اۆتونوميالى رايوندىق باس جۇمىسشى ۇيىمى 12 - كەزەكتى كوميتەتىنىڭ 6 - رەتكى ءماجىلىسى اشىلدى
ەلزات احمەتجان اۆتونوميالى رايوندىق باس جۇمىسشى ۇيىمىنىڭ ءتوراعاسى بولىپ سايلاندى
انار بۇلت / شينجياڭ گازەتىنىڭ ءتىلشىسى گو ليڭ 11 - ايدىڭ 25 - كۇنى ۇرىمجىدەن حابارلايدى. 11 - ايدىڭ 25 - كۇنى اۆتونوميالى رايوندىق باس جۇمىسشى ۇيىمى 12 - كەزەكتى كوميتەتىنىڭ 6 - رەتكى ءماجىلىسى اشىلدى، ەلزات احمەتجان اۆتونوميالى رايوندىق باس جۇمىسشى ۇيىمىنىڭ ءتوراعاسى بولىپ سايلاندى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق باس جۇمىسشى ۇيىمىنىڭ ءتوراعاسى ەلزات احمەتجان ءسوز سويلەدى. ول بىلاي دەپ اتاپ كورسەتتى: ”ەكىنى تۇراقتاندىرۋدىڭ“ شەشۋشى ماڭىزىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، تاڭداۋلى داستۇرگە مۇراگەرلىك ەتىپ، رەفورما رۋحىن اسقاقتاتىپ، جۇمىسشىلار قوزعالىسى ىستەرىنىڭ جانە جۇمىسشى ۇيىمى قىزمەتىنىڭ جاسامپازدىقپەن دامۋىن، جاڭا جاعداي اشۋىن قۇلشىنا ىلگەرىلەتۋ كەرەك.
ەلزات احمەتجان بىلاي دەپ باسا دارىپتەدى: پارتيانىڭ جاسامپاز نازارياسىمەن وي - سانانى قارۋلاندىرۋعا بۇلجىماستان تاباندى بولىپ، جۇمىسشى ۇيىمى قىزمەتىنىڭ باستان - اياق دۇرىس ساياسي بەتالىسپەن العا ىلگەرىلەۋىنە شىنايى كەپىلدىك ەتۋ؛ كەلەلى جاعدايعا بويسۇنۋدىڭ، وعان قىزمەت وتەۋدىڭ ۇشتاسۋ ءتۇيىنىن ءدال تاۋىپ، جاڭا داۋىردەگى جۇمىسشى ۇيىمى قىزمەتىنىڭ جاڭا جاعدايىن قۇلشىنا اشۋ؛ جۇرت تىلەگىن ۇيىستىرۋدى نەگىز ەتۋگە تاباندى بولىپ، ءار ۇلت جۇمىسشى - قىزمەتشىلەر قاۋىمىن پارتيانىڭ توڭىرەگىنە بارىنشا ىنتىماقتاستىرۋ؛ رەفورمانى ءۇرتىس تەرەڭدەتۋدى قوزعاۋشى كۇش ەتۋگە تاباندى بولىپ، جۇمىسشى ۇيىمى جۇيەسىنىڭ ءوز قۇرىلىسىن ۇزدىكسىز كۇشەيتۋ كەرەك.
ەلزات احمەتجان بىلاي دەپ باسا دارىپتەدى: تۇتاس رايونداعى ءار دارەجەلى جۇمىسشى ۇيىمدارى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۆتونوميالى رايوندىق 10 - رەتكى پارتيا قۇرىلتايى مەن اۆتونوميالى رايوندىق 10 - كەزەكتى پارتكوم ەكىنشى جالپى ءماجىلىسىنىڭ ورنالاستىرۋىنا، تالابىنا ساي، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، ىرىقتى تۇردە جاۋاپكەرشىلىك ارقالاپ، ىسكەرلىك كورسەتىپ، جۇمىسشى ۇيىمى قىزمەتىندە ۇزدىكسىز جاڭا جاعداي اشىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ەسە قوسىپ، ەڭبەك ءسىڭىرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
