تيانشان تورى   ›   ۇيرەنۋ   ›   شولۋ

”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە تىڭ تابىستارعا ۇزدىكسىز قول جەتكىزەيىك

  − باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  ”جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتىپ، ۇلاستىرۋ - تۇتاستىرۋ سەلبەستىگىنىڭ نەگىزىن نىعايتىپ، حالىقارالىق سەلبەستىكتىڭ جاڭا ءورىسىن كەڭەيتىپ، حاۋىپ - قاتەردەن ساقتانۋ جانە ونى تىزگىندەۋ تورىن بەرىك توقىپ، اناعۇرلىم جوعارى سەلبەستىك دەڭگەيىن، اناعۇرلىم جوعارى ۇسىنىلىم ونىمدىلىگىن، اناعۇرلىم جوعارى قامداۋ ساپاسىن، اناعۇرلىم جوعارى دامۋ سەرپىمدىلىگىن جۇزەگە اسىرۋعا قۇلشىنىپ، ’ءبىر بەلدەۋ، ءبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتۋدە تىڭ تابىستارعا ۇزدىكسىز قول جەتكىزۋ كەرەك“، 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە، باس شۋجي شي جينپيڭ ”ءبىر بەلدەۋ، ءبىر جول“ ءدوپ كەلگەن جاڭا جاعدايدى تەرەڭدەي ءتۇسىندىرىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ۇزدىكسىز ىلگەرىلەتۋ جونىندە كەلەلى ورنالاستىرۋ جاساپ، ايقىن تالاپ قويدى.

  كەزەكتە 100 جىلدىق وزگەرىس پەن عاسىرلىق ىندەت قاباتتاسىپ، دۇنيە ءجۇزى اۋمالى - توكپەلى وزگەرىس مەزگىلىنە ءوتىپ، ورنىقسىزدىق، تۇراقسىزدىق كورنەكتى جوعارىلادى. سونىمەن بىرگە، دۇنيە ءجۇزىنىڭ كوپ ۇيەكتەنۋ اۋقىمى تۇبىرىنەن وزگەرگەن جوق، ەكونوميكانىڭ جاھاندانۋى جاڭا سەرپىمدىلىك ايگىلەپ، كوپ جاقتىلىقتى قورعاۋ، تىلدەسىپ، سەلبەسۋدى كۇشەيتۋ ءۇنى اناعۇرلىم كۇشەيە ءتۇستى. ىندەتكە بىرگە قارسى اتتانۋدى باستان كەشىرگەن ءار ەل حالقى ءار ەلدىڭ تاعدىرىنىڭ تىعىز بايلانىسىپ جاتقاندىعىن، ادامزاتتىڭ بەينەت پەن زەينەتتى بىرگە وتكەرەتىن تاعدىرلاس ورتاق تۇلعا ەكەندىگىن اناعۇرلىم جەتە تانىدى. مەيلى