كاسىپورىندار مەن بۇقاراعا دەن قويا، سۇيىسپەنشىلىكپەن قىزمەت وتەدى

　　كاسىپورىندار مەن بۇقاراعا دەن قويا، سۇيىسپەنشىلىكپەن قىزمەت وتەدى

　　− اۆتونوميالى رايوندىق بازار باقىلاۋ - باسقارۋ مەكەمەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ىلگەرىلەتتى

　　انار بۇلت / شينجياڭ گازەتىنىڭ ءتىلشىسى رىن حۋا

　　بيىل جىل باسىنان بەرى اۆتونوميالى رايوندىق بازار باقىلاۋ - باسقارۋ مەكەمەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتىپ، دەن قويا، سۇيىسپەنشىلىكپەن كاسىپورىنداردىڭ جانە بۇقارانىڭ قيىنشىلىعىن شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىن مانىندە كۇشەيتتى.

　　”تومەنگە بەرۋ، باسقارۋ، قىزمەت وتەۋ“ شارۋاشىلىق - ساۋدا ورتاسىنىڭ اناعۇرلىم ساپالىلانۋىن جەبەدى

　　11 - ايدىڭ 12 - كۇنى قارامايلى يۇڭيۋان ساراپتاۋ - تەكسەرۋ تەحنيكاسى شەكتى جاۋاپكەرشىلىك سەرىكتەستىگىنىڭ ءىس ءبىتىرۋشى قىزمەتكەرى جاۋ جىن ءۇرىمجى قالاسى اكىمشىلىك ىستەرى قىزمەت وتەۋ ورتالىعىنىڭ ءىس ءبىتىرۋ زالىنداعى بازار باقىلاۋ - باسقارۋ تەرەزەسىنە كەلىپ، ساراپتاۋ - تەكسەرۋ قۇرىلىمدارىنىڭ سالاۋاتىن بەكىتۋ ءىسىن ءبىتىردى.

　　”بۇرىن سالاۋاتىن بەكىتۋ ىستەرىن بىتىرۋدە ماتەريال تاپسىرۋدان، ماماندار تەكسەرىپ - قاراۋدان، باعالاۋ، سوڭعى قاراۋدان كۋالىك تاراتۋعا دەيىن 40 نەشە قىزمەت كۇنى قاجەت بولاتىن، قازىر نەبارى 15 قىزمەت كۇنىندە كۋالىك الۋعا بولادى، كاسىپورىندارعا كوپتەگەن قولايلىلىقتار تۋدىردى“، - دەدى جاۋ جىن.

　　بيىل جىل باسىنان بەرى اۆتونوميالى رايوندىق بازار باقىلاۋ - باسقارۋ مەكەمەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىمەن بىرلەستىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن بەلسەندىلىكپەن ىلگەرىلەتىپ، تەكسەرىپ بەكىتۋ ۇقىق شەگىن بىرىكتىرىپ، تەكسەرىپ بەكىتۋ ءتارتىبىن ساپالىلاندىرىپ، كاسىپورىنداردىڭ تيجارات كۋالىگىن ءبىتىرۋ ۋاقىتىن ءبىر قىزمەت كۇنىنە قىسقارتتى؛ ساراپتاۋ - تەكسەرۋ قۇرىلىمدارىنىڭ سالاۋاتىن بەكىتۋ، رۇقسات بەرۋ ۋاقىت شەگىن ونان ارى قىسقارتىپ، ۇستىندە قاراپ انىقتاۋعا ساياتىندارىنىڭ ۋاقىتىن اۋەلگى 45 قىزمەت كۇنىنەن 30 قىزمەت كۇنىنە قىسقارتتى، تەكسەرىپ بەكىتۋ ۋاقىت شەگىن اۋەلگى 20 قىزمەت كۇنىنەن 10 قىزمەت كۇنىنە قىسقارىپ، بازار تۇلعاسىنىڭ دامۋىنا اناعۇرلىم ساپالى قىزمەت وتەدى.

