تيانشان تورى   ›   جاڭالىقتار   ›   شينجياڭ حابارلارى

جاپونيا جۇرتشىلىعىنا شينجياڭنىڭ شىنايى جاعدايىن اڭگىمەلەپ بەردى

جۇڭگونىڭ وساكاداعى باس كونسۋلحاناسى ”جۇڭگونى ءتۇسىنۋ“ اتتى ينتەرنەت جەلىسىندەگى جەلىلەس اشىق تالقى مىنبەرى لەكسياسىن وتكىزدى

جاپونيا جۇرتشىلىعىنا شينجياڭنىڭ شىنايى جاعدايىن اڭگىمەلەپ بەردى

  انار بۇلت / شينجياڭ گازەتىنىڭ ءتىلشىسى جىڭ جو 11 - ايدىڭ 22 - كۇنى ۇرىمجىدەن حابارلايدى. 11 - ايدىڭ 22 - كۇنى جۇڭگونىڭ وساكاداعى باس كونسۋلحاناسى ”جۇڭگونى ءتۇسىنۋ“ اتتى ينتەرنەت جەلىسىندەگى جەلىلەس اشىق تالقى مىنبەرىنىڭ 7 - كەزەكتى لەكسياسىن وتكىزدى.

  شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىلەرى شۇي گۇيشياڭ مەن يليجان انايات ”شينجياڭنىڭ ورنىقتى دامۋ جاعدايى“ دەگەن تاقىرىپتا ارقاۋ ءسوز سويلەدى ءارى جاپونيالىق كورەرمەندەرمەن ىقپالداستى. جاپونيا پارلامەنتىنىڭ مۇشەلەرى، ەكونوميكا سالاسىنىڭ قايراتكەرلەرى، اقپارات مەديالارىنىڭ تىلشىلەرى قاتارلى 100دەن استام ادام ينتەرنەت جەلىسىندە قاتىناستى نەمەسە تىكە تارالىمدى كوردى.

  جۇڭگونىڭ وساكادا تۇراتىن باس كونسۋلى شۋە جيان تالقى مىنبەرىنىڭ اۋەلگى ماقساتىن تانىستىردى. ول بىلاي دەدى: ءبىراز ۋاقىتتان بەرى امەريكاداعى جانە باتىستاعى ءىشىنارا ەلدەردىڭ شينجياڭ جونىندەگى حابارلارى مەن قوعامدىق پىكىرىندە ءىس جۇزىندىك جاعدايمەن اسا زور پارىق ساقتالىپ، شىندىققا جات سىڭايلار تارالىپ، جاپونيا جۇرتشىلعىنا شىنايى ينفورماتسيا بەرۋگە شاراسىزدىق تۋىلدى. وسى جولعى تالقى مىنبەرى ارقىلى جۇڭگو شينجياڭىنىڭ شىنايى ءۇنىن قاز - قالپىندا جاپونيا جۇرتشىلىعىنا جەتكىزۋدى ءۇمىت ەتەمىز.

  تالقى مىنبەرىندە شينجياڭنىڭ ەكونوميكالىق، قوعامدىق دامۋى، حالىق تۇرمىسىنىڭ قامتاماسىز ەتىلۋى، ۇلتتار ىنتىماعى، مادەنيەتتىڭ جالعاسۋى جانە قورعالۋى سىندى جاقتاعى مازمۇندار تانىستىرىلدى ءارى كەزەكتەگى جاپونيا قوعامى نازار اۋدارىپ وتىرعان ”تاربيەلەۋ - باۋلۋ ورتالىعى“، ”شينجياڭنىڭ ادامدىق ۇقىق جاعدايى“ سىندى جاعدايلارعا ەگجەي - تەگجەيلى بايىمداۋ جاسالدى.

  ”تاربيەلەۋ - باۋلۋ ورتالىعى دەگەنىمىز مەكتەپ“. شۇي گۇيشياڭ بىلاي دەدى: قىم - قۋىت، كۇردەلى لاڭكەستىككە قارسى تۇرۋ جاعدايىنا مەڭزەس، شينجياڭ ”ءبىر جاعىنان، سوققى بەرۋدى يگەرۋگە، ەندى ءبىر جاعىنان، الدىن الۋدى يگەرۋگە“ تاباندى بولىپ، زاڭمەن جونگە سالۋ ۇگىت تاربيەسىن كۇشەيتۋ ارقىلى كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرۋ سىندى كوپ ءتۇرلى تاسىلدەرمەن ءدىني ۇشقارىلىقتىڭ ىقپالىنا ۇشىراعان زاڭعا قايشى قىلمىستىق ارەكەتى بار ادامداردى ەڭ جوعارى شەكتە قۇتقارىپ، لاڭكەستىكتىڭ، ءدىني ۇشقارىلىقتىڭ ءوربيتىن توپىراعىن جانە شارت - جاعدايىن جويدى. كەزەكتە، شينجياڭدا 5 جىلعا تاياۋ ۋاقىتتا زورلىقتى كۇش لاڭكەستىك دەلوسى (وقيعا) تۋىلمادى، ءار ۇلت بۇقاراسىنىڭ تىلەگى مەن ءۇمىتى ىسكە استى.

