكان شولىنە ارقاسىن تىرەگەن، ادام باسىنا تۋرا كەلەتىن ەگىستىك جەرى ءبىر مۋعا دا جەتپەيتىن كوشە قىستاعى نەگە سۇيەنىپ دامىدى؟ ”شولدە بولعان ەكەنسىڭ، ارينە، شولگە سۇيەنىپ تىرشىلىك ەتۋ كەرەك“. ما جياڭتاۋ ءشول بايلىعى مەن قاراپايىم اۋىل - قىستاق كەلبەتىن ارقاۋ ەتىپ، وڭىرلىك ەرەكشەلىككە يە شارۋالار سالت - سانا قىستاعىن قۇرۋدى كوشە قىستاعىنىڭ دامۋىنداعى باستاپقى تالعامى ەتتى.
ما جياڭتاۋ باستاپتا ىلگەرىندى - كەيىندى 20 نەشە ساياحات كاسىپورنىمەن بايلانىس جاسادى، الايدا وسى كاسىپورىندار تەكسەرىپ كورگەننەن كەيىن حابار - وشارسىز كەتتى. ول كەيىنتىنەن جەرگىلىكتى ورىنداعىءبىر كاسىپورىنمەن بايلانىس جاسايدى، بۇل كاسىپورىن ەڭ سوڭىندا 170 ميلليون يۋان قارجى قوسىپ، ءشول دالا توراڭعى ەكولوگيا كورىنىس ءوڭىرىن قۇرىپ شىقتى.
ءشول دالانىڭ جىم - جىرتتىعىن ادامداردىڭ دۋماندى ءۇنى جاڭعىرتتى. 2018 - جىلى 10 - ايدىڭ 1 - كۇنى كوشە قىستاعى ءشول دالا توراڭعى ەكولوگيالىق كورىنىس ءوڭىرى جۇمىس باستاعان العاشقى كۇنى 20 مىڭنان استام ساياحاتشىنى قارسى الدى. 2019 - جىلى تارىمدى اينالۋ اۆتوكولىك راللي جارىسى ءشول دالا توراڭعى ەكولوگيالىق كورىنىس وڭىرىنە ەنگىزىلدى ءارى سوڭعى اياقتاۋ بەكەتىن كورىنىس ءوڭىرىنىڭ تارىمدى اينالۋ لاگەرىنە ۇزاق ۋاقىت ورنالاستىردى. سول جىلى قيمىل كەزىنىڭ وزىندە - اق كورىنىس ءوڭىرى 200 مىڭنان استام ادام - رەت باۋرادى.
كىرىستى ارتتىرىپ بايۋدا ساياحات سىندى وسى ءبىر كاسىپ سالاسىنا سۇيەنۋ جەتكىلىكتى بولمايدى. ما جياڭتاۋ تەكسەرۋ جۇرگىزۋ ارقىلى قىستاقتا 21 دۇكەن ءۇيى بار شارۋاشىلىق قۇرۋ، جۇمىستاندىرۋ بازاسىن قۇرىپ، ”ەكولوگيالىق ساياحات + قىستاق قۇرعان زاۆود + شارۋاشىلىق قۇرۋ بازاسى“ سىندى كاسىپ سالاسىن دامىتۋ ۇلگىسىن قالىپتاستىردى.
بۇكىل قىستاقتا جان باسىندىق ورتاشا تازا كىرىس 2017 - جىلداعى 5982 يۋاننان ارتىپ 2021 - جىلى 15 مىڭ يۋانعا جەتتى، جۇمىستانعاندار سانى 2017 - جىلعى 106 ادامنان ارتىپ 2021 - جىلى 878 ادامعا جەتتى، قىستاقتىڭ كوللەكتيۆ ەكونوميكاسى 2017 - جىلعى 42 مىڭ 400 يۋاننان ارتىپ 2021 - جىلى 701 مىڭ 700 يۋانعا جەتتى...
”حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز. مەن ءار ۇلت كادر - بۇقاراسىن باستاپ جاڭا ساپاردا ۇزدىكسىز العا باسامىن“، - دەدى ما جياڭتاۋ.
