− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
تاريح دامۋىنىڭ ءوز زاڭدىلىعى بولادى، تاريح زاڭدىلىعىن عىلمي يگەرىپ، تاريح زاڭدىلىعى بويىنشا ىستەسەك بولعانى، بارلىق جەردە جەڭىسكە جەتپەي قويمايمىز.
پارتيا 19 - كەزەكتى ورتالىق كوميتەتى التىنشى جالپى ءماجىلىسى تاريح دامۋىنىڭ زاڭدىلىعى مەن زور اۋقىمىن ىشكەرىلەي زەرتتەپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلاپ، مىنانى باسا دارىپتەدى: بۇكىل پارتيا جۇڭگو كوممۋنيستىك پارتياسى دەگەن نە، نە ىستەۋى كەرەك دەگەن ءتۇبىرلى ماسەلەنى ەستە بەرىك ساقتاپ، تاريح دامۋىنىڭ زور اۋقىمىن يگەرىپ، مۇرات - سەنىمدى بەكەمدەپ، اۋەلگى ماقسات پەن بورىشتى ەستە بەرىك ساقتاپ، باستان - اياق كىشى پەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، ءارقانداي حاۋىپ - قاتەردەن قورىقپاي، ءارقانداي كەدەرگىدەن جاسقانباي، ءتۇبىرلى ماسەلەدە ويرانداۋ سيپاتتى قاتەلىك وتكىزۋگە استە جول بەرمەي، العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، 100 شاقىرىم جولدىڭ 90 شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋ كەرەك. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تاريح دامۋىنىڭ زاڭدىلىعىن جەتە يگەرگەندىگىن، پارتيا مەن مەملەكەت ىستەرى دامۋىنىڭ تاريحي ىرىقتىلىعى مەن بورىش ارقالاۋىن باستان - اياق يگەرگەندىگىن تولىق ايگىلەدى، بۇل بۇكىل پارتيانىڭ پارتيانىڭ 100 جىلدىق كۇرەسىنەن ىلگەرىدە نە ءۇشىن تابىسقا جەتە العاندىعىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، سول ارقىلى اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋى جانە ونى دامىتۋى جونىنەن كەلەلى رەال ماڭىزعا جانە تەرەڭ تاريحي ماڭىزعا يە.
100 جىلدىق كۇرەس بارىسىندا پارتيامىز باستان - اياق ماركسيزمدى جەتەكشى ەتىپ، تاريحتىڭ زور اۋقىمىنا تالداۋ جاساۋعا، ونى يگەرۋگە تاباندى بولىپ، جۇڭگو مەن دۇنيە ءجۇزىنىڭ قارىم - قاتىناسىن دۇرىس ءبىر جاقتى ەتىپ، ءتۇرلى تاريحي ورايلاردى مىقتاپ ۇستاۋعا جانە ويداعىداي پايدالانۋعا شەبەر بولدى. 100 جىلدان بەرى جاعداي مەن مىندەتتە مەيلى قانداي وزگەرىس بولسا دا، قانداي جويقىن اعىن، اساۋ تولقىنعا كەزدەسسە دە پارتيامىز باستان - اياق تاريحي ىرىقتىلىقتى يگەرىپ، كۇرەس نىساناسىنان جازباي، دۇرىس بەتالىستى بويلاپ تاباندىلىقپەن العا ىلگەرىلەدى. پارتيامىز حالىقتى ىنتىماقتاستىرىپ، باستاپ، 30 جىلعا تاياۋ ۋاقىتتا جاڭا دەموكراتيالىق توڭكەرىستى ورىنداپ، جاڭا جۇڭگونى قۇرىپ، جۇڭگو حالقى وسىدان باستاپ ەڭسە كوتەردى؛ پارتيامىز حالىقتى ىنتىماقتاستىرىپ، باستاپ، سوتسياليستىك توڭكەرىس پەن قۇرىلىس نەگىزىندە 40 نەشە جىل ۋاقىت جۇمساپ رەفورما جاساۋدى، ەسىك اشۋدى جۇرگىزىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدە كەدەيلىك ماسەلەسىن تاريحي سيپاتتى شەشىپ، ءبىرىنشى 100 جىلدىق كۇرەس نىساناسىن جۇزەگە اسىردى؛ كەلەسى قادامدا، 2035 - جىلعا بارعاندا پارتيامىز حالىقتى ىنتىماقتاستىرىپ، باستاپ، سوتسياليستىك وسىزامانداندىرۋدى نەگىزىنەن جۇزەگە اسىرادى ءارى وسى نەگىزدە تاعى 15 جىل كۇرەس جۇرگىزىپ، وسى عاسىردىڭ ورتاسىنا بارعاندا جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعادى. اماليات مىنانى تولىق دالەلدەدى: تاريحتىڭ دامۋ زاڭدىلىعى مەن زور اۋقىمىن يگەرىپ، تاريح وزگەرىسىنىڭ ورايىن مىقتاپ ۇستاپ، جاعدايعا قاراي ىسكەرلىك كورسەتسەك، قايراتتانا ىستەسەك بولعانى، ءبىز ءتىپتى دە جاقسى العا ىلگەرىلەي الامىز.
