تيانشان تورى   ›   جاڭالىقتار   ›   ەل ءىشى حابارى

«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردەگى قارتتار قىزمەتىن كۇشەيتۋ جونىندەگى پىكىرى» جاريالاندى

  شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى. «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردەگى قارتتار قىزمەتىن كۇشەيتۋ جونىندەگى پىكىرى» تاياۋدا جاريالاندى.

  «پىكىردە» مىنالار العا قويىلدى: ەلىمىزدەگى حالىقتىڭ قارتتانۋىنا ءونىمدى توتەپ بەرۋ مەملەكەتتىڭ دامۋ جالپى جاعدايىنا سايادى، سان ميلليونداعان بۇقارانىڭ قۇت - ىرىسىنا سايادى، قوعامنىڭ جاراسىمدىلىعىنا، ورنىقتىلىعىنا سايادى، جاپپاي سوتسياليستىك وسىزاماندانعان مەملەكەت قۇرۋدا كەلەلى ماڭىز الادى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى، التىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ قارتتار قىزمەتىنە جاپپاي باسشىلىعىن كۇشەيتىپ، حالىقتى وزەك ەتۋگە تاباندى بولىپ، قارتتار ىستەرىنىڭ دامۋىن ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋ جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ اياسىنا ەنگىزىپ، حالىق سانىنىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن اتقارىپ، بەلسەندى قارتتانۋ كوزقاراسىن، اقاۋسىز قارتتانۋ ۇستانىمىن ەكونوميكالىق، قوعامدىق دامۋدىڭ تۇتاس بارىسىمەن توعىستىرىپ، قاتىستى ساياساتتىق جۇيەنى جانە تۇزىمدىك جۇلگەنى جەدەل ورناتىپ، اقاۋسىزداندىرىپ، جۇڭحۋا ۇلتىنىڭ اتا - اناعا وپالى بولۋ، قارتتاردى قۇرمەتتەۋ ءداستۇرلى تاماشا ءمورالىن زور كۇشپەن اسقاقتاتىپ، قارتتاردى كۇتىمدەۋ بويىنشا قىزمەت وتەۋ، سالاماتتىق قىزمەت وتەۋ، قوعامدىق قامتاماسىزداندىرۋ، قوعامدىق ات سالىسۋ، ۇقىق - مۇددەسىن قامتاماسىزداندىرۋ سياقتىلاردى ءبىر تۇتاس جوسپارلاپ دامىتۋدى جەبەپ، قارتتار ىستەرىن جوعارى ساپالى دامىتۋدى ىلگەرىلەتىپ، حالىق سانىنىڭ قارتتانۋىنا بەلسەنە توتەپ بەرۋدىڭ جۇڭگوشا جولىمەن ءجۇرۋ كەرەك.

  «پىكىردە» مىنالار باسا دارىپتەلدى: قارتتاردى كۇتىمدەۋگە قىزمەت وتەۋ جۇيەسىن اقاۋسىزداندىرىپ، ۇيدە الەۋمەتتىك اۋماقتاردىڭ قارتتاردى كۇتىمدەۋگە قىزمەت وتەۋ ۇلگىسىندە جاڭالىق اشىپ، قارتتاردى ۇيدە كۇتىمدەۋدى نەگىز ەتىپ، جاڭادان سالۋ، وزگەرتىپ سالۋ، جالعا الۋ سياقتى تاسىلدەر ارقىلى الەۋمەتتىك اۋماقتاردىڭ قارتتاردى كۇتىمدەۋگە قىزمەت وتەۋ قابىلەتىن جوعارىلاتۋ كەرەك. قۇرىلىمدا قارتتاردى كۇتىمدەۋدى اناعۇرلىم ارناعا تۇسىرۋدە، دامىتۋدا جەر - جەر تىكەلەي قۇرۋ، اماناتتامالى تيجارات، قىزمەت وتەۋدى ساتىپ الۋ، قوعامدىق قارجى قوسۋعا شابىتتاندىرۋ سياقتى كوپ ءتۇرلى تاسىلدەردەن پايدالانىپ قۇرىلىمدا قارتتاردى كۇتىمدەۋدى دامىتۋ كەرەك. قامقورحانا قۇرىلىسىن كۇشەيتۋ كەرەك. قارتتاردى كۇتىمدەۋ قۇرىلىمدارىنىڭ قىزمەت وتەۋ قاراجاتىن الدىن الا الۋ باسقارۋ ساياساتىن اقىلداسىپ بەلگىلەپ، قارتتاردى كۇتىمدەۋ قۇرىلىمدارىنىڭ اتىن جامىلىپ اقشا توپتاۋ، الدامشىلىق ىستەۋ سياقتى ارەكەتتەردەن قاتاڭ ساقتانۋ كەرەك. نەگىزدىك قارتتاردى كۇتىمدەۋگە قىزمەت وتەۋ ەسەپ ءتىزىمى ءتۇزىمىن ورناتىپ، كوپ ساتىلى قارتتاردى كۇتىمدەۋدى قامتاماسىز ەتۋ جۇيەسىن كەمەلدەندىرىپ، نەگىزدىك زەينەتكەرلىك قامسىزداندىرۋىنىڭ زاڭدا بەلگىلەنگەن ادامداردى جاپپاي قامتۋىن بىرتىندەپ جۇزەگە اسىرۋ كەرەك.

