نۇرلان ءابىلماجىن اۆتونوميالى رايوننىڭ ساياسي كەڭەس جۇيەسىندە پارتيا 19 - كەزەكتى ورتالىق كوميتەتى التىنشى جالپ-ى ءماجىلىسىنىڭ رۋحى جونىندە ۇگىت لەكسيا جاسادى
جاڭا ەمتيحان تاپسىرۋ جولىندا ورتاق تانىم جانە كۇش ۇيىستىرايىق
انار بۇلت / شينجياڭ گازەتىنىڭ ءتىلشىسى جاڭ يۇنمەي 11 - ايدىڭ 29 - كۇنى ۇرىمجىدەن حابارلايدى. 11 - ايدىڭ 26 - كۇنى اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوننىڭ ساياسي كەڭەس جۇيەسىندە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاساپ، التىنشى جالپى ءماجىلىس رۋحىنىڭ تۇتاس رايوننىڭ ساياسي كەڭەس جۇيەسىندە تەرەڭدەۋىن، ناقتىلانۋىن، تياناقتانىپ تامىر تارتۋىن ىلگەرىلەتتى.
نۇرلان ءابىلماجىن بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلاعان، بەلەستىك مانگە يە ماڭىزدى ءماجىلىس. جالپى ماجىلىستە ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى»، ءسوز جوق، بۇكىل پارتيانىڭ يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى ىلگەرىلەتۋىنە كەلەلى ءارى تەرەڭ ىقپال جاسايدى. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ كەلەلى ماڭىزىن جەتە تانىپ، ”ەكىنى تۇراقتاندىرۋدىڭ“ جاڭا داۋىردە پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋىنىڭ تاريحي ءۇردىسىن ىلگەرىلەتۋ جونىنەن شەشۋشى ماڭىز الاتىندىعىن ىشكەرىلەي تانۋ كەرەك. يدەيا مەن ارەكەتتى جالپى ءماجىلىستىڭ رۋحىمەن بىرلىككە كەلتىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، حالىق ساياسي كەڭەسىنىڭ بىرلىكساپ ۇيىمىندىق ابزال رولىن تولىق ساۋلەلەندىرىپ، وتاندى ءسۇيۋ، شينجياڭدى ءسۇيۋ، شينجياڭدى ورنىقتىرۋ، شينجياڭدى كوركەيتۋ ورتاق تانىمى مەن كۇشىن كەڭ كولەمدە ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.
نۇرلان ءابىلماجىن بىلاي دەپ باسا دارىپتەدى: پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ كەلەلى ماڭىزىن تەرەڭ تانىپ، قورىتىندىلاپ، پارتيانىڭ 100 جىلدىق كۇرەسىنىڭ اۋەلگى ماقساتىن، بورىشىن جانە كەلەلى تابىستارىن تەرەڭ تانىپ، جۇڭگوشا سوتسياليزمنىڭ جاڭا داۋىردەگى تاريحي تابىستارى مەن تاريحي وزگەرىستەرىن تەرەڭ تانىپ، پارتيانىڭ 100 جىلدىق كۇرەسىنىڭ تاريحي ماڭىزى مەن تاريحي تاجىريبەلەرىن تەرەڭ تانىپ، تاريحتى اينا ەتىپ، بولاشاققا جول اشۋدىڭ ماڭىزدى تالابىن تەرەڭ تانىپ، جۇڭگو كوممۋنيستىك پارتياسىنىڭ وتكەندە نە ءۇشىن تابىسقا جەتكەندىگىن انىق كورە ءبىلىپ، بولاشاقتا قايتكەندە ۇزدىكسىز تابىسقا جەتە الاتىندىعىن ايقىن ءتۇسىنىپ، پارتياعا ىلەسۋ يدەيالىق سانالىلىعى مەن ارەكەت سانالىلىعىن بەكەمدەپ، پارتيانىڭ 100 جىلدىق كۇرەسىنىڭ تاريحي بارىسىنان اقىل - پاراسات جانە كۇش - قۋات قابىلداپ، جاڭا ەمتيحان تاپسىرۋ جولىندا ساياسي كەڭەستىڭ تىڭ بەينەسىن ايگىلەۋ كەرەك.
نۇرلان ءابىلماجىن مىنانى تالاپ ەتتى: تۇتاس رايوننىڭ ساياسي كەڭەس جۇيەسى اۆتونوميالى رايوندىق پارتكومنىڭ ورنالاستىرۋى، تالابى بويىنشا جالپى ءماجىلىستىڭ رۋحىن ۇيرەنۋ، ۇگىتتەۋ، ۇگىت لەكسيا جاساۋ، باۋلۋ، جالپىلاستىرۋ، زەرتتەۋ - تالقىلاۋ سياقتى قيمىلداردى ىشكەرىلەي ويداعىداي ورىستەتىپ، تۇتاس رايوننىڭ ساياسي كەڭەس جۇيەسىندە ۇيرەنۋ، دايەكتىلەندىرۋ قىزۋ ورلەۋىن كوتەرۋ كەرەك. باستاماشىلدىقپەن ۇيرەنىپ، جالپى ءماجىلىس رۋحىن وي - ساناعا ۇيالاتىپ، ءىس - ارەكەتتە ايگىلەپ، جالپى ءماجىلىس رۋحىن ساياسي كەڭەس قىزمەتىنىڭ جوعارى ساپالى دامۋىن ىلگەرىلەتەتىن جاسامپاز شاراعا شىن مانىندە اينالدىرۋ كەرەك. نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ۇكىمەت ىسىنە اقىل - كەڭەس بەرۋ جانە ورتاق تانىم ۇيىستىرۋ ساپاسى مەن دەڭگەيىن ۇزدىكسىز جوعارىلاتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
