تيانشان تورى   ›   جاڭالىقتار   ›   ماڭىزدى حابارلار

وسى زامانعى ارتقى شەپتىڭ جوعارى ساپالى دامۋىن جەدەل ىلگەرىلەتىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا پارمەندى تىرەك ازىرلەۋ كەرەك

شي جينپيڭ بۇكىل ارميانىڭ ارتقى شەپ قىزمەتى ماجىلىسىنە ماڭىزدى نۇسقاۋ بەرىپ، بىلاي دەپ باسا دارىپتەدى

وسى زامانعى ارتقى شەپتىڭ جوعارى ساپالى دامۋىن جەدەل ىلگەرىلەتىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا پارمەندى تىرەك ازىرلەۋ كەرەك

  شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى (ءتىلشى مەي چاڭۋي). بۇكىل ارميانىڭ ارتقى شەپ قىزمەتى ءماجىلىسى 11 - ايدىڭ 22 - كۇنىنەن 23 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، بۇكىل ارميانىڭ ارتقى شەبىندەگى بارلىق جولداستارعا شىن ىقىلاستى سالەم جولدادى.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى بۇكىل ارميانىڭ ارتقى شەبى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، نازاردى جەڭىسكە جەتۋگە كەپىلدىك ەتۋگە شوعىرلاندىرىپ، بەلسەنە رەفورما جاساپ، جاڭالىق اشىپ، بارلىعىندا شايقاس جۇرگىزۋدى ماقسات ەتەتىن ارتقى شەپتى كۇش سالا قۇرىپ، ارميامىز قۇرىلىسىنىڭ دامۋى مەن بورىش - مىندەتىن ءونىمدى اتقارۋىنا ماڭىزدى ۇلەس قوستى. جولداستاردىڭ جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ”14 - بەسجىلدىق“ جوبا مىندەتتەرىنىڭ تياناقتانۋىن جەدەل ىلگەرىلەتىپ، وسى زامانعى اسكەري زات اينالىم جۇيەسى مەن ارميانىڭ وسى زامانعى مال - مۇلىك باسقارۋ جۇيەسىن جەدەل قۇرىپ، وسى زامانعى ارتقى شەپتىڭ جوعارى ساپالى دامۋىن جەدەل ىلگەرىلەتىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا پارمەندى تىرەك ازىرلەۋىن ءۇمىت ەتەمىن.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: ءتوراعا شي جينپيڭنىڭ ماڭىزدى نۇسقاۋىن جانە شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا تىرەك بولۋدى ارقاۋ ەتىپ، كۇش - قۋاتتى جاڭالىق اشۋعا، تيپ وزگەرتۋگە شوعىرلاندىرىپ، ولشەمدى، شوعىرلى بولۋدى كورنەكتىلەندىرىپ، وزىندىك شىڭدالۋعا ءمان بەرىپ، وسى زامانعى اسكەري زات اينالىم جۇيەسى مەن ارميانىڭ وسى زامانعى مال - مۇلىك باسقارۋ جۇيەسى قۇرىلىسىن بوساڭسىتپاي مىقتى يگەرىپ، ارتقى شەپ قامتاماسىزداندىرۋىنداعى ولقىلىقتار مەن ءالسىز بۋىنداردى جەدەل شەشىپ، قۋاتتى وسىزاماندانعان ارتقى شەپ قۇرۋعا قۇلشىنۋ كەرەك.

  ءماجىلىس وسى زامانعى اسكەري زات اينالىم جۇيەسى مەن ارميانىڭ وسى زامانعى مال - مۇلىك باسقارۋ جۇيەسىن قۇرۋ جونىندەگى قاتىستى ماسەلەلەردى اقىلداستى.

  اسكەري ىستەر كوميتەتى ورگانىنىڭ ءارقايسى تاراۋلارىنىڭ، بۇكىل ارميانىڭ ءارقايسى ءىرى ورىندارىنىڭ باسشىلارى، ورتالىق پەن مەملەكەت ورگاندارىنىڭ قاتىستى تاراۋلارىنىڭ جانە قاتىستى كاسىپورىنداردىڭ باسشىلارى ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.