  قارتتاردىڭ سالاماتتىق تىرەك جۇيەسىن كەمەلدەندىرىپ، قارتتاردىڭ سالاماتتىعىنا قىزمەت وتەۋ جانە باسقارۋ ورەسىن جوعارىلاتىپ، ءبىرسىپىرا وڭىرلەردە قارتتاردى ەمدەۋ ورتالىقتارىن ورنالاستىرىپ، 2025 - جىلى 2 - دارەجەلى جانە ودان جوعارى امبەباپ شيپاحانالاردان قارتتار شيپاگەرلىك ءبولىمىن قۇرۋ سالىستىرماسىن %60تەن جوعارى دەڭگەيگە جەتكىزۋ كەرەك. تۇرمىستىق قابىلەتىنەن ايرىلعان قارتتارعا ۇزاق ۋاقىت قارايلاسۋ قىزمەت وتەۋىن جانە قامتاماسىز ەتۋدى كۇشەيتىپ، كاسىپتىك قۇرىلىمداردان تارتىپ الەۋمەتتىك اۋماقتا، وتباسىندا ۇزاق ۋاقىت قارايلاسۋ قىزمەت وتەۋى ۇلگىسىن كەمەلدەندىرىپ، ەلىمىزدىڭ مەملەكەت جاعدايىنا ۇيلەسەتىن ۇزاق ۋاقىتتىق قارايلاسۋ قامسىزداندىرۋى ءتۇزىمىن ورناتۋ جونىندە بەلسەنە ىزدەنىس جاساۋ كەرەك. ەمدەۋ مەن كۇتىمدەۋدى بىرلەستىرۋدى ىشكەرىلەي ىلگەرىلەتىپ، 2025 - جىلدىڭ سوڭىنان بۇرىن، ءاربىر اۋداندا (قالا، رايون، حوشۇن) ەمدەۋ مەن كۇتىمدەۋ بىرلەستىرىلگەن يقۋاتقا يە، ەرەكشە قيىنشىلىعى بار ادامداردى اسىراپ - باعاتىن بىردەن ارتىق اۋدان دارەجەلى قىزمەت وتەۋ قۇرىلىمى بولۋ كەرەك.

  قارتتاردىڭ قوعامعا ات سالىسۋىن جەبەپ، قارتتار تاربيەسى بايلىعىمەن قامداۋدى كەڭەيتىپ، قارتتار تاربيەسىن ومىرلىك تاربيە جۇيەسىنە ەنگىزىپ، ورىندار، سالالار، كاسىپورىندار، جوعارى مەكتەپتەر اشقان قارتتار داشۋەسىنىڭ قوعامعا بەت الدىرىپ وقىتۋ جۇرگىزۋىن ىلگەرىلەتۋ كەرەك. قارتتارعا مادەنيەت، دەنە تاربيە جاعىنان قىزمەت وتەۋ ساپاسىن جوعارىلاتىپ، قارتتاردى ءوز رولدارىن جالعاستى ساۋلەلەندىرۋگە ىنتالاندىرىپ، قارتتاردىڭ رولىن جالعاستى ساۋلەلەندىرۋىنە كەدەرگىلىك جاساعان ۇيلەسىمسىز بەلگىلەمەلەردى جاپپاي اداقتاۋ كەرەك.

