چىن چۋانگو اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى
اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا پارمەندى تىرەك ازىرلەۋ كەرەك
ەركىن تۇنياز، شاۋكەت يمىن، حى جۇڭيوۋ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۋي 11 - ايدىڭ 24 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى جانە اۋىل - قىستاقتى گۇلدەندىرۋ باسشىلىق گرۋپپاسى ءماجىلىس اشىپ، باس شۋجي شي جينپيڭنىڭ ”اۋىل شارۋاشىلىعى، اۋىل - قىستاق، شارۋالار“ قىزمەتى مەن اۋىل - قىستاقتى گۇلدەندىرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، بۇكىل رايوننىڭ كەلەسى ساتىداعى ”اۋىل شارۋاشىلىعى، اۋىل - قىستاق، شارۋالار“ قىزمەتى مەن اۋىل - قىستاقتى گۇلدەندىرۋ قىزمەتىن ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايون باسشىلارىنان ەركىن تۇنياز، شاۋكەت يمىن، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، يۇسۇپجان مامەت، ەلزات احمەتجان، قادەن كابەن قاتارلىلار ماجىلىسكە قاتىناستى.
ءماجىلىس «اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ ءىس قاراۋ ەرەجەسىن»، «اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى جانە اۋىل - قىستاقتى گۇلدەندىرۋ باسشىلىق گرۋپپاسى كەڭسەسىنىڭ قىزمەت ناقتى ەرەجەسىن» قاراپ ماقۇلدادى.
چىن چۋانگو بىلاي دەپ اتاپ كورسەتتى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيا مەن ارەكەتتى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىمەن شىنايى بىرلىككە كەلتىرىپ، باس شۋجي شي جينپيڭنىڭ ”اۋىل شارۋاشىلىعى، اۋىل - قىستاق، شارۋالار“ قىزمەتى مەن اۋىل - قىستاقتى گۇلدەندىرۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، ”ءتورتتى توقتاتپاۋدى“ قاتاڭ تياناقتاندىرىپ، قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، كەدەيلىكتى ازايتۋ ستراتەگياسى مەن قىزمەت جۇيەسىن ورنىقتىرۋدى، تيبىن جاڭالاۋدى ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جاپپاي ىلگەرىلەتۋمەن ءونىمدى ۇشتاستىرۋدى ىلگەرىلەتۋ كەرەك. اۋىل شارۋاشىلىعىنىڭ ساپاسىن ءوسىرىپ، ونىمدىلىگىن جوعارىلاتۋدى كۇش سالا ىلگەرىلەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، وسىزاماندانعان اۋىل شارۋاشىلىعى كاسىپ سالاسى جۇيەسىن، ءوندىرىس جۇيەسىن، شارۋاشىلىق - ساۋدا جۇيەسىن جەدەل ورناتىپ، اۋىل شارۋاشىلىعىنىڭ تۇتاس كاسىپ سالاسى تىزبەگىن بار كۇشپەن قۇرىپ، استىق سىندى ماڭىزدى اۋىل شارۋاشىلىعى ونىمدەرىنىڭ ءوندىرىسىن ورنىقتىرىپ، قامداۋعا كەپىلدىك ەتۋدى مىقتى ۇستاپ، استىق حاۋىپسىزدىگىن باتىل قامتاماسىزداندىرىپ، اۋىل - قىستاق 1 -، 2 -، 3 - كاسىپتەرىنىڭ توعىسا دامۋىن جەدەل ىلگەرىلەتۋ كەرەك. اۋىل - قىستاق قۇرىلىسى ارەكەتىن