تيانشان تورى
تيانشان تورى   ›   جاڭالىقتار   ›   شينجياڭ حابارلارى

مادەنيەت، ساياحات تۇتىنۋى كەش باتا جاندانا ءتۇستى

  □ انار بۇلت / شينجياڭ گازەتىنىڭ ءتىلشىسى جاڭ شياۋمي

  11 - ايدىڭ 25 - كۇنى ساعات 23تە قالا تۇرعىندارى قۇمىل قالاسى يجوۋ رايونى يىڭبين داڭعىلىنىڭ ماڭىنداعى حۋاڭحوۋ تيانجيە كەشكى بازارىندا ءدامدى تاعامداردان ءدام تاتۋدا. قىس باسىنداعى كەشكى بازاردا اشتى سورپا، قاقتاعان ۇن ۇلپا، قويدىڭ باس - سيراعى، وكپە - باۋىرى، سيىردىڭ باس - سيراعى، وكپە - باۋىرى سياقتى وزگەشە جەڭىل تاعامداردىڭ حوش ءيىسى مۇرىندى جارىپ، بارلىق جەردەن بۋى بۇرقىرادى.

□ سۋرەتتى انار بۇلت / شينجياڭ گازەتىنىڭ ءتىلشىسى ساي زىڭلى تۇسىرگەن

  كەش باتا ءۇرىمجى قالاسى ۇلكەن بازار كورىنىس اۋماعىندا كوپتەگەن ساياحاتشى قول تەلەفونمەن سۋرەتكە ءتۇسىپ، ەستەلىك قالدىرىپ، حوش ءيىسى اڭقىعان كاۋاپتان اۋىز ءتيدى؛ بيڭتۋان 13 - شىسى شينشيڭ قالاسىنداعى تيانجيە جاياۋلار كوشەسىندە ساياحاتشىلار كىتاپ دۇكەنىندە كىتاپ وقىپ نەمەسە كارتون قۇراستىرۋ بازارىندا كارتون جەلىلەس ونىمدەرىنىڭ مودەلىن قۇراستىرىپ، تۇنگى كينونىڭ باستالۋىن كۇتتى؛ قاشقار كونە قالا كورىنىس اۋماعى يىنشياڭ 1 - كوشەسىندەگى شايحانادا ساياحاتشىلار شاي ىشە وتىرىپ اڭگىمە دۇكەن قۇرسا، تام كورشى شاراپحانادا انشىلەر اۋەلەتىپ انگە سالدى.

  بۇل 3 جەر جۋىقتا عانا مادەنيەت جانە ساياحات مينيسترلىگى جاريالاعان 1 - توپتاعى مەملەكەت دارەجەلى كەشكى مادەنيەت جانە ساياحات تۇتىنۋى شوعىرلانعان اۋماق بولىپ تاڭدالدى. كاسىپ كۇيىنە باي كەشكى مادەنيەت، ساياحات تۇتىنۋى شوعىرلانعان اۋماقتار جەرگىلىكتى ەرەكشەلىككە يە مادەنيەتتى ايگىلەپ قانا قالماستان، بۇقارانىڭ تۇرمىسىن بايىتىپ، ساياحاتشىلاردىڭ سەزىنۋ دەڭگەيىن جوعارىلاتۋمەن بىرگە، بازاردى گۇلدەندىرىپ، جۇمىستانۋدى جەبەپ، قالانىڭ دامۋىنا ومىرشەڭدىك كۇش قوستى.

