تيانشان تورى   ›   جاڭالىقتار   ›   شينجياڭ حابارلارى

10 - رەتكى ”مەملەكەتتىك قاتىناس حاۋىپسىزدىگى كۇنىنىڭ“ شينجياڭداعى باستالۋ سالتى وتكىزىلدى

  انار بۇلت / شينجياڭ گازەتىنىڭ ءتىلشىسى سۇي يۇنيان 11 - ايدىڭ 29 - كۇنى ۇرىمجىدەن حابارلايدى. 11 - ايدىڭ 29 - كۇنى 10 - رەتكى ”مەملەكەتتىك قاتىناس حاۋىپسىزدىگى كۇنىنىڭ“ شينجياڭداعى باستالۋ سالتى ۇرىمجىدە وتكىزىلدى.

  بيىلعى 12 - ايدىڭ 2 - كۇنى 10 - رەتكى ”بۇكىل مەملەكەتتىك قاتىناس حاۋىپسىزدىگى كۇنى“، نەگىزگى تاقىرىبى − ”زاڭ ەرەجەگە بويسۇنىپ، سىپايىلىقپەن جول بەرۋدى ۇيرەنىپ، ءجۇرىس - تۇرىستا حاۋىپسىز، وركەنيەتتى بولايىق“، ”ءومىر بارىنەن قاستەرلى، حاۋىپسىزدىك ءبىرىنشى“ ۇستانىمىن بار كۇشپەن دارىپتەۋدى ماقسات ەتىپ، حالىق بۇقاراسىنىڭ قاتىناس وركەنيەتى تانىمىن ۇزدىكسىز جوعارىلاتىپ، تۇتاس قوعام قاتىناس حاۋىپسىزدىگىنە بىرگە نازار اۋداراتىن، وركەنيەتتى قاتىناستى بىرگە قۇراتىن، بىرگە يگىلىكتەنەتىن قويۋ رايدى بەلسەنە قالىپتاستىرۋ.

  جۋىق جىلداردان بەرى تۇتاس رايونداعى قوعام حاۋىپسىزدىگى قاتىناس ساقشى تاراۋلارى نازاردى ”قاتىناس شىرعالاڭىنىڭ مولشەرىن ازايتىپ، ءىرى شىرعالاڭ تۋىلۋىنىڭ الدىن الۋعا“ شوعىرلاندىرىپ، قوعام حاۋىپسىزدىگى قاتىناس - تاسىمال باسقارۋىنداعى ”تومەنگە بەرۋ، باسقارۋ، قىزمەت وتەۋ“ رەفورماسىن ىلگەرىلەتىپ، جول باسقارۋ تاراۋلارى مەن قاتىناس ساقشى تاراۋلارى بىرلەسۋدى، قاتىناس ساقشى تاراۋلارى مەن قامسىزداندىرۋ سەرىكتەستىكتەرى بىرلەسىپ قيمىلداۋدى، قاتىناس ساقشى تاراۋلارى مەن پوچتا تاراۋلارى سەلبەسۋدى، قاتىناس ساقشى تاراۋلارى مەن اقپارات قۇرالدارى ءوزارا بايلانىس جاساۋدى، قاتىناس ساقشى تاراۋلارى مەن كاسىپورىن سايكەسۋدى بەكەمدەپ، تەرەڭدەتىپ، تۇتاس رايوننىڭ قاتىناس حاۋىپسىزدىگى جاعدايىنىڭ ۇزدىكسىز ورنىقتى بولۋىنا شىنايى كەپىلدىك ەتىپ، قالىڭ حالىق بۇقاراسىنىڭ حاۋىپسىز ءجۇرىس - تۇرىسى ءۇشىن تىنىش، ىركىلىسسىز، جاراسىمدى جول قاتىناس ورتاسىن جاراتتى.