ىندەتكە توتەپ بەرۋدە، الدە ەكونوميكانى قالپىنا كەلتىرۋدە بولسىن، تۇگەلدەي ىنتىماقتاسا سەلبەسۋ جولىمەن ءجۇرۋ كەرەك، تۇگەلدەي كوپ جاقتىلىققا تاباندى بولۋى ءتيىس. ۇلاستىرۋدى، تۇتاستىرۋدى جەبەۋ، اشىق، سيىسىمدى بولۋعا تاباندى بولۋ − الەمدىك داعدارىسقا توتەپ بەرۋ مەن ۇزاق بولاشاقتىق دامۋدى جۇزەگە اسىرۋدا، ءسوزسىز، باسىپ وتەتىن جول، مۇندا ”ءبىر بەلدەۋ، ءبىر جولدى“ بىرگە قۇرۋ ماڭىزدى رول اتقارادى. ماڭىزدى وراي الدىندا، كۇن سايىن كۇردەلىلەنگەن حالىقارالىق ورتا الدىندا، قايتكەندە ورايدى يگەرىپ، سىن - سايىستارعا توتەپ بەرىپ، پايدالىسىنا ۇمتىلىپ، زالالدىسىنان ساقتانىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋ بەتالىسىمەن ۇزدىكسىز العا باسۋىن ىلگەرىلەتۋگە بولاتىندىعى جونىندە، باس شۋجي شي جينپيڭ ”دامۋدىڭ نەگىزىن بەكەمدەۋ“، ”سەلبەستىكتىڭ جاڭا سالالارىن ورنىقتى قاداممەن كەڭەيتۋ“، ”جاڭا دامۋ ارناسىن قالىپتاستىرۋعا اناعۇرلىم ويداعىداي قىزمەت وتەۋ“، ”حاۋىپ - قاتەردەن ساقتانۋدى جانە ونى تىزگىندەۋدى جاپپاي كۇشەيتۋ“، ”ءبىر تۇتاس جوسپارلاۋدى، سايكەستىرۋدى كۇشەيتۋ“ سياقتى جاقتاردان، ءسوز جوق، مىقتى ۇستاۋعا ءتيىستى ءبىر قىدىرۋ ءتۇيىندى قىزمەتتەردى العا قويىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ۇزدىكسىز ىلگەرىلەتۋگە ايقىن بەتالىس جانە جول كورسەتىپ، ەلىمىزدىڭ جوعارى دەڭگەيدە ەسىك اشۋدى بۇلجىماستان كەڭەيتۋدەگى، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن بۇلجىماستان ىلگەرىلەتۋدەگى بەكىمى مەن سەنىمىن ايگىلەپ، ەلىمىزدىڭ ”ءبىر بەلدەۋ، ءبىر جولدى“ بىرگە قۇرۋ ارقىلى ىندەتتەن كەيىنگى الەمدىك ەكونوميكانىڭ قالپىنا كەلۋى مەن ادامزاتتىڭ تاعدىرلاس ورتاق تۇلعاسىن بىرگە قۇرۋدى ىلگەرىلەتۋدەگى ءىرى ەلدىك جاۋاپكەرشىلىگىن كورسەتتى.

