شينجياڭ دەنە تاربيە ۋاكىلدەر ۇيىرمەسىنىڭ مەملەكەتتىك سپورت جارىسىنا، مۇگەدەكتەر سپورت جارىسىنا، ەرەكشە وليمپيادا سپورت جارىسىنا قاتىناسۋىن قورىتىندىلاۋ، ماداقتاۋ - سيلاۋ جينالىسى ۇرىمجىدە وتكىزىلدى
چىن چۋانگو سيلىققا يە بولعان سپورتشىلاردىڭ، جاتتىقتىرۋشىلاردىڭ جانە جاتتىقتىرۋ ورىندارىنىڭ ۋاكىلدەرىمەن كەزدەستى
ەركىن تۇنياز كەزدەسۋدە بىرگە بولدى ءارى قورىتىندىلاۋ، ماداقتاۋ - سيلاۋ جينالىسىندا ءسوز سويلەدى، لي يفي، حى جۇڭيوۋ كەزدەسۋگە قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، جاڭ يانفاڭ 11 - ايدىڭ 26 - كۇنى ۇرىمجىدەن حابارلايدى. 11 - ايدىڭ 25 - كۇنى شينجياڭ دەنە تاربيە ۋاكىلدەر ۇيىرمەسىنىڭ 14 - كەزەكتى مەملەكەتتىك سپورت جارىسىنا، مەملەكەتتىك 11 - كەزەكتى مۇگەدەكتەر سپورت جارىسىنا جانە 8 - كەزەكتى ەرەكشە وليمپيادا سپورت جارىسىنا قاتىناسۋىن قورىتىندىلاۋ، ماداقتاۋ - سيلاۋ جينالىسى ۇرىمجىدە وتكىزىلدى.
اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار شينجياڭ دەنە تاربيە ۋاكىلدەر ۇيىرمەسىنەن سيلىققا يە بولعان سپورتشىلاردىڭ، جاتتىقتىرۋشىلاردىڭ جانە جاتتىقتىرۋ ورىندارىنىڭ ۋاكىلدەرىمەن كەزدەستى ءارى توپتىق سۋرەتكە ءتۇسىپ ەستەلىك قالدىردى.
چىن چۋانگو اۆتونوميالى رايوندىق پارتكوم جانە ۇكىمەت، سونداي - اق تۇتاس رايونداعى ءار ۇلت حالقى اتىنان داڭقپەن ورالعان بارلىق سپورتشىلاردى، جاتتىقتىرۋشىلاردى جانە قىزمەتكەرلەردى قىزۋ قۇتتىقتايتىندىعىن ءبىلدىردى، ۇزاق ۋاقىتتان بەرى قاجىرلىلىقپەن قىزمەت ىستەپ جاتقان تۇتاس رايونداعى ءار ۇلت دەنە تاربيە قىزمەتكەرلەرىنە جانە رايونىمىزدىڭ دەنە تاربيە ىستەرىنىڭ دامۋىنا كوڭىل ءبولىپ، قولداۋ كورسەتىپ كەلگەن ءار سالا قايراتكەرلەرىنە شىن جۇرەكتەن العىس ايتاتىندىعىن ءبىلدىردى. چىن چۋانگو تۇتاس رايونداعى قالىڭ دەنە تاربيە قىزمەتكەرلەرىن پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جانە باس شۋجي شي جينپيڭنىڭ دەنە تاربيەدە قۋاتتى ەل قۇرۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، جۇڭحۋانىڭ دەنە تاربيە رۋحىن زور كۇشپەن ساۋلەلەندىرىپ، جۇڭگو دەنە تاربيەسىنىڭ داڭقتى ءداستۇرىن جالعاستىرۋعا، سونداي - اق 2022 - جىلعى بەيجيڭ قىسقى وليمپياداسىنا، مۇگەدەكتەر قىسقى وليمپياداسىنا دايىندالۋدى وراي، قوزعاۋشى كۇش ەتىپ، جاڭا باستامادا قۇلشىنا كۇرەس جاساپ، تاعى دا تاماشا ناتيجە جاراتىپ، ۇلى وتانىمىزعا اتاق، ابىروي اپەرۋگە جىگەرلەندىردى.
