رايونىمىزدىڭ كوپتەگەن جەرىندە ”ەڭبەك تاماشا تۇرمىس جاراتادى“ جەلىلەس اڭگىمە ءماجىلىسى اشىلدى
باقىت كۇتۋدەن كەلمەيدى، تاماشا تۇرمىستى قوس قولعا سۇيەنىپ جاراتۋعا بولادى
انار بۇلت / شينجياڭ گازەتىنىڭ ءتىلشىسى جاۋ شييا 11 - ايدىڭ 22 - كۇنى ۇرىمجىدەن حابارلايدى. 11 - ايدىڭ 19 - كۇنى، 22 - كۇنى اقسۋ ايماعى، تۇرپان قالاسى، شينجياڭ ينجەنەريا شۋەيۋانى، شينجياڭ قازىنا - ەكونوميكا داشۋەسى سياقتى جوعارى مەكتەپتەر ”ەڭبەك تاماشا تۇرمىس جاراتادى“ جەلىلەس اڭگىمە ءماجىلىسىن اشىپ، امەريكاداعى، باتىستاعى جۇڭگوعا قارسى كۇشتەر قۇراستىرعان ايتىلمىس شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭدى فاكت ارقىلى تويتارىپ، سوققى بەردى.
”شينجياڭدا ءار ۇلت بۇقاراسىنىڭ ەڭبەك ىستەۋى ءوز ەرىكتەرىندە، امەريكاداعى، باتىستاعى جۇڭگوعا قارسى كۇشتەر شينجياڭدا ’زورلىقپەن ەڭبەككە سالۋ‘ ءومىر ءسۇرىپ وتىر دەپ جاپقان جالاسى بارىپ تۇرعان ساندىراق!“، - دەدى تۇرپان قالالىق ءادىليا مەكەمەسىنىڭ كادرى ءساييارا لەتىپ زىعىردانى قايناپ. ول: كورشىم ءامينا يلينياز جانار ماي قۇيۋ پۋنكتىندە ىستەيدى، ۇلى قالاشىقتا قول تەلەفون جوندەۋ دۇكەنىن اشادى، ءبىر وتباسى ايىنا 10 مىڭ يۋانعا جۋىق كىرىس كىرگىزىپ، شالقىعان تۇرمىس كەشىرىپ كەلەدى، - دەدى. شينجياڭدا ءامينا وتباسى سياقتى ءار ۇلت بۇقاراسى ىنتىماقتى، جاراسىمدى، ءبىر وتباسىنىڭ ادامدارىنداي بەرەكەلى ورتادا ۇيرەنىپ، قىزمەت ىستەپ، تۇرمىس كەشىرىپ، تەپە - تەڭ جۇمىستانۋ ورايىنان جانە ءادىل جۇمىستانۋ شارت - جاعدايىنان يگىلىكتەنىپ كەلەدى.
اقسۋ كاسىپتىك تەحنيكالىق شۋەيۋانىنىڭ وقىتۋشىسى ەلشاتجان امەتتىڭ كەزىندە ءۇشتۇرپان اۋدانى اشاتاۋ اۋىلى توقسۇنتەتىر قىستاعىندا 2 جىل كەدەيلەردى سۇيەمەلدەگەن كەشىرمەسى بار ەكەن، ول بىلاي دەدى: ”باقىت ەجەلدەن كۇتۋدەن كەلگەن ەمەس، اسپاننان دا تۇسپەيدى“. وسى قىستاق سوڭعى جىلدارى جۇمىستاندىرۋ ارقىلى حالىققا يگىلىك جەتكىزۋ ينجەنەرياسىنىڭ ارقاسىندا جۇمىستاندىرۋ بويىنشا تاربيەلەۋ سەرپىنىن ۇزدىكسىز ارتتىرعان، بۇگىنگى كۇنى باسىم كوپ ساندى قىستاق تۇرعىنى دەربەس تاڭداۋ ارقىلى لايىقتى قىزمەت تاپتى. قاجىرلى ەڭبەك ءار ۇلت بۇقاراسىنىڭ قالتاسىن بارعان سايىن قامپايتۋمەن بىرگە، ولاردىڭ قوس قولدارىمەن تاماشا تۇرمىس جاراتۋ سەنىمدەرىن بارعان سايىن نىعايتا ءتۇستى.
شينجياڭ ىستەرىنىڭ جاقسى ىستەلگەن - ىستەلمەگەندىگى جونىندە شينجياڭداعى ءار ۇلت حالقى ەڭ سويلەۋ ۇقىعىنا يە. شينجياڭ قازىنا - ەكونوميكا داشۋەسى ەكونوميكا شۋەيۋانى نازاريالىق ەكونوميكا ءىلىمى فاكۋلتەتىنىڭ مەڭگەرۋشىسى، دوتسەنت سۇلايمان ءسىلام ءپايزاۋات اۋدانىنان، ول كىشكەنتايىنان ەرجەتكەن جەرىندە كىسى باسىنا تۋرا كەلەتىن ەگىستىك جەر كولەمىنىڭ ءبىرشاما از، جالاڭ اۋىل شارۋاشىلىعىنا سۇيەنىپ تۇرمىس ساپاسىن جوعارىلاتۋدىڭ وتە قيىن ەكەندىگىن تانىستىردى. سوڭعى جىلداردان بەرى شەبەرلىككە باۋلۋعا سۇيەنىپ، اۋىلىنداعى اۋىلداستارى زاۆود، كاسىپورىن سياقتىلاردا جۇمىس ىستەپ، كىرىستەرىن ارتتىرىپ قانا قويماي، ءتىپتى تاماشا تۇرمىسقا قول جەتكىزدى.
”ەڭبەكشىنىڭ نانى ءتاتتى. كىشكەنتايىمنان اكە - شەشەم، وقىتۋشىلارىم تاماشا تۇرمىستى قوس قولمەن جاراتۋعا بولادى، ەڭبەكتى ءسۇيۋ جۇڭحۋا ۇلتىنىڭ ءداستۇرلى تاماشا ءمورالىنىڭ ءبىرى دەپ ۇيرەتكەن“. شينجياڭ ينجەنەريا شۋەيۋانىنىڭ وقۋشىسى حۇرشيدام احات بىلاي دەدى: ”وسەك - اياڭ تۇبىندە تويتارىسسىز توزىپ جوعالادى، ءبىز اناعۇرلىم تىعىز ىنتىماقتاسىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتىپ، اناعۇرلىم تاماشا تۇرمىس ورتاسىن جاراتامىز“.