  ”ءبىر بەلدەۋ، ءبىر جولدى“ بىرگە قۇرۋدىڭ ۇمتىلىسى − دامۋ، ۇستانعانى − بىرگە يگىلىككە كەنەلۋ، جەتكىزگەنى − ءۇمىت. ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى ىلگەرىلەتۋ اناعۇرلىم كوپ ەلدەر مەن حالىقتاردىڭ دامۋ ورايى مەن ناقتى تيىمدىلىككە قول جەتكىزۋىنە مۇمكىندىك جاساۋ بولىپ تابىلادى. دامۋدىڭ نەگىزىن بەكەمدەپ، ساياسي ءوزارا سەنىمدىلىكتى تەرەڭدەتىپ، ساياسي ورتاق تانىمدى ناقتى ارەكەتكە اينالدىرۋدى، ۇستانىمدى شىنايى مويىنداۋدى ناقتى جەتىستىككە اينالدىرۋدى ىلگەرىلەتۋ؛ ۇلاستىرۋ - تۇتاستىرۋدى تەرەڭدەتىپ، قۇرلىق، تەڭىز، اۋە، ينتەرنەت ”ءتورت ءبىر تۇلعالانعان“ ۇلاستىرۋ - تۇتاستىرۋ ورنالاسىمىن كەمەلدەندىرىپ، الەمنىڭ ۇلاسۋىنىڭ، تۇتاسۋىنىڭ ارتقان شاماسىن جەبەۋ؛ ساۋدانى ىركىلىسسىزدەندىرۋدى تەرەڭدەتىپ، ساۋدا مەن قارجى قوسۋدىڭ ەركىن، قولايلى بولۋ دەڭگەيىن جوعارىلاتىپ، ساۋدانىڭ بىركەلكى، تەڭ يگىلىكتەنەتىن دامۋىن جەبەۋ؛ قارجىنى اينالىمعا سالۋدى تەرەڭدەتىپ، كوپ نەگىزدى قارجى قوسۋ، قارجى قۇراۋ جۇيەسىن اقاۋسىزداندىرۋ؛ گۋمانيتارلىق اۋىس - كۇيىستى تەرەڭدەتىپ، گۋمانيتارلىق اۋىس - كۇيىستىڭ كوپ نەگىزدى ىقپالداستىق ۇلكەن ارناسىن قالىپتاستىرۋ كەرەك. سەلبەستىكتىڭ جاڭا سالالارىن ورنىقتى قاداممەن كەڭەيتىپ، سالاماتتىق، جاسىل، سيفرلىق، جاڭالىق اشۋ سياقتى جاڭا سالالارداعى سەلبەستىكتەردى ورنىقتى ورىستەتىپ، ىندەتكە قارسى اتتانۋدىڭ حالىقارالىق سەلبەستىگىن كۇشەيتىپ، وركەندەپ كەلە جاتقان ەلدەردىڭ ەنەرگياداعى جاسىل، تومەن كومىر قىشقىل گازدى دامۋىن قولداپ، ەكولوگيالىق ورتا مەن كليماتتى جونگە سالۋ سەلبەستىگىن تەرەڭدەتىپ، ”جىبەك جولى ەلەكتروندىق ساۋداسىن“ دامىتىپ، سيفرلى سەلبەستىك ارناسىن قالىپتاستىرىپ، عىلىم - تەحنيكادا جاڭالىق اشۋ ارەكەت جوسپارىن ويداعىداي اتقارىپ، اشىق، ءادىل، تۋراشىل، كەمسىتپەيتىن عىلىم - تەحنيكالىق دامۋ ورتاسىن قالىپتاستىرۋ كەرەك. نىشاندىق ينجەنەريالاردى ساپالى تۇلعالاۋدا حالىق تۇرمىسى ينجەنەرياسى − بىرگە قۇرۋشى مەملەكەتتەردەگى حالىق بۇقاراسىنىڭ تابىس سەزىمىن جەدەل جوعارىلاتۋدىڭ ماڭىزدى جولى، ءبىر تۇتاس جوسپارلاۋدى كۇشەيتىپ، حالىققا جاناسىمدى، جۇرت تىلەگىن توعىستىراتىن اناعۇرلىم كوپ سەلبەستىك جەتىستىكتەرىن قالىپتاستىرۋ كەرەك. حاۋىپ - قاتەردەن ساقتانۋدى جانە ونى تىزگىندەۋدى جاپپاي كۇشەيتىپ، شەكارا سىرتىنداعى نىسانداردىڭ حاۋىپ - قاتەرىنەن بارلىق جاعدايدا الدىن الا ساقتاندىرۋ، باعالاۋ كەشەندى قىزمەت وتەۋ تۇعىرىن قۇرۋدى قاراستىرىپ، شەتەلدەگى مۇددەنى قورعاۋ، حالىقارالىق لاڭكەستىككە قارسى تۇرۋ، حاۋىپسىزدىكتى قامتاماسىز ەتۋ سياقتى مەحانيزمدەردىڭ سايكەسۋىن، سەلبەسۋىن كۇشەيتىپ، ىندەتتەن ساقتانۋ - تىزگىندەۋ مەن ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ءبىر تۇتاس جوسپارلاپ ىلگەرىلەتىپ، شەكارا سىرتىنداعى ادامدارىمىزدىڭ ءومىرىنىڭ حاۋىپسىزدىگى مەن دەنساۋلىعىن، پسيحيكالىق اقاۋسىزدىعىن بار كۇشپەن قامتاماسىز ەتۋ كەرەك.

