تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق ۇكىمەتى 144 - رەتكى ۇنەمىلىك ىستەر ءماجىلىسىن اشتى

  انار بۇلت / شينجياڭ گازەتىنىڭ ءتىلشىسى لي ياڭ 11 - ايدىڭ 29 - كۇنى ۇرىمجىدەن حابارلايدى. 11 - ايدىڭ 29 - كۇنى تۇستەن بۇرىن اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 144 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىس جاسىل، تومەن كومىر قىشقىل گازدى، اينالمالى داميتىن ەكونوميكالىق جۇيە قۇرۋ، اقاۋسىزداندىرۋ، جوعارى ولشەمدى ەگىس اتىزى قۇرىلىسىن جەدەلدەتۋ، جەدەل جەتكىزۋشىلەر قاۋىمىنىڭ زاڭدى ۇقىق - مۇددەسىن قورعاۋ، ”14 - بەسجىلدىق“ مەزگىلىندەگى ايەلدەر، بالالار قىزمەتىن ويداعىداي ىستەۋ سياقتىلاردى اقىلداستى.

  ءماجىلىس مىنالاردى اتاپ كورسەتتى: شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە ونىمەن توعىسىپ، تۇيىندەردە قامال الۋ، جاڭالىق اشۋ ارقىلى جەتەكتەۋ، ورنىقتىلىق بارىسىندا ىلگەرىلەۋ، بازاردى باعدار ەتۋ پرينسيپتەرىنە تاباندى بولىپ، جاسىل جوسپاردى، جاسىل جوبانى، جاسىل قارجى قوسۋدى، جاسىل قۇرۋدى، جاسىل ءوندىرىستى، جاسىل اينالىمدى، جاسىل تۇرمىستى، جاسىل تۇتىنۋدى جان - جاقتىلى، جالپى بارىس بويىنشا ىلگەرىلەتىپ، ەكولوگيانى الدىمەن ويلاستىراتىن، جاسىل، تومەن كومىر قىشقىل گازدى جوعارى ساپالى دامۋ جولىمەن بۇلجىماي ءجۇرىپ، جاسىل، تومەن كومىر قىشقىل گازدى، اينالمالى داميتىن ەكونوميكالىق جۇيە ورناتىپ، اقاۋسىزداندىرىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا دەم بەرىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ كەرەك.

  ءماجىلىس مىنالاردى اتاپ كورسەتتى: جوعارى ولشەمدى ەگىس اتىزىن قۇرۋ − استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن تياناقتاندىرىپ، استىقتىڭ جالپى ءوندىرىس قۋاتىن بەكەمدەپ جانە ارتتىرىپ، استىق حاۋىپسىزدىگىن قامتاماسىز ەتۋدەگى ماڭىزدى شارا. استىق ءوندىرىس قۋاتىن ارتتىرۋدى ماڭداي الدى نىسانا ەتىپ، ماقتا سياقتى ماڭىزدى اۋىل شارۋاشىلىعى ونىمدەرىمەن ءونىمدى قامداۋدى قامتاماسىزداندىرۋدى ماڭىزدى مىندەت ەتىپ، ءتۇيىندى تۇردە ماڭگىلىك نەگىزگى ەگىس اتىزىندا، استىق ءوندىرىسى فۋنكتسيالىق اۋماعىندا، ماڭىزدى اۋىل شارۋاشىلىق ونىمدەرىن ءوندىرۋ، قورعاۋ اۋماعىندا جانە تۇقىم جەتىلدىرۋ بازاسىندا جوعارى ولشەمدى ەگىس اتىزىن قۇرىپ، اۋىل شارۋاشىلىعى نەگىزدىك قۇرىلعىلارىنداعى ولقىلىقتاردى جەدەل تولىقتاپ، سۋ، توپىراق بايلىقتارىنان پايدالانۋ ونىمدىلىگىن جوعارىلاتىپ، ەگىس اتىزدارىنىڭ اپاتتان ساقتانۋ، اپاتقا قارسى تۇرۋ، اپات زيانىن ازايتۋ قۋاتىن شىن مانىندە ارتتىرىپ، اۋىل - قىستاقتى گۇلدەندىرۋ ستراتەگياسىنىڭ اتقارىلۋىنا پارمەندى تىرەك ازىرلەۋ كەرەك.