  تۇنگى ساياحات ساياحاتشىلاردى باۋراپ، قوناق يەسى مەن ساياحاتشى تەڭ يگىلىككە كەنەلدى

  ”11 - ايدىڭ 25 - كۇنى ساعات نولدەن باستاپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي ىستەۋ العى شارتىندا، شينجياڭ حالىقارالىق ۇلكەن بازارى 24 ساعات تيجارات جۇرگىزدى، تاڭعى ساعات 2دەن اسقاندا، كوپتەگەن ادام ءاپاندى حوتان كاۋابى دۇكەنىنە كەلىپ كاۋاپ جەپ، سىرا ءىشتى، سۋرەتكە ءتۇسىپ ەستەلىك قالدىردى“. ءۇرىمجى تيانشان رايونى مادەنيەتتى، ساياحاتتى دامىتۋ شەكتى سەرىكتەستىگى باس ديرەكتورىنىڭ كومەكشىسى ۋاڭ في وزدەرىنىڭ كەشكى ساياحاتقا باعىتتاي وتىرىپ، كورىنىستىك تەاتر، ءان - ءبي كونسەرتى جانە ساعات نولدە ءدامدى تاعامداردى ءبىر يۋاندىق ەرەكشە باعادا ساتۋ سياقتى قيمىلداردى ورنالاستىرعانىن ايتتى.

  قاشقار قالاسى قاشقار كونە قالا كورىنىس اۋماعى يىنشياڭ 1 - كوشەسى شاراپحانا، اس - سۋ، شايحانا، مادەنيەت جاسامپازدىعى، زات ساتىپ الۋ سياقتىلاردى ءوز ىشىنە العان 9 ءتۇرلى كاسىپ كۇيىن قامتيدى. 11 - ايدىڭ 1 - كۇنىنەن باستاپ ءۇي سىرتىندا كونسەرت قويۋ ءۇي ىشىندە كونسەرت قويۋعا وزگەرتىلىپ، شاي ىشە وتىرىپ ءان ەستۋ، شاراپ ءىشۋ سياقتى قيمىلدار تاڭ سارىگە دەيىن جالعاستى.

  شينشيڭ قالاسى تيانجيە جاياۋلار كوشەسى مادەنيەتتى ايگىلەۋ جانە سەزىنۋ، سەرۋەندەۋ، زات ساتىپ الۋ، اس - سۋ، دەمالۋ، كوڭىل اشۋ ءبىر تۇلعالانعان مادەنيەت، ساياحات، دەمالىس، ساۋدا جاياۋلار كوشەسى اۋماعى سانالادى، مۇنىڭ ىشىندە مادەنيەت جاسامپازدىعى تۇرىندەگى ساۋداگەردەن شامامەن 130ى بار، تۇگەلدەي كەشتە تيجارات جۇرگىزەدى.

  اۆتونوميالى رايوندىق مادەنيەت، ساياحات مەڭگەرمەسى كاسىپ سالاسىن دامىتۋ باسقارماسىنىڭ ورىنباسار باستىعى تاڭ ۋىن بىلاي دەپ تانىستىردى: قازىر شينجياڭنىڭ كەشكى مادەنيەت جانە ساياحات ەكونوميكاسى دامۋ ساتىسىندا تۇر، تۇتاس شينجياڭنىڭ جەر - جەرىنىڭ كەشكى مادەنيەت جانە ساياحات تۇتىنۋى شوعىرلانعان اۋماق قۇرۋ بەلسەندىلىگى وتە جوعارى، ءبارىنىڭ وزىندىك ەرەكشەلىگى بار. ۇقساماعان تۇتىنۋشى قاۋىمدارعا قاراتا كەشكى بازار، ەرەكشە كونسەرت نومىرلەرى قيمىلى، مادەنيەت جاسامپازدىعى كوركەمونەر كوشە اۋماعى اشىلىپ، كورىنىس اۋماعىندا كەشكى سەزىنۋ، دەمالۋ نىسانى سياقتىلار ورتاعا قويىلدى.

  قۇمىل ۋىنچۋاڭ باقشاسى ونەركاسىپ، دەنە تاربيە، ساياحات، مادەنيەت جاسامپازدىعى سياقتى كوپ ءتۇرلى كاسىپ كۇيىن توعىستىرعان جاسامپازدىققا تولى مادەنيەت، ساياحات كاسىپ سالاسى فۋنكتسيالىق اۋماعى ەسەپتەلەدى. قازىر ساياحاتشىلار وسى ۋىنچۋاڭ باقشاسىندا كەشتە ساياحاتتايدى، سونىمەن بىرگە گۋاشياڭ ءدامدى تاعامدار بازارىنداعى ءدامدى قۇجىردان اۋىز تيەدى. التاي قالاسىنداعى ۋبايلي . سالت - سانا كوشەسى كورىنىس اۋماعىندا قازىر 50 ساۋداگەر بار، كەشتە اس - سۋ دايىن، حالىق ونەرپازدارىنىڭ كونسەرتى بار، حاتكەرلىك، فوتو سۋرەت كورمەسى وتكىزىلەدى.

