تيانشان تورى   ›   جاڭالىقتار   ›   ماڭىزدى حابارلار

باس شۋجي شي جينپيڭنىڭ «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى جونىندەگى تۇسىنىگىن» جاريالايدى

  «ىزدەنۋ» جۋرنالى

  باس شۋجي شي جينپيڭنىڭ «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى جونىندەگى تۇسىنىگىن» جاريالايدى

  شينحۋا اگەنتتىگىنىڭ 11 - ايدىڭ 30 - كۇنى بەيجيڭنەن بەرگەن حابارى. 12 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 23 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «<جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى> جونىندەگى تۇسىنىگىن» جاريالايدى.

  شي جينپيڭ بىلاي دەپ اتاپ كورسەتتى: پارتيامىز ەجەلدەن تاريحي تاجىريبەلەردى قورىتىندىلاۋعا باسا ءمان بەرىپ كەلەدى. پارتيا ورتالىق كوميتەتى بىلاي دەپ قارادى: پارتيا قۇرىلعاندىعىنىڭ 100 جىلدىعى سىندى ماڭىزدى تاريحي ساتتە، پارتيا مەن حالىق ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستاپ وتىرعان كەلەلى تاريحي كەزەڭدە، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ بۇكىل پارتيانىڭ ونان ارى يدەيانى بىرلىككە كەلتىرۋدى، ەرىك - جىگەردى بىرلىككە كەلتىرۋدى، ارەكەتتى بىرلىككە كەلتىرۋدى ىلگەرىلەتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋ جونىنەن كەلەلى رەال ماڭىز جانە تەرەڭ تاريحي ماڭىز الادى.

  شي جينپيڭ بىلاي دەپ اتاپ كورسەتتى: پارتيا ورتالىق كوميتەتى بىلاي دەپ قارادى، پارتيانىڭ 100 جىلدىق كۇرەس بارىسىنىڭ ايبىنى اسقاق، ۋاقىت ارالىعى ۇزاق، شارپيتىن كولەمى كەڭ، زەرتتەۋگە ءتيىستى ماسەلەلەر كوپ. جالپى العاندا، تاريحتى قورىتىندىلاۋ، زاڭدىلىقتى يگەرۋ، سەنىمدى بەكەمدەۋ، بولاشاقتى بەتكە الۋ تالابى بويىنشا، پارتيا باسىپ وتكەن شۇعىلالى بارىستى ويداعىداي قورىتىندىلاۋ، پارتيانىڭ حالىقتى ىنتىماقتاستىرىپ جانە باستاپ قول جەتكىزگەن شۇعىلالى تابىستارىن ويداعىداي قورىتىندىلاۋ، پارتيانىڭ توڭكەرىستى، قۇرىلىستى، رەفورمانى ىلگەرىلەتۋدەگى باعالى تاجىريبەلەرىن ويداعىداي قورىتىندىلاۋ، پارتيا 18 - قۇرىلتايىنان بەرگى پارتيا مەن مەملەكەت ىستەرىنىڭ ەكپىندەي العا تارتۋ نازارياسى مەن امالياتىن ويداعىداي قورىتىندىلاۋ كەرەك.

  شي جينپيڭ بىلاي دەپ اتاپ كورسەتتى: پارتيا ورتالىق كوميتەتى بىلاي دەپ قارادى، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاعاندا، ديالەكتيكالىق ماتەرياليزم مەن تاريحي ماتەرياليزمنىڭ ادىستەمەسىنە تاباندى بولىپ، دۇرىس پارتيا تاريحى كوزقاراسىنا تاباندى بولىپ، ۇلكەن تاريح كوزقاراسىن ورناتىپ، تاريحتى تەرىستەۋشىلدىككە تۋى ايقىن تۇردە قارسى تۇرۋ كەرەك.

  شي جينپيڭ بىلاي دەپ اتاپ كورسەتتى: وسى رەتكى جالپى ءماجىلىستىڭ قارارىن دايىنداۋدا، پارتيا ورتالىق كوميتەتى مىنا تۇيىندەردى ايرىقشا ويداعىداي يگەرۋ جونىندە ايقىن تالاپ قويدى. ءبىرىنشى، نازاردى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋعا شوعىرلاندىرۋ، سول ارقىلى بۇكىل پارتيانىڭ اقىل - پاراساتىن ارتتىرۋ، ىنتىماعىن نىعايتۋ، سەنىمىن بەكەمدەۋ، كۇرەس جىگەرىن كۇشەيتۋ. ەكىنشى، جۇڭگوشا سوتسياليزمنىڭ جاڭا ءداۋىرى سىندى وسى ءتۇيىندى كورنەكتىلەندىرىپ، بۇكىل پارتيانى سەنىمدى ونان ارى بەكەمدەۋگە جەتەكتەپ، نازاردى ىستەپ وتىرعان ىستەرىمىزگە شوعىرلاندىرىپ، اناعۇرلىم اسقاق بەينەمەن جاڭا جورىققا قادام تاستاپ، جاڭا داۋىرگە ۇلەس قوسۋ. ءۇشىنشى، كەلەلى ىستەردى، ماڭىزدى ماجىلىستەردى، ماڭىزدى ادامداردى باعالاۋدى پارتيا ورتالىق كوميتەتىنىڭ قورىتىندىلارىمەن ءوزارا ۇشتاستىرۋعا ءمان بەرىپ، پارتيا ورتالىق كوميتەتىنىڭ پارتيانىڭ 100 جىلدىق كۇرەسى جونىندەگى جاڭا تانىمىن ايگىلەۋ. شي جينپيڭ قارار نۇسقاسىن دايىنداۋ بارىسىنا، نەگىزگى جۇلگەسى جانە باستى مازمۇنىنا دا تۇسىنىك جاسادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.