”اناعۇرلىم كوپ ساپاسى جوعارى، شەبەرلىككە جاتىلعان ەگىنشى - مالشىلاردى باۋلىدى“
”مەن كىشكەنتاي كەزىمنەن كيىم - كەشەك جوبالاۋدى جاقسى كورەمىن، وسى رەتكى تاربيەلەۋدە مەن توقىماشىلىق، كيىم - كەشەك ماماندىعىنا تىزىمدەلدىم، كيىم - كەشەك دۇكەنىن اشۋ مەنىڭ ارمانىم“، - دەدى 11 - ايدىڭ 21 - كۇنى وتكىزىلگەن حوتان قالالىق جوعارى دارەجەلى تەحنيك جۇمىسشىلار مەكتەبى تەحنيكالىق شەبەرلىككە باۋلۋ كلاسىنىڭ اشىلۋ سالتىندا كۋرسانت ابدۇازەز ابدىرەيىم.
”11 - ايدىڭ 21 - كۇنىنەن كەلەر جىلى 2 - ايدىڭ 28 - كۇنىنە دەيىن ءبىز 3 توپقا ءبولىپ 8700 ەگىنشى - مالشىلاردى باۋليمىز، جۇمىستانۋ شەبەرلىگىنە جانە قولدانىلمالى تەحنيكاعا باۋلۋ ارقىلى سىزدەردى جوعارى ساپالى، تەحنيكالىق شەبەرلىككە جاتىلعان ەگىنشى - مالشى ەتىپ باۋليمىز...“. ما جياڭتاۋدىڭ ءسوزىن كۋرسانتتار قايتا - قايتا دۋ قول شاپالاق سوعىپ قۇپتادى.
2019 - جىلى 4 - ايدا ما جياڭتاۋ حوتان قالالىق جوعارى دارەجەلى تەحنيك جۇمىسشىلار مەكتەبى پارتكومىنىڭ شۋجيى، مەكتەپ باستىعى مىندەتىن وتەيدى، مەكتەپ باسقارۋ نەگىزى ءالسىز، وقىتۋشىلار كۇشى كەمشىل بولۋ جاعدايى الدىندا ول يمەنبەي، بار ىقىلاسىن مەكتەپكە ارناپ، دامۋدىڭ شىعار ءتۇيىنىن قاراستىردى.
ما جياڭتاۋ ۇجىمدى باستاپ كوپ جاقتان قارجى قاراستىرىپ، مەكتەپ باسقارۋ الاڭدارى، ناقتى جاتتىعۋ بازاسى سياقتى نەگىزدىك قۇرىلعىلاردى كەمەلدەندىردى. اۆتونوميالى رايوننىڭ ”10 ءىرى كاسىپ سالاسىن“، حوتان ايماعىنىڭ اۋىل شارۋاشىلىعى نەگىزگى كاسىپ سالاسىن ارقاۋ ەتە وتىرىپ، ”بازار قانداي تەحنيك دارىندىلاردى قاجەت ەتسە، سونداي تەحنيك دارىندىلاردى باۋلۋ“ بويىنشا توقىماشىلىق، ليفت، زات تاسىمالى، اۋا تەڭشەگىش، ءورت ءوشىرۋ، ورتتەن ساقتانۋ سياقتى 28 كاسىپ اشىپ، ”ءتورت قۋىرماش، ءتورت قاقتاۋ“ ۇلگىسىندەگى جەرگىلىكتى ەرەكشە كاسىپتى تۇلعالادى؛ ”ەگىنشى - مالشىلارعا باعىتتالىپ، ەگىنشى - مالشىلارعا قىزمەت وتەۋدەي“ مەكتەپ باسقارۋ ۇستانىمىنا تاباندى بولىپ، ەگىنشى - مالشىلار ءۇشىن جالپىلىق سيپاتتى تەحنيكالىق شەبەرلىككە باۋلۋ تۇعىرىن ورناتتى؛ مەكتەپ پەن كاسىپورىن سەلبەستىگىن تۇتقا ەتىپ، بەلسەندى تۇردە بازارمەن ۇشتاسىپ، كاسىپورىنمەن ۇشتاسىپ، وقۋشىلاردىڭ جۇمىستانۋ ارناسىن كەڭەيتىپ، ”تاپسىرىس بەرۋ ۇلگىسىندەگى“ باۋلۋ ارقىلى وقۋشى قابىلداۋ دەگەن جۇمىسشى قابىلداۋ، مەكتەپ بىتىرە سالا جۇمىستانۋدى جۇزەگە اسىردى.