  قازىرگى كەزدەگى ناشار اۋا رايى سياقتى ءتۇرلى فاكتورلاردىڭ ىقپالىندا، رايونىمىزدىڭ جول قاتىناس حاۋىپسىزدىگىندە ءدوپ كەلگەن حاۋىپ - قاتەر مەن سىن - سايىستار ءبىرشاما كوپ، حاۋىپسىزدىككە كەپىلدىك ەتۋ، جولدىڭ ىركىلىسسىزدىگىنە كەپىلدىك ەتۋ مىندەتى اۋىر دا كۇردەلى بولىپ، وسىزاماندانعان جونگە سالۋ قابىلەتىن جانە دەڭگەيىن ونان ارى جوعارىلاتۋدى قاجەت ەتەدى.

  اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتىنىڭ قاتىستى جاۋاپتىسى مىنالاردى ءبىلدىردى: تاراۋلار سەلبەستىگىن كۇشەيتىپ، قاتىناس وركەنيەتى بويىنشا قوعامدىق جونگە سالۋدىڭ بىرىككەن كۇشىن قالىپتاستىرامىز، سونداي - اق تۇتاس تۇلعالىق جوبالاۋدى كورنەكتىلەندىرىپ، بۇقارالىق سيپاتتى نەگىزگى تاقىرىپتىق قيمىلداردىڭ مازمۇنىن مولايتىپ، اقپارات مەديالارىنىڭ ۇگىتتەۋىمەن توعىستىرىپ، وسىزاماندانعان قاتىناس وركەنيەتىن تاراتۋ ارناسىن قالىپتاستىرامىز، سونىمەن بىرگە قوعامدىق ات سالىسۋدى ىسكە قوسىپ، قاتىناس وركەنيەتىنىڭ جالپىلىق ناقتى كۇشىن جوعارىلاتۋدى ىلگەرىلەتەمىز.

  10 - رەتكى ”مەملەكەتتىك قاتىناس حاۋىپسىزدىگى كۇنى“ كەلۋ قارساڭىندا، شينجياڭ گازەتى مەكەمەسى (شينجياڭ گازەتشىلىك تاراتۋ مەديا <توبى> شەكتى سەرىكتەستىگى) انار بۇلت كليەنتىن باستاماشى ەتىپ، گازەت، جۋرنال، ينتەرنەت، كليەنت، ۋيچات سىندى جالپىلىق اقپارات مەديالارىنىڭ تاراتۋ شەبىنىڭ ىقپال كۇشىن جالپىلىق ساۋلەلەندىرىپ، جازۋ - سۋرەت، قۇلاقتاندىرۋ، تىكە تاراتۋ، جاڭالىق سيپاتتى قىسقا بەينەجازبا، MG انيماتسياسى، H5 سياقتى ءتۇرلى فورمالار ارقىلى حابارلاۋ تەبىنىن كۇشەيتىپ، جالپى حالىقتىق قاتىناس حاۋىپسىزدىگى تانىمىن، زاڭمەن باسقارۋ تانىمىن، قاعيدا تانىمىن جانە وركەنيەت تانىمىن اناعۇرلىم كۇشەيتەدى.

  باستالۋ سالتى شينجياڭ گازەتى مەكەمەسىنىڭ (شينجياڭ گازەتشىلىك تاراتۋ مەديا <توبى> شەكتى سەرىكتەستىگى) جالپىلىق اقپارات مەديالارى قولباسشىلىق ەتۋ زالىندا وتكىزىلدى. سول ارادا تاعى شينجياڭ ”ادال قوعام حاۋىپسىزدىگى . ىزگى دە تاڭداۋلى قاتىناس ساقشىسى“ سۋرەت، بەينە جازبا تۋىندىلارىن جيناۋ قيمىلىندا سيلانعانداردىڭ ەسىمدىگى جاريالاندى، ءبىر ءبولىم سيلانعان مەكەمە - ورىنداردىڭ ۋاكىلدەرى بەينە ەكراندا اۋىس - كۇيىس جاساپ، ءسوز سويلەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.