تيانشان تورى
تيانشان تورى   ›   جاڭالىقتار   ›   سۋرەتتى حابار

پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ بايانداما ءماجىلىسى ۇرىمجىدە وتكىزىلدى

  پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ بايانداما ءماجىلىسى ۇرىمجىدە وتكىزىلدى

  چىن چۋانگو بايانداما جاسادى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 11 - ايدىڭ 24 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، 11 - ايدىڭ 24 - كۇنى تۇستەن بۇرىن، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ بايانداما ءماجىلىسى ۇرىمجىدە وتكىزىلدى. ورتالىق ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو ۇگىت لەكسيا بايانداماسىن جاسادى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز بايانداما جاساۋ ءماجىلىسىن باسقاردى. اۆتونوميالى رايون باسشىلارىنان شاۋكەت يمىن، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، يۇسۇپجان مامەت، ەلزات احمەتجان، قادەن كابەن قاتارلىلار ماجىلىسكە قاتىناستى.

  چىن چۋانگو ۇگىت لەكسيا بايانداماسىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىن اشۋدىڭ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋدىڭ كەلەلى ماڭىزىن تەرەڭ تانۋ، پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن بەرى پارتيا مەن مەملەكەتتىڭ ءتۇرلى ىستەرىندە قول جەتكەن تىڭ دا كەلەلى ىلگەرىلەۋشىلىكتەردى تەرەڭ تانۋ، پارتيانىڭ 100 جىلدىق كۇرەسىندەگى اۋەلگى ماقساتى مەن بورىشىن جانە كەلەلى تابىستارىن تەرەڭ تانۋ، جۇڭگوشا سوتسياليزمنىڭ جاڭا داۋىردەگى تاريحي تابىستارى مەن تاريحي وزگەرىستەرىن تەرەڭ تانۋ، پارتيانىڭ 100 جىلدىق كۇرەسىنىڭ تاريحي ماڭىزى مەن تاريحي تاجىريبەلەرىن تەرەڭ تانۋ، تاريحتى اينا ەتىپ، بولاشاققا جول اشۋدىڭ ماڭىزدى تالابىن تەرەڭ تانۋ، پارتيانىڭ 100 جىلدىق كۇرەس بارىسىنان اقىل - پاراسات جانە كۇش - قۋات قابىلداۋ سياقتى جاقتاردى ءتۇيىندى تۇردە ارقاۋ ەتىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ءتۇسىندىردى جانە تەرەڭدەي بايىمدادى.

  چىن چۋانگو بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيا مەن حالىق ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي ارشىندى قادام تاستاعان كەلەلى تاريحي ساتتە اشىلعان بەلەستىك مانگە يە ماڭىزدى ءماجىلىس. باس شۋجي شي جينپيڭنىڭ جالپى ماجىلىستەگى ماڭىزدى بايانداماسى، ماڭىزدى تۇسىندىرمەسى، ماڭىزدى ءسوزى، بۇكىل پارتيانىڭ جاڭا، كەلەلى تاريحي ساتتە اۋەلگى ماقساتتى ۇمىتپاي، ەرلىكپەن العا تارتۋىنا ايقىن العا باسۋ بەتالىسىن كورسەتىپ بەردى، بۇكىل پارتيانىڭ، بۇكىل ەلدەگى ءار ۇلت حالقىنىڭ ەكىنشى 100 جىلدىق كۇرەس نىساناسىنا قادام تاستاۋىنا ءتۇبىرلى بويسۇنۋ ولشەمىن ازىرلەدى. جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى، بۇكىل پارتيانىڭ يدەيانى بىرلىككە كەلتىرۋىن، ەرىك - جىگەردى بىرلىككە كەلتىرۋىن، ارەكەتتى بىرلىككە كەلتىرۋىن ىلگەرىلەتىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جاڭا داۋىردە جۇڭگوشا سوتسياليزمگە تاباندى بولۋعا جانە ونى دامىتۋعا كەلەلى دە تەرەڭ اسەر ەتەتىندىگى ءسوزسىز.