  ءماجىلىس مىنالاردى اتاپ كورسەتتى: سوڭعى جىلدارى رايونىمىزدىڭ جەدەل جەتكىزۋشىلەر قوسىنى ۇزدىكسىز ۇلعايىپ، ەكونوميكالىق اينالىمدى ىركىلىسسىزدەندىرەتىن، تۇتىنۋدىڭ دارەجەسىن جوعارىلاتۋدى ىلگەرىلەتەتىن، شارۋاشىلىق قۇرۋدى، جۇمىستانۋدى جەبەيتىن ماڭىزدى قاتىناسۋشىعا، امالياتشىعا جانە ىلگەرىلەتۋشىگە اينالدى. ۇيلەسىمدى كىرىس ءبولىسى مەحانيزمىن جەدەل قۇرىپ، ەڭبەك زاڭدارىن، زاڭ - تۇزىمدەرىن جانە ساياساتتارىن، بەلگىلەمەلەرىن ۇگىتتەۋ سەرپىنىن ارتتىرىپ، كاسىپورىنداردى زاڭ بويىنشا، بەلگىلەمەگە ساي ەڭبەك قاتىناسىن ورناتۋعا جەتەكتەپ جانە قۋزاپ، جەدەل جەتكىزۋشىلەردىڭ ۇيلەسىمدى ەڭبەكاقىسىن قامتاماسىز ەتىپ، جەدەل جەتكىزۋشىلەردىڭ قوعامدىق قامسىزداندىرۋ ورەسىن جوعارىلاتىپ، جەدەل جەتكىزۋشىلەردىڭ ءوندىرىس، جۇمىس ورتاسىن ساپالىلاندىرىپ، جەدەل جەتكىزۋشىلەر قاۋىمىن كاسىپتىك شەبەرلىككە باۋلۋدى زور كۇشپەن اتقارىپ، كاسىپتىڭ قوعامدا مويىندالۋىن كۇشەيتىپ، رايونىمىزداعى جەدەل جەتكىزۋشىلەر قاۋىمىنىڭ زاڭدى ۇقىق - مۇددەسىن شىن مانىندە قامتاماسىز ەتۋ كەرەك.

  ءماجىلىس مىنالاردى باسا دارىپتەدى: ايەلدەر مەن بالالار پارتيا مەن مەملەكەت قىزمەتىنىڭ ماڭىزدى قۇرامداس بولىگى، ايەلدەر مەن بالالار ءىسىن دامىتۋ قوعامدىق قۇرىلىستىڭ ماڭىزدى مازمۇنى، سونداي - اق ءار دارەجەلى ۇكىمەت پەن قاتىستى تاراۋلاردىڭ نەگىزگى قىزمەت جاۋاپكەرشىلىگى. ”14 - بەسجىلدىق“ مەزگىلىندە «شينجياڭ ۇيعۇر اۆتونوميالى رايونىنىڭ ايەلدەر ىستەرىن دامىتۋ جوباسىن (2021 − 2025)» جانە «شينجياڭ ۇيعۇر اۆتونوميالى رايونىنىڭ بالالار ىستەرىن دامىتۋ جوباسىن (2021 − 2025)» ىشكەرىلەي اتقارىپ، قالىڭ ايەلدەردىڭ بەلسەندىلىگىن، ىرىقتىلىعىن، جاسامپازدىعىن بارىنشا جۇمىلدىرىپ، قالىڭ ايەلدەردى جاڭا داۋىردەگى جۇڭگوشا سوتسياليستىك شينجياڭ قۇرۋ بارىسىندا ”جارتى الەمدىك“ رولدارىن ساۋلەلەندىرۋگە جەتەكتەۋ كەرەك. بالالاردىڭ اقاۋسىز ەسەيىپ - ەرجەتۋىن بارىنشا قامتاماسىز ەتىپ، قالىڭ بالالاردى سوتسياليستىك وسىزاماندانعان قۇدىرەتتى مەملەكەت قۇرۋ، ۇلتتى كوركەيتۋ ۇلى مىندەتىن ارقالايتىن ءداۋىر جاڭا ادامدارى ەتىپ تاربيەلەپ شىعۋ كەرەك.

  ءماجىلىس باسقا ىستەردى دە اقىلداستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.