تيانشان تورى
تيانشان تورى   ›   ۇيرەنۋ   ›   شولۋ

پارتيا مەن حالىقتىڭ سىن ساعاتتاردا ءبىر - بىرىنە سۇيەنىش بولاتىن، بەينەت پەن زەينەتتە بىرگە بولاتىن ەتەنە بايلانىسىن جەتە تانۋ كەرەك

− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  پارتيانىڭ نەگىزى حالىقتا، جانى حالىقتا، كۇش - قۋاتى حالىقتا، حالىق − پارتيانىڭ بيلىك جۇرگىزىپ، مەملەكەتتى كوركەيتۋىنىڭ ەڭ ۇلكەن تىرەگى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيا جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى كوزدەگەن 100 جىلدىق بارىستى ىشكەرىلەي زەرتتەپ، پارتيانىڭ 100 جىلدىق كۇرەسىنىڭ جۇڭگو حالقىنىڭ بولاشاعىن، تاعدىرىن تۇبىرىنەن وزگەرتكەندىگىن ىشكەرىلەي اتاپ كورسەتىپ، ”حالىقتى بارىنەن جوعارى قويۋعا تاباندى بولۋدى“ پارتيانىڭ 100 جىلدىق كۇرەسىنىڭ 10 ءتۇرلى تاريحي تاجىريبەسىنىڭ ءبىرى ەتىپ جيناقتاپ، بۇكىل پارتيانىڭ حالىق بۇقاراسىمەن ەتەنە بايلانىسىن، ءسوز جوق، ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ كوپ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاماشا تۇرمىس جولىندا ۇزدىكسىز كۇرەس جۇرگىزۋ كەرەكتىگىن باسا دارىپتەدى.

  حالىق ءۇشىن دۇنيەگە كەلىپ، حالىق ءۇشىن گۇلدەنىپ، باستان - اياق حالىقپەن بىرگە بولىپ، حالىقتىڭ مۇددەسى ءۇشىن كۇرەس جۇرگىزۋ − پارتيامىزدىڭ پارتيا قۇرۋداعى، پارتيانى گۇلدەندىرۋدەگى، پارتيانى قۇدىرەتتەندىرۋدەگى ءتۇبىرلى شىعار ءتۇيىنى جانە تابان تىرەر تياناعى. 100 جىلدىق كۇرەس بارىسىنا قايىرىلا كوز سالساق، پارتيامىزدىڭ حالىقتى ىنتىماقتاستىرىپ جانە باستاپ، توڭكەرىس، قۇرىلىس، رەفورما جۇرگىزۋىندەگى ءتۇبىرلى ماقساتى حالىقتى جاقسى تۇرمىسقا كەنەلتۋ بولدى، مەيلى قانشالىقتى ۇلكەن سىن - سايىس پەن قىسىمدارعا ءدوپ كەلسىن، مەيلى قانشالىقتى زور قۇرباندىق پەن بوداۋ بەرسىن، بۇل تۇيىننەن باستان - اياق اينىمادى، ەشقاشان بۇلجىمادى. 100 جىلدىق كۇرەس بارىسىنا قايىرىلا كوز سالساق، پارتيامىزدىڭ تالاي ساتسىزدىكتى باستان كەشىرە وتىرىپ تىنباي قۇلشىنۋىنىڭ، تالاي جاپا - ماشاقاتتى تارتا ءجۇرىپ قۇرىشتاي سومدالۋىنىڭ سەبەبى ءدال باستان - اياق حالىقتى ”قاينار“ جانە ”وزەك“ ەتىپ، حالىقتىڭ اراسىنا تەرەڭ تامىر تارتقاندىعىنان. 100 جىلدىق كۇرەس بارىسىنا قايىرىلا كوز سالساق، پارتيا قۇرىلىپ تىڭعا تۇرەن سالۋدان جاڭا جۇڭگو قۇرىلىپ تۇبەگەيلى وزگەرىس تۋىلعانعا، رەفورما جاساپ، ەسىك اشىپ جويقىن وزگەرىس اكەلگەنگە دەيىن، ونان پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي سيپاتتى ناتيجەلەرگە قول جەتكىزگەنگە، تاريحي سيپاتتى وزگەرىس تۋىلعانعا دەيىن، وسى ۇلى تابىستارعا قول جەتكىزۋدە سۇيەنگەنى باستان - اياق بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، باستان - اياق پارتيانىڭ حالىق بۇقاراسىمەن ەتەنە بايلانىسىن ساقتاعاندىعىنان بولدى. 100 جىلدان بەرى پارتيانىڭ حالىققا باسشىلىق ەتىپ، دابىرالى دا ايبىندى ۇلى كۇرەستەر جۇرگىزۋىنىڭ ارقاسىندا، جۇڭگو حالقى قورلانعان، ەزىلگەن، قۇل بولعان تاعدىرىنان تۇبەگەيلى قۇتىلىپ، مەملەكەتتىڭ، قوعامنىڭ جانە ءوز تاعدىرىنىڭ قوجايىنى بولدى، حالىق دەموكراتياسى ۇزدىكسىز دامىپ، ءبىر ميلليارد 400 ميلليوننان استام حالىق جاپپاي دوڭگەلەك داۋلەتتى قوعامدى جۇزەگە اسىرىپ، جۇڭگو حالقىنىڭ تاماشا تۇرمىسقا تالپىنىسى ۇزدىكسىز رەالدىققا اينالدى. پارتيانىڭ 100 جىلدىق تاريحى − پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيانىڭ حالىقپەن تىلەكتەس، تىنىستاس، تاعدىرلاس بولۋ تاريحى؛ پارتيا مەن حالىقتىڭ سىن ساعاتتاردا ءبىر - بىرىنە سۇيەنىش بولاتىن، بەينەت پەن زەينەتتە بىرگە بولىپ، ەتەنە بايلانىستى باستان - اياق ساقتاۋى − پارتيانىڭ قيىنشىلىق پەن حاۋىپ - قاتەر اتاۋلىنى جەڭۋىنىڭ ءتۇبىرلى كەپىلى.

  پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ءۇشىن، پارتيا مەن حالىقتىڭ سىن ساعاتتاردا ءبىر - بىرىنە سۇيەنىش بولاتىن، بەينەت پەن زەينەتتە بىرگە بولاتىن ەتەنە بايلانىسىن جەتە تانىپ، حالىقتى اناعۇرلىم ويداعىداي باقىتقا كەنەلتىپ، حالىققا سۇيەنە وتىرىپ تاريحي ۇلى ىستەردى ىستەۋ كەرەك. ءسوز جوق، مىنانى سەرگەكتىكپەن تانىعان ءجون: پارتيامىز حالىقتان كەلگەن، حالىققا تامىر تارتقان، حالىققا قىزمەت ەتەدى، تۇبىرىنەن العاندا، پارتيانىڭ نازارياسى بارلىعىندا حالىق ءۇشىن ىستەۋ نازارياسى، پارتيانىڭ لۋشيانى بارلىعىندا حالىق ءۇشىن ىستەۋ لۋشيانى، پارتيا ىستەرى بارلىعىندا حالىق ءۇشىن ىستەۋ ىستەرى. پارتيانىڭ ەڭ زور ساياسي ابزالدىلىعى − بۇقارامەن تىعىز بايلانىس جاساۋ، پارتيا بيلىك جۇرگىزگەننەن كەيىنگى ەڭ ۇلكەن حاۋىپ - قاتەر − بۇقارادان قول ءۇزۋ. پارتيا جۇڭگوداعى ەڭ كوپ حالىقتىڭ ءتۇبىرلى مۇددەسىنە ۋاكىلدىك ەتەدى، ءوزىنىڭ ەشقانداي ەرەكشە مۇددەسى جوق، ءارقانداي مۇددەلىك توپتىڭ، ءارقانداي ۇقىقتى ۇيىمنىڭ، ءارقانداي ەرەكشە ۇقىقتى جىكتىڭ مۇددەسىنە ەشقاشان ۋاكىلدىك ەتپەگەن، بۇل − پارتيانىڭ جەڭىمپاز ورىندا تۇرۋىنىڭ ءتۇبىرلى نەگىزى. ءدال جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» باسا دارىپتەگەندەي: ءبىز تەك باستان - اياق بۇكىل ىنتا - پەيىلىمىزبەن حالىق ءۇشىن قىزمەت ىستەۋ ءتۇبىرلى باس ماقساتىنا تاباندى بولساق، پارتيانىڭ بۇقارالىق لۋشيانىنا تاباندى بولساق، بيلىك دەگەنىمىز حالىق، حالىق دەگەنىمىز بيلىك دەگەندى ءارقاشان ەستە بەرىك ساقتاپ، بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولساق، بيلىكتى حالىق ءۇشىن جۇرگىزۋگە، حالىققا سۇيەنىپ بيلىك جۇرگىزۋگە تاباندى بولساق، حالىق ءۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىقتى تەڭ يگىلىكتەندىرۋگە تاباندى بولساق، بارشا حالىقتىڭ بىرگە بايۋ جولىنان اۋىتقىماساق، ءسوزسىز، حالىققا باسشىلىق ەتىپ، جۇڭگوشا سوتسياليزمنىڭ تىڭ دا اناعۇرلىم زور جەڭىسىنە قول جەتكىزە الامىز، جۇڭگو كوممۋنيستىك پارتياسىن جۇڭگو حالقىنان ءبولىپ تاستايتىن، قاراما - قارسى قوياتىن ءارقانداي قاسكۇنەمدىك ماڭگى ىسكە اسپايدى.

