بۇراتالا وبلىسى:
ادام مەن سۋ جاراسىم تاپتى، قۇستار سايرادى
انار بۇلت / شينجياڭ گازەتىنىڭ تىلشىلەرى جاڭ جىلي، كاڭ حاۋيان
”كەشە وزەننىڭ جوعارى اعارىنداعى سۋىق سۋ بالىعى باقشاسىنان تۇنىق سۋدا جۇزگەن بالىقتى كوردىم؛ ال بۇگىن وزەننىڭ تومەنگى اعارىنداعى بينحى باقشاسىنان قۇستاردىڭ سايران سالىپ جۇرگەنىن بايقادىم. قاقاعان قىس ماۋسىمى بولسا دا اۋىلىمنىڭ كوركەم ەكولوگيالىق كورىنىسى كوز تارتادى“، - دەدى 11 - ايدىڭ 19 - كۇنى بۇراتالا قالاسىندا بويجەتكەن تۇيا ماقتانىشپەن.
تۇيا بۇل وزەندى ۇناتادى، ول بۇراتالا موڭعۇل اۆتونوميالى وبلىسىنىڭ شەكاراسى ىشىندەگى بۇراتالا وزەنى ەدى.
”ەكولوگيانىڭ جاقسى - جامان بولۋىندا اققۋعا قاراۋ كەرەك“، ”ەكولوگيانىڭ قانداي ەكەنىن بىلمەك بولساڭىز شينجياڭنىڭ سولتۇستىك سالاماندرا بالىعىنا قاراڭىز“. بۇراتالا وزەنى الابىندا سۇحبات جاساعاندا، جەرگىلىكتى ورىنداعى كوپتەگەن ادام تىلشىگە وسىلاي دەدى.
بۇراتالا قالاسىنداعى بينحى باقشاسى بۇراتالا قالا تۇرعىندارىنىڭ ءبىر جىلدىڭ 4 ماۋسىمىندا سەيىل - سەرۋەن قۇراتىن تاماشا جەرى. باقشاعا كوز سالساڭىز انادايدان كەڭ كوسىلگەن سۋ ايدىنى مەن بىتىك وسكەن قامىس كورىنىپ، قۇلاعىڭىزعا اققۋ، جابايى ۇيرەك سياقتى سۋ قۇستارىنىڭ ءۇنى كەلەدى. ۇنەمى كەلىپ اققۋلاردى كورىپ تۇراتىن زەينەتكە شىققان كادر ۋاڭ مىرزا: بۇراتالا وزەنىنىڭ ەكولوگيالىق ورتاسى بارعان سايىن جاقسارىپ، اققۋ سياقتى سۋ قۇستارى مولايا ءتۇستى، - دەدى.
بۇراتالا وبلىسى بۇراتالا وزەنىن قامتىعان ەبىنۇر كولىنىڭ ەكولوگيالىق ورتاسىن جان - جاقتى جونگە سالۋدى وڭىرلىك ەكولوگيالىق ورتانى تۇبىرىنەن جاقسارتۋدىڭ، ەكونوميكالىق، قوعامدىق دامۋدى جەبەۋدىڭ كەلەلى شاراسى ەتىپ، حالىق شارۋاشىلىعى مەن قوعامدىق دامۋدىڭ جالپىلىق جوباسىنا ەنگىزىپ، «بۇراتالا موڭعۇل اۆتونوميالى وبلىسى بۇراتالا وزەنى الابىنىڭ ەكولوگيالىق ورتاسىن قورعاۋ ەرەجەسىن» شىعارىپ، وزەندى، كولدى شارلاۋدى ۇدايى ورىستەتىپ، اۋدان، قالا جانە اۋىل - قالاشىق لاس سۋ ءبىر جاقتى ەتۋ زاۆودىن، تۇرمىستىق قوقىر - قوقسىقتاردى كومۋ الاڭىن كۇش سالا قۇردى...
اعاش ەگىپ ورمان ءوسىرۋ، سۋدىڭ لاستانۋىنان ساقتانۋ جانە ونى جونگە سالۋ، جايلىمدا مال باعۋعا ءتيىم سالۋ، سۋ مەن توپىراقتىڭ زايا بولۋىن جونگە سالۋ سياقتى ءبىر قىدىرۋ ەكولوگيانى جونگە سالۋ ينجەنەرياسىن اتقارىپ، بۇراتالا وزەنى الابىنىڭ ەكولوگيالىق ورتاسىن كورنەكتى جاقسارتتى.
بيىل بۇراتالا كەڭىنەن پىكىر قابىلداپ، تولىق تەكسەرۋ - زەرتتەۋ، ىسپاتتاۋ نەگىزىندە ەكولوگيادا قۋاتتى وبلىس قۇرۋ، شينجياڭدى مادەنيەتپەن نارلەندىرۋ ينجەنەرياسىن ىلگەرىلەتۋمەن بىرلەستىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، بۇراتالا وزەنى ەكولوگيالىق مادەنيەت ءدالىزىن قالپىنا كەلتىرۋ، قۇرۋ نىسانىن باستاپ اتقارىپ، بۇراتالا وزەنىنىڭ ەكولوگيالىق باسىمدىعىن كاسىپ سالاسى باسىمدىعىنا، مادەنيەت باسىمدىعىنا جانە حالىقتى بايىتۋ باسىمدىعىنا اينالدىرۋعا كۇش سالدى.
بۇراتالا قالاسىنىڭ وڭتۇستىك قالا رايونىندا 15 كيلومەتر ۇزىندىقتاعى بۇراتالا وزەنى ەكولوگيالىق مادەنيەت ءدالىزى قۇرىلىس ينجەنەرياسى قازىر قاۋىرت جۇرىلۋدە. وسى ينجەنەريانىڭ جاۋاپتىسى چياۋ حۇڭليڭ بىلاي دەپ تانىستىردى: وسى حالىق تۇرمىسى ينجەنەرياسى بيىل 5 - ايدا باستالعان، 2023 - جىلى 10 - ايدا اياقتايدى. سالىنىپ بولعاننان كەيىن ەكولوگيالىق مادەنيەت ءدالىزى قورشالماعان تابيعي، مادەنيەت مۇراجايى بولادى.
اراسان اۋدانىندا دا 15 كيلومەتر ۇزىندىقتاعى بۇراتالا وزەنى ەكولوگيالىق مادەنيەت ءدالىزى قۇرىلىس ينجەنەرياسى سالىنۋدا. ”14 نىسانىمىزدىڭ 12سى اياقتاپ، 200 ميلليون يۋان قارجى قوسىلدى، بۇل جوسپارداعى جالپى قوسىلاتىن قارجىنىڭ ％92ىن ۇستايدى. كەلەسى قادامدا ءبىز جۇمىس مەرزىمىن قاۋىرت ورنالاستىرىپ، ورىندالماعان نىساندى ۇستەمەلەپ ىستەپ، بارلىق نىساننىڭ ۋاعىندا ورىندالۋىنا شىنايى كەپىلدىك ەتەمىز“، - دەدى وسى ينجەنەريانىڭ جاۋاپتىسى ۋاڭ حاي.
