تيانشان تورى   ›   ۇيرەنۋ   ›   شولۋ

پارتيانى جاپپاي قاتاڭ باسقارۋدى ماڭگى جالعاستىراتىن تاباندىلىق پەن قايسارلىقتى كۇشەيتەيىك

− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  جۇڭگونىڭ ىستەرىن ويداعىداي ىستەۋدىڭ تەتىگى پارتيادا، پارتيا ءوزىن باسقارۋدا، ءوزىن جاپپاي قاتاڭ باسقارۋدا. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيا وزىندىك قۇرىلىسىن كۇشەيتىپ، وزىنە - ءوزى توڭكەرىس جاساۋدى ىلگەرىلەتكەن 100 جىلدىق بارىستى ىشكەرىلەي زەرتتەپ، پارتيا 18 - قۇرىلتايىنان بەرگى پارتيانى جاپپاي قاتاڭ باسقارۋدا قول جەتكىزگەن تاريحي، نەگىز قالاۋ سيپاتىندىق تابىستاردى تولىق تۇراقتاندىرىپ، ”وزىنە - ءوزى توڭكەرىس جاساۋعا تاباندى بولۋدى“ پارتيانىڭ 100 جىلدىق كۇرەسىنىڭ 10 ءتۇرلى تاريحي تاجىريبەلەرىنىڭ ءبىرى ەتىپ جيناقتاپ، تۇتاس پارتيا ۋايىم مەن تارشىلىق ادامدى ءومىر سۇرۋگە جەتەلەيتىندىگىن، جايلى، راقات تۇرمىستىڭ زاۋالعا قاراي يتەرمەلەيتىندىگىن، قاشاندا ۇزاق بولاشاقتى كوزدەۋ كەرەكتىگىن، امانشىلىقتا جامانشىلىقتىڭ بولارىن، ءسوز جوق، ەستەن شىعارماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋ كەرەكتىگىن باسا دارىپتەپ، پارتيانى جاپپاي قاتاڭ باسقارۋعا تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى تاباندىلىقپەن ىلگەرىلەتىپ، قيىندىققا مويىمايتىن، قىسىمنان جاسقانبايتىن بولىپ، جۇڭگوشا سوتسياليزم ىستەرى كەمەسىنىڭ تولقىن جارا العا تارتىپ، العان بەتىنەن قايتپاۋىن ىلگەرىلەتتى.