ەركىن تۇنياز ماداقتاۋ - سيلاۋ جينالىسىندا ءسوز سويلەدى. ول بىلاي دەپ اتاپ كورسەتتى: جۋىق جىلداردان بەرى رايونىمىزدىڭ دەنە تاربيە ىستەرىنىڭ دامۋى كورنەكتى ونىمدىلىككە قول جەتكىزىپ، بۇقارالىق دەنە تاربيە قارىشتاپ دامىپ، باسەكەلىك دەنە تاربيەدە سان رەت تاماشا ناتيجە جاراتىلدى، جاستار مەن جاس وسپىرىمدەر دەنە تاربيەسى تىڭعىلىقتى ىلگەرىلەپ، دەنە تاربيە كاسىبى تەز قارقىنمەن دامىدى، دەنە تاربيە رەفورماسى ورنىقتى قاداممەن ىلگەرىلەپ، مۇگەدەكتەر دەنە تاربيە ىستەرىنىڭ العا باسۋى كورنەكتى بولىپ، دەنە تاربيەدە قۋاتتى رايوندى جاپپاي قۇرۋعا بەرىك نەگىز قالاندى. كەزەكتە شينجياڭ جوعارى ساپالى دامۋدى ىلگەرىلەتۋدىڭ، باياندى تىنىشتىققا قادام تاستاۋدىڭ شەشۋشى مەزگىلىندە تۇر، دەنە تاربيە ىستەرىن دامىتۋدىڭ بولاشاعى زور، كەسەك تابىستارعا قول جەتكىزۋگە ابدەن بولادى. يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، جۇڭحۋانىڭ دەنە تاربيە رۋحىن زور كۇشپەن ساۋلەلەندىرىپ، رايونىمىزدىڭ دەنە تاربيە ىستەرىنىڭ جوعارى ساپالى دامۋىن تىڭعىلىقتى ىلگەرىلەتۋ كەرەك. جوعارى دەڭگەيدە جوبالاۋدى كۇشەيتىپ، باسەكەلىك دەنە تاربيەنىڭ جالپىلىق كۇشىن جاپپاي جوعارىلاتىپ، رايونىمىزدىڭ قار - مۇز بايلىق باسىمدىعىن تولىق ساۋلەلەندىرىپ، قار - مۇز سپورتىن جانە قار - مۇز كاسىپ سالاسىن زور كۇشپەن دامىتىپ، جالپى حالىقتىق دەنە شىنىقتىرۋ مەملەكەت ستراتەگياسىن تياناقتاندىرىپ، جالپى حالىقتىق دەنە شىنىقتىرۋ ىستەرىن ىشكەرىلەي ىلگەرىلەتىپ، دەنە تاربيە مەن وقىتۋدى توعىستىرۋدى ۇزدىكسىز ىلگەرىلەتىپ، جاڭا داۋىردە جاستار مەن جاس وسپىرىمدەردى جاپپاي دامىتۋدىڭ جاڭا ارناسىن قالىپتاستىرىپ، مۇگەدەكتەرگە كوڭىل ءبولۋدى، قامقورلىق جاساۋدى كۇشەيتىپ، مۇگەدەكتەردى ساۋىقتىرۋ دەنە تاربيەسى مەن دەنە شىنىقتىرۋ سپورتىن كەڭ كولەمدە ورىستەتۋدى ىلگەرىلەتىپ، دەنە تاربيە قىزمەتىنىڭ جاڭا جاعدايىن ۇزدىكسىز اشۋ كەرەك. پارتيانىڭ جاپپاي باسشىلىعىن دەنە تاربيە قىزمەتىنىڭ تۇتاس بارىسىنا، ءارقايسى جاقتارىنا شىنايى ساباقتاستىرىپ، مادەنيەت پەن دەنە تاربيەنىڭ توعىسۋىن بار كۇشپەن ىلگەرىلەتىپ، تاماشا رايدى بەلسەنە قالىپتاستىرىپ، تاعى دا تاماشا ناتيجە جاراتۋعا قۇلشىنىپ، دەنە تاربيەدە قۋاتتى رايون قۇرۋدى جاپپاي ىلگەرىلەتۋ ءۇشىن قاجىماي - تالماي قۇلشىنۋ كەرەك.
جينالىستا «سيلىققا يە بولعان رۇڭ نيڭنيڭ قاتارلى سپورتشى، جاتتىقتىرۋشى جانە قاتىستى ورىنداردى ماداقتاۋ - سيلاۋ جونىندەگى حابارلاندىرۋ»، «رايونىمىزدان مەملەكەتتىك 11 - كەزەكتى مۇگەدەكتەر سپورت جارىسىنا جانە 8 - كەزەكتى ەرەكشە وليمپيادا سپورت جارىسىنا قاتىناسىپ سيلىققا يە بولعان سپورتشىلاردى جانە ولاردىڭ جاتتىقتىرۋشىلارىن ماداقتاۋ - سيلاۋ جونىندەگى حابارلاندىرۋ»، «رايونىمىزدىڭ دەنە تاربيە سپورت ىستەرىنە كورنەكتى ۇلەس قوسقان كوللەكتيۆ جانە جەكەلەرگە اۆتونوميالى رايوندىق جۇمىسشىلار اتويشىسى جانە شينجياڭدى اشۋ، قۇرۋ مەدالىن بەرۋ جونىندەگى قارار» وقىلدى ءارى سپورتشىلار، جاتتىقتىرۋشىلار جانە جاتتىقتىرۋ ورىندارى ۋاكىلدەرىنە سيلىق تاراتىلدى. اۆتونوميالى رايوندىق دەنە تاربيە مەكەمەسىنىڭ، اۆتونوميالى رايوندىق مۇگەدەكتەر بىرلەستىگىنىڭ جاۋاپتى جولداستارى مەملەكەتتىك سپورت جارىسى، مۇگەدەكتەر سپورت جارىسى، ەرەكشە وليمپيادا سپورت جارىسى جونىندە قورىتىندى مالىمەت جاسادى، سپورتشىلار، جاتتىقتىرۋشىلار ۋاكىلدەرى ءسوز سويلەدى.
اۆتونوميالى رايون باسشىلارىنان قادەن كابەن، تيان ۋىن، سارقىت اقان، ماڭلىك سەيىت، قادىلبەك قامزا، ازەز مۇسا، لي شينميڭ، لي جيدۇڭ قاتارلىلار جوعارىداعى قيمىلعا قاتىناستى.
