اراسان اۋدانى ۇلانمۋچي اترەتى باي مازمۇندى ”ادەبيەت - كوركەمونەر + ۇگىت لەكسياسىن“ ورىستەتتى
انار بۇلت / شينجياڭ گازەتىنىڭ تىلشىلەرى كاڭ حاۋيان، جاڭ جىلي
”كوممۋنيستىك پارتياعا ماداق ايتامىز، بامبۋك تاياقشادا اسەم ۇنمەنەن، جالپى ءماجىلىس رۋحىن جەتكىزەمىز، دومبىرادا اسقاق جىرمەنەن...“. 11 - ايدىڭ 19 - كۇنى اراسان اۋدانى كوكتوحا اسىل تۇقىمدى مال فەرماسى چوگىنبۇلۇك اترەتىنىڭ زالىندا 50 نەشە جىلدىق تاريحتان جالعاسىپ كەلگەن اراسان اۋدانى ۇلانمۋچي كوركەمونەر اترەتى تۇسىنۋگە وڭاي، ۇعىمعا جەڭىل ”ادەبيەت - كوركەمونەر + ۇگىت لەكسيا“ فورماسىنان پايدالانىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن نەگىزگى ساتىداعى بۇقاراعا جەتكىزدى.
”ءجۇز جىلدىق تاريح، ءجۇز جىلدىق ۇلى پارتيا، حالىقتى جوعارى قويۋعا قاشاندا بولدى تاباندى، پارتيا قۇرۋ رۋحى باعداردى العى ايقىنداپ، قيىندىقتاردان وتكىزىپ، جاراتتى عاجاپ عالامدى...“. كونسەرت قويۋعا بىرگە كەلگەن اراسان اۋدانىنىڭ نەگىزگى ساتى ۇگىت لەكسياشىسى، شاعانتۇڭگە اۋىلىنىڭ ورىنباسار باستىعى باقىتگۇل وجەتقان ءوز ءانىن دومبىرامەن شىرقادى. ساحنا استىنداعى كورەرمەندەر اسقاق ريتىمگە ىلەسىپ، بىرگە ايتتى. ”تيانشان الابىندا كۇش - قۋات ۇيىستى، بولاشاعىمىز نۇرلى!“. ءان اسقاق سەزىممەن اياقتالدى، زال ىشىنەن ۇزاققا سوزىلعان شاپالاق ءۇنى كوتەرىلدى.
”پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى اشىلعاننان كەيىن، مەن جالپى ءماجىلىس رۋحىن مۇقيات ۇيرەنىپ، ىشتەي قاتتى تەبىرەندىم، وسى سەبەپتى كۇندى - تۇنگە جالعاپ وسى ءان ءسوزىن جازدىم. بۇل رەتكى كونسەرتتە كوپشىلىكتىڭ رازىلىعىن الدىم، توتەنشە قۋانىشتامىن“، - دەدى باقىتگۇل.
اراسان اۋدانى ۇلانمۋچي كوركەمونەر اترەتىندە قازىر 33 ارتيست بار، ءار جىلى نادام ساحارا مەرەكەسى، سىرتقا قاراتىلعان اۋىس - كۇيىس سياقتى ءار دارەجەلى، ءار ءتۇرلى كولەمدى كونسەرت قيمىلىن وتكىزۋدەن سىرت، ۇنەمى ەگىن، مال شارۋاشىلىق وڭىرلەرىنە دە بارىپ كونسەرت قويادى. جەرگىلىكتى ورىنداعى ”حالىق اراسىنداعى دارىندىلاردان“ ۇيىمداسقان ات جالىنداعى ادەبيەت - كوركەمونەر ۇگىت اترەتى قۇبا تۇزدەن ەندەي ءوتىپ، ساحارانى باسىپ، شىلىڭگىر ىستىقپەن ساناسپاي، قاقاعان سۋىقتى ەلەڭ قۇرلى كورمەي نەگىزگى ساتىداعى ەگىنشى - مالشىلارعا كونسەرت قويىپ، پارتيانىڭ ساياساتىن، پارتيانىڭ ءۇنىن مال شارۋاشىلىق وڭىرىندەگى ”ەڭ شالعاي ءبىر ءۇيلى جانعا“ جەتكىزدى.
ۇلانمۋچيدىڭ اترەت مۇشەلەرى ءار ۇلتتان قۇرام تاپقان، كوپشىلىك تاباندى تۇردە اۋەلگى ءماتىندى وقىپ، حابار كورىپ، راديو تىڭداپ، قول تەلەفون ارقىلى جالپى ءماجىلىس رۋحىن كەز كەلگەن جەردە، كەز كەلگەن ۋاقىتتا ۇيرەنىپ، تۇسىنىكتەرىن ۇزدىكسىز تەرەڭدەتىپ وتىردى.
سول كۇنگى كونسەرت قويۋ بارىسىندا حاۋلايباۋ جەلىلى ءان «ماداق جىرىن كوممۋنيستىك پارتياعا ارنايمىن» جۇرت جۇرەگىن تەبىرەنتتى، اتباس بوزانمەن سۇيەمەلدەگەن «جۇڭگو مەن سەنى سۇيەمىن» ءانى اسقاقتاتا شىرقالدى، اترەت مۇشەلەرى ولەڭ مانەرلەپ وقۋ، مۋزيكالى جەلدىرمە، ءبي، ءان سياقتى ۇقساماعان كوركەمونەر فورماسىمەن پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇگىتتەدى. زەيىن قويا ورنالاستىرىلعان ويىن نومىرلەرى الاڭداعى ەگىنشى - مالشىلاردى ءبىر رەتكى سالتاناتتى قوناعاسىعا قاتىناسقانداي سەزىمگە بولەدى.
”ۇلانمۋچي كوركەمونەر اترەتىنىڭ كونسەرتى كوپشىلىكتىڭ قىزۋ قارسى الۋىنا يە بولدى، ويتكەنى ولار ءبىزدىڭ جۇرەك ءۇنىمىزدى انگە قوستى“. چوگىنبۇلۇك اترەتى پارتيا ياچەيكاسىنىڭ شۋجيى ەرمەك كەرىماقىن بىلاي دەدى: جۋىقتاعى جىلداردان بەرى اۋىل - قىستاقتى گۇلدەندىرۋ ستراتەگياسىنىڭ اتقارىلۋىنا ىلەسە، قىستاق بەت - بەينەسى شىت جاڭا كۇيگە ەندى، بۇقارا كاسىپ سالاسىن دامىتۋ ارقىلى كىرىستەرىن ارتتىرىپ، بايىپ، تۇرمىستارى كۇننەن - كۇنگە جاقساردى، كوپشىلىك پارتيانىڭ ابزال ساياساتىنا شىن جۇرەگىمەن العىس ايتتى.
