تيانشان تورى   ›   جاڭالىقتار   ›   شينجياڭ حابارلارى

بۇلتارتپاس فاكت ارقىلى ەسۋاستاردىڭ وسەك - اياڭىنا تويتارىس بەردى

  شينجياڭ ۇيعۇر اۆتونوميالى رايونى بالالاردىڭ شات - شادىمان ەسەيىپ - ەرجەتىپ كەلە جاتقاندىعى جونىندە بەينە ەكران ارناۋلى اقپار جاريالاۋ ءماجىلىسىن اشتى

  بۇلتارتپاس فاكت ارقىلى ەسۋاستاردىڭ وسەك - اياڭىنا تويتارىس بەردى

  انار بۇلت / شينجياڭ گازەتىنىڭ ءتىلشىسى فان چيۇڭيان 11 - ايدىڭ 22 - كۇنى ۇرىمجىدەن حابارلايدى. تاياۋدان بەرى امەريكاداعى، باتىستاعى جۇڭگوعا قارسى كۇشتەر شينجياڭعا ”زورلىقپەن بەدەۋلەدى“، ”ۇرپاقتار اراسىن ءۇزىپ تاستادى“ دەپ جالا جاپتى. 11 - ايدىڭ 22 - كۇنى شينجياڭ ۇيعۇر اۆتونوميالى رايونى ۇرىمجىدە بالالاردىڭ شات - شادىمان ەسەيىپ - ەرجەتىپ كەلە جاتقاندىعى جونىندە بەينە ەكران ارناۋلى اقپار جاريالاۋ ءماجىلىسىن اشىپ، وسى وسەك - اياڭعا تويتارىس بەردى.

  اقپار جاريالاۋ ماجىلىسىندە شينجياڭدىق بالالار مەن ولاردىڭ وتباسىنداعىلاردىڭ كوپتەگەن تۇرمىستىق بەينەجازباسى قويىلىپ، ولاردىڭ شات - شادىمان تۇرمىسى كورسەتىلدى.

  ”مىنا كىسى مەنىڭ سۇيىكتى اكەم!“ بەينەجازبادا ياركەن اۋدانىنداعى ءبۇلدىرشىن يۇلتۇزاي نۇرمامەت ماقتانىشپەن تانىستىردى، اكەسى قىزىنىڭ كىشكەنتاي ارمانىنا وتە قولداۋ كورسەتىپ، ارناۋلى ”شوفەرى“ بولىپ، ونى ءتۇرلى كونسەرتتەرگە اپارىپ ءجۇر.

  حوتان قالاسىنداعى ايتۇللا وبۇلقاسىم ءبىر لاعمان دۇكەنىن جۇرگىزەدى، ونىڭ بالالارى سپورتتى جاقسى كورەتىندىكتەن، كۇيەۋى اۋلانى ”بالالاردىڭ ويىن الاڭى“ ەتىپ وزگەرتتى، بۇل ارا ءبىر وتباسىنداعى 5 جاننىڭ شاتتىق باقشاسىنا اينالدى.

  ميربەك تۇردىمامەت ۇلىقشات اۋداندىق تاجىريبە باستاۋىش مەكتەبىندە وقيدى، اكە - شەشەسى بىردەي وقىتۋشى، تاعى ءبىر سۇيكىمدى قارىنداسى بار. وتباسى مۇشەلەرى جۇمىستى بولىسە سەلبەسىپ ىستەيدى، شەشەسى ولارعا ماتەماتيكانى پىسقتاتۋعا جاۋاپتى بولسا، اكەسى ىشەكتى اسپاپ قومۇزدى ۇيرەتۋگە جاۋاپتى، ءبىر ءۇيلى جان شات - شادىمان تۇرمىس كەشىرۋدە. ”وسى اپتادا قارىنداسىمنىڭ قومۇز تارتۋ ورەسى تاعى ىلگەرىلەپتى!“، - دەدى ميربەك ەرەكشە قۋانىپ.

  شينجياڭ ايەلدەر مەن بالالار قىزمەتىنە وسكەلەڭ ءمان بەرىپ، ايەلدەر مەن بالالاردىڭ دامۋ بارىسىنداعى كورنەكتى ماسەلەلەرىن كۇش سالا شەشىپ، ايەلدەر مەن بالالار ىستەرىنىڭ ورنىقتى قاداممەن دامۋىن جەبەپ، ايەلدەر مەن بالالاردىڭ ءتۇرلى زاڭدى ۇقىق - مۇددەسى ءونىمدى قامتاماسىز ەتىلدى. شينجياڭ ايەلدەردىڭ تەڭ تۇرعىدا جۇمىستانۋ ۇقىق - مۇددەسىن قامتاماسىز ەتىپ، ەرلەر مەن ايەلدەردىڭ ۇقساس قىزمەت ىستەگەندە ۇقساس ەڭبەكاقى الۋىن جولعا قويدى. قالىڭ ايەلدەر ءار سالادا بارعان سايىن ماڭىزدى رول ساۋلەلەندىرىپ، قوعامدىق ورنى، وتباسىنداعى ورنى كورنەكتى جوعارىلادى.

