تيانشان تورى   ›   جاڭالىقتار   ›   شينجياڭ حابارلارى

اۋىل شارۋاشىلىعى كاسىپورىندارى ”ينتەرنەتكە قوسىلىپ“، ءوندىرۋ مەن ساتۋدىڭ دالمە - ءدال ۇشتاسۋىن جەدەلدەتتى

− شينجياڭ اۋىل - قىستاق ەلەكتروندى ساۋداسىنىڭ دامۋىنا نازار (1)

انار بۇلت / شينجياڭ گازەتىنىڭ تىلشىلەرى حي حۇڭۋي، تۇيا

  جۋىقتا شينجياڭ داشۋەسى ەكونوميكا جانە باسقارۋ شۋەيۋانى، شينجياڭ سيفرلى ەكونوميكا زەرتتەۋ مەكەمەسى بىرلەسىپ قۇراستىرعان «شينجياڭ اۋىل - قىستاق ەلەكتروندى ساۋداسىنىڭ دامۋى تۋرالى تەكسەرۋ - زەرتتەۋ بايانداماسى (2021)» جاريالاندى. «باياندامادا» كورسەتىلۋىنشە، 2021 - جىلى شينجياڭداعى اۋىل شارۋاشىلىعىنا ساياتىن كاسىپورىندارعا ەلەكتروندى ساۋدانىڭ جالپىلاسۋ مولشەرى %51.38، جەكە سايتتاردىڭ جالپىلاسۋ مولشەرى %48.99 بولسا، سەلبەستىك جاساسقان ءۇشىنشى تاراپ تۇعىرلارى تاۋباۋ، تيانماۋ، جيڭدۇڭ سياقتىلاردا بۇل كورسەتكىش جەكە - جەكە %60.27، %47.95، %47.95 بولعان.

  رايونىمىزداعى اۋىل شارۋاشىلىعىنا ساياتىن كاسىپورىندار جاپا - تارماعاي ”ينتەرنەتكە قوسىلىپ“، ەلەكتروندى ساۋدا جولدارىن بەلسەنە قاراستىرىپ، ساتۋ ارنالارىن ۇزدىكسىز كەڭەيتىپ، ءوندىرۋ مەن ساتۋدىڭ ۇشتاسۋىن جەدەل جۇزەگە اسىرىپ، شينجياڭنىڭ ەرەكشە اۋىل شارۋاشىلىعى ونىمدەرى ماركاسىنىڭ اناعۇرلىم تانىمال بولۋىنا، ساتىلىمىنىڭ اناعۇرلىم كۇسەت بولۋىنا مۇمكىندىك جاساۋدا.

  بازاردى كەڭەيتىپ، ينتەرنەت جەلىسىندە ساتۋ ءىسىن دامىتتى

  11 - ايدىڭ 18 - كۇنى ءتىلشى سانجى قالاسىنداعى شينجياڭ دامو پياۋشياڭ ازىق - تۇلىك شەكتى سەرىكتەستىگىنىڭ تىكە تاراتۋ ارقىلى ساتۋ كورمە اۋماعىنا كىردى، كورمە سورەسىندە راۋشان گۇلى مەن سيىر ءسۇتى قوسىلىپ پىسىرىلعان نان، نان گوبا سياقتى ونىمدەر كوزدىڭ جاۋىن الىپ، ساتۋشى قىزمەتكەر تىكە تاراتۋ ارقىلى نان ونىمدەرىن ساتىپ جاتىر ەكەن.

  2018 - جىلى 10 - ايدا قۇرىلعان دامو پياۋشياڭ سەرىكتەستىگى ءاۋ باستان ينتەرنەت جەلىسى مەن ينتەرنەت جەلىسىنەن تىسقارىنى بىرلەستىرۋ سىندى ساتۋ ۇلگىسىن قولدانىپ كەلەدى. قازىرگى تاڭدا ەلەكتروندى ساۋدامەن ساتۋ سوماسى سەرىكتەستىكتىڭ جالپى ساتۋ سوماسىنىڭ %40ىن قۇراپ وتىر.