  العاباسار ماركسيزمدىك ساياسي پارتيا تۋادا وسىلاي ەمەس، قايتا ۇزدىكسىز وزىنە - ءوزى توڭكەرىس جاساۋ بارىسىندا شىڭدالىپ قالىپتاسقان. وزىنە - ءوزى توڭكەرىس جاساۋعا تاباندى بولۋ پارتيامىزدىڭ ەڭ ايقىن قاسيەتى ءارى پارتيامىزدىڭ ەڭ ۇلكەن ابزالدىلىعى، وزىنە - ءوزى توڭكەرىس جاساۋ رۋحى − پارتيانىڭ جاستىق ومىرشەڭدىك قۋاتىن ماڭگى ساقتاۋداعى قۇدىرەتتى تىرەك. جۇڭگو كوممۋنيستىك پارتياسىنىڭ ۇلىلىعى قاتەلىك وتكىزبەۋىندە ەمەس، قايتا سىرقاتىن جاسىرىپ، ايىبىن بۇركەمەلەمەي، سىن، ءوز - وزىنە سىندى بەلسەنە ورىستەتىپ، باتىلدىقپەن ماسەلەگە بەتپە - بەت كەلىپ، باتىلدىقپەن وزىنە - ءوزى توڭكەرىس جاساۋىندا. 100 جىلدىق ىستىق - سۋىقتى، بوران - شاشىندى باستان وتكەردى، 100 جىلدىق تولقىندا قۇمنان التىن شايقادى، پارتيامىز سان تاۋقىمەتتى باستان وتكەرىپ، تولاسسىز ءوسىپ - تولىسىپ، كەمەل شاعىنا كەلۋى، تالايلاعان قيىنشىلىقتى جەڭىپ، جەڭىستەن - جەڭىسكە قول جەتكىزۋىنىڭ تەتىگى باستان - اياق پارتيا ءوزىن باسقارۋعا، پارتيانى جاپپاي قاتاڭ باسقارۋعا بۇلجىماستان تاباندى بولۋىندا، قوعامدىق توڭكەرىستى ىلگەرىلەتۋمەن بىرگە، ءوز - وزىنە تۇبەگەيلى توڭكەرىس جاساۋىندا. پارتيامىز باستان - اياق وسىلاي ىستەۋگە تاباندى بولعاندىقتان دا، قيىن - قىستاۋ قاتەرلى ساتتەردە جول تاۋىپ، اعاتتىقتان كەيىن بىلىقپالىقتى وڭاپ، ماڭگى قۇلامايتىن، جەڭىلمەيتىن ماركستىك ساياسي پارتياعا اينالا الدى. پارتيانىڭ حالىقتى ىنتىماقتاستىرىپ، باستاپ، توڭكەرىس، قۇرىلىس، رەفورما جۇرگىزۋ امالياتى مىنانى دالەلدەدى: پارتيامىز قاي كەزدە بەرىك، قۋاتتى بولسا، پارتيا مەن حالىقتىڭ ءىسى بارلىق جەردە تابىسقا جەتە الدى. پارتيا قۇرىلىسىن ءبىر ۇلى ينجەنەريا رەتىندە ىلگەرىلەتۋ − پارتيامىزدىڭ كەلەلى باستاماسى، پارتيامىزدىڭ حالىقتى باستاپ ۇلى قوعامدىق توڭكەرىس جۇرگىزۋىنىڭ ماڭىزدى اسىلى.

  مەملەكەتتى باسقارۋدا، ءسوز جوق، الدىمەن پارتيانى باسقارۋ، پارتيانى باسقارۋدا، ءسوز جوق، قاتاڭ بولۋ كەرەك. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇلجىماستان پارتيانى قاتاڭ باسقارىپ، پارتيانى قاتاڭ جونگە سالىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن جوسپارلاپ، ورنالاستىرىپ، جۇڭگوشا سوتسياليزمنىڭ دامۋىنا ساياتىن ءتۇبىرلى ماسەلەگە جوعارى دەڭگەيدە جوبا جاسادى؛ ”پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى“ دەگەندى پارتيا ۋستاۆىنا ەنگىزىپ، ”جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى“ دەگەندى نەگىزگى زاڭعا ەنگىزىپ، پارتيا باسشىلىعىنا تاباندى بولۋعا ىشكەرىلەي تۇزىمدىك ولشەم جاسادى؛ پارتيا مەن مەملەكەتتىڭ قۇرىلىم رەفورماسىن تەرەڭدەتىپ، پارتيا باسشىلىعىن ەل باسقارۋدىڭ تۇتاس بارىسىنىڭ ءار جاعىنا تياناقتاندىردى؛ رەفورما جاساۋ، جاڭالىق اشۋ رۋحىمەن پارتيا قۇرىلىسىن يگەرىپ، پارتيانى باسقارۋدىڭ، پارتيانى جونگە سالۋدىڭ ساياسي جاۋاپكەرشىلىگىن كۇشەيتىپ، يدەيادا قاتاڭ بولۋعا، باقىلاۋدا قاتاڭ بولۋعا، ءتارتىپ اتقارۋدا قاتاڭ بولۋعا، قىزمەتكەرلەردى جونگە سالۋدا قاتاڭ بولۋعا، ستيلدە قاتاڭ بولۋعا، شىرىكتەسۋگە قارسى تۇرۋدا قاتاڭ بولۋعا تاباندى بولىپ، پارتيانىڭ بەتالىستى مەڭگەرۋ، كەلەلى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتىن ۇزدىكسىز جوعارىلاتتى. جالپى ماجىلىستە اتاپ كورسەتىلگەندەي، پارتيا 18 - قۇرىلتايىنان بەرى پارتيانى جاپپاي قاتاڭ باسقارۋ جاعىندا پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتى كورنەكتى كۇشەيىپ، پارتيانى باسقارۋ، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىندا ءتۇبىرلى بۇرىلىس بولىپ، شىرىكتەسۋگە قارسى كۇرەس ۇستەم جەڭىسكە جەتتى ءارى جاپپاي بەكەمدەلدى، پارتيا توڭكەرىستىك شىڭدالۋ بارىسىندا ءتىپتى دە كۇشەيدى. پارتيامىز سۇيەكتى قىرىپ، ۋىتتى ايداۋ بارىسىندا ءوز باسىنداعى ساياسي، يدەيا، ۇيىم، ستيل، ءتارتىپ سياقتى جاقتاردا ءومىر ءسۇرىپ وتىرعان ءبىرسىپىرا اۋىر ماسەلەلەردى شەشىپ، جاقسىلىقتى ماقتاۋ، جاماندىقتى داتتاۋ بارىسىندا پرولەتارياتتىق ساياسي پارتيانىڭ ساياسي قاسيەتىن ايگىلەپ، ەسكىدەن ارىلىپ جاڭالىققا كوشۋ بارىسىندا پرولەتارياتتىق ساياسي پارتيانىڭ ساياسي باسىمدىعىن قايتا تۇلعالاپ، تىڭ دا تىنىستى ومىرشەڭدىك كۇش قاۋلاتىپ، پارتيا مەن مەملەكەت ىستەرىنىڭ دامۋىنا پارمەندى ساياسي كەپىلدىك ازىرلەدى.

