تيانشان تورى   ›   جاڭالىقتار   ›   ءۇرىمجى

سۋىق اعىس كىرەدى! 11 - ايدىڭ 26 ـ كۇنى ٴۇرىمجى قالاسىندا قالىڭ قار جاۋادى

  انار بۇلت - شينجياڭ گازەتىنىڭ حابارى (ٴتىلشى يۇي مىڭفان حابارلايدى). جاڭا ٴبىر رەتكى سۋىق اعىس تاياۋدا شينجياڭعا ىقپال جاسايدى. مەجەمەن 11 - ايدىڭ 26 - كۇنى كۇندىزدەن 28 - كۇنى كۇندىزگە دەيىن سولتۇستىك شينجياڭنىڭ كوپ ساندى رايوندارى مەن شىعىس شينجياڭدا تەمپەراتۋرا 5 ~ 8 سەلتسي گرادۋس تومەندەيدى، التاي ايماعىنىڭ شىعىسىندا، سانجى حۇيزۋ اۆتونوميالى وبلىسىندا، قۇمىل قالاسىنىڭ سولتۇستىگىندە تەمپەراتۋرا 8 ~ 12 گرادۋس تومەندەپ، اياز بولادى.

  سۋىق اعىس كەلۋدىڭ الدىندا، بۇگىن بۇكىل شينجياڭنىڭ كوپ ساندى رايوندارىندا كۇن اشىق بولادى. تارباعاتاي ايماعىنىڭ سولتۇستىگى، التاي ايماعىنىڭ باتىسى، ٴۇرىمجى قالاسى، سانجى وبلىسىنىڭ شىعىسى سياقتى جەرلەردىڭ ٴىشىنارا وڭىرلەرىندە 4 ~ 5 بال قيىس شىعىس جەلى سوعادى، مۇنىڭ ىشىندە تارباعاتاي ايماعىنىڭ سارعۋسىن، مايتاس جەلدى ٴوڭىرى، التاي ايماعىنىڭ نوقاي جەلدى ٴوڭىرى، ٴۇرىمجى قالاسىنىڭ ۇلانباي، حۇڭيانچى سياقتى جەل وتتەرىندە 7 ~ 8 بال بوران سوعادى.

  11 ـ ايدىڭ 25 ـ كۇنى ساعات 10نان 30 مينۋت وتكەندە، ۇرىمجىدە كۇن اشىق، تۇتاس قالا كۇن شۇعىلاسىنا شومدى. سۋرەتتى انار بۇلت / شينجياڭ گازەتىنىڭ ٴتىلشىسى ياڭ ۋي تۇسىرگەن

  ٴۇرىمجى قالاسىندا بۇگىن كۇن اشىق، ەڭ جوعارى تەمپەراتۋرا 5 سەلتسي گرادۋس، ەڭ تومەن تەمپەراتۋرا نولدەن تومەن 3 سەلتسي گرادۋس، 3 تە 4 بال شىعىس وڭتۇستىك جەلى سوعادى، وڭتۇستىك قالا ماڭىندا 8 بال شاماسىندا شىعىس وڭتۇستىك بورانى سوعادى. مەجەمەن 11 - ايدىڭ 26 - كۇنى تۇننەن 27 - كۇنى كۇندىزگە دەيىن قالىڭ قار جاۋادى.

  الدىڭعى رەت قار جاۋعاندا كوپتەگەن دوستار قىسقى دوڭگەلەكتى اۋىستىرماعاندىقتان، مۇز قاتقان جولدا تايىپ، الدىڭعى اۆتوكولىكپەن حاۋىپسىز ارالىق ساقتاي الماعان. بۇگىنگى اشىق اۋا رايىنان پايدالانىپ، قىسقى دوڭگەلەكتى اۋىستىرىپ الىڭىز.

  كەيبىر دوستار: قانشا دەگەنمەن قار جاۋاتىن كۇن از، كۇن اشىلعاننان كەيىن قار ەرىپ كەتەدى، قىسقى دوڭگەلەكتى اۋىستىرۋدىڭ قاجەتى بار ما جوق دەۋى مۇمكىن. ٴىس جۇزىندە دوڭگەلەكتىڭ جەر كۇشىن مەڭگەرۋىنە ىقپال جاسايتىن فاكتور قار - مۇز عانا ەمەس، تومەن تەمپەراتۋرا دا بار. تومەن تەمپەراتۋرا ادەتتەگى دوڭگەلەكتى قاتايتىپ، ۇيكەلىس كۇش ازايادى. ۇقساس اۋا تەمپەراتۋرا شارت - جاعدايىندا، قىسقى دوڭگەلەكتىڭ بەتى ٴتىپتى دە جۇمسارىپ، وسى ارقىلى جەر كۇشىن اناعۇرلىم جاقسى مەڭگەرەدى.

  اۋا رايى تاراۋلارى مىنانى ەسكەرتەدى: مەجەمەن 11 - ايدىڭ 26 ـ كۇنىنەن 28 ـ كۇنىنە دەيىن سولتۇستىك شينجياڭداعى جەل وتتەرى، وتىز شاقىرىمدىق جەل ٴوتى، ءجۇز شاقىرىمدىق جەل ٴوتى سياقتى جەرلەردە لەزدىك جەل كۇشى ٴبىرشاما كۇشتى بولادى، ٴىشىنارا جەرلەردە قارلى – بوران سوعاتىندىقتان، تاس جول، تەمىر جول قاتىناس ـ تاسىمالى سياقتىلارعا جاسايتىن ىقپالىنان ساقتانۋ كەرەك.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.