  ”سەرىكتەستىگىمىز ءداستۇرلى تەحنولوگيا مەن وسى زامانعى ۇستانىمدى توعىستىرىپ، ناننىڭ ءدامى مەن ءتۇرىن جاقسارتتى، زەرتتەپ، جاساعان نان ونىمدەرىمىز تيانماۋ، جيڭدۇڭ سياقتى ەلەكتروندى ساۋدا تۇعىرلارى ارقىلى بۇكىل ەلىمىزدىڭ جەر - جەرىنە ساتىلۋدا“، - دەيدى اتالعان سەرىكتەستىكتىڭ كەڭسە مەڭگەرۋشىسى لي ۋيشيا ءوز تانىستىرۋىندا، - ”الداعى جەردە، ءبىز جاڭا ونىمدەردى زەرتتەۋ - اشۋ سەرپىنىن ۇزدىكسىز ارتتىرىپ، توقتاۋسىز جاڭا بازار اشىپ، سەرىكتەستىگىمىزدىڭ ءارقايسى ەلەكتروندى ساۋدا تۇعىرلارىنداعى باستاماشى دۇكەندەرىمىزدى ويداعىداي باسقارۋدان سىرت، زات ساتاتىن تىكە تاراتۋشىلارمەن سەلبەسىپ بازاردى كەڭەيتەمىز“.

  بۇگىنگى تاڭدا، ەلەكتروندى ساۋدا شينجياڭداعى اۋىل شارۋاشىلىعىنا ساياتىن كاسىپورىنداردىڭ ماڭىزدى ساتۋ ارناسىنا اينالعان. «باياندامادا» كورسەتىلۋىنشە، 2019 - جىلدان 2021 - جىلعا دەيىن شينجياڭداعى اۋىل شارۋاشىلىعىنا ساياتىن كاسىپورىندارعا ەلەكتروندى ساۋدانىڭ جالپىلاسۋ مولشەرى، جەكە سايت قۇرۋ ارقىلى ونىمدەرى مەن ماركالارىنىڭ ءورىسىن كەڭەيتكەن كاسىپورىنداردىڭ ۇلەسى، ءۇشىنشى تاراپ تۇعىرىندا ينتەرنەت جەلىسىندە زات ساتاتىن كاسىپورىنداردىڭ ۇلەسى تۇگەلدەي جوعارىلاۋ بەتالىسىن كورسەتكەن.

  بيىل شينجياڭ شييۇيچۇن ءسۇت شارۋاشىلىعى شەكتى جاۋاپكەرشىلىك سەرىكتەستىگى ءوزىنىڭ تىكە تاراتۋ ۇجىمىن قۇرىپ، ناتيجەسىندە ساتىلىم سوماسى سايكەس مەزگىلدەگىدەن %30تىڭ ۇستىندە ارتتى. ”سەرىكتەستىگىمىز بازار سۇرانىسى بويىنشا ءونىم قۇرىلىمىن دەر كەزىندە رەتتەپ، بۇكىل ەلدەگى ءبىرتالاي قالالاردان سۋىق تىزبەكتى قويمالار قۇرىپ، شينجياڭ سىرتىنداعى بازاردى جەدەل كەڭەيتتى“، - دەيدى اتالعان سەرىكتەستىكتىڭ ەلەكتروندى ساۋدا ىستەرى ءبولىمىنىڭ ديرەكتورى ۋاڭ شينتاۋ ءوز تانىستىرۋىندا، - ”ءبىز شينجياڭ سيىر ءسۇتىنىڭ شينجياڭ سىرتىندا تانىمالدىلىعى جوعارى بولۋ ورايىن مىقتى يگەرىپ، ەلەكتروندى ساۋدا ءىسىن زور كۇشپەن دامىتىپ، شينجياڭنىڭ ساپالى ءسۇت ونىمدەرىنىڭ بۇكىل ەلدىڭ جەر - جەرىنە قادام تاستاۋىنا مۇمكىندىك جاساۋىمىز كەرەك“.

  «باياندامانى» جازعان نەگىزگى اۆتور، شينجياڭ داشۋەسى ەكونوميكا جانە باسقارۋ شۋەيۋانىنىڭ پروفەسسورى چىن بيڭ بىلاي دەدى: اۋىل شارۋاشىلىعىنا ساياتىن ءىرى تيپتى كاسىپورىندار ينتەرنەتتىك بۇلت اياسىنداعى ءوزارا ىقپالداستىق، دەرەكتەرمەن تاپسىرىس قۇراۋ، ينتەرنەتتە تىكە تاراتۋ ارقىلى زات ساتۋ سياقتى تاسىلدەرمەن اۋىل شارۋاشىلىعى ونىمدەرىنىڭ ينتەرنەتكە شىعۋىن جەدەلدەتىپ، اۋىل شارۋاشىلىعى قوسىمشا ونىمدەرىنىڭ ءداستۇرلى اينالىم ءتاسىلىن وزگەرتىپ، ءوندىرۋ مەن ساتۋدىڭ دالمە - ءدال ۇشتاسۋىن جۇزەگە اسىردى.

