تيانشان تورى   ›   جاڭالىقتار   ›   شينجياڭ حابارلارى

اتىز باستارىندا قاۋىرت ۇگىت لەكسيا جۇرگىزىلدى، كىرىستى ارتتىرىپ بايۋ سەنىمدەرى نىعايدى

انار بۇلت / شينجياڭ گازەتىنىڭ تىلشىلەرى

  بىرنەشە كۇننەن بەرى رايونىمىزدىڭ جەر - جەرىندەگى بايۋ باستاماشىلارى اتىز باسىنا بارىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە فورماسى الۋان ءتۇرلى ۇگىت لەكسيا ورىستەتىپ، سىر شەرتىسۋ، وزگەرىستى ايتۋ، دامۋدى اڭگىمەلەۋ ارقىلى قالىڭ ەگىنشىلەردىڭ كىرىستى ارتتىرىپ بايۋ سەنىمدەرىن كۇشەيتتى.

  ساڭ رۇي ماناس اۋدانى ليۋحۋدي قالاشىعى ياڭجياداۋ قىستاعىنداعى بايۋ باستاماشىسى، ءار جىلى قىسقى ارەدىكتە قىستاق تۇرعىندارىن ەگىمشىلىك تەحنيكاسى جاعىنان باۋليدى. وسى 2 كۇندە ساڭ رۇي قىستاق تۇرعىندارىمەن بىرگە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەندى.

  ليۋحۋدي قالاشىعى قۇربانتۇڭعىت ءشولىنىڭ وڭتۇستىك جيەگىنە ورنالاسقان، سوڭعى جىلدارى وسى قالاشىق اۋىل شارۋاشىلىعى كاسىپ سالاسىنىڭ قۇرىلىمىن رەتتەۋدى ەكولوگيانى جونگە سالۋمەن ۇشتاستىرىپ، ”بازا + سەلبەستىك كووپەراتيۆى + شارۋا وتباسى“ ۇلگىسى ارقىلى ەگىنشىلەردى 2000 مۋ جەرگە ماشينامەن ءجۇزىم ەگۋگە جەتەكتەپ، ءشول دالاعا جاسىل جەلەك جاپتى.

  11 - ايدىڭ 21 - كۇنى تۇستەن بۇرىن قىستاق تۇرعىنى حوۋ ۋىنشۋاڭ وتباسىنىڭ ەگىس اتىزى جاعاسىندا ساڭ رۇي حوۋ ۋىنشۋاڭ وتباسىنىڭ جاقىننان بەرگى جاعدايىن ۇعىسا ءجۇرىپ: ”قىستاعىمىزدا بۇرىن قۇمدى بوران سوقسا، كوزىمىزدى اشا المايتىنبىز، جونگە سالۋ ارقىلى قازىر قۇمدى بوران سوعاتىن كۇندەر ازايدى، ءار شاڭىراق تۇگەلدەي بايىدى. ءبىز جالپى ءماجىلىستىڭ رۋحىن ويداعىداي ۇيرەنىپ، ويداعىداي ءتۇسىنىپ، ويدى ءبىر اراعا شوعىرلاندىرىپ، كۇشتى ءبىر ارناعا جۇمساپ، بايۋ جولىنا بىرگە ۇمتىلامىز“، - دەدى.

  11 - ايدىڭ 19 - كۇنى ءتىلشى بۇراتالا قالاسى ۇتىبۇلاق قالاشىعى گىندىن جاڭا قىستاعى يىنما جۋاڭيۋان شارۋالار شاتتىعى ساياجايىنا بارعاندا، وسى شارۋالار شاتتىعى ساياجايىنىڭ جاۋاپتىسى ما يىنيىننىڭ قىستاق تۇرعىندارىنا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاساپ جاتقاندىعىن كوردى. ”وسى بىرنەشە جىلدا قىستاق تۇرعىندارىنىڭ تۇرمىسى كۇن سايىن جاقساردى، ءبىز ۇلى جۇڭگو كوممۋنيستىك پارتياسىنا القاۋ ايتۋىمىز، وسىنداي باقىتتى داۋىردە تۇرمىس كەشىرىپ جاتقانىمىزدى ماقتانىش ەتۋىمىز كەرەك. كوپشىلىك قول ۇستاسىپ، بۇلجىماستان پارتياعا ىلەسىپ، اۋىل - قىستاقتى گۇلدەندىرۋدى جۇزەگە اسىرۋ ءۇشىن ءوز كۇشتەرىن قوسۋى كەرەك“، - دەدى ما يىنيىن.

  گىندىن جاڭا قىستاعى بۇراتالا قالاسىنىڭ ماڭىنداعى قىستاق، سوڭعى 2 جىلدا كوپتەگەن قىستاق تۇرعىنى شارۋالار شاتتىعى ساياجايىن، ەرەكشەلىككە يە حالىقتىق تۇسەلحانا اشۋ ارقىلى بايىدى. قازىر وسى قىستاقتا 12 شارۋالار شاتتىعى ساياجايى، ەرەكشەلىككە يە 30 حالىقتىق تۇسەلحانا بار، بيىل وسى قىستاق بۇراتالا قالاسىنىڭ اۋىل - قىستاقتى گۇلدەندىرۋ بويىنشا ۇلگى كورسەتۋ قىستاعى قاتارىنا ەنگىزىلدى.

  ”بۇگىنگى باقىتتى تۇرمىس وڭاي - وسپاق قولعا كەلگەن جوق، ءبىز ونان ارى قۇلشىنىپ، دامۋ ورايىن يگەرىپ، سەلبەستىك كووپەراتيۆىن، ءتىپتى، جاقسى قۇرۋىمىز كەرەك“. 11 - ايدىڭ 23 - كۇنى لوپ اۋدانى لوپ قالاشىعى ءدۋات قىستاعىنداعى لوپ اۋدانى لۇينۇڭ باعىمشىلىق شارۋالار كاسىپتىك سەلبەستىك كووپەراتيۆىندە سەلبەستىك كووپەراتيۆىنىڭ جاۋاپتىسى ياسىن ءماتتۇرسۇن كووپەراتيۆ مۇشەلەرىمەن پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن بىرگە ۇيرەنىپ، العان اسەرلەرى جونىندە پىكىر اۋىستىردى.

  ”پارتيا مەن ۇكىمەتتىڭ كوڭىل بولۋىندە، قامقورلىعىندا ءبىز كەڭ دە جارىق بەيقۇت ۇيگە كوشىپ كىردىك، قۇبىر سۋىن ىستەتتىك، باعىمشىلىقپەن اينالىستىق. قازىرگى جاقسى تۇرمىسىمىزدى بۇرىن ويلاۋعا باتىنا المايتىنبىز، وتباسىمىز پارتيا مەن ۇكىمەتكە ەرەكشە العىس ايتادى، سونداي - اق قازىرگى تاماشا تۇرمىسىمىزدى ونان ارى قاستەرلەيدى“، - دەدى سەلبەستىك كووپەراتيۆىنىڭ مۇشەسى يمىنتوحتى ءماتروزى اسەرلەنە.

  (ءتىلشى شيا چيڭ، جازۋعا قاتىناسقاندار گو چيان، جاڭ جىلي، ءرايدا)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.