  ”قارىن تويعىزۋدان“ ”تازا كۇرىش“ جەي الۋعا دەيىن، ودان ”اق استىق جەگىسى كەلسە اق استىق جەۋگە جانە ۇنەمى ەت جەۋگە“ دەيىن، سولتۇستىك شانشيدىڭ سارى توپىراقتى ۇستىرتىندەگى بۇقارانىڭ باقىتتى تۇرمىس نىساناسىن ەسكە العان باس شۋجي شي جينپيڭ كەزىندە تەرەڭ سۇيىسپەنشىلىكپەن بىلاي دەگەن بولاتىن: ”وسى بۋىنداعى بىزدەردە بۇقارانى، اسىرەسە، شارۋالاردى دەمەيتىن جايىمىز بار. سوتسياليزم جولىندا بىرەۋىن دە قاعىس قالدىرۋىمىزعا بولمايدى، جاپپاي دوڭگەلەك داۋلەتكە ءبارىمىز بىرگە اتتانامىز!“. قازىر ءبىز جاپپاي دوڭگەلەك داۋلەتتى قوعامدى الدەقاشان ورناتىپ شىقتىق، ەندى اسقاق جىگەرمەن جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستايمىز. جاڭا ۇلى ساپاردا، ءبىز، ءسوز جوق، قوعامنىڭ دامۋ زاڭدىلىعى مەن حالىقتىڭ تاريحي نەگىزگى تۇلعالىق ورنىنا قۇرمەت ەتۋدىڭ بىردەيلىگىنە، اسقاق مۇرات ءۇشىن كۇرەسۋ مەن ەڭ كوپ حالىق بۇقاراسىنىڭ مۇددەسىن كوزدەۋدىڭ بىردەيلىگىنە، پارتيانىڭ ءتۇرلى قىزمەتتەرىن ورىنداۋ مەن حالىقتىڭ مۇددەسىن جۇزەگە اسىرۋدىڭ بىردەيلىگىنە، ءسوز جوق، تاباندى بولىپ، ماڭگى حالىقتان اجىراماي، بۇقارامەن باقىتتان بىرگە يگىلىكتەنىپ، قيىنشىلىقتى بىرگە ارقالاپ، اششى - تۇششىنى بىرگە كورۋىمىز؛ ءسوز جوق، حالىققا تىعىز سۇيەنىپ تاريح جاساپ، بۇكىل ىنتا - پەيىلمەن حالىق ءۇشىن قىزمەت ىستەۋ سىندى ءتۇبىرلى باس ماقساتقا تاباندى بولىپ، حالىقتىق تۇرعىدان بۇلجىماي، حالىقتىڭ نەگىزگى تۇلعالىق ورنىنا تاباندى بولىپ، حالىقتىڭ ءتول جاسامپازدىق رۋحىنا قۇرمەت ەتىپ، حالىقتى وزەك ەتكەن دامۋ يدەياسىن امالياتتا ايگىلەپ، باستان - اياق حالىقتى كوڭىلدىڭ ەڭ بيىك تورىنە قويىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، رەفورما، دامۋ جەتىستىكتەرىنىڭ بۇكىل حالىققا اناعۇرلىم كوپ، اناعۇرلىم ءادىل تيىمدىلىك جەتكىزۋىن ىلگەرىلەتىپ، بىرگە بايۋدىڭ اناعۇرلىم كورنەكتى ماندىك ىلگەرىلەۋشىلىككە قول جەتكىزۋىن ىلگەرىلەتىپ، ءبىر ميلليارد 400 ميلليوننان استام جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن تەلەگەي كۇش ەتىپ ۇيىستىرۋىمىز كەرەك.

  بۇگىن جۇڭگو حالقى اناعۇرلىم سەنىمدى، ەڭسەلى، الۋەتتى بولىپ، جىگەرى، نامىسى، قايراتى بارىنشا نىعايىپ، تاريحي بارىستا جينالعان قۇدىرەتتى كۇش - قۋاتىن تولىق تاسقىنداتىپ، بۇرىن بولماعان تاريحي ىرىقتىلىق رۋحىن، تاريحي جاسامپازدىق رۋحىن قاۋلاتىپ، جاڭا داۋىردەگى جۇڭگو دامۋىنىڭ ۇلى تاريحىن بەرىك سەنىممەن جازۋدا. جاڭا ساپاردا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ماركسيزمدىك بيلىك باسىنداعى پارتيانىڭ قاسيەتىن ماڭگى ساقتاپ، ماڭگى ءداۋىردىڭ الدىڭعى لەگىندە ءجۇرىپ، ماڭگى جۇڭگو حالقى مەن جۇڭحۋا ۇلتىنىڭ تىرەگى بولىپ، باستان - اياق حالىقپەن بىتە قايناسىپ، حالىقپەن بەينەت پەن زەينەتتە بىرگە بولىپ، حالىقپەن بىرگە ىنتىماقتاسا كۇرەس جاساساق، ءبىز، ءسوزسىز، جاپا - ماشاقات، قيىن - قىستاۋ، حاۋىپ - قاتەر، بوگەت اتاۋلىنى جەڭىپ، جۇڭحۋا ۇلتىنىڭ جاڭا تاريحي شۇعىلالى تابىسىن ۇزدىكسىز جاراتا الامىز!

  (شينحۋا اگەنتتىگىنىڭ 11 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.