  ماركا تانىمالدىعىن اسىرىپ، ونىمدەردىڭ جاڭارۋىن جەبەدى

  ”جيڭدۇڭ، تيانماۋ قاتارلى ءىرى ەلەكتروندى ساۋدا تۇعىرلارىنان ورىن الۋ ءبىزدىڭ ماركامىزدىڭ تانىمالدىق دەڭگەيىن جوعارىلاتىپ عانا قويماي، ونىمدەرىمىزدىڭ ينتەرنەت جەلىسىندە ساتىلۋىن ەسەلەپ كوبەيتتى، الارماندارىمىز بۇكىل ەلدىڭ جەر - جەرىنەن تابىلىپ، جەلىدەن تىسقارى ساتۋعا دا سەرپىن بەردى“، - دەيدى شينجياڭ شينتيانجۇن ۇن شەكتى سەرىكتەستىگىنىڭ ساتىلىم ءىسى جونىندەگى باس باقىلاۋشىسى جىڭ جۇڭ.

  بيىل شينتيانجۇن سەرىكتەستىگى ەلەكتروندى ساۋداعا ۇسىنىلىم سەرپىنىن ارتتىرىپ، دوۋيىن تۇعىرىنان ورىن الدى، سونداي - اق تىكە تاراتۋ ۇجىمدارىمەن سەلبەستىك ورىستەتتى. ”قازىر ونىمدەرىمىزدى ينتەرنەت جەلىسى تۇعىرىندا الارمانداردىڭ قايتالاپ ساتىپ الۋ مولشەرى %90كە جەتتى“، - دەيدى جىڭ جۇڭ، ونىڭ ايتۋىنشا، سەرىكتەستىك ەلەكتروندى ساۋداداعى اڭىستاردى دەر كەزىندە نازارعا الىپ، زەرتتەۋ - اشۋدان قوراپتاۋعا دەيىنگى ءار بۋىندى ۇزدىكسىز جاڭالاپ، دارەجەسىن جوعارىلاتىپ، تۇتىنۋشىلاردىڭ سۇرانىسىن اناعۇرلىم ويداعىداي قاناعاتتاندىرعان.

  بۇگىنگى كۇندە ءارقايسى كولەمدى اۋىل - قىستاق ەلەكتروندى ساۋدا تۇعىرلارى اۋىل شارۋاشىلىعى بايلىقتارىن بىرىكتىرۋ ارقىلى اۋىل شارۋاشىلىعى وندىرىسىنە شوعىرلى، كولەمدى تاپسىرىس بەرىپ، سونداي - اق ينتەرنەت تۇعىرلارىنان پايدالانىپ بازاردى كەڭەيتىپ، ءوندىرۋ، قامداۋ، ساتۋ تىعىز ۇشتاسقان كاسىپ سالاسى تىزبەگىن قالىپتاستىرىپ، رايونىمىزداعى ءبىر توپ قاتىستى كاسىپ سالالارىنىڭ، سايكەستى كاسىپ سالالارىنىڭ دامۋىن جەبەپ، 1 -، 2 -، 3 - كاسىپتەردىڭ توعىسا دامۋ ءۇردىسىن جەدەلدەتۋدە.

  شينجياڭ ۋاڭيۋان بيولوگيالىق عىلىم - تەحنيكا توبى شەكتى سەرىكتەستىگى تۇيە باعىمشىلىعىنان تۇيە ءسۇتىن ءوندىرۋ، وڭدەۋگە دەيىن كولەمدەنۋدى، ولشەمدەنۋدى جانە وسىزاماندانۋدى جۇزەگە اسىرعان. قازىر بۇل سەرىكتەستىكتىڭ بۇكىل ەلدەگى ءارقايسى ۇلكەن قالالاردان اشقان ارناۋلى ساتۋ دۇكەندەرى جانە ارناۋلى ساتۋ تۇيىندەرى 2000نان استامعا جەتكەن.

