انار بۇلت – شينجياڭ گازەتىنىڭ ٴتىلشىسى 11 ـ ايدىڭ 28 ـ كۇنى رىن چۇنشياڭ ۇرىمجىدەن حابارلايدى. ٴان ـ ٴبي تاماشالاپ، زات ساتىپ الۋدان ٴلاززاتتانىپ، ٴدامدى تاعامداردان اۋىز تيگىڭىز كەلسە، قىسقى تۇندە شينجياڭ حالىقارالىق ۇلكەن بازار كورىنىس ءوڭىرىن تاماشالاماقشى بولساڭىز، اۆتوكولىك توقتاتۋ ماسەلەسىنەن الاڭداماڭىز. 11 ـ ايدىڭ 26 ـ كۇنىنەن باستاپ، ۇلكەن بازار كورىنىس ٴوڭىرىنىڭ ماڭىنداعى جولداردا تۇندە ۋاقىتشا اۆتوكولىك توقتاتۋ اقىسى الىنبايدى، سونىمەن بىرگە ماڭىنداعى اۆتوكولىك توقتاتۋ الاڭدارى دا تۇندە تەگىن اشىلادى.
11 – ايدىڭ 26 – كۇنى ساعات 22 مولشەرىندە، ٴتىلشى ۇلكەن بازار كورىنىس وڭىرىنە كەلدى، كۇن سۋىق بولعانىمەن، ادامداردىڭ قىزعىندىلىعىن توسا المادى، ادامدار دوس - جاراندارىمەن بىرگە ۇلكەن بازاردىڭ ٴدامدى تاعامدار كوشەسىنە كىرۋدە، تاعى كوپتەگەن ادامدار شىراقتار جارقىراعان جەرلەردە سۋرەتكە ٴتۇسىپ، ەستەلىك قالدىرۋدا.
”قازىر قاتىناسقا ىقپال جەتكىزبەگەن جاعدايدا، اۆتوكولىكتى جول شەتىنە اقىسىز توقتاتۋىمىزعا بولادى، بۇل وتە قولايلى، بۇدان كەيىن جۇمىستان تۇسكەننەن كەيىن ۇنەمى وسى اراعا كەلىپ ٴدامدى تاعامنان اۋىز تيۋگە ۋادەلەسەتىن بولدىق“، ـ دەدى قالا تۇرعىنى تاڭ چىنحۇي.
ءۇرىمجى قالاسى تيانشان رايوندىق قالا باسقارۋ مەكەمەسى (اكىمشىلىك زاڭ اتقارۋ مەكەمەسى) اۆتوكولىك توقتاتۋ الاڭىنا كۋالىك ٴبىتىرۋ ٴبولىمىنىڭ باستىعى تاڭ حۋانلياڭ بىلاي دەپ تانىستىردى: ۇلكەن بازار كورىنىس ءوڭىرى كەشكى ەكونوميكاسىن دامىتۋعا سايكەسىپ، اۆتوكولىك توقتاتۋ قيىن بولۋ ماسەلەسىن شەشۋ ءۇشىن مەكەمەمىز ماڭايىنداعى جول بولەكتەرىنىڭ قاتىناسىن ۇيلەسىمدى جوبالاپ، تۇندە ماڭايىنداعى اۆتوكولىك توقتاتۋ الاڭىن تەگىن اشۋ جانە جول شەتىندە ۋاقىتشا اۆتوكولىك توقتاتۋ سىندى 2 ٴتۇرلى ۇدايىلانعان حالىققا تيىمدىلىك جاساۋ شاراسىن قولداندى.
تانىستىرۋعا قاراعاندا، ۇلكەن بازار كورىنىس ٴوڭىرىنىڭ ماڭىندا التىن بۇلاق ساۋدا سارايى اۆتوكولىك توقتاتۋ الاڭى، ٴۇرىمجى قالالىق انا-بالالار دەنساۋلىعىن كۇتىمدەۋ شيپاحاناسى اۆتوكولىك توقتاتۋ الاڭى، استانا قوناق ٴۇيى اۆتوكولىك توقتاتۋ الاڭى، بۇركىت سارايى اۆتوكولىك توقتاتۋ الاڭى، ۇلكەن بازاردىڭ 2 ـ مەرزىمدىك سالىنۋ ۇستىندەگى اۆتوكولىك توقتاتۋ الاڭى، لۇڭچۋان كوشەسى حىڭتۇڭ سارايىنىڭ جانىنداعى اۆتوكولىك توقتاتۋ الاڭى، جەڭىس جولىنداعى مادەنيەت مەڭگەرمەسى سەميالىقتار اۋلاسىنىڭ الدىنداعى اۆتوكولىك توقتاتۋ الاڭى جانە لۇڭچۋان كوشەسىندەگى شينجياڭ مينجيە اۆتوكولىك توقتاتۋ الاڭىن قامتىعان 8 اۆتوكولىك توقتاتۋ الاڭى ٴار كۇنى ساعات 22دەن كەلەسى كۇنى 9عا دەيىن تەگىن اشىلىپ، مەجەمەن كەمىندە 500 اۆتوكولىك توقتاتۋ ورنىمەن تەگىن قامدايدى ەكەن.
اۋدارعان: قادىر ماقان