شيرالي احماتنياز حوتان قالاسى تۇساللا قالاشىعى كاجۋا قىستاعىنىڭ تۇرعىنى. بيىل 5 - ايدا حوتان قالالىق جوعارى دارەجەلى تەحنيك جۇمىسشىلار مەكتەبىندە 45 كۇندىك تەحنيكالىق شەبەرلىككە باۋلۋعا قاتىناستى. ”قازىر مەن مەكتەپ كەشكى بازارىندا پالاۋشىمىن، ايلىق ەڭبەكاقىم 5000 يۋان“، - دەدى شيرالي قۋانىشتى تۇردە.
2019 - جىلدان بەرى حوتان قالالىق جوعارى دارەجەلى تەحنيك جۇمىسشىلار مەكتەبى جالپى 50 مىڭعا جۋىق ەگىنشى - مالشىنى تاربيەلەدى، تاربيەلەگەن ەگىنشى - مالشىلاردىڭ جۇمىستانۋ سالىستىرماسى ％92كە جەتتى.
”بۇقارانىڭ ءىسى قانشا ۇساق بولسا دا ءىرى ءىس“
2016 - جىلى ما جياڭتاۋ العاش رەت قىستاقتا تۇرعان كەزدە جييا اۋىلى كالتاتۇگمەن قىستاعىنىڭ تۇرعىنى ماتياسىن تۇرسۇننيازبەن جۇپ قۇراپ، تۋىس بولادى. ماتياسىن مۇگەدەك بولعاندىقتان، جۇمىستانۋعا شاراسىز قالىپ، كۇندەرى تاپشىلىقپەن وتەدى. ما جياڭتاۋ اۋلانى جاڭالاۋدان باستاپ، وسى وتباسىنىڭ كەدەيلىكتەن ارىلۋىنا كومەكتەسەدى، ”ما شۋجي ايەلىم ەكەۋىمىزدىڭ قىزمەت تابۋىمىزعا كومەكتەستى، مەن مەكتەپتە اماندىق قورعاۋشىمىن، ايەلىم تازالىقشى بولىپ ىستەيدى، ەكەۋىمىز ايىنا 5000 يۋان ەڭبەكاقى الامىز. قازىر بانكەگە 30 مىڭ يۋان قويدىق“، - دەدى ماتياسىن.
ماتياسىن تىلشىگە بىلاي دەدى:” 5 جىلدان بەرى ما شۋجيدىڭ وتباسىمىزعا كومەگى توقتاعان ەمەس. مەن قۇلشىنا قىزمەت ىستەپ، اناعۇرلىم جاقسى تۇرمىس كەشىرگەندە عانا، ونىڭ جاقسىلىعىن اقتاي الامىن“.
”بۇقارانىڭ ءىسى قانشا ۇساق بولسا دا ءىرى ءىس. ۇساق ءىس جۇرت جۇرەگىنە جالعاسادى، ۇساق ءىس كەلەلى جاعدايمەن ساباقتاس“، - دەدى ما جياڭتاۋ. 5 جىلدان بەرى مەيلى قىستاقتا تۇرۋ بولسىن، الدە وقۋ - اعارتۋدى باسقارۋ قىزمەت ورنىندا بولسىن، ما جياڭتاۋ ىستەگەن سالاسىنىڭ مامانى بولىپ، شىنايى سۇيىسپەنشىلىك، ىزگى نيەتى ارقىلى ەگىنشى - مالشىلار مەن وقىتۋشى - وقۋشىلاردىڭ جۇرەگىنە ۇيالادى.
ساپار الىس، تەك كۇرەس جاساۋ كەرەك. ما جياڭتاۋ بىلاي دەدى:” مەن پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ويداعىداي ۇيرەنىپ، دايەكتىلەندىرىپ، العان بەتىنەن قايتپايتىن تاباندىلىقپەن نەگىزگى ساتىعا تامىر تارتىپ، قاجىماي - تالماي كۇرەس جۇرگىزىپ، ءار ۇلت بۇقاراسىن باقىتتى، تاماشا تۇرمىس وتكىزۋگە باستايمىن“.
