اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 30 - رەتكى ءماجىلىسى بىرىككەن گرۋپپالار جيىنىن وتكىزدى
اۆتونوميالى رايوننىڭ جۇمىستانۋدى جەبەۋ قىزمەتىن ارناۋلى تاقىرىپتا سۇراستىردى
انار بۇلت / شينجياڭ گازەتىنىڭ ءتىلشىسى لياڭ ليحۋا 11 - ايدىڭ 28 - كۇنى ۇرىمجىدەن حابارلايدى. 11 - ايدىڭ 26 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 30 - رەتكى ءماجىلىسى بىرىككەن گرۋپپالار جيىنىن وتكىزىپ، اۆتونوميالى رايوننىڭ جۇمىستانۋدى جەبەۋ قىزمەتىن ارناۋلى تاقىرىپتا سۇراستىردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
اۆتونوميالى رايوننىڭ ورىنباسار ءتوراعاسى شۋە بين جيىنعا قاتىناسىپ، سۇراۋعا جاۋاپ بەردى ءارى پوزيتسيا ءبىلدىرىپ ءسوز سويلەدى. اۆتونوميالى رايوندىق حالىق ۇكىمەتىنىڭ جانە ونىڭ قۇرامىنداعى تاراۋلاردىڭ جاۋاپتى جولداستارى جيىنعا قاتىناسىپ، ”ءبىر سۇراۋعا ءبىر جاۋاپ بەرۋ“ ۇلگىسىندە سۇراۋعا جاۋاپ بەردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ قۇرامىنداعىلاردان جانە اۆتونوميالى رايوندىق حالىق قۇرىلتايى ۋاكىلدەرىنەن 10 ادام جەكە - جەكە جوعارى مەكتەپتەن وقۋ تاۋىسقان وقۋشىلاردىڭ بەلسەندى، بايىپتى جۇمىستانۋىن ىلگەرىلەتۋ، جۇمىستانۋ ارناۋلى قارجىسىن جۇيەلى پايدالانۋ جانە باقىلاۋ تەبىنىن كۇشەيتۋ، داشۋە وقۋشىلارىنىڭ جاڭالىق اشۋ، جۇمىستانۋ قابىلەتىن جوعارىلاتۋ سياقتى جاقتاردا اۆتونوميالى رايوندىق حالىق ۇكىمەتى جانە ونىڭ قۇرامىنداعى تاراۋلاردىڭ جاۋاپتى جولداستارىنان سۇراۋ سۇرادى.
وسى ماسەلەلەرگە قاراتا شۋە بين مەن قاتىستى جاۋاپتى ادامدار ءبىر - بىردەن جاۋاپ بەرىپ، ناقتى شەشۋ ادىستەرىن جانە جاقسارتۋ شارالارىن العا قويدى.
شاۋكەت يمىن جيىن سوڭىندا سويلەگەندە بىلاي دەپ اتاپ كورسەتتى: جۇمىستاندىرۋ ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، نەگىز قالاۋ ينجەنەرياسى، قوعامنىڭ ورنىقتىلىعىنىڭ ماڭىزى قامتاماسىزدىعى، مۇنى، ءسوز جوق، تىعىز يگەرۋ، ناقتى يگەرۋ، ويداعىداي يگەرۋ كەرەك. وسى رەتكى ماجىلىستە باقىلاپ - قۋزاۋ ونىمدىلىگىن سۇراستىرىپ، اۆتونوميالى رايوننىڭ جۇمىستانۋدى جەبەۋ قىزمەتىنىڭ نەگىزگى جاعدايىن دالمە - ءدال مەڭگەرىپ، ورىن تەۋىپ وتىرعان ماسەلەنى ءدال تاۋىپ، قاتىستى جاقتاردىڭ اۆتونوميالى رايوننىڭ ورنىقتى جۇمىستاندىرۋ جونىندەگى ءتۇرلى ورنالاستىرۋلارى مەن شارالارىن شىنايى ناقتى، ەگجەي - تەگجەيلى تياناقتاندىرۋىن قۋزادى. سۇراۋ سالعان، جاۋاپ بەرگەن ەكى جاق شىندىقتى ءىس جۇزىنەن ىزدەپ، ىشكەرىلەي اۋىس - كۇيىس جاساۋ بارىسىندا ماسەلەنى شەشۋ جولىن بىرگە تالقىلاپ، ورتاق تانىم ۇيىستىرۋ، دامۋدى بىرگە جەبەۋ ماقساتىنا جەتتى.