بۇگىن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم تاياي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا جەتەدى. سونىمەن بىرگە بۇكىل پارتيا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە وڭاي - وسپاق، قۇر ايعاي - سۇرەنمەن بىتە سالاتىن شارۋا ەمەستىگىن، ءسوز جوق، سەرگەكتىكپەن تانۋى كەرەك. ءبىز تاپتىرماس ورايعا ءدوپ كەلىپ وتىرمىز، سونداي - اق قاتاڭ سىن - سايىسقا دا ءدوپ كەلىپ وتىرمىز. وسى شەشۋشى كەزدە ءارقانداي كىدىرۋگە، ەكى ۇداي بولۋعا، توسىپ وتىرۋعا بولمايدى، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، جىگەرلەنە ءتۇسىپ، ۇزدىكسىز كۇرەس جۇرگىزۋ كەرەك. تاريحتى تۇسىنگەندە عانا ۇزاقتى كورۋگە بولادى، تاريحتى ۇعىنعاندا عانا الىستارعا جەتۋگە بولادى. بۇكىل پارتيا جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى كوكەيدە ساقتاپ، ۇلكەن تاريح كوزقاراسىن ورناتىپ، وسى زامانعى جۇڭگو تۇرعان تاريحي ورىندى ايقىن تانىپ، تاريحي سانالىلىقتى كۇشەيتىپ، ماشاقاتتى دا شۇعىلالى وتكەن كۇندەردى، كۇن سايىن جاڭارىپ، اي سايىن تۇلەگەن قازىرگى كۇندەردى، جارقىن دا ايبىندى كەلەشەكتى ساباقتاستىرىپ، تاريحتىڭ سالقار كوشىنەن، ءداۋىر اعىمىنان، الەم اۋقىمىنان وزگەرىس مەحانيزمىنە تالداۋ جاساپ، تاريح زاڭدىلىعىن قاراستىرىپ، تۇيدەك بۇلتتار اراسىندا دۇرىس بەتالىستى مىقتى مەڭگەرىپ، حاۋىپ - قاتەر مەن سىن - سايىس الدىندا ەرلىكتى شىڭداپ، جاڭا داۋىردەگى، جاڭا جورىقتاعى پارتيا مەن مەملەكەت ىستەرى دامۋىنىڭ تاريحي ىرىقتىلىعىن باستان - اياق يگەرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن كۇرەس جاساۋ سەنىمى مەن قوزعاۋشى كۇشىن قاۋلاتىپ، بەلگىلەنگەن كۇرەس نىساناسىنان جازباي، تاسقىنداعان جىگەرمەن بولاشاققا بەت الىپ، ءبىزدىڭ وسى ۇرپاق ادامدارىنا ءتان تاريحي ۇلى ىسكە جول اشۋىمىز كەرەك.
بەلگىلەنگەن كۇرەس نىساناسىنان جازباي، تاسقىنداعان جىگەرمەن بولاشاققا بەت الۋدا، ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمدىك تۇرعى، كوزقاراس، ءادىس ارقىلى ءداۋىردى زەرتتەۋىمىز، ءداۋىردى يگەرۋىمىز، داۋىرگە جەتەكشىلىك ەتۋىمىز كەرەك. ماركسيزم دۇنيەنى تانۋداعى، دۇنيەنى وزگەرتۋدەگى عىلمي اقيقات، ءبىزدىڭ پارتيا قۇرۋىمىزدىڭ، مەملەكەت قۇرۋىمىزدىڭ، پارتيانى كوركەيتىپ، مەملەكەتتى قۇدىرەتتەندىرۋىمىزدىڭ ءتۇبىرلى جەتەكشى يدەياسى. شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى بولىپ، ماركسيزمنىڭ جۇڭگوشالانۋىنىڭ جاڭا شارىقتاۋىن جۇزەگە اسىردى. جاڭا ۇلى جورىقتا پارتيانىڭ جاسامپاز نازارياسىنىڭ ەڭ جاڭا جەتىستىكتەرى ارقىلى وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە مىزعىماستان تاباندى بولىپ، ماركسيزم اقيقاتىنىڭ نۇر - شۇعىلاسىمەن العا باسۋ جولىمىزدى نۇرلاندىرساق، ءبىز، ءسوز جوق، حالىقتى ىنتىماقتاستىرىپ جانە باستاپ، بارلىق ماشاقات - قيىندىق، قاتەر - بوگەتتەردى جەڭىپ، تىڭ دا اناعۇرلىم زور كەرەمەتتەردى جاراتا الامىز.
