انار بۇلت / شينجياڭ گازەتىنىڭ ءتىلشىسى ليۋ ي 11 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، بيىل رايونىمىز اۋىل شارۋاشىلىعىن كاسىپ سالالاندىرا تيجارات جۇرگىزۋدى بەلسەنە دامىتىپ، اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋعا باستاعان. قازىر تۇتاس رايوندا اۋىل شارۋاشىلىعىن كاسىپ سالالاندىرا تيجارات جۇرگىزەتىن ءتۇرلى ۇيىم 29 مىڭ 600گە جەتىپ، ％70 شارۋا وتباسىن اۋىل شارۋاشىلىعىن كاسىپ سالالاندىرا تيجارات جۇرگىزۋ سالاسىنا كىرۋگە باستاپ، اۋىل شارۋاشىلىعىن كاسىپ سالالاندىرا تيجارات جۇرگىزۋگە ات سالىسقان شارۋالاردىڭ جان باسىندىق ورتاشا قولداعى تابىسى وزدەرى تۇرعان جەردىڭ ورتاشا دەڭگەيىنەن ％20تەن استام جوعارى بولعان.
ۇعىسۋعا قاراعاندا، سوڭعى جىلدارى رايونىمىز اۋىل شارۋاشىلىق ونىمدەرىن مانەرلەۋ كاسىبىن ءتۇيىندى دامىتىپ، باستاماشى كاسىپورىنداردى توپتاسا، شوعىرلانا دامۋ ارقىلى شارۋالاردى ءوز جەرىندە نەمەسە جاقىن ماڭدا شارۋاشىلىق قۇرۋعا، جۇمىستانۋعا، اۋىل شارۋاشىلىق ونىمدەرىن ءوز جەرىندە نەمەسە جاقىن ماڭدا مانەرلەپ قۇنىن ارتتىرۋىن جۇزەگە اسىرۋعا باستاپ، شارۋالاردىڭ كىرىستى ۇزدىكسىز ورنىقتى ارتتىرۋىنا دەم بەردى. بۇكىل رايوندا ”ءتورت دارەجەلى“ (مەملەكەت، اۆتونوميالى رايون، ايماق - وبلىس - قالا، اۋدان دارەجەلى) اۋىل شارۋاشىلىعى كاسىپ سالالانعان ءتۇيىندى باستاماشى كاسىپورىن جالپى سانى 1151گە جەتىپ، ”باستاماشى كاسىپورىن + سەلبەستىك كووپەراتيۆى + بازا + شارۋا وتباسى“ سياقتى بايلانىسۋ مەحانيزمى ۇزدىكسىز كەمەلدەنىپ، شارۋالار كاسىپتىك سەلبەستىك كووپەراتيۆى 28 مىڭ 700گە جەتىپ، سەلبەستىك كووپەراتيۆى مۇشەسى 431 مىڭ وتباسى بولىپ، وتباسىلىق ەگىس الاڭى 100 مىڭنان اسىپ، تاپسىرىستىق اۋىل شارۋاشىلىعى ءبىر ميلليون 570 مىڭ شارۋا وتباسىن جەتەكتەگەن. اۋىل شارۋاشىلىعىن كاسىپ سالالاندىرا تيجارات جۇرگىزۋ اۋىل - قىستاقتارداعى ارتىق ەڭبەككۇشتەردىڭ باسقا سالاعا ويىسىپ جۇمىستانۋىنىڭ، شارۋالاردىڭ جۇمىستانىپ كىرىستى ارتتىرۋىن جەبەۋدىڭ ماڭىزدى جولىنا اينالعان.
سونىمەن بىرگە بۇكىل رايون اۋىل شارۋاشىلىق ونىمدەرىن مانەرلەۋ كاسىبىنىڭ دارەجەسىن جوعارىلاتۋ ارەكەتىن ۇزدىكسىز جۇرگىزىپ، كاسىپ سالاسى تىزبەگىن ۇزدىكسىز ۇزارتىپ، قۇن تىزبەگىن جوعارىلاتىپ، قامداۋ تىزبەگىن تۇلعالاپ، قارجى تىزبەگىن ىركىلىسسىزدەندىرىپ، ءوندىرىستى يگەرۋدەن تىزبەكتى يگەرۋگە، ءونىمدى يگەرۋدەن كاسىپ سالاسىن يگەرۋگە، بۋىندى يگەرۋدەن جۇيەنى يگەرۋگە بۇرىلىس جاساۋدى ىلگەرىلەتتى. بۇكىل رايون جيىنى 250 ميلليون يۋان قولداۋ قارجىسىن جۇمساپ، وڭتۇستىك شينجياڭ جۇقا قابىقتى جاڭعاق كاسىپ سالاسى شوعىرى، كورلا المۇرتى كاسىپ سالاسى شوعىرى، شينجياڭ ىلە تۇلپارى كاسىپ سالاسى شوعىرى، ءجۇزىم كاسىپ سالاسى شوعىرى سىندى 4 كاسىپ سالاسى شوعىرىن، اۋىل شارۋاشىلىعى كاسىپ سالاسىندا قۋاتتى قالاشىقتان 28ىن، اۋىل شارۋاشىلىعى كاسىپ سالالانعان بىرلەستىكتەن 134ىن قۇرىپ، 100 نەشە باستاماشى كاسىپورىندى توپتاسا، شوعىرلانا دامۋ ارقىلى اۋىل - قىستاقتارداعى ارتىق ەڭبەككۇشتەن 114 مىڭنان استام ادامدى جۇمىسقا قابىلداۋعا جەتەكتەدى.
وسى بارىستا بۇكىل رايوننىڭ اۋىل شارۋاشىلىق ونىمدەرىن العاشقى ادىمدا كەپتىرۋ، ساقتاۋ، جاس كۇيىندە ساقتاۋ، ىرىكتەپ جۋۋ سياقتى قۇرىلعىلارى ونان ارى كەمەلدەنىپ، قىزاناق قىزىل پيگمەنتى، حوش ءيىستى ەفير مايى سياقتىلاردى جىنتىكتەي مانەرلەۋ ونىمدىلىگى كورنەكتىلەنىپ، بۋرىلتوعاي اۋدانى، سانجى قالاسى، بۇراتالا قالاسى، قاراقاش اۋدانى سياقتى جەرلەردەگى مەملەكەت دارەجەلى وسى زامانعى اۋىل شارۋاشىلىعى كاسىپ سالاسى باقشاسىنان بەسەۋى اۋىل شارۋاشىلىق ونىمدەرىن مانەرلەيتىن مىڭنان استام كاسىپورىندى ىرگە تەبۋگە باۋراپ، اۋداندا مانەرلەۋ باقشا اۋماعى، اۋىل - قالاشىقتا مانەرلەۋ شوعىرلانعان اۋماعى، قىستاقتا مانەرلەۋ سەحى بار كاسىپ سالاسى دامۋىنىڭ جاڭا ارناسىن العاشقى ادىمدا قالىپتاستىرىپ، اۋىل - قىستاق كاسىپ سالاسىنىڭ دامۋ دەڭگەيىن جوعارىلاتۋدى، شارۋالاردىڭ جۇمىستانۋىن جەبەۋدى پارمەندى قامتاماسىز ەتتى.