  شينجياڭ شيمىڭ جالپى وڭىرلىك ساياحات، مادەنيەت شەكتى سەرىكتەستىگىنىڭ باسالقاسى چىن جيانۋىننىڭ قاراۋىنشا، كەشكى ساياحات نىسانى ءداستۇرلى ماندەگى تۇنگى قالا دەمالۋ نىسانىنا ۇقسامايدى ەكەن، بۇل ويىن قويۋ، دەمالۋ، تاماشالاۋ سياقتى كوپ ءتۇرلى كاسىپ كۇيىن ۋاقىتقا ءبولىپ ساياحاتتاۋدى قامتىعان ءبىر ءتۇرلى ۇلگى، ول: ”ماڭىزدىسى، ساياحاتشىلاردى باۋراۋمەن بىرگە، جەرگىلىكتى ادامداردىڭ تۇتىنۋ سۇرانىسىنا دا ءمان بەرىپ، قوناق يەسى مەن ساياحاتشى بىرگە يگىلىكتەنەتىن سەيىل - سەرۋەن كەڭىستىگىن قالىپتاستىرۋ كەرەك“، − دەدى.

  ەكونوميكانى دامىتىپ، جۇمىستانۋدى جەبەدى

  ”قاشقار كونە قالا كورىنىس اۋماعى يىنشياڭ 1 - كوشەسىندەگى 93 ساۋداگەر اسپاز، اس - سۋ جانە حالىقتىق تۇسەلحانا داياشىسى، شاراپشى، كوفەشى سياقتىلاردى قامتىعان 337 ادامدى تىكەلەي جۇمىستاندىرىپ وتىر“، − دەدى قاشقار كونە قالا ساياحات، مادەنيەت اشۋ شەكتى سەرىكتەستىگىنىڭ باسالقاسى مو حايبو.

  شينشيڭ قالاسى تيانجيە جاياۋلار كوشەسىندە جۇمىس جۇرگىزۋگە جاۋاپتى بولعان شينجياڭ ۋانچۋاڭ ەلەكتروندى ساۋدا ىستەرى شەكتى سەرىكتەستىگىنىڭ ورىنباسار باس ديرەكتورى ۋاڭ لۇڭفي: ” قازىر كۇنىنە شامامەن 3000 ادام - رەت ساياحاتشى قابىلدايمىز، كۇندىك ساتىلىم سوماسى 450 مىڭ يۋان اينالاسىندا، اپتا سوڭىندا شامامەن 4500 ادام - رەتكە جەتىپ، تۇنگى ساياحاتشىلار %60ىن ۇستايدى“، − دەدى.

  تاڭ ۋىن: ”كەشكى مادەنيەت پەن ساياحاتتىق تۇتىنۋ شوعىرلانعان ءوڭىر ’اس - سۋ، جاتىن ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ‘ سياقتىلاردى قامتىعان مادەنيەت، ساياحات ۋنيۆەرسال تۇلعاسى“، − دەدى. شيەچىڭ «2021 - جىلدىڭ العاشقى جارتىسىنداعى ساياحات تۇنگى ەكونوميكاسى مالىمەتىندە» كورسەتىلۋىنشە، تۇنگى ساياحات جەرگىلىكتى ورىنداعى جانە توڭىرەكتەگى بازارلارداعى ساياحاتشىلاردى اناعۇرلىم وڭاي باۋرايدى ەكەن، بيىل الدىڭعى جارتى جىلداعى كەشكى ساياحات تاپسىرىسىندا شينجياڭنىڭ جەر - جەرىنە توڭىرەكتەن كەلىپ تۇسكەن ساياحات تاپسىرىسىنىڭ سالىستىرماسى %50تەن اسادى ەكەن؛ جولاۋشى قاينارى قاتارىندا شاڭحاي، بەيجيڭ، حۋنان الدىڭعى 3 ورىندى يەلەگەن.