  چىن چۋانگو ءتورت تاريحي كەزەڭ بويىنشا پارتيانىڭ 100 جىلدىق كۇرەس بارىسى مەن شۇعىلالى تابىستارىن ىشكەرىلەي ءتۇسىندىردى. ول بىلاي دەدى: 100 جىلدان بەرى پارتيامىز باستان - اياق جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى ءوزىنىڭ اۋەلگى ماقساتى جانە بورىشى ەتىپ، باستان - اياق كوممۋنيزم مۇراتىنا جانە سوتسياليزم سەنىمىنە تاباندى بولىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ بايۋىن، قۇدىرەتتەنۋىن، حالىقتىڭ باقىتىن جۇزەگە اسىرۋ ءۇشىن قاجىماي - تالماي كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىندا ەڭ ايبىندى تاريحي داستان جازدى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىكپەن، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن كوپتەگەن قيىن ماسەلەلەردى شەشىپ، كەزىندە ىستەۋدى ويلاساق تا ىستەي الماي كەلگەن كوپتەگەن ءىرى ىستەردى تىندىرىپ، جاپپاي دوڭگەلەك داۋلەتتى قوعام ورناتۋ نىساناسىن ۋاعىندا جۇزەگە اسىرىپ، پارتيا مەن مەملەكەت ىستەرىندە تاريحي تابىسقا قول جەتكىزىپ، تاريحي وزگەرىس تۋدىرىپ، جۇڭگوشا سوتسياليزمنىڭ قۇدىرەتتى جالىندى ومىرشەڭدىك كۇشىن ايگىلەپ، پارتيانىڭ تىلەگىن، ارميانىڭ تىلەگىن، حالىقتىڭ تىلەگىن بۇرىن بولىپ كورمەگەن دارەجەدە ۇيىستىرىپ، سەرپىلتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەدى، جۇڭحۋا ۇلتى ورنىنان تۇرۋدان، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.

  چىن چۋانگو مىنالاردى اتاپ كورسەتتى: «قارار» ”وندى ايقىنداۋ“ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنىن ىشكەرىلەي قورىتىندىلادى. اماليات مىنانى تولىق دالەلدەدى: شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى بولىپ، ماركسيزمنىڭ جۇڭگوشالانۋىنىڭ جاڭا سەكىرۋىن جۇزەگە اسىردى. پارتيانىڭ شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋى، جاڭا داۋىردەگى كەلەلى نازاريالىق امالياتتىق جەتىستىك جانە كەلەلى ساياسي جەتىستىك، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەيدى، جاڭا داۋىردەگى پارتيا مەن مەملەكەت ىستەرىنىڭ دامۋىن، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى ماڭىز الادى.

  چىن چۋانگو مىنانى اتاپ كورسەتتى: «قارار» پارتيانىڭ 100 جىلدىق كۇرەسىنىڭ تاريحي ماڭىزىن 5 جاقتان قورىتىندىلاپ، جۇڭگو كوممۋنيستىك پارتياسى مەن جۇڭگو حالقىنىڭ، جۇڭحۋا ۇلتىنىڭ قاتىناسىن ايگىلەدى، جۇڭگو كوممۋنيستىك پارتياسى مەن ماركسيزمنىڭ، دۇنيە ءجۇزى سوتسياليزمىنىڭ، ادامزات قوعامىنىڭ دامۋ قاتىناسىن ايگىلەدى، پارتيانىڭ 100 جىلدىق كۇرەسىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن توعىستىردى. «قارار» قورىتىندىلاعان ءتۇبىرلى سيپاتقا جانە ۇزاق ۋاقىتتىق جەتەكشى ماڭىزعا يە 10 تارماقتى تاريحي تاجىريبە − جۇيەسى كەمەلدى، ءوزارا توعىسقان ورگانيكالى تۇتاس تۇلعا بولىپ، پارتيا مەن حالىقتىڭ ىستەرىنىڭ ۇزدىكسىز تابىسقا جەتۋىنىڭ ءتۇبىرلى كەپىلىن تەرەڭ اشىپ كورسەتتى، پارتيانىڭ باستان - اياق جەڭىمپاز ورىندا تۇرۋىنىڭ كۇش قاينارىن تەرەڭ اشىپ كورسەتتى، پارتيانىڭ باستان - اياق تاريحي ىرىقتىلىقتى مەڭگەرۋىنىڭ ءتۇبىرلى سەبەبىن تەرەڭ اشىپ كورسەتتى، پارتيانىڭ العاباسارلىعى مەن كىرشىكسىزدىگىن ماڭگى ساقتاپ، باستان - اياق ءداۋىردىڭ الدىڭعى لەگىندە ءجۇرۋىنىڭ ءتۇبىرلى جولىن اشىپ كورسەتتى، بۇل كەلەلى تاريحي ماڭىزعا جانە رەال جەتەكشىلىك ماڭىزعا يە.