  جاڭا دامۋ كەزەڭىنە قادام تاستاعان، جاڭا دامۋ ۇستانىمىن دايەكتىلەندىرگەن، جاڭا دامۋ ارناسىن قالىپتاستىرعان جۇڭگو ”ءبىر بەلدەۋ، ءبىر جولدى“ بىرگە قۇرۋعا اناعۇرلىم قۋاتتى قوزعاۋشى كۇش، اناعۇرلىم زور كەڭىستىك، اناعۇرلىم ساپالى جول ازىرلەيدى. جاڭا دامۋ ارناسىن قالىپتاستىرۋعا اناعۇرلىم ويداعىداي قىزمەت وتەۋ سىندى ءتۇيىندى قىزمەتتى اناعۇرلىم ويداعىداي، اناعۇرلىم ناقتى يگەرسەك، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ، ءسوز جوق، ۇزدىكسىز جاڭا جاعدايعا ۇيلەسىپ، جاڭا لەپ ايگىلەپ، اناعۇرلىم مول ناتيجەگە قول جەتكىزەدى. ءسوز جوق، مىنانى جەتە تانۋ كەرەك: ءبىز قالىپتاستىراتىن جاڭا دامۋ ارناسى استە توماعا - تۇيىق ەل ءىشى اينالىمى ەمەس، قايتا اناعۇرلىم اشىق، ءبىرىن - ءبىرى جەبەيتىن ەلى ءىشى، حالىقارا سىندى قوس اينالىم. جاڭا دامۋ ارناسىندا، جۇڭگو بازارىنىڭ كومەسكى كۇشى تولىق اشىلىپ، دۇنيە جۇزىندەگى ءار ەلگە اناعۇرلىم زور قاجەتسىنۋ جاراتادى؛ جۇڭگونىڭ سىرتقا اشىلعان قاقپاسى ونان ارى ايقارا اشىلادى، دامۋ ورايىن دۇنيە جۇزىندەگى ءار ەلمەن ورتاقتاسادى؛ جۇڭگونىڭ سىرتپەن سەلبەستىگى ۇزدىكسىز تەرەڭدەپ، دۇنيە جۇزىندەگى ءار ەلمەن ءوزارا تيىمدىلىك جەتكىزىپ، بىرگە يگىلىككە كەنەلۋدى جۇزەگە اسىرادى. جاڭا دامۋ ارناسىن قالىپتاستىرۋ مەن ”ءبىر بەلدەۋ، ءبىر جولدى“ بىرگە قۇرۋدى ءبىر تۇتاس ويلاستىرىپ جانە جوسپارلاپ، نازاردى جاڭا كۇش سالۋ تۇيىندەرىنە شوعىرلاندىرىپ، جاڭا ۇشتاسۋ تۇيىندەرىن قالىپتاستىرۋ كەرەك. ءارقايسىسىنىڭ وزىندىك ەرەكشەلىگى بار، ءبىرىن - ءبىرى تولىقتايتىن، ىركىلىسسىز، حاۋىپسىز قۇرلىق ارناسىن جەدەل كەمەلدەندىرىپ، تەڭىزدەگى ورنالاسىمدى ساپالىلاندىرىپ، ەل ءىشى مەن حالىقارا سىندى قوس اينالىمدى ىركىلىسسىزدەندىرۋگە پارمەندى تىرەك ازىرلەۋ كەرەك. كاسىپ سالاسى تىزبەگىنىڭ، قامداۋ تىزبەگىنىڭ ىركىلىسسىز ۇشتاسۋىن كۇشەيتىپ، كەلۋ قاينارىنىڭ كوپ نەگىزدەنۋىن ىلگەرىلەتۋ كەرەك.

  ”ءبىر بەلدەۋ، ءبىر جولدى“ بىرگە قۇرۋ − بۇگىنگى دۇنيە جۇزىندەگى ەرەكشە قارسى الۋعا بولەنگەن حالىقارالىق الەۋمەتتىك ءونىم جانە حالىقارالىق سەلبەستىك تۇعىرى. جاڭا ۇلى ساپاردا ءبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن امالياتتا ايگىلەپ، اشىق بولۋ، جاسىل بولۋ، كىرشىكسىز بولۋ ۇستانىمىن اسقاقتاتىپ، وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن، ۋاقىتتى ۇتا، جەدەل قارماناتىن رۋحپەن قىزمەتكە كىرىسىپ، ءبىر تۇتاس جوسپارلاۋدى، سايكەستىرۋدى كۇشەيتىپ، ءتۇيىندى مىندەتتەردى ىلگەرىلەتۋدى ويداعىداي يگەرىپ، شارالاردى ناقتى، ەگجەي - تەگجەيلى تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن بۇلجىماستان ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن تىڭ دا اناعۇرلىم زور ۇلەس قوسۋىمىز كەرەك.

  (شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.