اۆتونوميالى رايوندىق پارتكومنىڭ تۇراقتى مۇشەلەرى جاۋاپتى سالالارىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزدى، ۇيرەندى
پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىن ىلگەرىلەتۋ كەرەك
انار بۇلت / شينجياڭ گازەتىنىڭ تىلشىلەرى لياڭ ليحۋا، گو ليڭ، ميھىرگۇل عوپۇر 11 - ايدىڭ 21 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ تۇراقتى مۇشەلەرى جاۋاپتى سالالارىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جەتكىزىپ، ۇيرەنىپ، جالپى ءماجىلىستىڭ رۋحىن ۇيرەنۋدىڭ، دايەكتىلەندىرۋدىڭ تەرەڭدەۋىن، جۇرەككە ۇيالاۋىن، ناقتىلانۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا كۇش سالدى.
تيان شياڭلي اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتىنىڭ (كەڭەيتىلگەن) ماجىلىسىندە بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جالپى بەتتىك قورىتىندىلاپ، بۇكىل پارتيانىڭ يدەيانى اناعۇرلىم بىرلىككە كەلتىرۋىن، ەرىك - جىگەردى اناعۇرلىم بىرلىككە كەلتىرۋىن، ارەكەتتى اناعۇرلىم بىرلىككە كەلتىرۋىن ىلگەرىلەتىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ جاڭا داۋىردەگى جۇڭگوشا سوتسياليزمنىڭ جاڭا دا ۇلى جەڭىسىنە قول جەتكىزۋ جونىنەن كەلەلى رەال ءمان جانە تەرەڭ تاريحي ءمان الادى. بۇكىل رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ۇيرەنۋ، ۇگىتتەۋ، دايەكتىلەندىرۋ قىزمەتىن مۇقيات ويداعىداي ۇيىمداستىرىپ، جالپى ءماجىلىس رۋحىمەن يدەيانى بىرلىككە كەلتىرىپ، ورتاق تانىم ۇيىستىرىپ، سەنىمدى بەكەمدەپ، كۇرەس جىگەرىن كۇشەيتۋلەرى كەرەك. ءار دارەجەلى باسشى كادرلار الدىمەن ۇيرەنىپ، ءتارتىپ تەكسەرۋ، باقىلاۋ - تەكسەرۋ كادرلارىنىڭ ۇيرەنۋ قىزۋ ورلەۋىن جەدەل كوتەرۋىنە باستاماشى بولۋلارى كەرەك. ساياسي باقىلاۋ جاۋاپكەرشىلىگىن، بورىشىن مۇقيات، ويداعىداي اتقارىپ، جالپى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ارقاۋ ەتىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرا باقىلاۋ، تەكسەرۋ ورىستەتىپ، دايەكتىلەندىرۋ، تياناقتاندىرۋ بارىسىنداعى ساياسي پارىقتى ىشكەرىلەي تەكسەرىپ تابۋى كەرەك. حالىقتى وزەك ەتكەن دامۋ يدەياسىن امالياتتا ايگىلەپ، بۇقارانىڭ ماڭىنداعى شىرىكتەسۋدى جانە بۇرىس ستيلدى ىشكەرىلەي رەتتەۋ، وڭاۋ كەرەك. ”ءۇش بولماۋدى“ ءبىر تۇلعالى ىلگەرىلەتۋ ستراتەگياسىن ستيل دۇرىستاۋدىڭ، ءتارتىپتى قاتايتۋدىڭ، شىرىكتەسۋگە قارسى تۇرۋدىڭ جالپى بارىسىنا، ءار جاعىنا ساباقتاستىرىپ، تاماشا ساياسي ەكولوگيا مەن دامۋ ورتاسىن قالىپتاستىرۋ كەرەك. وزىندىك قۇرىلىستى كۇشەيتىپ، باتىلدىقپەن وزىنە توڭكەرىس جاساپ، ادال، كىرشىكسىز، جاۋاپكەرشىلىك ارقالايتىن، باتىلدىقپەن، شەبەرلىكپەن كۇرەس جاسايتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن سومداپ، جاڭا داۋىردەگى جاڭا ساپاردا جاڭا دا اناعۇرلىم زور ۇلەس قوسۋ كەرەك.