　　اۆتونوميالى رايوندىق بازار باقىلاۋ - باسقارۋ مەكەمەسى تاعى ينتەرنەتتە تىزىمگە الۋ جۇيەسىن ۇزدىكسىز ساپالىلاندىرىپ، ”ۇكىمەت پەن بانكە سەلبەسۋدى“، ”ۇكىمەت پەن پوچتا سەلبەسۋدى“ بەلسەندىلىكپەن ىلگەرىلەتىپ، بۇقارانىڭ ءىس ءبىتىرۋ ارناسىن كەڭەيتتى. بۇل مەكەمە قازىر 10 ساۋدا بانكەسىمەن ستراتەگيالىق سەلبەستىك كەلىسىمىنە قول قويىپ، تۇتاس شينجياڭدا 2000 نەشە بانكە تورى تۇيىندەرىن قامتىدى، ساۋدا بانكەسى تۇتاس بارىستا ەلەكتروندى تىزىمگە الۋ، تىركەۋ جۇمىسىن وكىلەتتى تۇردە تەگىن ءبىتىردى، تىزىمدەلۋ، تىركەۋگە الۋدا ”دەر كەزىندە ءبىتىرۋ، جاقىن ماڭدا ءبىتىرۋ، ءوز كۇشىمەن ءبىتىرۋ“ جۇزەگە اسىرىلدى. پوچتا سەرىكتەستىگىمەن سەلبەستىك جاساپ، ينتەرنەت جەلىسىندە جانە جەلىدەن سىرت تىزىمدەلگەن، تىركەلگەن كاسىپورىندار نەمەسە جەكەلەر ءۇشىن تيجارات كۋالىگىن پوچتادان جەتكىزىپ بەرۋ قىزمەت وتەۋىن ازىرلەپ، قاريدارلاردىڭ ۇيدەن شىقپاي كۋالىگىن تاپسىرىپ الۋى جۇزەگە استى.

　　كاسىپورىندار مەن بۇقارانىڭ قاجەتىنە قاراي كۇش شىعاردى

　　11 - ايدىڭ 4 - كۇنى ”ءسىز كورسەتسەڭىز، ءبىز تەكسەرەمىز“ قيمىلى بارىسىندا تۇتىنۋشىلار جاپپاي نازار اۋدارىپ وتىرعان ازىق - تۇلىك حاۋىپسىزدىگى ماسەلەسىنە مەڭزەس، اۆتونوميالى رايوندىق بازار باقىلاۋ - باسقارۋ مەكەمەسىنىڭ ازىق - تۇلىكتەن ۇلگى الىپ تەكسەرۋ باسقارماسى، اۆتونوميالى رايوندىق ونىمدەردىڭ ساپاسىن باقىلاۋ - ساراپتاۋدى زەرتتەۋ مەكەمەسى سياقتى ورىنداردىڭ قىزمەتكەرلەرى ءۇرىمجى قالاسىنداعى 3 ءىرى اس - سۋ دۇكەنىنە بارىپ ازىق - تۇلىك حاۋىپسىزدىگى تەكسەرۋىن ورىستەتىپ، ازىق - تۇلىك مانەرلەۋ، جاساۋ، اسحانا ورتاسىنىڭ تازالىعى سياقتى جاقتارعا تەكسەرۋ جۇرگىزدى.

　　بيىل جىل باسىنان بەرى اۆتونوميالى رايوندىق بازار باقىلاۋ - باسقارۋ تاراۋلارى ”ءسىز كورسەتسەڭىز، ءبىز تەكسەرەمىز“ قيمىلىن 31 رەت ورىستەتىپ، مانەرلەنگەن استىق ونىمدەرى، دامدەندىرگىش ونىمدەرى، ءسۇت ونىمدەرى، سۋسىن، تەز توڭازىتىلاتىن ازىق - تۇلىكتەر سياقتى ازىق - تۇلىكتىڭ 20 ۇلكەن ءتۇرى بويىنشا 1089 توپ - رەت ۇلگى الىپ تەكسەردى، ينتەرنەت جەلىسىندە جانە جەلىدەن سىرت قيمىلعا قاتىناسقان بۇقارا 330 مىڭ ادام - رەتتەن استى.