  شيەچىڭ توبى شي - ان بولىمشە سەرىكتەستىگىنىڭ ورىنباسار باس مەڭگەرۋشىسى سۇن ۋيلي بىلاي دەدى: ساياحاتشىلاردىڭ ءجۇرىس - تۇرىس ۋاقىتى ”كۇندىزدەن“ ”تۇنگە“ قاراي جاپپاي جالپىلاسىپ كەلەدى، شوعىرلى بارۋ فورماسىندا ساياحاتتاۋ سالىستىرماسى ازايدى، كوپتەگەن تۇتىنۋشىلار ۋاقىتىن كەشكى ساياحاتقا ءبولدى، كەشكى مادەنيەت پەن ساياحات تۇتىنۋى شوعىرلانعان وڭىرلەر وسىعان سايكەس جارىققا شىعىپ، ءتىپتى دە كوپ كاسىپورىندار مەن ادامدارعا وراي جانە جۇمىسقا ورنالاسۋ مۇمكىندىگىن جاراتىپ بەردى“، − دەدى.

  چىن جيانۋىن: ”شينجياڭنىڭ كەشكى مادەنيەت جانە ساياحات تۇتىنۋى شوعىرلانعان وڭىرلەرى قازىرگى بايلىق ەرەكشەلىگى مەن ساياحاتشىلاردىڭ قاجەتىنە ساي، وزگەشە IP قۇنىنا يە مادەنيەت جاسامپازدىعى كەشكى ساياحات نىساندارىن اشىپ، وزەكتى ساياحات ونىمدەرىن قالىپتاستىرعاندا عانا، ەكونوميكانىڭ دامۋىن اناعۇرلىم ويداعىداي جەتەكتەي الادى“، − دەدى.

  اناعۇرلىم كوپ ”كەشكى“ كۇيدىڭ بولاشاعىنان ءۇمىت زور

  تۇتىنۋدىڭ دارەجەسىن جوعارىلاتۋ قاجەتىن اناعۇرلىم ويداعىداي قاناعاتتاندىرۋ ءۇشىن، شينجياڭنىڭ جەر - جەرى كەشكى مادەنيەت جانە ساياحات تۇتىنۋ شوعىرلانعان اۋماقتىڭ ساپاسىن جوعارىلاتىپ، ءتۇرىن بايىتۋعا ءتىپتى دە ءمان بەردى، جەر - جەردەگى مادەنيەت، ساياحات تاراۋلارى مەن كورىنىس وڭىرلەرى كەشكى مادەنيەت، ساياحات ونىمدەرىن دامىتۋعا ارناۋلى جوسپار جاسادى.

  ”ۇلكەن بازار جاياۋلار كوشەسىن كەشكى قالانىڭ ومىرشەڭدىك كۇشىنىڭ جاڭا ولشەمىنە اينالدىرۋعا سەنىمدىمىز، بۇدان كەيىن جاڭا كاسىپ كۇيىن، جاڭا ونىمدەردى جانە ىقپالداستىق سەزىنۋ قيمىلدارىن ۇزدىكسىز كوبەيتەمىز“، - دەدى ءۇرىمجى قالاسى تيانشان رايونى مادەنيەت، دەنە تاربيە جانە ساياحات مەكەمەسى ساياحاتتى دامىتۋ ورتالىعىنىڭ قىزمەتكەرى ديڭ شياۋيا.

  شينجياڭ حالىقارالىق ۇلكەن بازار مادەنيەت ساياحات كاسىپ سالاسى شەكتى سەرىكتەستىگى بازار ءبولىمىنىڭ ديرەكتورى چىن دۇڭشۋاي: سەرىكتەستىك كەشكى ساياحاتتا مۇناراعا شىعۋ تيىمدىلىگىن جولعا قويادى جانە كورىنىس تاماشالاۋ مۇناراسىنىڭ ماڭىنان ساۋداگەرلەردى اقىسىز ساۋدا ورىندارىمەن قامدايدى.