  2019 - جىلى ۋاڭيۋان توبى ەلەكتروندى ساۋدا ءبولىمىن قۇرىپ، ونىمدەرى جيڭدۇڭ، تيانماۋ سياقتى تۇعىرلاردان ورىن الدى. ”تۇتىنۋشىلار ءبىز ءوزىمىز قۇرعان ميكرو ساۋدا سارايىنان ونىمدەر ساتىپ الا الادى، بۇل ساتىلىم مولشەرىن كوبەيتىپ قانا قويماي، بۇكىل ەل بازارىندا ماركامىزدىڭ تانىمالدىعىن اسىردى“، - دەيدى اتالعان سەرىكتەستىكتىڭ ماركا ۇگىت ورتالىعىنىڭ باس باقىلاۋشىسى لي جىنپيڭ، ونىڭ ايتۋىنشا، بۇدان كەيىن ۋاڭيۋان توبى تۇيە ءسۇتى ونىمدەرى كاسىپ سالاسىن بەزەنۋ بۇيىمدارى، تۇيە ءجۇنى توقىمالارى، تۇيە ەتىن جىنتىكتەي وڭدەۋ، بيولوگيالىق ءدارى جاساۋ سياقتى كاسىپ سالالارىنا قاراي دارەجەسىن جوعارىلاتىپ، تۇيە ونىمدەرىن جىنتىكتەي وڭدەۋدە عىلىم - تەحنيكانى تىرەك ەتەتىن دامۋ جولىمەن جۇرەدى ەكەن.

  ۇجىمداسىپ ءوزارا دەم بەرىپ، ساتۋ كەستەسىن قالىپتاستىردى

  ”’قوس 11‘ كۇنى ەلەكتروندى ساۋدا ارناسىنىڭ وزىنەن ءبىزدىڭ ساتىلىم سومامىز 100 نەشە مىڭ يۋانعا جەتتى. لوپنۇر اۋدانىنىڭ تىكە تاراتۋ ۇجىمى بىزگە وتە ۇلكەن كومەك كورسەتتى“، - دەيدى شينجياڭ لوبۋسۇن بيولوگيالىق عىلىم - تەحنيكا شەكتى سەرىكتەستىگىنىڭ جاۋاپتىسى فىڭ شياۋلۇڭ.

  بيىل لوپنۇر اۋدانى لوپنۇردا تىكە تاراتۋ وداعى ۇجىمىن قۇردى ءارى جەلىلەس ”لوپنۇر سيى“ ينتەرنەت جۇلدىزدارىنىڭ تىكە تاراتۋ جارىسىن وتكىزدى. ”ءبىز شوعىرلى باسقارۋ، بازار تاسىلىمەن جۇمىس جۇرگىزۋ ارقىلى وڭىرلەر ارا، سالالار ارا بىرلەسۋدى جۇزەگە اسىرىپ، كەستەلىك بىرىككەن كۇش قالىپتاستىرىپ، اۋىل شارۋاشىلىعىنا ساياتىن كاسىپورىنداردىڭ وزىندىك قۇنىن ءونىمدى تومەندەتىپ، اۋىل شارۋاشىلىعى ونىمدەرىنىڭ ساتىلىم ارناسىن كەڭەيتتىك“، - دەيدى لوپنۇر اۋدانى ەلەكتروندى ساۋدا بويىنشا قىزمەت وتەۋ ورتالىعىنىڭ مەڭگەرۋشىسى جوۋ بو.

  ەلەكتروندى ساۋدانىڭ دامۋى ءداستۇرلى كاسىپ سالالارىنىڭ دەڭگەيىن كوتەرۋدە، دارەجەسىن جوعارىلاتۋدا ۇلكەن رول اتقاردى. جاقىنعى جىلداردان بەرى رايونىمىز اۋىل - قىستاق ەلەكتروندى ساۋداسى بويىنشا الەۋمەتتىك قىزمەت وتەۋ جۇيەسىنىڭ دەڭگەيىن جوعارىلاتۋ جانە ونى ساپالىلاندىرۋ، اۋىل - قىستاق ەلەكتروندى ساۋداسى زات اينالىمى، زات جەتكىزۋ جۇيەسىن قۇرۋ، اقاۋسىزداندىرۋ، اۋىل - قىستاق ەلەكتروندى ساۋدا دارىندىلارىن باۋلۋ جۇيەسىن كەمەلدەندىرۋ، ناقتىلاۋ، اۋىل - قىستاق ەلەكتروندى ساۋدا كاسىپ سالالارىن شوعىرلاندىرۋ جۇيەسىن ۇلعايتۋ، الۋەتتەندىرۋ سياقتىلار ارقىلى ەلەكتروندى ساۋدانىڭ اۋىل - قىستاقتى گۇلدەندىرۋگە دەم بەرۋ رولىن تولىق ساۋلەلەندىرىپ، اۋىل شارۋاشىلىعىنىڭ ونىمدىلىگىن ارتتىرۋدى، اۋىل - قىستاقتىڭ دامۋىن، شارۋالاردىڭ كىرىسىن ارتتىرۋدى جەبەدى.