بەلگىلەنگەن كۇرەس نىساناسىنان جازباي، تاسقىنداعان جىگەرمەن بولاشاققا بەت الۋدا، ءبىز پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، جۇيە كوزقاراسىنا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋىمىز كەرەك. ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر، الايدا وراي مەن سايىس تۇگەلدەي جاڭا دامۋ وزگەرىسىنە يە، وراي مەن سايىستىڭ ۇلكەندىگى بۇرىن بولماعان دارەجەدە، جالپى جاقتان العاندا وراي سايىستان ۇلكەن. جاڭا ۇلى جورىقتا دامۋ زاڭدىلىعىن يگەرىپ، كۇرەس جاساۋ رۋحىن اسقاقتاتىپ، داعدارىس بارىسىندا ۇتىمدى ورايدى جەتىلدىرىپ، وزگەرىس بارىسىندا جاڭا جاعداي اشىپ، ورايدى يگەرىپ، سىن - سايىسقا توتەپ بەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، حالىقتى بايىتۋدى، مەملەكەتتى قۇدىرەتتەندىرۋدى، كورىكتى جۇڭگو قۇرۋدى سايكەستى ىلگەرىلەتسەك، ءبىز، ءسوز جوق، بولاشاق دامۋدىڭ ىرىقتىلىق ۇقىعىن يگەرىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرا الامىز.
بەلگىلەنگەن كۇرەس نىساناسىنان جازباي، تاسقىنداعان جىگەرمەن بولاشاققا بەت الۋدا، ءبىز حالىق بۇقاراسىمەن ەتەنە بايلانىستى ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ كوپ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتۋىمىز كەرەك. بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى. جاڭا ۇلى جورىقتا بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى باس ماقساتىنا تاباندى بولىپ، بارلىعى حالىق ءۇشىن دەگەنگە، بارلىعىندا حالىققا سۇيەنۋگە تاباندى بولىپ، حالىقتى باستان - اياق كوڭىلدىڭ ەڭ بيىك تورىنە قويىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، جالپى حالىق بىرگە بايۋ جولىمەن بۇلجىماي ءجۇرىپ، ءبىر ميلليارد 400 ميلليوننان استام حالىقتى جۇڭحۋا ۇلتىنىڭ ۇلى گۇلدەنۋىن ىگەرىلەتۋدىڭ تەلەگەي كۇشى ەتىپ ۇيىستىرساق، ءبىز، ءسوز جوق، حالىققا تىعىز سۇيەنىپ، جاڭا تاريحي ۇلى ىستەردى جاراتا الامىز.
بەلگىلەنگەن كۇرەس نىساناسىنان جازباي، تاسقىنداعان جىگەرمەن بولاشاققا بەت الۋدا، ءبىز ۋايىم مەن تارشىلىق ادامدى ءومىر سۇرۋگە جەتەلەيتىندىگىن، جايلى، راقات تىرشىلىك زاۋالعا قاراي يتەرمەلەيتىندىگىن، قاشاندا ۇزاق بولاشاقتى كوزدەۋ كەرەكتىگىن، امانشىلىقتا جامانشىلىقتىڭ بولارىن ەستەن شىعارماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋىمىز كەرەك. جۇرەكتىلىكپەن ءوز - وزىنە توڭكەرىس جاساۋ − پارتيامىزدىڭ ەڭ ايقىن قاسيەتى، سونداي - اق پارتيامىزدىڭ ەڭ ۇلكەن ابزالدىلىعى، ءوز - وزىنە توڭكەرىس جاساۋ رۋحى پارتيانىڭ جاستىق ومىرشەڭدىكتى ماڭگى ساقتاۋىنىڭ قۋاتتى تىرەگى. جاڭا ۇلى جورىقتا ءوز - وزىنە توڭكەرىس جاساۋعا تاباندى بولىپ، ماڭگى جالعاستىراتىن تاباندىلىقپەن جانە قاجىرلىلىقپەن پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، پارتيانىڭ العاباسارلىعى مەن كىرشىكسىزدىگىنە نۇقسان كەلتىرەتىن بارلىق فاكتورلاردى ۇزدىكسىز الاستاپ، پارتيانىڭ اقاۋسىز تۇلعاسىن جەمىرەتىن بارلىق ۆيرۋستى ۇزدىكسىز جويىپ وتىرساق بولعانى، ءبىز، ءسوز جوق، پارتيانىڭ قاسيەتىن ساقتاۋعا، ءتۇسىن وزگەرتپەۋگە، سيپاتىن ساقتاۋعا شىنايى كەپىلدىك ەتە الامىز، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋدىڭ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتە الامىز.
تاريحتىڭ العا باسۋ لوگيكاسىمەن العا باسىپ، ءداۋىردىڭ دامۋ اعىمىمەن دامىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا قادام تاستاساق، ءبىز، ءسوز جوق، ۇزدىكسىز جاقسى ناتيجە جاراتىپ، جاڭا داۋىردە، جاڭا جورىقتا تىڭ لەپ، تىڭ ىسكەرلىك ايگىلەي الامىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا قۇرۋ ۇلى رۋحىن زور كۇشپەن ساۋلەلەندىرىپ، كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەيىك!
(شينحۋا اگەنتتىگىنىڭ 11 - ايدىڭ 19 - كۇنى بەيجيڭنەن بەرگەن حابارى)