  پارتيانى جاپپاي قاتاڭ باسقارۋ ماڭگى جالعاسادى. ەكىنشى 100 جىلدىق كۇرەس نىساناسىن جۇزەگە اسىرۋ جاڭا ەمتيحانىن تاپسىرۋ جولىنا قادام تاستاۋدا، ءسوز جوق، پارتيامىز ءدوپ كەلىپ وتىرعان ۇزاق ۋاقىتتىق بيلىك جۇرگىزۋ سىناعىنىڭ، رەفورمالاۋ، ەسىك اشۋ سىناعىنىڭ، بازار ەكونوميكاسى سىناعىنىڭ، سىرتقى ورتا سىناعىنىڭ ۇزاق مەرزىمدىك ءارى كۇردەلى ەكەندىگىن، رۋحاني بويكۇيەزدىك قاتەرىنىڭ، قابىلەت تايازدىعى قاتەرىنىڭ، بۇقارادان الشاقتاۋ قاتەرىنىڭ، كەرەناۋلىق، شىرىكتەسۋ قاتەرىنىڭ قيان - كەسكى ءارى قاتاڭ ەكەندىگىن تولىق تانۋىمىز كەرەك. پارتيامىز 100 جىلدىق ءىرى پارتيا رەتىندە، قايتكەندە العاباسارلىعى مەن كىرشىكسىزدىگىن ماڭگى ساقتاي الادى، قايتكەندە جاستىق ومىرشەڭدىگىن ماڭگى ساقتاي الادى، قايتكەندە حالىقتىڭ قۇپتاۋى مەن قولداۋىنا ماڭگى قول جەتكىزە الادى، قايتكەندە ۇزاق ۋاقىت بيلىك جۇرگىزۋدى جۇزەگە اسىرا الادى؟ بۇل ءبىز، ءسوز جوق، ويداعىداي جاۋاپ قايتارۋعا، ويداعىداي شەشۋگە ءتيىستى ءتۇبىرلى ماسەلە. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى وسى قوعامدىق توڭكەرىستى ويداعىداي جۇرگىزۋدە پارتيامىز، ءسوز جوق، باتىلدىقپەن وزىنە - ءوزى توڭكەرىس جاساپ، پارتيانى اناعۇرلىم بەرىك، پارمەندى ەتىپ قۇرۋى كەرەك. تەك باتىلدىقپەن پىشاقتىڭ ءدۇزىن ىشكە قاراتقاندا، باتىلدىقپەن قولما - قول شەشىم جاساعاندا عانا، ءوزىن باستان - اياق شىڭداي الادى، باستان - اياق ءداۋىر اۆانگاردىنا، ۇلتتىڭ تىرەگىنە اينالادى، قاشاندا ماركسيزمدىك بيلىك باسىنداعى پارتيا بولا الادى. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنگەندە، دايەكتىلەندىرگەندە تاۋقىمەت تانىمىن كۇشەيتىپ، وزىنە - ءوزى توڭكەرىس جاساۋعا تاباندى بولىپ، ماڭگى جالعاستىراتىن تاباندىلىق پەن قايسارلىق ارقىلى پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ كەرەك. بۇكىل پارتيا ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ كوكەيدە ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، سانالىلىقپەن پارتيانىڭ ىنتىماعى مەن بىرلىگىن قورعاپ، پارتيانىڭ ساياسي ءتارتىبى مەن ساياسي قاعيداسىن قاتاڭ ساقتاپ، حالىقپەن بولعان ەتەنە بايلانىستى باستان - اياق ساقتاۋىمىز كەرەك. جالپى ءماجىلىستىڭ قاراپ ماقۇلداۋىنان وتكەن «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىندا» باسا دارىپتەلگەندەي: ءبىز تەك پارتيانىڭ العاباسارلىعى مەن كىرشىكسىزدىگىنە داق تۇسىرەتىن بارلىق فاكتورلاردى ۇزدىكسىز الاستاپ، پارتيانىڭ اقاۋسىز تۇلعاسىنا زالال جەتكىزەتىن ۆيرۋس اتاۋلىنى ۇزدىكسىز تازالاساق، ءسوزسىز، پارتيامىزدىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتە الامىز، پارتيانىڭ جاڭا داۋىردەگى جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتە الامىز.

