تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەن رەسەيدىڭ زۇڭتۇڭى پۋتين جەكە - جەكە 3 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حات جولدادى

  شينحۋا اگەنتتىگىنىڭ 11 - ايدىڭ 29 - كۇنى بەيجيڭنەن بەرگەن حابارى. 11 - ايدىڭ 29 - كۇنى مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين جەكە - جەكە 3 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: بيىل جىل باسىنان بەرى جۇڭگو - رەسەي ەكى جاق «جۇڭگو - رەسەي تاتۋ كورشىلىك، دوستىق سەلبەستىك شارتىنا» قول قويىلعاندىعىنىڭ 20 جىلدىعىن بىرگە قۇتتىقتاۋدى نەگىزگى ارقاۋ ەتىپ، جالپى بەتتىك ستراتەگيالىق سەلبەستىك پەن جان - جاقتى ناقتى ىستەر سەلبەستىگىن ىلگەرىلەتۋدە تىڭ دا سۇبەلى جەتىستىكتەرگە قول جەتكىزدى. ەنەرگيا سەلبەستىگى ەكى ەلدىڭ ناقتى ىستەر سەلبەستىگىنىڭ ماڭىزدى بەتالىسى. ەكى جاق جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، ەنەرگيا ساۋدا سەلبەستىگىنىڭ ءتيىمسىز جاعدايدا ارتۋىن جۇزەگە اسىردى، ەلەۋلى سەلبەستىك نىساندارىن ءساتتى ىلگەرىلەتىپ، سەلبەستىكتىڭ تىڭ سالاسىن، تىڭ ءتاسىلىن ۇزدىكسىز كەڭەيتتى. ەكى جاقتىڭ ەنەرگيا سەلبەستىگىنىڭ كورنەكتى ناتيجەسى جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ كەڭ دامۋ كومەسكى كۇشىن ءتۇسىندىردى. جۇڭگو جاق رەسەي جاقپەن بىرگە قۇلشىنىپ، اناعۇرلىم تىعىز ەنەرگيا سەلبەستىك سەرىكتەستىك قارىم - قاتىناسىن تۇلعالاپ، ەنەرگيا حاۋىپسىزدىگىن بىرگە قورعاپ، الەمدىك كليمات وزگەرىسىنىڭ سايىسىنا توتەپ بەرۋدى قالايدى.

  پۋتين قۇتتىقتاۋ حاتىندا مىنالاردى ءبىلدىردى: قازىر رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى بۇرىن بولماعان جوعارى دەڭگەيدە تۇر. ەكى ەل قارىم - قاتىناسىنىڭ ماڭىزدى قۇرامداس بولىگى رەتىندە، جۋىق جىلداردان بەرى رەسەي مەن جۇڭگونىڭ ەنەرگيا سەلبەستىگى بەلسەندى ىلگەرىلەۋشىلىكتەرگە قول جەتكىزدى، ەكى ەلدىڭ شەكارا اتتاعان مۇناي - تابيعي گاز قۇبىرى ورنىقتى جۇمىس جۇرگىزىپ، ەنەرگيا ساۋداسى ورنىقتى كەڭەيىپ، سولتۇستىك ۇيەك ءوڭىرىنىڭ سۇيىتىلعان تابيعي گازىن اشۋ جانە يادرو ەلەكتر اگراگاتتارىن سەلبەسىپ قۇرۋ سياقتى ءبىر توپ كەلەلى نىساندار ءساتتى اتقارىلدى. ەكى جاق كاسىپورىندارىنىڭ ۇشتاسۋدى كۇشەيتىپ، ەنەرگيانى ينفورماتسيالاندىرۋ، جاسىل ەنەرگيا سياقتى سەلبەستىكتىڭ تىڭ بەتالىسىن قاراستىرىپ، رەسەي - جۇڭگو ەنەرگيا سەلبەستىگىنە تىڭ مازمۇن قوسۋدى ءۇمىت ەتەمىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.