اۆتونوميالى رايوننىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ اڭگىمە ءماجىلىسى اشىلدى
ۇيرەنۋ جەتىستىكتەرىن جاڭا جاعداي اشۋدىڭ قوزعاۋشى كۇشىنە اينالدىرۋ كەرەك
انار بۇلت / شينجياڭ گازەتىنىڭ ءتىلشىسى جاڭ يانفاڭ 11 - ايدىڭ 28 - كۇنى ۇرىمجىدەن حابارلايدى. 11 - ايدىڭ 28 - كۇنى اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسى، اۆتونوميالى رايوندىق پارتكومنىڭ ۇگىت ءبولىمى اۆتونوميالى رايوننىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ اڭگىمە ءماجىلىسىن بىرلەسىپ وتكىزدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جالپى ءماجىلىستىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، پارتيا تاريحىن ۇيرەنۋ تاربيەسىن كەڭەيتۋدى ۇزدىكسىز تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا زەيىن - زەردەنى، كۇش - قۋاتتى ۇيىستىردى.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت، پارتيا تاريحىن ۇيرەنۋ تاربيەسىنىڭ ماڭىزدى مازمۇنى. كەلەلى ماڭىزىن تەرەڭ ءتۇسىنىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ساياسي سانالىلىعىن، يدەيالىق سانالىلىعىن، ارەكەت سانالىلىعىن اناعۇرلىم كۇشەيتۋ كەرەك. جالپى ءماجىلىستىڭ باي ءمانىن جانە وزەكتى ءتۇيىنىن دالمە - ءدال يگەرىپ، پارتيانىڭ 100 جىلدىق كۇرەس تاريحى بارىسىنان اقىل - پاراسات جانە كۇش - قۋات قابىلداپ، وسكەلەڭ ساياسي سانالىلىقپەن جانە كۇشتى جاۋاپكەرشىلىكپەن مىندەت اتقارىپ، جاۋاپكەرشىلىكتى وتەپ، جالپى ءماجىلىستىڭ رۋحىن پارتيا تاريحىن ۇيرەنۋ تاربيەسىنىڭ ءارقايسى جاقتارىنا ءسىڭىرۋ كەرەك.
ءماجىلىس مىنانى تالاپ ەتتى: ۇيرەنۋدى - تالقىلاۋدى زەر سالا ۇيىمداستىرىپ، جەكە ۇيرەنۋ مەن شوعىرلاندىرىپ كەزەكپەن تاربيەلەۋ - باۋلۋدى ويداعىداي يگەرىپ، پارتيالى كادرلاردىڭ ۇيرەنۋىن تولىق قامتۋعا شىنايى كەپىلدىك ەتۋ كەرەك؛ زەرتتەۋدى، ءتۇسىندىرۋدى ۇزدىكسىز كۇشەيتىپ، بۇكىل رايوننىڭ قوعامدىق عىلىم نازاريا سالاسىندا كوپ جەتىستىككە جەتۋدى، سارا تۋىندىلاردى كوپتەپ شىعارۋدى جالپى ءماجىلىستىڭ رۋحىن ۇيرەنۋدىڭ، دايەكتىلەندىرۋدىڭ ونىمدىلىگىن ساراپتاۋدىڭ جانە تەكسەرۋدىڭ ماڭىزدى ولشەمى ەتىپ، تۇلعالىق جاۋاپكەرشىلىكتى باتىل ارقالاۋ؛ ۇگىتتەۋدى، لەكسيا جاساۋدى كەڭىنەن ورىستەتىپ، جالپى ءماجىلىستىڭ رۋحىن جۇرت جۇرەگىنە تەرەڭ ۇيالاتىپ، تياناقتاندىرىپ، تامىر تارتتىرۋ؛ ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى ويداعىداي ىستەپ، ۇيرەنۋدىڭ جەتىستىكتەرىن قىزمەتتى ويداعىداي ىستەۋدىڭ، جاڭا جاعداي اشۋدىڭ قوزعاۋشى كۇشىنە اينالدىرۋ كەرەك.
ماجىلىستە 9 تاراۋدىڭ، ورىننىڭ قاتىستى جاۋاپتى جولداستارى جانە مامان، وقىمىستىلار پىكىر اۋىستىرىپ ءسوز سويلەدى.