　　”’ءسىز كورسەتسەڭىز، ءبىز تەكسەرەمىزدە‘، تۇتىنۋشى قايسى جاقتارداعى ازىق - تۇلىك حاۋىپسىزدىگىن بىلگىسى كەلسە، ءبىز قاجەتكە قاراي تەكسەرۋ جۇرگىزەمىز. قازىر بازار باقىلاۋ - باسقارۋ تاراۋلارى ’ءسىز كورسەتسەڭىز، ءبىز تەكسەرەمىز‘ بويىنشا ۇزاق ءونىمدى مەحانيزم ورناتىپ، مەرزىم سايىن بۇقارا ءۇشىن تەگىن، قولايلى ازىق - تۇلىك تەكسەرۋ قىزمەت وتەۋىن ازىرلەدى“، - دەدى اۆتونوميالى رايوندىق بازار باقىلاۋ - باسقارۋ مەكەمەسى ازىق - تۇلىكتەن ۇلگى الىپ تەكسەرۋ باسقارماسىنىڭ قاتىستى جاۋاپتىسى.

　　پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى رايوننىڭ بازار باقىلاۋ - باسقارۋ تاراۋلارى بازار باقىلاۋ - باسقارۋ قىزمەت جاۋاپكەرشىلىگىن تياناق ەتىپ، حالىق ءۇشىن قىزمەت ىستەۋ تانىمىن كۇشەيتىپ، بۇكىل ىنتا - پەيىلىمەن بۇقارانىڭ كۇندەلىك تۇرمىسىمەن تىعىز بايلانىسىپ جاتقان، كاسىپورىنداردىڭ دامۋىنداعى ەڭ كوكەي تەستى، ەڭ قاجەتتى ماسەلەلەردى شەشۋىنە كومەكتەستى.

　　ورتا، شاعىن كاسىپورىنداردىڭ ءبىلىم مەنشىك ۇقىعىن كەپىلگە قويىپ قارجى قۇراۋى قيىن بولۋ ماسەلەسىنە مەڭزەس، اۆتونوميالى رايوندىق بازار باقىلاۋ - باسقارۋ مەكەمەسى ءبىلىم مەنشىك ۇقىعى قىزمەت وتەۋىن جەبەۋ ورتالىعى ۇكىمەت پەن كاسىپورىندى، ۇكىمەت پەن بانكەنى، بانكە مەن كاسىپورىندى ءتۇيىلىستىرۋ ءماجىلىسىن ۇيىمداستىرىپ اشىپ، ءبىلىم مەنشىك ۇقىعىن كەپىلگە قويىپ قارجى قۇراۋ كاسىبىن سايكەستىرىپ ورىستەتىپ، عىلىم - تەحنيكا تيبىندەگى كاسىپورىنداردى ءبىلىم مەنشىك ۇقىعىنان ءونىمدى پايدالانىپ، كەپىلگە قويىپ قارجى قۇراۋعا جەتەكتەدى. 9 - ايدىڭ 1 - كۇنىنە دەيىن ءبىلىم مەنشىك ۇقىعىن كەپىلگە قويۋ مولشەرى 19 رەت بويىنشا 143 تۇرگە جەتىپ، كەپىلگە قويۋ ارقىلى قۇرالعان قارجى 573 ميلليون يۋان بولىپ، قارجى قۇراۋ كولەمى اناعۇرلىم كەڭەيىپ، كاسىپورىنداردىڭ شۇعىل قاجەتى شەشىلدى.

