انار بۇلت / شينجياڭ گازەتىنىڭ ءتىلشىسى چىن چياڭۋي 11 - ايدىڭ 26 - كۇنى ۇرىمجىدەن حابارلايدى. بيىل الدىڭعى 10 ايدا رايونىمىزدىڭ سىرتقى ساۋدا يمپورت - ەكسپورت جالپى قۇنى 121 ميلليارد 620 ميلليون يۋان بولدى، مۇنىڭ ىشىندە ەكسپورت 96 ميلليارد 690 ميلليون يۋان بولىپ، سايكەس مەزگىلدەگىدەن ％5 ارتتى؛ يمپورت 24 ميلليارد 930 ميلليون يۋان بولدى.
الدىڭعى 10 ايدا رايونىمىزداعى حالىقتىق كاسىپورىنداردىڭ يمپورت - ەكسپورت جالپى قۇنى 103 ميلليارد 480 ميلليون يۋان بولىپ، سايكەس مەزگىلدەگىدەن ％6.5 ارتىپ، شينجياڭنىڭ سىرتقى ساۋدا جالپى قۇنىنىڭ ％85.1ىن يەلەپ، بىلتىرعى سايكەس مەزگىلدەگىدەن 8 پايىز جوعارىلاپ، حالىقتىق كاسىپورىنداردىڭ سىرتقى ساۋداداعى نەگىزگى تۇلعالىق ورنى ۇزدىكسىز بەكەمدەلدى.
ساۋدا ءتاسىلى جاعىنان قاراعاندا، شەكارالىق شاعىن سومالى ساۋدا از مولشەردە ارتىپ، الدىڭعى 10 ايدا يمپورت - ەكسپورت جالپى قۇنى 64 ميلليارد 910 ميلليون يۋان بولىپ، سايكەس مەزگىلدەگىدەن ％9.1 ارتتى، بۇل شينجياڭنىڭ سىرتقى ساۋدا جالپى قۇنىنىڭ ％53.4ىن يەلەيدى. شەكارالىق شاعىن سومالى ساۋدا ەكسپورتتى نەگىز ەتەدى، ەكسپورت ەتەتىن نەگىزگى تاۋارلارى كيىم - كەشەك جانە كيىم - كەشەك اشەكەيى، ماشينا ەلەكتر ونىمدەرى، اياق كيىم، ەتىك سياقتىلار بولىپ، جيىنتىعى 80 پايىزدان استامىن يەلەيدى، وسى تاۋارلار ەكسپورتىنىڭ زور مولشەردە ارتۋى شەكارالىق شاعىن سومالى ساۋدانىڭ ارتۋىنا دەم بەردى.
ساۋدا جاساسقان مەملەكەتتەر جاعىنان قاراعاندا، الدىڭعى 5 ورىندا تۇراتىن سىرتقى ساۋدا سەرىكتەرى قازاقستان، قىرعىزستان، رەسەي، تاجىكستان، وزبەكستان، مۇنىڭ ىشىندە جۇڭگونىڭ شينجياڭىنىڭ قىرعىزستانمەن ساۋداسى ەڭ ۇلكەن ارتۋ تۇيىنىنە اينالىپ، سايكەس مەزگىلدەگىدەن ％153.1 ارتتى. مۇنان سىرت، جۇڭگونىڭ شينجياڭىنىڭ ەۆروپا وداعىمەن ساۋدا سوماسى سايكەس مەزگىلدەگىدەن ％10.4 ارتتى.
الدىڭعى 10 ايدا رايونىمىزدا سىرتقى ساۋدا جالپى قۇنى 10 ميلليارد يۋاننان اساتىن ءۇرىمجى قالاسى، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى جانە قاشقار ايماعى اراسىندا ارتۋ مولشەرى بويىنشا، قاشقار ايماعى سايكەس مەزگىلدەگىمەن سالىستىرعاندا، ％104.4تىك دەڭگەيمەن ارتۋ جىلدامدىعى جاعىندا ءبىرىنشى ورىندى يەلەدى.