  تەكەس اۋدانىنداعى لاۋلا مايىر اپەكەلى - ءسىڭلىلى ۇشەۋى بالعىن داۋىسپەن «سەنىڭ كۇلكىڭ قانداي ءتاتتى»نى شىرقادى؛ كەريا اۋدانىنداعى سۇيكىمدى ەگىز ۇل - قىز ”كىشكانتاي سەميا باستىعى“ قالبىنۇر ياسىن اپەكەلەرىنە ەركەلەدى؛ كوكتوعاي اۋدانىنداعى قانات سەيىتقامزانىڭ وتباسىنداعىلار ءبىر - ءبىرىن سۋرەتكە ءتۇسىرىپ، باقىتتى ساتتەرىنەن ەستەلىك قالدىردى... 8 قىسقا بەينەجازبا شينجياڭنىڭ جەر - جەرىندەگى بالالاردىڭ تاماشا وتباسى جانە تاربيە شارت - جاعدايىندا شات - شادىمان ەسەيىپ - ەرجەتىپ كەلە جاتقاندىعىن ايگىلەدى، كامەرا كوزىنە ىلىككەن ساتتەردىڭ بارىندە جۇزدەردەن باقىت كۇلكىسى ەسەدى.

  ”بۇلتارتپاس فاكت ايتىلمىس ’ۇرپاقتار اراسىن ءۇزىپ تاستادى‘، ’ءناسىل جويدى‘ دەگەندەر ەسۋاستاردىڭ ساندىراعى ەكەندىگىن دالەلدەدى“. اقپار جاريالاۋ ءماجىلىسىنىڭ جۇرگىزۋشىسى حۋ جىچۇن مىنالاردى ءبىلدىردى: شينجياڭ ادامدىق ۇقىققا قۇرمەت ەتۋ مەن ونى قامتاماسىز ەتۋ جونىندەگى نەگىزگى زاڭداعى پرينسيپتەردى ىشكەرىلەي دايەكتىلەندىردى، ءار ۇلت حالقى بىرگە ىنتىماقتاسا كۇرەس جاساپ، بىرگە گۇلدەنىپ - كوركەيىپ، دامىدى، ءار ۇلت حالقىنىڭ ساياسي، ەكونوميكا، قوعام، مادەنيەت سياقتى جاقتارداعى ءتۇرلى ۇقىق - مۇددەلەرى شىنايى قامتاماسىز ەتىلدى. شينجياڭنىڭ ورنىقتى دامۋ اياق الىسىن جۇڭگوعا قارسى كۇشتەر مۇلدە بوگەي المايدى. ”ءناسىل جويۋ“ قالىپتاستى ما، جوق پا دەگەندە، ەرەكشە قاتاڭ زاڭدىق، دالەل - ىسپات جانە ءتارتىپ ولشەمدەرى بار، استە بەلگىلى ەلدەردىڭ، بەلگىلى ۇيىمداردىڭ، بەلگىلى ادامداردىڭ سۋبيەكتيۆ جەكە ويىنا، بەتالدى كوپىرۋىنە نەگىزدەلىپ تۇراقتاندىرا سالۋعا كەلمەيدى. ءبىز امەريكاداعى، باتىستاعى جۇڭگوعا قارسى كۇشتەردى اقىلعا كەلىپ، شىندىققا ورالىپ، ادامگەرشىلىككە قايتىپ، ءتۇستى كوزىلدىرىكتى الىپ تاستاپ، تار ءورىستى سىڭار جاقتى كوزقاراستى دوعارىپ، شينجياڭنىڭ اسەرلى ادامدىق ۇقىق حيكايالارىنا قۇلاق ءتۇرىپ، شينجياڭنىڭ كورنەكتى ادامدىق ۇقىق تابىستارىنا دۇرىس قاراپ، شينجياڭنىڭ ادامدىق ۇقىققا پايدالى ىزدەنىستەرىنەن ۇلگى الىپ، دۇنيە ءجۇزىنىڭ ادامدىق ۇقىق ىستەرىنە بىرگە ۇلەس قوسۋعا قاتاڭ ۇندەيمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.