ۋاڭ ميڭشان اۆتونوميالى رايوندىق پارتكوم ساياسي - زاڭ كوميتەتى ورگانى نازاريا ۇيرەنۋ وزەكتى گرۋپپاسىنىڭ ماجىلىسىندە بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتۋگە تاباندى بولىپ، جالپى ءماجىلىستىڭ رۋحىن ساياسي - زاڭ قىزمەتىنىڭ جوعارى ساپالى دامۋىن ىلگەرىلەتەتىن قۋاتتى قوزعاۋشى كۇشكە اينالدىرۋ كەرەك. پارتيا تاريحىن ۇيرەنۋ تاربيەسىن ۇزدىكسىز تەرەڭدەتىپ، كەڭەيتىپ، پارتيامىزدىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن تەرەڭ ءتۇسىنىپ پارتيا قۇرۋ ۇلى رۋحىن كۇش سالا اسقاقتاتىپ، پارتيانىڭ باسشىلىعىن ساياسي - زاڭ قىزمەتىنىڭ جالپى بارىسىندا، ءار جاعىندا دايەكتىلەندىرۋ كەرەك. شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، يدەيا مەن ارەكەتتى باس شۋجي شي جينپيڭنىڭ ساياسي - زاڭ قىزمەتى جونىندەگى ماڭىزدى نۇسقاۋىنىڭ رۋحىمەن شىن مانىندە بىرلىككە كەلتىرىپ، ونان ارى تالپىنىپ، قايراتتانىپ، تاجىريبەلەردى قورىتىندىلاپ، مەحانيزمدى كەمەلدەندىرىپ، ءتۇزىمدى اقاۋسىزداندىرىپ، شارانى ساپالىلاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىنا شىنايى كەپىلدىك ەتۋ كەرەك. ارناۋلى تاقىرىپتىق ورنالاستىرۋ، جايعاستىرۋ جاساپ، ارناۋلى ۇيرەنۋگە ۇيىمداستىرىپ، قالىڭ كادر - ساقشىلاردى پارتياعا ادالدىعىن قان تامىرعا ءسىڭىرىپ، شارتسىز ادال، مۇلدەم كىرشىكسىز، مۇلدەم سەنىمدى بولۋدى ورىنداۋعا تاربيەلەۋ، جەتەكشىلىك ەتۋ كەرەك. ساياسي - زاڭ سالاسى رەفورماسىن جاپپاي تەرەڭدەتۋگە تاباندى بولىپ، زاڭمەن جونگە سالۋ ويى مەن زاڭمەن جونگە سالۋ ءتاسىلىن قولدانىپ رەفورمانى تەرەڭدەتۋ، دامۋدى ىلگەرىلەتۋ، قايشىلىقتى شەشۋ، ورنىقتىلىقتى قورعاۋ، حاۋىپ - قاتەرلەرگە توتەپ بەرۋ دەڭگەيىن ۇزدىكسىز جوعارىلاتىپ، ساياسي - زاڭ جاعىندا ورنىقتىلىقتى قورعاۋ قىزمەتتەرىن تىڭعىلىقتى ويداعىداي ىستەپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الۋىمىز كەرەك.
ءزۇمىرات وبۇل اۆتونوميالى رايوندىق پارتكوم بىرلىكساپ ءبولىمىنىڭ، اۆتونوميالى رايوندىق ۇلت ىستەرى كوميتەتىنىڭ (ءدىن ىستەرى مەكەمەسى)، اۆتونوميالى رايوندىق ونەركاسىپ - ساۋدا بىرلەستىگىنىڭ ارناۋلى تاقىرىپتىق ماجىلىسىندە بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسى ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارى» شۇعىلالى ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاۋىنىڭ، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ساياسي جارناماسى، تاريحتى اينا ەتۋدىڭ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى. بىرلىكساپ جۇيەسى ۇيرەنۋ، ۇگىتتەۋ، ۇگىت لەكسيا، باۋلۋ، جالپىلاستىرۋ، زەرتتەۋ - تالقىلاۋ سىندى ”التى قيمىلدى“ بەلسەنە ورىستەتۋگە ۇيىمداستىرىپ، ارناۋلى تاقىرىپتىق ۇيرەنۋدى، جۇيەلى ۇيرەنۋدى، زەرتتەۋ - تالقىلاۋدى، اۋىس - كۇيىس جاساۋدى ساتىعا ءبولۋ، تولىق قامتۋ بويىنشا ورىستەتىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ كەلەلى ءمانىن تەرەڭ تانۋ كەرەك. بىرلىكساپ شەبىنىڭ ماڭىزدى اسىلدىق رولىن تولىق ساۋلەلەندىرىپ، ورتالىقتىڭ ۇلت قىزمەتى ءماجىلىسى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى رۋحىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ۇلت قىزمەتىنىڭ جاڭالىق اشا دامۋىن ىلگەرىلەتۋ؛ شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، دىندەردىڭ تاتۋلىعىن، جاراسىمدىلىعىن، اقاۋسىز دامۋىن جەبەۋ؛ ساياسي ورتاق تانىمدى ۇيىستىرۋدى جەتەكشى ەتۋگە تاباندى بولىپ، بىرلىكساپ شەبىنىڭ باسقا سالاداعى قىزمەتتەرىن تىڭعىلىقتى ويداعىداي ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا زەيىن - زەردەنى، كۇش - قۋاتتى ۇيىستىرۋ كەرەك.
