تيانشان تورى   ›   جاڭالىقتار   ›   شينجياڭ حابارلارى

12 – ايدىڭ 1 - كۇنىنەن باستاپ وڭتۇستىك اۆياتسيا سەرىكتەستىگى ۇرىمجىدەن جينانعا دەيىنگى اۋە لەنياسىن كوبەيتەدى، ٴار كۇنى 2 كەزەك ۇشادى

  جۇڭگو حالىقتىق اۆياتسيا تورىنىڭ حابارى. ەرىكتى ٴتىلشى سۇن يىڭشۋە حابارلايدى: شينجياڭ جولاۋشىلارىنىڭ جينانعا بارۋ قاجەتىن قاناعاتتاندىرۋ ٴۇشىن، 12 - ايدىڭ 1 ـ كۇنىنەن باستاپ وڭتۇستىك اۆياتسيا سەرىكتەستىگى ۇرىمجىدەن جينانعا توتە ۇشاتىن بارىپ - كەلۋ كەزەكشى ۇشاعىن ونان ارى كوبەيتەدى، كوبەيتىلگەننەن كەيىن اتالعان اۋە لەنيانىڭ ءار كۇنگى ۇشۋ رەتى 2 كەزەككە جەتەدى.

  تىڭنان قوسىلعان ٴۇرىمجى ـ جينان بارىپ - كەلۋ كەزەكشى ۇشاعىنىڭ ۇشاق ٴنومىرى: CZ5475/6، باراتىن CZ5475 ٴنومىرلى ۇشاق بەيجيڭ ۋاقىتى ساعات 11دەن 15 مينۋت وتكەندە ۇرىمجىدەن ۇشىپ، ساعات 15تەن 30 مينۋت وتكەندە جينانعا جەتەدى؛ قايتاتىن CZ5476 ٴنومىرلى ۇشاعى ساعات 16دان 45 مينۋت وتكەندە جيناننان ۇشىپ، ساعات 21دەن 30 مينۋت وتكەندە ۇرىمجىگە جەتەدى، شينجياڭنىڭ جولاۋشىلارى جينانعا بارعاننان كەيىن، جيناندا ۇشاق اۋىستىرىپ، سول كۇنى وڭتۇستىك اۆياتسيا كەزەكشى ۇشاعىنا وتىرىپ ەل ىشىندەگى باسقا قالالارعا دا بارۋىنا بولادى.

  ۇرىمجىدەن جينانعا دەيىنگى اۋە لەنيالارىنىڭ ۇرىمجىدەن العاش ۇشاتىن ۋاقىتى ٴار كۇنى تاڭەرتەڭ ـ كەش ٴبىر كەزەك بولادى، تۇگەلدەي B738 تۇرپاتتى ۇشاق پايدالانىلادى، كۇنىنە بارىپ – كەلۋگە 700دەن استام ورىن ىسكە قوسىلىپ، جولاۋشىلاردىڭ وزدەرىنىڭ ٴجۇرىس ـ تۇرىس قاجەتىنە ساي، وتىراتىن كەزەكشى ۇشاقتاردى يكەمدى تاڭداۋىنا قولايلىلىق جاسالادى. شينجياڭنىڭ ىشىندەگى قاشقار، حوتان، كورلا، قۇلجا سياقتىلارعا تۇگەلدەي جينان كەزەكشى ۇشاعىمەن سول كۇنى اۋىسۋىنا بولادى.

  وڭتۇستىك اۆياتسيا سەرىكتەستىگىنىڭ بۇل رەتكى ٴۇرىمجى ـ جينان بارىپ ـ كەلۋ اۋە لەنياسىن كوبەيتۋى شينجياڭ مەن حۋادۇڭ رايوندارىنىڭ ساياحات، ەكونوميكا، مادەنيەت سياقتى كوپ جاقتى اۋىس ـ كۇيىسىن، توعىسۋىن ونان ارى جەبەپ، شينجياڭ رايونىنىڭ ىشكەرىلەي دامۋىنا دەم بەرەدى.

  جولاۋشىلار رەسمي ٴۇنحات تەكشەسى ”وڭتۇستىك اۆياتسياسىنا“ تىركەلۋ نەمەسە رەسمي APP قولدانىلىمىن ٴتۇسىرۋ، نەمەسە 95539عا تەلەفون سوعۋ نەمەسە وڭتۇستىك اۆياتسيا سەرىكتەستىگىنىڭ رەسمي توراپ بەكەتى www. csair. com عا تىركەلۋ ارقىلى ەڭ جاڭا ۇشاق بەلەت باعاسى مەن كەزەكشى ۇشاق جاعدايىن بىلۋىنە بولادى. تاياۋدا جولاۋشىلايتىن جولاۋشىلار اۋەجايعا كىرىپ ـ شىققاندا تۇتاس بارىستا ماسكى تاعىپ، سالاماتتىق كودىن كورسەتىپ، دەنە تەمپەراتۋراسىن ولشەتكەننەن كەيىن اۋەجاي عيماراتىنا كىرۋ كەرەك. سونىمەن بىرگە، جولاۋشىلاردى كوزدەگەن جەردەگى ىندەتتەن ساقتانۋ - تىزگىندەۋ بەلگىلەمەسىن الدىن الا ۇعىسىپ جانە بويسۇنىپ، جولاۋشىلاۋ جوسپارىن ۇيلەسىمدى ورنالاستىرۋىن ٴارى جەكە قورعانىستى ويداعىداي ىستەۋىن ٴۇمىت ەتەمىز.

اۋدارعان: قادىر ماقان

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.