  شينجياڭ شييۇي چۋانچي ينتەرنەت عىلىم - تەحنيكاسى شەكتى سەرىكتەستىگى 2016 - جىلى قۇرىلعان، شينجياڭنىڭ اۋىل - قىستاق ەلەكتروندى ساۋداسىن دامىتۋعا، اۋىل شارۋاشىلىعى ونىمدەرىنىڭ قامداۋ تىزبەگى جۇيەسىن قالىپتاستىرۋعا جانە شينجياڭنىڭ اۋىل شارۋاشىلىعى ەرەكشە ونىمدەرىن ماركالاۋ قۇرىلىسىنا كۇش سالاتىن كەشەندى قىزمەت وتەۋ كاسىپورنى.

  بۇگىنگى كۇندە شييۇي چۋانچي سەرىكتەستىگى شينجياڭداعى اۋىل شارۋاشىلىعىنا ساياتىن 100دەن استام كاسىپورىنعا ماركا تۇلعالاۋ، دارەجەسىن جوعارىلاتۋ، ينتەرنەت دۇكەنىن اشۋعا جەتەكشىلىك ەتۋ، ارنالاردى ءتۇيىستىرۋ سياقتى قىزمەت وتەيدى. اتالعان سەرىكتەستىكتىڭ ورىنباسار باس ديرەكتورى فان شىڭۋاڭ بىلاي دەدى: ”الداعى 3 جىلدا ءبىز 5 − 10 باستاپقى ءوندىرۋ بازاسىن، 3 − 5 تىكە تاراتۋ بازاسىن قۇرىپ، بايلىقتاردى بىرىكتىرىپ، اۋىل شارۋاشىلىعىنا ساياتىن كاسىپورىندارعا اناعۇرلىم ويداعىداي قاتىستى قىزمەت وتەپ، شينجياڭداعى اناعۇرلىم كوپ اۋىل شارۋاشىلىعى ەرەكشە ونىمدەرىنىڭ سىرتقا شىعۋىن ىلگەرىلەتەمىز“.

  چىن بيڭ بىلاي دەپ قارادى: رايونىمىزداعى اۋىل شارۋاشىلىعىنا ساياتىن كاسىپورىنداردىڭ ەلەكتروندى ساۋدا ىستەرىن دامىتۋ بولاشاعى جاقسى، دەسە دە ءبىراز ماسەلەلەرگە ءدوپ كەلىپ وتىر، بۇلاردىڭ ىشىندە دارىندى تاپشىلىعى، قارجى جەتىسپەۋشىلىگى سياقتىلار ءبىرشاما كورنەكتى بولىپ وتىر. چىن بيڭ مىناداي ۇسىنىس بەردى: اۋىل شارۋاشىلىعىنا ساياتىن كاسىپورىندار باۋلۋ جۇمىستارىن بەلسەنە ۇيىمداستىرىپ، اۋىل شارۋاشىلىعىنا ساياتىن كاسىپورىنداردىڭ ەلەكتروندى ساۋدانى دامىتۋىنا قاجەتتى دارىندىلار كاپيتالىن توپتاعانى ءجون. سونىمەن بىرگە، جەر - جەر دە ينتەرنەت جۇلدىزدارىن، تىكە تاراتۋشىلاردى بەلسەنە باۋلىپ، جەتىلدىرىپ نەمەسە ەنگىزىپ، اناعۇرلىم كوپ ءوندىرىس كاسىپورىندارىن، سەلبەستىك كووپەراتيۆتەرىن جانە شارۋا وتباسىلارىن تىكە تاراتۋ قيمىلىنا قوسىلۋعا تارتىپ، تىكە تاراتۋ ارقىلى زات ساتۋدى سيفرلى ەكونوميكانى دامىتۋدىڭ جاڭا ەرەكشەلىگىنە اينالدىرۋى كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.