تيانشان تورى   ›   جاڭالىقتار   ›   سۋرەتتى حابار

پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەيىك

اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ارناۋلى تاقىرىپتا ۇيرەندى

پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەيىك

چىن چۋانگو باسقاردى

ەركىن تۇنياز، شاۋكەت يمىن، حى جۇڭيوۋ قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 11 - ايدىڭ 23 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن اشىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەندى، دايەكتىلەندىردى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.

  ەركىن تۇنياز، شاۋكەت يمىن، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلىلار قاتىناستى.

  ماجىلىستە چىن چۋانگو، تيان شياڭلي، قادەن كابەن ۇيرەنۋ اسەرلەرىن سويلەدى، اۆتونوميالى رايوندىق پارتكومداعى باسقا دا تۇراقتى مۇشە جولداستار جانە اۆتونوميالى رايوندىق حالىق قۇرىلتايىنداعى، ساياسي كەڭەستەگى نەگىزگى جاۋاپتى جولداستار جازباشا پىكىر اۋىستىرىپ، ءسوز سويلەدى. كوپشىلىك ءبىر اۋىزدان مىنالاردى ءبىلدىردى: 100 جىلدان بەرى جۇڭگو كوممۋنيستىك پارتياسى باستان - اياق اۋەلگى ماقسات پەن بورىشتى امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ادامزاتتىڭ دامۋ تاريحىندا ايبىندى دا كوركەم كارتينا كەسكىندەدى، جۇڭحۋا ۇلتىنىڭ ۇلى گۇلدەنۋىندە بۇرىن بولماعان شۇعىلالى بولاشاق جارىققا شىقتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرىپ، ءبىر قىدىرۋ كەلەلى باعىت - ساياسات شىعارىپ، ءبىر قىدىرۋ كەلەلى شارا العا قويىپ، ءبىر قىدىرۋ كەلەلى قىزمەتتەردى ىلگەرىلەتىپ، ءبىر قىدىرۋ ءىرى حاۋىپ - قاتەرلەر مەن سىن - سايىستاردى جەڭىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن ءبىرتالاي قيىن ماسەلەلەردى شەشىپ، كەزىندە ىستەۋدى ويلاساق تا ىستەي الماي كەلگەن ءبىرتالاي ءىرى ىستەردى تىندىرىپ، جۇڭحۋا ۇلتى ورنىنان تۇرۋدان بايۋعا، قۇدىرەتتەنۋگە دەيىنگى ۇلى سەكىرۋدى قارسى الدى. تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاڭا داۋىردە، جاڭا جورىقتا ءتىپتى دە ۇلى جەڭىستەرگە جانە داڭقتارعا قول جەتكىزۋىمىز كەرەك.

  كوپشىلىكتىڭ ءسوزىن مۇقيات تىڭداعاننان كەيىن، چىن چۋانگو ءسوز سويلەدى. ول بىلاي دەدى: پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازدى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ يگەرىپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىس بولۋدى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەدى. ءبىز شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىمەن باتىل بىرلىككە كەلتىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن جانە ورتالىقتىڭ ۇلت قىزمەتى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق، دامۋ قىزمەتتەرىن بۇلجىماستان ويداعىداي ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋىمىز كەرەك.

  چىن چۋانگو بىلاي دەپ باسا دارىپتەدى: شينجياڭ قىزمەتىن جاقسى ىستەۋدىڭ تەتىگى پارتيادا. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇزدىكسىز ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، جاڭا داۋىردەگى پارتيا قۇرىلىسىنىڭ جاڭا، ۇلى ينجەنەرياسىن تىڭعىلىقتى ىلگەرىلەتىپ، شينجياڭ قىزمەتىن ويداعىداي ىستەۋگە بەرىك كەپىلدىك ازىرلەۋ كەرەك. پارتياعا باستان - اياق شارتسىز ادال بولۋ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ كەرەك. پارتيانىڭ جاسامپاز نازارياسىمەن قارۋلانۋدى ۇزدىكسىز كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، يدەيا ۇلى كۇشىن ءىس تىندىرىپ ناتيجە شىعارۋدىڭ رۋحاني قوزعاۋشى كۇشىنە جانە ءىس جۇزىندىك ونىمدىلىگىنە قۇلشىنا اينالدىرۋ كەرەك. جوعارى ساپالى باسشىلىق القاسىن جانە كادر دارىندىلار قوسىنىن كۇش سالا سومداپ، جاقسى كادر ولشەمىنە جانە ۇلتتىق ءوڭىر كادرلارىنىڭ ساياسي ولشەمىنە تاباندى بولىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلاردى باۋلۋ، وتاندى سۇيەتىن، ۇلەس قوساتىن ءار جاقتاعى ۇزدىك دارىندىلاردى توپتاۋ كەرەك. پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەپ، نەگىزگى ساتى ءبىرىنشى شەپ كۇشىن تولىقتاپ، كۇشەيتىپ، مىعىم نەگىزگى ساتى پارتيا ۇيىمدارىن قۇرىپ، پارتياعا مۇشە قابىلداۋ قىزمەتىن جاقسى ىستەپ، نەگىزگى ساتىنىڭ نەگىزدىك قىزمەتىن باياندى ويداعىداي يگەرۋ كەرەك. شىندىققا جۇگىنىپ، ناقتى ءىس ىستەۋ تاڭداۋلى ستيلىن زور كۇشپەن ساۋلەلەندىرىپ، پارتيا قۇرۋ ۇلى رۋحىن اسقاقتاتىپ، توراڭعى رۋحىن جانە بيڭتۋان رۋحىن امالياتتا ايگىلەپ، ”ءتورت بۇرىس ستيلدى“، ”ءتورت تەرىس پيعىلدى“ باتىل وڭاپ، قيىنشىلىقتان تايساقتاماي، جاۋاپكەرشىلىكتەن جالتارماي، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، تاماشا ستيل ارقىلى جاڭا داۋىردەگى پارتيالى كادرلاردىڭ تاماشا وبرازىن ورناتۋ كەرەك. پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن بۇلجىماستان ىلگەرىلەتىپ، ەشقانداي ەرەكشەلەنبەۋ يدەياسىن بەرىك ورناتىپ، ءبىر جاعىنان، بولشەكتەۋشىلىككە قارسى تۇرۋ كۇرەسىن مىقتى يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن مىقتى يگەرۋگە تاباندى بولىپ، ستيلى پاك، سالتى دۇرىس ساياسي ەكولوگيانى ۇزدىكسىز قالىپتاستىرىپ، پارتيانىڭ شينجياڭداعى بيلىك جۇرگىزۋ نەگىزىن تايشان تاۋىنداي مىزعىماس ەتۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.