شاۋكەت يمىن بىلاي دەپ اتاپ كورسەتتى: ۇكىمەت جانە ونىڭ قۇرامىنداعى تاراۋلار وسى رەتكى ارناۋلى تاقىرىپتا سۇراستىرۋ جەتىستىگىنەن ويداعىداي پايدالانىپ، ولقىلىقتاردى تەكسەرىپ، ساڭلاۋلاردى بىتەپ، ءالسىز تۇستاردى كۇشەيتىپ، تياناقتاندىرۋدى يگەرىپ، جۇمىستانۋدى جەبەۋدىڭ ساياسي جاۋاپكەرشىلىگىن شىنايى ارقالاپ، جوعارى دەڭگەيدە جوبالاۋدى كۇشەيتىپ، ساياساتتىق جەتەكتەۋدى ارتتىرىپ، ورنىقتى جۇمىستاندىرۋدى كۇشەيتىپ، جۇمىستانۋ قىزمەتىن جەبەۋ كەرەك. ءتۇزىمدى كەمەلدەندىرىپ، قىزمەت وتەۋدى كەڭەيتىپ، ساپانى جوعارىلاتىپ، حالىق بۇقاراسىنىڭ ”اس كەسەسىن“ ويداعىداي قامتاماسىز ەتۋ كەرەك.
شاۋكەت يمىن مىنالاردى تالاپ ەتتى: اۆتونوميالى رايوندىق حالىق قۇرىلتايى تۇراقتى كوميتەتى نەگىزگى زاڭ، زاڭ جۇكتەگەن باقىلاۋ ۇقىعىنان ويداعىداي پايدالانىپ، دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ جۇرگىزۋ كەرەك. وسى رەتكى ارناۋلى تاقىرىپتا سۇراستىرۋدىڭ سوڭعى جۇمىستارىن ويداعىداي ىستەپ، ماسەلەنى رەتتەۋ، تۇزەتۋدى كۇشەيتىپ، تەكسەرىپ شىققان ماسەلەلەردى ارقاۋ ەتە وتىرىپ، ءبىر - بىردەن، تۇرلەر بويىنشا رەتتەۋ، تۇزەتۋ تالابىن، جاۋاپكەرشىلىكتى جانە شەكتى مەزگىلىن ايقىن بەلگىلەپ، جۇمىستانۋ قىزمەتى بارىسىندا ورىن تەپكەن ماسەلەلەردى شىنايى تۇردە ويداعىداي شەشىپ، حالىق بۇقاراسى جاپپاي ءجىتى قاداعالاپ وتىرعان ماسەلەگە ءۇن قاتۋ كەرەك. بايلانىستىرۋدى، سايكەستىرۋدى كۇشەيتىپ، جۇمىستانۋدى جەبەۋ قىزمەتىنىڭ تۇلعالىق بىرىككەن كۇشىن قالىپتاستىرۋ كەرەك. ۋاكىلدەرمەن جانە حالىق بۇقاراسىمەن بولعان بايلانىستى كۇشەيتىپ، ۋاكىلدەرى مەن حالىق بۇقاراسىنىڭ جۇمىستانۋ قىزمەتى جونىندەگى پىكىرلەرىن، ۇسىنىستارىن كىشى پەيىلدىلىكپەن تىڭداپ، تولىق قابىلداپ، حالىقپەن اناعۇرلىم ويداعىداي ەتەنە بولۋ، حالىقتىڭ جاعدايىن ۇعىسۋ، حالىقتىڭ پاراساتىن شوعىرلاندىرۋ، حالىق تۇرمىسىن يگىلىككە كەنەلتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى دۇڭ شينگۋاڭ، باداي، سو يۋە، توحتى ياقۇپ، مۇقيات جارمۇقامەت، باس حاتشى ءمۇتالىپ روزى جيىنعا قاتىناستى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى سارقىت اقان، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتى جولداستارى قاتارلىلار جيىنعا سىرتتاي قاتىناستى.