　　ناقتى ءىس ىستەۋدىڭ جاقسى ”كوشباسشى“ بولدى

　　بيىل 10 - ايدا شينجياڭ حيياتوۋ ءسۇت ونىمدەرى شەكتى سەرىكتەستىگىنىڭ ءوندىرىس رۇقسات كۋالىگىنىڭ ۋاقىتى تولۋعا تاياپ، ونىمدەر سورەدەن ءتۇسىرىلىپ، كاسىپورىن توقتامعا قيعاشتىق جاساۋ حاۋىپىنە ءدوپ كەلەدى. اۆتونوميالى رايوندىق بازار باقىلاۋ - باسقارۋ، تەكسەرىپ بەكىتۋ، باعالاۋ ورتالىعى پارتيا باس ياچەيكاسى پارتيا مۇشەلەرى تەكسەرىپ بەكىتۋ گرۋپپاسىن كاسىپورىنعا بارىپ ۇستىندە تەكسەرىپ بەكىتۋ جۇرگىزۋگە جىبەرىپ، كاسىپورىننىڭ ۇستىندە تەكسەرىپ باعالاۋ قىزمەتىن ورىنداۋىنا كومەكتەسىپ، كاسىپورىننىڭ ۇزدىكسىز قالىپتى تيجارات جۇرگىزۋىنە مۇمكىندىك جاسادى.

　　”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بارىسىندا اۆتونوميالى رايوندىق بازار باقىلاۋ - باسقارۋ مەكەمەسى پارتيا ۇيىمىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۆانگارد ونەگەلىك رولىن بەلسەنە ساۋلەلەندىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، قايشىلىقتاردى جەڭىپ، قيىن ماسەلەلەردى شەشۋدىڭ جاقسى ”كوشباسشىسى“ بولدى.

　　اۆتونوميالى رايوندىق بازار باقىلاۋ - باسقارۋ، تەكسەرىپ بەكىتۋ، باعالاۋ ورتالىعى پارتيا باس ياچەيكاسى ”كاسىپورىندارعا كومەكتەسۋ، ناقتى ءىس ىستەۋ، قىزمەت وتەۋ، قيىن ماسەلەلەردى شەشۋ“ ارناۋلى قيمىلىن ورىستەتىپ، پارتيا مۇشەلەرى، ماماندار قىزمەت وتەۋ اترەتىن ۇيىمداستىرىپ 84 كاسىپورىنعا بارىپ، ۇستىندە پىكىر اۋىستىرۋ، باسى - قاسىندا ءتۇسىندىرۋ، ناقتى جاتتىعۋعا باۋلۋ، كاسىپتىك كىتاپتار ۇسىنۋ سياقتى ادىستەر ارقىلى كاسىپورىنداردىڭ قيىنشىلىعىن شەشۋىنە كومەكتەستى.

　　شينجياڭ ولشەۋ - تەكسەرۋ مەكەمەسىنىڭ 17 پارتيا ياچەيكاسى بەلسەندىلىكپەن كاسىپورىن ءۇشىن، بۇقارا ءۇشىن ناقتى ءىس، جاقسى ءىس ىستەدى. بيىل جىل باسىنان بەرى بۇل مەكەمە ”ورتا، شاعىن كاسىپورىندارعا ولشەۋ قىزمەت وتەۋ ساپارى“ قيمىلىن ورىستەتىپ، نازاردى ورتا، شاعىن كاسىپورىنداردىڭ ساپاسىن جوعارىلاتۋ مەن ءىس جۇزىندىك ءوندىرىس بارىسىنداعى ولشەۋ قاجەتىنە شوعىرلاندىرىپ، باعىتتامالى تۇردە دالمە - ءدال قىزمەت وتەدى. 10 - ايدىڭ 31 - كۇنىنە دەيىن 6120 ادام - رەت تەكسەرۋ جۇرگىزىپ، 5832 قاريدارعا قىزمەت وتەپ، قاريدارلاردىڭ ولشەۋ اسپاپتارىنان 2830ىن جوندەپ - كۇتىمدەپ، 874 مىڭ يۋان قاراجات ۇنەمدەپ بەردى.