  جاپونيالىق ءبىر كورەرمەن شينجياڭدا ”ادامدىق ۇقىققا قول سۇعۋ“ ماسەلەلەرى ءومىر ءسۇرىپ وتىرعانىن بايانداعان كەيبىر كىتاپتاردىڭ جاپونيانىڭ كىتاپ دۇكەندەرىندە ساتىلىپ جاتقانىن، كىتاپتاعى كوزقاراستاردىڭ شىنايى جاعدايعا ۇيلەسەتىن - ۇيلەسپەيتىندىگىن بىلگىسى كەلەتىندىگىن ايتىپ ساۋال قويدى. يليجان انايات بىلاي دەدى: بۇل كىتاپتارداعى مازمۇندار بۇكىلدەي تىرناق استىنان كىر ىزدەگەندىك، جالا جاپقاندىق. ول بىلاي دەدى: شەكارا سىرتىنداعى كەيبىر جۇڭگوعا قارسى كۇشتەر شينجياڭنىڭ وبرازىنا كۇيە جاعۋ ءۇشىن، بار ايلاسىن سالىپ، ءبىر قىدىرۋ اڭگىمە، اجۋا سۋرەت سىندى مادەنيەت ونىمدەرىن دايىنداپ جاساپ شينجياڭعا جالا جاپتى. مىسالى، جاپونيالىق اجۋا سۋرەت سالۋشى شينجياڭعا ساياتىن اجۋا سۋرەتىن جاريالاپ، ميھىرگۇل تۇرسۇننىڭ تاربيەلەۋ - باۋلۋ ورتالىعىنداعى ”باستان كەشكەندەرىن“ بايانداپتى. ءىس جۇزىندە، ميھىرگۇل تۇرسۇن ەشقانداي تاربيەلەۋ - باۋلۋ ورتالىعىنا ۇيرەنۋگە بارماعان، ونىڭ وتىرىگى الدەقاشان ايپاراداي اشىلدى. جاپونيانىڭ كەيبىر جازۋشىلارىنىڭ امەريكاداعى، باتىستاعى جۇڭگوعا قارسى ساياساتپازداردىڭ ازدىرۋىنا ەندىگارى ۇشىراماۋىن ءۇمىت ەتەمىز.

  جاپونيا جاقتىڭ نازار اۋدارىپ وتىرعان شينجياڭنىڭ كاسىپ سالالارى تەجەۋگە ۇشىرادى دەگەن جاعداي جونىندە شۇي گۇيشياڭ مىنالاردى ءبىلدىردى: بيىل شينجياڭنىڭ ماقتا كاسىپ سالاسى قارىشتاپ العا باسىپ، ماقتاشىلاردىڭ ءونىمى مولايىپ، كىرىسى ارتىپ، ايتىلمىس جازا ءبىر جاپىراق كەرەكسىز قاعازعا اينالدى. ول مىنانى باسا دارىپتەدى: امەريكاداعى، باتىستاعى جۇڭگوعا قارسى كۇشتەر شينجياڭنىڭ ادامدىق ۇقىق جاعدايىنا ەجەلدەن كوڭىل ءبولىپ كورگەن جوق، بۇلاي ىستەۋى شينجياڭنىڭ كاسىپ سالاسىنا قىسىم كورسەتۋ ءۇشىن، وسى ارقىلى ”زورلىقپەن جۇمىسسىز قالدىرۋعا“، ”زورلىقپەن كەدەيلەستىرۋگە“ جانە قوعامدا اۋمالى - توكپەلى جاعداي تۋدىرۋعا ۇرىنىپ، شينجياڭدى وتكەندەگى زورلىقتى كۇش لاڭكەستىك دەلولار (وقيعا) كوپ، تولاسسىز تۋىلاتىن مەزگىلگە قايتارىپ اكەلۋ، ءىس جۇزىندە، مۇنداي ارام ماقساتتىڭ ىسكە اسۋى مۇلدە مۇمكىن ەمەس.

  ”ءبىز جاپونيالىق دوستاردى شينجياڭعا كەلىپ ارالاۋعا، كورۋگە شىنايى ۇسىنىس ەتەمىز“. شۇي گۇيشياڭ مىنانى ءبىلدىردى: قازىرگە دەيىن 60 رەت اقپار جاريالاۋ ءماجىلىسىن وتكىزىپ، شينجياڭنىڭ شىنايى جاعدايىن تانىستىردىق، شەتەلدىك ەلشىلەردى دە توپ - توبىمەن شينجياڭعا كەلىپ ەكسكۋرسيالاۋعا، ساپارلاۋعا ۇسىنىس ەتتىك، ولاردىڭ بارلىعى ءوز كوزدەرىمەن كورگەن شينجياڭنىڭ امەريكا سۋرەتتەگەننەن مۇلدە باسقاشا ەكەندىگىن ءبىلدىردى.

  شۋە جيان تانىستىرىپ بىلاي دەدى: وساكا باس كونسۋلحاناسىنىڭ سايتى ”شينجياڭعا ساپار تەرەزەسىن“ اشىپ، جاپونيالىق جەرگىلىكتى جۇرتشىلىقتىڭ تىزىمدەلۋىن قابىلدايدى، ىندەت اياقتاعاننان كەيىن، باس كونسۋلحانا شينجياڭ جاقپەن سەلبەسىپ، تىزىمدەلگەن ادامداردى شينجياڭعا ساپارلاۋعا ورنالاستىرادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.