  ”وزگەنى جەڭگەن كۇشتى، ءوزىن جەڭگەن قۇدىرەتتى“. پارتيا قۇرىلىسىنداعى جاڭا ۇلى ينجەنەريا − ۇلى كۇرەستى، ۇلى ءىستى باستاپ، ەڭ سوڭىندا ۇلى ارماندى جۇزەگە اسىرۋدىڭ ءتۇبىرلى كەپىلى. جاڭا ساپاردا جاڭا داۋىردەگى پارتيانىڭ وزىنە توڭكەرىس جاساۋى ارقىلى جاڭا، ۇلى قوعامدىق توڭكەرىسكە جەتەكشىلىك ەتىپ، پارتيا قۇرىلىسىنىڭ جاڭا، ۇلى ينجەنەرياسىن ۇزدىكسىز ىلگەرىلەتىپ، پارتيانىڭ ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارانى ۇيىمداستىرۋ قۋاتىن، قوعامدىق ۇندەۋ قۋاتىن ۇزدىكسىز كۇشەيتىپ، بۇكىل پارتيانىڭ قۋاتتى وڭ ەنەرگياسى ارقىلى بۇكىل قوعامدا جۇڭگونىڭ دامۋىن، العا باسۋىن ىلگەرىلەتەتىن تەلەگەي كۇش ۇيىستىرعاندا، پارتيامىز، ءسوز جوق، قاۋلاعان ومىرشەڭدىك كۇشى مەن قۋاتتى جاۋىنگەرلىك كۇشىن ماڭگى ساقتاپ، حالىقتى ىنتىماقتاستىرىپ جانە باستاپ، بارلىق حاۋىپ - قاتەرلەر مەن سىن - سايىستاردى جەڭىپ، تىڭ دا ۇلى جەڭىسكە ۇزدىكسىز قول جەتكىزە الادى!

  (شينحۋا اگەنتتىگىنىڭ 11 - ايدىڭ 18 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.