ىشكەرىلەي اتقارىپ، اۋىل - قىستاق الەۋمەتتىك نەگىزدىك قۇرىلعى قۇرىلىسىن كۇشەيتىپ، قالا، اۋىلدىڭ نەگىزگى الەۋمەتتىك قىزمەت وتەۋىنىڭ بىركەلكىلەنۋىن ىلگەرىلەتىپ، جالپىعا ءتيىمدى، تولىق قامتاماسىز ەتىلگەن، نەگىزدىك حالىق تۇرمىسى قۇرىلىسى مەن اۋىل - قىستاق قونىس ورتاسىن رەتتەۋ - جونگە سالۋدى جوعارىلاتۋ ارەكەتىن جەدەل ىلگەرىلەتىپ، دارەتحانانى جاڭالاۋ مەن لاس سۋدى، قوقىر - قوقسىقتى ءبىر جاقتى ەتۋدى ويداعىداي يگەرىپ، اۋىل - قىستاق رۋحاني وركەنيەت قۇرىلىسى مەن اۋىل - قىستاق يدەيا - ءمورال قۇرىلىسىن كۇشەيتىپ، اۋىل - قىستاقتى شەبەرلىكپەن جونگە سالۋ دەڭگەيىن جوعارىلاتۋ كەرەك. جۇمىستاندىرۋدى ورنىقتىرىپ، كىرىستى ۇزدىكسىز ارتتىرۋدى جەبەپ، جۇمىستاندىرۋدى باعدار ەتۋگە تاباندى بولىپ، اۋىل - قىستاق كاسىپ سالاسى مەن ەڭبەك شوعىرلانعان كاسىپ سالاسىن دامىتىپ، زورايتىپ، مۇددە بايلانىسى مەحانيزمىن كەمەلدەندىرىپ، جۇمىستانۋ، كىرىستى ارتتىرۋ ءورىسىن كەڭەيتىپ، شارۋالاردىڭ كاسىپ سالاسىنىڭ ارتقان قۇن پايداسىنان ءتىپتى دە كوپ يگىلىكتەنۋىنە مۇمكىندىك جاساۋ كەرەك. اۋىل - قىستاق رەفورماسىن بۇلجىماستان تەرەڭدەتىپ، اۋىل - قىستاقتىڭ ءتۇيىندى سالالارىنداعى جانە شەشۋشى بۋىندارىنداعى رەفورمانى جەدەل ىلگەرىلەتىپ، اۋىل - قىستاق بايلىق فاكتورلارىنىڭ ومىرشەڭدىك كۇشىن قاۋلاتىپ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرىپ، نەگىزگى ساتى مەن بۇقارانىڭ جاسامپازدىعىنا قۇرمەت ەتىپ، رەفورمانىڭ ۇزدىكسىز تىڭ سەرپىلىستەرگە قول جەتكىزۋىن ىلگەرىلەتۋ كەرەك.
چىن چۋانگو بىلاي دەپ باسا دارىپتەدى: پارتيانىڭ ”اۋىل شارۋاشىلىعى، اۋىل - قىستاق، شارۋالار“ قىزمەتىنە جالپى بەتتىك باسشىلىعىن كۇشەيتىپ، اۆتونوميالى رايون باس جاۋاپكەرشىلىكتى ارقالاۋعا، ايماق، اۋدان تياناقتاندىرۋدى يگەرۋگە، اۋىل - قىستاق ناقتاپ تياناقتاندىرۋدى يگەرۋگە تاباندى بولىپ، ءار دارەجەلى پارتكوم مەن ۇكىمەت تۇلعالىق جاۋاپكەرشىلىگىن كۇشەيتىپ، ءار دارەجەلى پارتيا، ۇكىمەت ورىندارىنىڭ ءبىرىنشى باسشىلارى وزدەرى يگەرىپ، بەس دارەجەلى شۋجيلەر بىرگە يگەرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ قاز - قالپىندا، ناقتى تياناقتانۋىنا شىنايى كەپىلدىك ەتۋ كەرەك. نەگىزگى ساتىنى يگەرۋ، نەگىزدى كۇشەيتۋ، ءتۇبىردى بەكەمدەۋ قىزمەت باعدارىن كورنەكتىلەندىرىپ، ءتۇرلى بايلىقتاردى نەگىزگى ساتىعا ءتۇسىرۋدى ىلگەرىلەتۋ كەرەك. ناقتى ىستەۋ بەتالىسىن اناعۇرلىم ورناتىپ، شىندىققا جۇگىنىپ، ناقتى ىستەۋ ستيلىن بار كۇشپەن ساۋلەلەندىرىپ، ساياسيدا بەرىك، قابىلەتى مىعىم، ستيلدە قاتاڭ اۋىل - قىستاقتى گۇلدەندىرۋ كادرلار قوسىنىن قۇرۋ كەرەك.
اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ مۇشەلەرى، ت.ب ماجىلىسكە قاتىناستى.
