انار بۇلت / شينجياڭ گازەتىنىڭ ءتىلشىسى لياڭ ليحۋا 11 - ايدىڭ 27 - كۇنى ۇرىمجىدەن حابارلايدى. 11 - ايدىڭ 27 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 30 - رەتكى ءماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
تۇراقتى كوميتەت قۇرامىنداعىلاردان 47 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس كادرلاردى مىندەتكە تاعايىنداۋ، مىندەتتەن قالدىرۋ كەڭەس جوباسى جونىندەگى تۇسىنىكتى تىڭدادى، «اۆتونوميالى رايوننان مەملەكەتتىك 13 - كەزەكتى حالىق قۇرىلتايىنا قاتىناساتىن ۋاكىلدەردى تولىقتاپ سايلاۋ جونىندەگى ءادىستى» داۋىسقا سالىپ ماقۇلدادى، اۆتونوميالى رايوننان مەملەكەتتىك 13 - كەزەكتى حالىق قۇرىلتايىنا قاتىناساتىن ۋاكىلدەردى تولىقتاپ سايلادى. «اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايىنىڭ 5 - ءماجىلىسىن اشۋ جونىندەگى قاۋلىسىن» داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى تۇراقتى كوميتەتىنىڭ «تاشقورعان تاجىك اۆتونوميالى اۋدانىنىڭ ساياحاتتى جەبەۋ ەرەجەسىن»، «تۇرپان قالاسىنىڭ قالا، اۋىلدىڭ قورشاعان ورتا تازالىعىن باسقارۋ ەرەجەسىن»، «قارامايلى قالاسىنىڭ ءيت باعۋدى باسقارۋ ەرەجەسىن» بەكىتۋ جونىندەگى قاۋلىسىن داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى تۇراقتى كوميتەتىنىڭ 2021 - جىلعى اۆتونوميالى رايوننىڭ ءوز دارەجەسىندەگى مەجە ەسەپتى رەتتەۋ جوباسى جونىندەگى قارارىن داۋىسقا سالىپ ماقۇلدادى، كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ماجىلىستە جاڭادان مىندەتكە تاعايىندالعان اۆتونوميالى رايوننىڭ مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ءارى نەگىزگى زاڭعا سەرت بەرۋ سالتى وتكىزىلدى.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە ورتالىقتىڭ حالىق قۇرىلتايى قىزمەتى جونىندەگى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ حالىق قۇرىلتايى قىزمەتىنە جالپى بەتتىك باسشىلىعىنا ايقىن تۋ ۇستاي وتىرىپ بۇلجىماي تاباندى بولۋ كەرەك. جۇڭگوشا سوتسياليستىك ساياسي دامۋ جولى سىندى ءتۇبىرلى بەتالىسقا باستان - اياق تاباندى بولىپ، حالىق قۇرىلتايى تۇزىمىنە ەش مىزعىماستان تاباندى بولىپ، ونى داۋىرمەن بىرگە ىلگەرىلەي كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتۋ جانە جاقسارتۋ كەرەك. عىلمي جولمەن زاڭ شىعارۋدى، دەموكراتيالىق جولمەن زاڭ شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، شەبەرلىكپەن جونگە سالۋدى دامىتۋدى، قامتاماسىز ەتۋدى تاماشا زاڭ ارقىلى جەبەۋ؛ نەگىزگى زاڭنىڭ حالىق قۇرىلتايىنا بەرگەن باقىلاۋ ۇقىعىنان ويداعىداي پايدالانىپ، دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ جۇرگىزۋ؛ حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ ۇنىنە جاۋاپ قاتۋدى ورىنداۋ؛ ساياسي ورگان تانىمىن كۇشەيتىپ، حالىق قۇرىلتايىنىڭ وزىندىك قۇرىلىسىن كۇشەيتۋ كەرەك. حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جالپى بارىستىق حالىق دەموكراتياسىن ۇزدىكسىز دامىتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا بەرىك، پارمەندى دەموكراتيالىق زاڭمەن جونگە سالۋ قامتاماسىزدىعىن ازىرلەۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، دۇڭ شينگۋاڭ، باداي، سو يۋە، توحتى ياقۇپ، مۇقيات جارمۇقامەت، باس حاتشى ءمۇتالىپ روزى ماجىلىسكە قاتىناستى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى سارقىت اقان، اۆتونوميالى رايوننىڭ ورىنباسار ءتوراعاسى شۋە بين، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىندەگى قاتىستى جاۋاپتى جولداستار، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتەردىڭ، تۇراقتى كوميتەت قىزمەت تاراۋلارىنىڭ جاۋاپتىلارى، ءارقايسى ايماقتىق، وبلىستىق، قالالىق حالىق قۇرىلتايى تۇراقتى كوميتەتىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى جانە قاتىستى تاراۋلاردىڭ جاۋاپتىلارى سياقتىلار ماجىلىسكە سىرتتاي قاتىناستى.
11 - ايدىڭ 26 - كۇنى تۇستەن كەيىن جانە 27 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 150 - رەتكى جانە 151 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتى قاراۋ جاعدايىنان بەرگەن مالىمەتىن تىڭداپ، تۇراقتى كوميتەت جالپى ءماجىلىسىنىڭ داۋىسقا سالۋىنا تاپسىراتىن كەڭەستىك جوبالاردى بەلگىلەدى.
