”شينجياڭ جاقسى جەر“ اتىنداعى بەلگيا ارناۋلى بەينە ەكران اۋىس - كۇيىس ءماجىلىسى وتكىزىلدى
كورگەن - بىلگەندەرىمىز جۇڭگوعا قارسى كۇشتەر بەينەلەگەن شينجياڭعا مۇلدە ۇقسامايدى
انار بۇلت/ شينجياڭ گازەتىنىڭ ءتىلشىسى فان چيۇڭيان 11 - ايدىڭ 26 - كۇنى ۇرىمجىدەن حابارلايدى. ”شينجياڭ جاقسى جەر“ اتىنداعى بەلگيا ارناۋلى بەينە ەكران اۋىس - كۇيىس ءماجىلىسى 11 - ايدىڭ 25 - كۇنى ۇرىمجىدە جانە برۋسسەلدە قاتار وتكىزىلدى. اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ بەلگيادا تۇراتىن ەلشىلىگى بىرگە باس بولىپ وتكىزدى، بەلگيا فەدەراتسيالىق قاۋىم پالاتاسىنىڭ مۇشەسى، ەدحام قالاسىنىڭ باستىعى مەيسۋ جانە بەلگيا مەن جۇڭگونىڭ دوس قايراتكەرلەرى، جۇڭگولىق، شەتەلدىك مەديالارى سياقتى ءار سالانىڭ ۋاكىلدەرى ماجىلىسكە ۇسىنىسپەن قاتىناستى.
اۆتونوميالى رايوندىق پارتكومنىڭ تۇراقتى مۇشەسى ءيۇسۇپجان مامەت ءسوز سويلەگەندە بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايونى حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزدى. الايدا، امەريكاداعى، باتىستاعى ءىشىنارا جۇڭگوعا قارسى كۇشتەر شينجياڭنىڭ ءار ۇلتتىڭ تەڭدىك ۇقىعىن قامتاماسىز ەتۋدە جاساعان وراسان زور قۇلشىنىسىن ەلەپ - ەسكەرمەي، شينجياڭنىڭ ادامدىق ۇقىق ىستەرىندە قول جەتكىزگەن تاريحي العا باسۋىن ەلەپ - ەسكەرمەي، شىندىقتى بۇرمالاپ، سىنىقتان سىلتاۋ ىزدەپ، شينجياڭعا ساياتىن كەڭەستىك تاقىرىپتاردى ورشەلەنە دابىرالادى.
جۇڭگونىڭ بەلگيادا تۇراتىن باس ەلشىسى ساۋ جۇڭميڭ بىلاي دەدى: ءبىر مەزەت ۋاقىتتان بەرى باتىستاعى مەديالاردا شينجياڭعا ساياتىن قىرۋار وسەك - اياڭ تارالدى، ”ءناسىل جويۋ“، ”زورلىقپەن بەدەۋلەۋ“، ”زورلىقپەن ەڭبەككە سالۋ“ سياقتىلار جان تۇرشىكتىرەدى، بۇل شينجياڭنىڭ ءىس جۇزىندىگىنە مۇلدە ۇيلەسپەيدى، بۇكىلدەي اق پەن قارانى شاتاستىرعاندىق. وتكەن بىرنەشە جىلدا، 100 نەشە مەملەكەتتىڭ 1200 نەشە ديپلوماتى، ءتىلشىسى جانە ءدىني قايراتكەرى شينجياڭدا ەكسكۋرسيادا، ساپاردا بولدى، ولار كورگەن - بىلگەندەرىنىڭ امەريكاداعى، باتىستاعى جۇڭگوعا قارسى كۇشتەر بەينەلەگەن شينجياڭعا مۇلدە ۇقسامايتىندىعىن ءبىلدىردى.
تاياۋدا شەكارادان شىعىپ قايتا ورالماعان قالبىنۇر سىدىقتىڭ ءوزىنىڭ ايتىلمىس تاربيەلەۋ - باۋلۋ ورتالىعىندا وقىتۋشى بولۋ سالاۋاتىن ويدان قۇراستىرۋىنا، شەكارا سىرتىنداعى جۇڭگوعا قارسى كۇشتەردى پانالاۋىنا باعىتتاي وتىرىپ، ونىڭ قىزمەتتەسى، كۇيەۋى بەينە ەكراندا ءىس جۇزىندە ول تاربيەلەۋ - باۋلۋ ورتالىعىندا ەشقاشان قىزمەت ىستەپ كورگەن ەمەس دەگەندى ءبىلدىردى ءارى ەكراندا: ”ەندىگارى مەملەكەتتىڭ ابىرويىنا زيان جەتكىزەتىن ءسوز سويلەمە“ دەپ ءناسيحاتتادى.
”شينجياڭنىڭ زورلىقتى كۇش، لاڭكەستىككە قارسى تۇرۋداعى، ۇشقارىلىقتى الاستاۋداعى ءىشىنارا ادىستەرى، تاجىريبەلەرى ءبىزدىڭ ۇلگى الۋىمىزعا تاتيدى“. دەربەس مەديالارىنىڭ قىزمەتكەرى ۋاتىلاي شينجياڭنىڭ بۇدان كەيىن لاڭكەستىككە قارسى حالىقارالىق سەلبەستىكتى تەرەڭدەتۋ جاعىندا قالاي ىستەيتىندىگى جونىندە اناعۇرلىم قىزىعۋشىلىق تانىتاتىندىعىن ءبىلدىردى.
بەينە ەكران بايلانىسىندا گەنت داشۋەسىنىڭ دوكتور اسپيرانتى پان شياۋحۇي مىنانى ءبىلدىردى: شينجياڭنىڭ، اسىرەسە، ماقتانى جارعاق استىندا تامشىلاتىپ سۋارۋ تەحنيكاسىن قامتىعان قۋاڭ وڭىردە سۋ بايلىعىن باسقارۋ جاعىندا جالپىلاستىرۋعا تاتيتىن كوپتەگەن قاتىستى عىلمي زەرتتەۋ جەتىستىكتەرى مەن امالياتتىق تاجىريبەلەرى بار.
سونىمەن بىرگە، بەلگيا جاقتىڭ ءجىتى قاداعالاپ وتىرعان ماسەلەلەرىنە قاراتا اۆتونوميالى رايوننىڭ اقپارات مالىمدەمەشىسى شۇي گۇيشياڭ مەن يليجان انايات، قاتىستى تاراۋلاردىڭ جاۋاپتىلارى، بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى، سىرتقا شىعىپ جۇمىس ىستەۋشى، ايەلدەر ۋاكىلى، كاسىپورىن قىزمەتكەرى، ماقتاشى قاتارلىلار بەينە ەكراندا بايلانىس جاساۋ ءتاسىلى ارقىلى شينجياڭنىڭ ادامدىق ۇقىقتى قامتاماسىز ەتۋ، ۇلتتار ىنتىماعى، ءدىني سەنىم ەركىندىگى سياقتى مازمۇندار جونىندە پىكىر اۋىستىردى.
بەينە ەكران اۋىس - كۇيىس ماجىلىسىندە بيىلعى شينجياڭ ماقتاسى، ءجۇزىمى سياقتى اۋىل شارۋاشىلىق ونىمدەرىنەن مول ءونىم الىنعان قۋانىشتى كورىنىستەر، سونداي - اق ءار ۇلت بۇقاراسىنىڭ باقىتتى تۇرمىسىنىڭ بەينە جازباسى قويىلدى.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلحان اۋىس - كۇيىس ماجىلىسىنە قاتىناستى.