  قارتتارعا دوستىق پەيىلمەن قارايتىن قوعامدى بار كۇشپەن قۇرىپ، قارتتاردىڭ ۇقىق - مۇددەسىن قامتاماسىزداندىرۋدى كۇشەيتۋ، تەلەگراف، ينتەرنەت الدامشىلىعى سياقتى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، قارتتارعا ۇيلەسىمدى ارىز - شاعىم قىزمەت وتەۋ مەحانيزمىن قۇرۋ كەرەك. قارتتارعا جانعا جايلى قونىس ورتاسىن جاراتىپ، كەدەرگىسىز ورتا قۇرىلىسى مەن قارتتارعا ۇيلەسىمدى ەتىپ جاڭالاۋدى قالانى جاڭالاۋدى، قالا - قالاشىقتاعى كونە، ەسكى شاعىن اۋماقتاردى جاڭالاۋدى، اۋىل - قىستاقتاعى قاتەرلى ۇيلەردى جاڭالاۋدى، اۋىل - قىستاق قونىس ورتاسىن رەتتەۋ - جونگە سالۋ دەڭگەيىن جوعارىلاتۋدى ءبىر تۇتاس جوسپارلاپ ىلگەرىلەتۋ اياسىنا ەنگىزۋ كەرەك. قوعامدا قارتتاردى قۇرمەتتەۋدى كۇشەيتىپ، ”قارتتاردى قۇرمەتتەۋ ايى“ جەلىلەس قيمىلى مەن ”قارتتاردى قۇرمەتتەۋدەگى وركەنيەتتى كوللەكتيۆ“ قۇرۋ قيمىلىن ۇزدىكسىز ىلگەرىلەتۋ كەرەك.

  قارتتار ەكونوميكاسىن بەلسەنە جەتىلدىرىپ، جوبا جاساپ جەتەكشىلىك ەتۋدى كۇشەيتىپ، قارتتارعا ۇيلەسىمدى كاسىپ سالاسىن دامىتىپ، ءبىلىم مەنشىك ۇقىعىنا سۇعاناقتىق جاساعان جانە جالعان - جارامسىز تاۋار جاساۋ، ساتۋ سياقتى زاڭعا قايشى ارەكەتتەرگە قاتاڭ سوققى بەرىپ، قارتتاردىڭ تۇتىنۋ ۇقىق - مۇدەسىن قورعاۋ كەرەك.

  قارتتار قىزمەتى قامتاماسىزدىعىن نىعايتىپ، دارىندىلار قوسىنى قۇرىلىسىن كۇشەيتىپ، قارتتاردى كۇتىمدەۋ قۇرىلىمدارى قۇرعان ەمدەۋ قۇرىلىمدارىندا قىزمەت ىستەپ وتىرعان ەمدەۋ قىزمەتكەرلەرىنىڭ يگىلىگىندە نەگىزگى ساتى ەمدەۋ قىزمەتكەرلەرىنە قاتىستى شابىتتاندىرۋ ساياساتىنا نەگىزدەلۋ كەرەك. قارتتار قۇرىلعىلارىمەن قامداۋدى كۇشەيتۋ، جاڭادان قۇرىلعان قالا وڭىرلەرى، جاڭادان قۇرىلعان قونىستار ولشەم، تالاپ بويىنشا قارتتاردى كۇتىمدەۋگە قىزمەت وتەۋ قۇرىلعىلارىن جاپپاي سايكەستى سالۋ كەرەك. قاتىستى قولداۋ ساياساتتارىن كەمەلدەندىرىپ، قارتتار ءىسىنىڭ دامۋىنا قازىنادان قارجى قوسۋ ساياساتى مەن كوپ ارنالى قارجى قۇراۋ مەحانيزمىن كەمەلدەندىرىپ، تۇرعىن ءۇي سياقتى قولداۋ ساياساتىن اقىلداسىپ بەلگىلەپ، ساتىلى ەلەكتر باعاسى، سۋ باعاسى، گاز باعاسى ساياساتىن كەمەلدەندىرىپ، ەرەسەك پەرزەنتتەردى قارت اتا - انالارمەن جاقىن قونىستانىپ نەمەسە بىرگە تۇرمىس كەشىرىپ، باعىپ - قاعۋ مىندەتىن، قارايلاسۋ جاۋاپكەرشىلىگىن اتقارۋعا شابىتتاندىرۋ كەرەك. عىلمي زەرتتەۋ مەن حالىقارالىق سەلبەستىكتى كۇشەيتىپ، الەمدىك جانە وڭىرلىك قارتتانۋ ماسەلەسىن جونگە سالۋعا بەلسەنە ات سالىسىپ، حالىق سانىنىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن اتقارۋدى 2030 - جىلعى باياندى دامۋ كەڭەستىك تارتىبىندەگى قاتىستى نىسانانى تياناقتاندىرۋمەن ءونىمدى ۇشتاستىرۋدى ىلگەرىلەتۋ كەرەك.

  «پىكىردە» ۇيىمداستىرىپ اتقارۋدى كۇشەيتۋ جونىندە تالاپ قويىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.