  چىن چۋانگو مىنانى اتاپ كورسەتتى: تاريحتى اينا ەتىپ، بولاشاققا جول اشۋدىڭ ماڭىزدى تالابىن مىقتى يگەرىپ، جۇڭگو كوممۋنيستىك پارتياسى دەگەن نە، نە ىستەۋى كەرەك دەگەن ءتۇبىرلى ماسەلەنى ەستە بەرىك ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمدىك تۇرعى، كوزقاراس، ءادىس ارقىلى ءداۋىردى باعامداپ، ءداۋىردى يگەرىپ، داۋىرگە جەتەكشىلىك ەتىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، جۇيە كوزقاراسىنا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، حالىق بۇقاراسىمەن ەتەنە بايلانىستى ماڭگى ساقتاپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، جالعاستىرۋشىسى بار وسى ءتۇبىرلى ۇلى جوبانى ويداعىداي جاقسى يگەرىپ، 100 شاقىرىم جولدىڭ 90 شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋ كەرەك. پارتيانىڭ 100 جىلدىق كۇرەس بارىسىنان اقىل - پاراسات جانە كۇش - قۋات قابىلداپ، تاريح سەنىمىن بەكەمدەپ، مۇراتتان، سەنىمنەن سانالى تۇردە مىزعىماۋ؛ پارتيانىڭ ساياسي قۇرىلىسىنا تاباندى بولىپ، پارتيانىڭ ىنتىماعىن، بىرلىگىن باستان - اياق ساقتاۋ؛ جاۋاپكەرشىلىك ارقالاۋدى بەكەمدەپ، ۇلى كۇرەس جۇرگىزۋ جىگەرى مەن قابىلەتىن ۇزدىكسىز كۇشەيتۋ؛ ءوز - وزىنە توڭكەرىس جاساۋعا تاباندى بولىپ، پارتيانىڭ قاسيەتىن ساقتاۋعا، ءتۇسىن وزگەرتپەۋگە، سيپاتىن ساقتاۋعا شىنايى كەپىلدىك ەتۋ كەرەك.

  چىن چۋانگو مىنانى باسا دارىپتەدى: بۇكىل رايونداعى ءار دارجەلى پارتيا ۇيىمدارى مەن قالىڭ پارتيالى كادرلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، ۇيرەنۋ، ۇگىتتەۋ، ۇگىت لەكسيا جاساۋ، باۋلۋ، جالپىلاستىرۋ، زەرتتەۋ - تالقى قيمىلدارىن كەڭىنەن ىشكەرىلەي ورىستەتىپ، بۇكىل رايوندا جوعارىدان - تومەنگە دەيىن ۇيرەنۋدىڭ، دايەكتىلەندىرۋدىڭ جالىندى رايىن قالىپتاستىرىپ، ۇيرەنۋدىڭ، دايەكتىلەندىرۋدىڭ قىزۋ ورلەۋىن كوتەرۋ كەرەك. جالپى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى وراي ەتۋدەن، قوزعاۋشى كۇش ەتۋدەن جازباي، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن جانە ورتالىقتىڭ ۇلت قىزمەتى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، دامۋدى جانە حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى سياقتى قىزمەتتەردى تىڭعىلىقتى ويداعىداي ىستەپ، تۇتاس جىلداعى ەكونوميكالىق، قوعامدىق دامۋدىڭ نەگىزگى نىسانالارى مەن مىندەتتەرىن قۇلشىنا ورىنداپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.

  ۇگىت لەكسيا بايانداما جاساۋ ماجىلىسىنەن كەيىن، چىن چۋانگو بايانداما جاساۋ ماجىلىسىنە قاتىناسقان مامان، وقىمىستىلارمەن، وقۋشى جاستاردىڭ ۋاكىلدەرىمەن ءوزارا اڭگىمەلەسىپ، ۇيرەنۋ اسەرلەرىن ورتاقتاستى. چىن چۋانگو مىنانى اتاپ كورسەتتى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ كەرەك.

  بايانداما جاساۋ ءماجىلىسى تەلەۆيزور - تەلەفون ءماجىلىسى فورماسىندا اشىلدى، ءارقايسى ايماقتاردا، وبلىستاردا، قالالاردا، اۋدانداردا، قالالاردا، رايونداردا جانە بيڭتۋاننىڭ ءارقايسى شى، قالا، تۋان - الاڭدارىندا بولىمشە ءماجىلىس ورنى ورنالاستىرىلدى. اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، بيڭتۋان باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، ورىنباسار ولكە دارەجەلىدەن جوعارى دەمالىسقا، پەنسياعا شىققان ساقا جولداستاردىڭ ۋاكىلدەرى، اۆتونوميالى رايوندىق ۇگىت لەكسيا ۇيىرمەسىنىڭ مۇشەلەرى، مامان، وقىمىستىلاردىڭ ۋاكىلدەرى، وقۋشى جاستاردىڭ ۋاكىلدەرى، ت. ب نەگىزگى ءماجىلىس ورنىندا بايانداما جاساۋ ماجىلىسىنە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.