  ۋبايلي . سالت - سانا كوشەسى كورىنىس اۋماعىنىڭ كەلەر جىلعى كاسىپ كۇيى اناعۇرلىم باي بولادى. كورىنىس اۋماعىنىڭ جاۋاپتىسى ليۋ حۋاشىڭ بىلاي دەپ تانىستىردى: كەشكى شىراق سالتانانى، كەشتە ات ارباعا وتىرۋ سياقتىلار بولادى، ءبىز جەرگىلىكتى ورىننىڭ ەرەكشە مادەنيەتىن ايگىلەۋمەن بىرگە، ينتەرنەتتە تانىمال ءسوزسىز باراتىن جەردى تىڭنان كوبەيتەتىن بولامىز.

  قۇمىل ۋىنچۋاڭ باقشاسىندا دۇڭيۇن حۋانلىگۋ سالىنۋدا، مەجەمەن 12 - ايدىڭ ورتاسىندا اياقتايدى، سول كەزدە ساياحاتشىلار بۇل ارادا ءدامدى تاعامداردان اۋىز ءتيىپ عانا قالماستان، كەشكى قار - مۇز نىساندارىن دا ساياحاتتاي الادى. ”چيشى مادەنيەت قالاسى، مادەنيەت جاسامپازدىعى كوشە رايونى، بالالار سەيىل - سەرۋەن باقشاسى سياقتى الاڭداردىڭ كەشكى ساياحات قيمىلدارى كەلەر جىلى كوكتەمدە باستالادى“، - دەدى قۇمىل شىعىس تيانشان مادەنيەت، ساياحات قارجى قوسۋ توبى شەكتى سەرىكتەستىگى كاسىپتى دامىتۋ ءبولىمىنىڭ ورىنباسار باستىعى ما ميڭلۋ.

  ”ءارقايسى كەشكى مادەنيەت جانە ساياحات تۇتىنۋى شوعىرلانعان اۋماقتار ءوز ەرەكشەلىگى جانە ۇقساماعان تۇتىنۋشىلار شوعىرى بويىنشا پارىقتى دامۋ جولىمەن ءجۇرىپ، بىردەيلەندىرۋدىڭ الدىن الۋ كەرەك. وسىنداي بولعاندا عانا، تۇتىنۋدىڭ ءتىپتى دە كوپ قىزۋ تۇيىندەرىن تاسقىنداتىپ، كەشكى بازار ەكونوميكاسىنىڭ گۋمانيتارلىق مازمۇنى باي، قالانىڭ مايەگىن ايگىلەيتىن بەتالىسقا قاراي دامۋىن ىلگەرىلەتۋگە بولادى“. تاڭ ۋىن بىلاي دەدى: بۇدان كەيىن تۇتاس شينجياڭنىڭ جەر - جەرى مادەنيەت جانە ساياحات دامۋ بەتالىسىنا ۇيلەسەتىن، مادەنيەت مازمۇنى باي، وڭىرلىك ەرەكشەلىگى كورنەكتى، مادەنيەت جانە ساياحات تۇتىنۋ كولەمى ءبىرشاما ۇلكەن، تۇتىنۋ ساپاسى مەن دەڭگەيى ءبىرشاما جوعارى، تيپتىك ۇلگى جانە باستاماشىلىق، جەتەكشىلىك رولى بار اناعۇرلىم كوپ كەشكى مادەنيەت جانە ساياحات تۇتىنۋ شوعىرلانعان اۋماقتاردى قۇرىپ، قالانىڭ كەشكى ەكونوميكاسىن ۇزدىكسىز جانداندىرىپ، كەشكى مادەنيەتتى، كەشكى ساياحاتتى، كەشكى تۇرمىستى جانداندىرىپ، مادەنيەت، ساياحات تۇتىنۋىنىڭ ساپاسىن جوعارىلاتىپ، سيىمدىلىعىن كەڭەيتەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.